This document is an excerpt from the EUR-Lex website
Document 32014D0925
2014/925/EU: Commission Implementing Decision of 16 December 2014 approving certain amended programmes for the eradication, control and monitoring of animal diseases and zoonoses for the year 2014 and amending Implementing Decision 2013/722/EU as regards the Union financial contribution for certain programmes approved by that Decision (notified under document C(2014) 9650)
2014/925/UE: Deċiżjoni ta' Implimentazzjoni tal-Kummissjoni tas- 16 ta' Diċembru 2014 li tapprova ċerti programmi emendati għall-qerda, il-kontroll u l-monitoraġġ tal-mard tal-annimali u ż-żoonożi għas-sena 2014 u li temenda d-Deċiżjoni ta' Implimentazzjoni 2013/722/UE fir-rigward tal-kontribuzzjoni finanzjarja tal-Unjoni għal ċerti programmi approvati minn dik id-Deċiżjoni (notifikata bid-dokument C(2014) 9650)
2014/925/UE: Deċiżjoni ta' Implimentazzjoni tal-Kummissjoni tas- 16 ta' Diċembru 2014 li tapprova ċerti programmi emendati għall-qerda, il-kontroll u l-monitoraġġ tal-mard tal-annimali u ż-żoonożi għas-sena 2014 u li temenda d-Deċiżjoni ta' Implimentazzjoni 2013/722/UE fir-rigward tal-kontribuzzjoni finanzjarja tal-Unjoni għal ċerti programmi approvati minn dik id-Deċiżjoni (notifikata bid-dokument C(2014) 9650)
ĠU L 363, 18.12.2014, p. 173–180
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
18.12.2014 |
MT |
Il-Ġurnal Uffiċjali tal-Unjoni Ewropea |
L 363/173 |
DEĊIŻJONI TA' IMPLIMENTAZZJONI TAL-KUMMISSJONI
tas-16 ta' Diċembru 2014
li tapprova ċerti programmi emendati għall-qerda, il-kontroll u l-monitoraġġ tal-mard tal-annimali u ż-żoonożi għas-sena 2014 u li temenda d-Deċiżjoni ta' Implimentazzjoni 2013/722/UE fir-rigward tal-kontribuzzjoni finanzjarja tal-Unjoni għal ċerti programmi approvati minn dik id-Deċiżjoni
(notifikata bid-dokument C(2014) 9650)
(2014/925/UE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Deċiżjoni tal-Kunsill 2009/470/KE tal-25 ta' Mejju 2009 dwar in-nefqa fil-kamp veterinarju (1), u b'mod partikolari l-Artikolu 27(5) u (6) tagħha.
Wara li kkunsidrat ir-Regolament (UE) Nru 652/2014 tal-Parlament Ewropew u tal-Kunsill tal-15 ta' Mejju 2014 li jistabbilixxi dispożizzjonijiet dwar il-ġestjoni ta' nefqa marbuta mal-katina alimentari, mas-saħħa tal-annimali u mat-trattament xieraq tal-annimali u marbuta mas-saħħa tal-pjanti u mal-materjal riproduttiv tal-pjanti, li jemenda d-Direttivi tal-Kunsill 98/56/KE, 2000/29/KE u 2008/90/KE, ir-Regolamenti (KE) Nru 178/2002, (KE) Nru 882/2004 u (KE) Nru 396/2005 tal-Parlament Ewropew u tal-Kunsill, id-Direttiva 2009/128/KE tal-Parlament Ewropew u tal-Kunsill u r-Regolament (KE) Nru 1107/2009 tal-Parlament Ewropew u tal-Kunsill u li jħassar id-Deċiżjonijiet tal-Kunsill 66/399/KEE, 76/894/KEE u 2009/470/KE (2), u b'mod partikolari l-Artikolu 45(1) tiegħu,
Billi:
(1) |
L-Artikolu 45(1), it-tieni sentenza tar-Regolament (UE) Nru 652/2014, jistipula li għall-programmi implimentati fl-2014, id-dispożizzjonijiet relevanti tal-Artikolu 27 tad-Deċiżjoni 2009/470/KE jibqgħu fis-seħħ. Id-Deċiżjoni 2009/470/KE tistabbilixxi l-proċeduri li jirregolaw il-kontribuzzjoni finanzjarja tal-Unjoni għall-programmi għall-eradikazzjoni, il-kontroll u l-monitoraġġ tal-mard tal-annimali u ż-żoonożi. |
(2) |
Id-Deċiżjoni tal-Kummissjoni 2008/341/KE (3) tipprovdi li sabiex ikunu approvati skont il-miżura finanzjarja tal-Komunità prevista fl-Artikolu 27(1) tad-Deċiżjoni 2009/470/KE, il-programmi li jressqu l-Istati Membri lill-Kummissjoni għall-eradikazzjoni, il-kontroll u l-monitoraġġ tal-mard tal-annimali u ż-żoonożi elenkati fl-Anness I ta' dik id-Deċiżjoni jeħtieġ għallinqas li jissodisfaw il-kriterji mniżżla fl-Anness tad-Deċiżjoni 2008/341/KE. |
(3) |
Id-Deċiżjoni ta' Implimentazzjoni tal-Kummissjoni 2013/722/UE (4) tapprova ċerti programmi nazzjonali għas-sena 2014 u tistabbilixxi r-rata u l-ammont massimu tal-kontribuzzjoni finanzjarja tal-Unjoni għal kull programm li tressaq mill-Istati Membri. |
(4) |
Id-Deċiżjoni ta' Implimentazzjoni 2013/722/UE tiddefinixxi wkoll il-miżuri li huma eliġibbli għall-kontribuzzjoni finanzjarja tal-Unjoni. Madankollu, il-Kummissjoni infurmat lill-Istati Membri bil-kitba dwar il-limitazzjonijiet rigward l-eliġibilità ta' ċerti miżuri f'termini tal-implimentazzjoni xierqa azzjonijiet kollha li jitwettqu. Hekk ġara fil-każ tal-programm ta' qerda tat-tuberkulożi bovina approvat għall-Irlanda, fejn l-ispiża tat-test tal-ġilda tat-tuberkolina ma kinitx meqjusa eliġibbli minħabba r-riżultati mhux sodisfaċenti miksuba fis-snin preċedenti. |
(5) |
Wara l-progress li sar mill-awtoritajiet kompetenti tal-Irlanda fl-implimentazzjoni tal-programm ta' qerda tat-tuberkulożi bovina, kif rikonoxxut mill-esperti tat-task force tat-tuberkulożi, it-test tal-ġilda tat-tuberkolina huwa approvat għall-kontribuzzjoni finanzjarja tal-Unjoni, kif ukoll mis-sottomissjoni oriġinali. |
(6) |
Il-Portugall ressaq programm emendat għall-qerda u l-monitoraġġ tal-marda tal-ilsien blu. L-Ungerija ressqet programm emendat għall-qerda tar-rabja. Id-Danimarka irtirat it-talba għall-kontribuzjoni finanzjarja tal-Unjoni fl-2014 għal programm ta' sorveljanza għall-influwenza avjarja u l-programm għall-monitoraġġ u l-qerda ta' ċerta enċefalopatiji sponġiformi trasmissibbli. Il-Polonja ressqet programm emendat għall-qerda tar-rabja. |
(7) |
Il-Kummissjoni vvalutat dawk il-programmi emendati kemm mil-lat veterinarju kif ukoll minn dak finanzjarju. Sabet li dawn kienu konformi mal-leġiżlazzjoni veterinarja rilevanti tal-Unjoni u b'mod partikolari mal-kriterji stabbiliti fl-Anness tad-Deċiżjoni 2008/341/KE. Għalhekk, dawn għandhom jiġu approvati. |
(8) |
Barra minn hekk, il-Kummissjoni evalwat ir-rapporti intermedji tekniċi u finanzjarji li ressqu l-Istati Membri skont l-Artikolu 27(7) tad-Deċiżjoni 2009/470/KE dwar in-nefqa li ġarrbu biex ġew iffinanzjati dawn il-programmi. Ir-riżultati ta' din il-valutazzjoni juru li ċerti Stati Membri mhumiex se jużaw l-allokazzjoni sħiħa tagħhom għall-2014 filwaqt li oħrajn se jonfqu aktar mill-ammont allokat. |
(9) |
Għalhekk il-kontribuzzjoni finanzjarja tal-Unjoni għal ċerti programmi nazzjonali jeħtieġ li tiġi aġġustata. Sabiex isir l-aħjar użu tal-kreditu assenjat, jixraq li jiġu riallokati fondi mill-programmi nazzjonali li mhumiex se jużaw l-allokazzjoni sħiħa tagħhom, sabiex jingħataw lil dawk li mistennija jaqbżu l-allokazzjoni minħabba sitwazzjonijiet li ma kinux previsti fejn tidħol is-saħħa tal-annimali f'dawk l-Istati Membri. Ir-riallokazzjoni għandha tissejjes fuq l-aktar informazzjoni riċenti dwar in-nefqa reali li ġarrbu l-Istati Membri kkonċernati. |
(10) |
L-eżerċizzju tar-riallokazzjoni jeħtieġ numru importanti ta' emendi li jridu jsiru lil ċerti kontribuzzjonijiet finanzjarji tal-Unjoni previsti mid-Deċiżjoni ta' Implimentazzjoni 2013/722/UE. Għat-trasparenza jixraq li tiġi speċifikata l-firxa sħiħa ta' kontribuzzjonijiet finanzjarji tal-Unjoni għall-programmi tal-2014 approvati li għandhom x'jaqsmu ma' dawk l-emendi. |
(11) |
Skont l-opinjoni tal-laboratorju ta' referenza tal-UE għall-bruċellożi u t-tuberkulożi tal-15 ta' Lulju 2014, test tar-reazzjoni katina tal-polimerażi (PCR) għandu jiġi kkunsidrat bħala pass ieħor importanti tat-test batterjoloġiku. Għalhekk għandu jiġu miżjud mal-miżuri eliġibbli għall-programmi ta' qerda tal-bruċellożi bovina, tuberkulożi bovina u bruċellożi ovina u kaprina. |
(12) |
Il-leġiżlazzjoni veterinarja tal-Unjoni dwar il-marda tal-ilsien blu tapplika biss għall-annimali domestiċi. Għal raġunijiet ta' trasparenza, għandha tkun iċċarata li l-programmi nazzjonali għall-qerda u l-monitoraġġ tal-marda tal-ilsien blu tapplika biss għall-annimali domestiċi. |
(13) |
L-użu ta' spejjeż tal-unità fi programmi annwali u multiannwali għall-qerda, kontroll u monitoraġġ u sorveljanza tal-mard tal-annimali u ż-żoonożi hu awtorizzat mid-Deċiżjoni tal-Kummissjoni C(2014)1035 finali (5). L-ispejjeż tal-unità għall-ikkampjunar huma bbażati fuq il-paga ta' siegħa, il-ħin meħtieġ biex jeżegwixxi l-kampjuni u l-ispejjeż ġenerali ta' 7 %. |
(14) |
Minn informazzjoni pprovduta mill-Irlanda, jidher li għal xi ftit mill-ittestjar tat-tuberkulina mwettaq, l-ispejjeż għall-ikkampjunar ma sarux kompletament mill-Istat Membru. F'dan il-każ, il-kontribuzzjoni tal-Unjoni għandha tkun ibbażata fuq l-ispejjeż reali li saru li għalihom hija applikata r-rata deċiża tal-kofinanzjament. |
(15) |
Għandu jkun iċċarat ukoll li l-Istati Membri ma għandhomx għalfejn jiffinanzjaw minn qabel il-parti mill-programmi tagħhom implimentata f'pajjiżi terzi. |
(16) |
Għaldaqstant id-Deċiżjoni ta' Implimentazzjoni 2013/722/UE għandha tiġi emendata skont dan. |
(17) |
Il-miżuri stipulati f'din id-Deċiżjoni huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DIN ID-DEĊIŻJONI:
Artikolu 1
Approvazzjoni tal-programm annwali emendat għall-qerda u l-monitoraġġ tal-marda tal-ilsien blu ppreżentat mill-Portugall
Il-programm annwali emendat għall-qerda u l-monitoraġġ u tal-marda tal-ilsien blu ppreżentat mill-Portugall fit-12 ta' Settembru 2014 huwa b'dan approvat għall-perjodu mill-1 ta' Jannar 2014 sal-31 ta' Diċembru 2014.
Artikolu 2
Approvazzjoni tal-programm annwali emendat għall-qerda tal-marda tar-rabja ppreżentat mill-Ungerija
Il-programm annwali emendat għall-qerda tar-rabja ppreżentat mill-Ungerija fit-23 ta' April 2014 huwa hawnhekk approvat għall-perjodu mill-1 ta' Jannar 2014 sal-31 ta' Diċembru 2014.
Artikolu 3
Approvazzjoni tal-programm annwali emendat għall-qerda u l-monitoraġġ tad-deni klassiku tal-ħnieżer ippreżentat mil-Latvja
Il-programm annwali emendat għall-kontroll u l-monitoraġġ u tad-deni klassiku ppreżentat mil-Latvja fil-5 ta' Novembru 2014 huwa b'dan approvat għall-perjodu mill-1 ta' Jannar 2014 sal-31 ta' Diċembru 2014.
Artikolu 4
Approvazzjoni tal-programm annwali emendat għall-qerda tal-marda tar-rabja ppreżentat mill-Polonja
Il-programm annwali emendat għall-qerda tar-rabja ppreżentat mill-Polonja fis-7 ta' Novembru 2014 huwa hawnhekk approvat għall-perjodu mill-1 ta' Jannar 2014 sal-31 ta' Diċembru 2014.
Artikolu 5
Emendi għad-Deċiżjoni ta' Implimentazzjoni 2013/722/UE
Id-Deċiżjoni ta' Implimentazzjoni 2013/722/UE hija emendata kif ġej:
(1) |
Fl-Artikolu 2(2), il-punt (b)(iii) jinbidel b'dan li ġej:
|
(2) |
Fl-Artikolu 2(2), il-punt (c) jinbidel b'dan li ġej:
|
(3) |
Il-frażi introduttorja fl-Artikolu 3(2) tinbidel b'dan li ġej: “2. Il-kontribuzzjoni finanzjarja tal-Unjoni lill-Istati Membri msemmija fil-paragrafu 1:” |
(4) |
Fl-Artikolu 3(2), il-punt (b)(i) jinbidel b'dan li ġej:
|
(5) |
fl-Artikolu 3(2), il-punt (c) jinbidel b'dan li ġej:
|
(6) |
L-Artikolu 3(3) jinbidel b'dan li ġej: “3. B'deroga mill-Artikolu 3(2), meta l-ispejjeż tal-ittestjar tat-tuberkulina ma jsirux direttament mill-Istat Membru, il-kontribuzzjoni finanzjarja tal-Unjoni għandha tkun limitata għal 50 % tal-ispejjeż reali li jsiru mill-Istat Membru għax-xiri tat-tuberkulina.” |
(7) |
fl-Artikolu 4(2), il-punt (b)(i) jinbidel b'dan li ġej:
|
(8) |
fl-Artikolu 4(2), il-punt (c) jinbidel b'dan li ġej:
|
(9) |
fl-Artikolu 5, l-ewwel paragrafu jinbidel b'dan li ġej: “1. Il-programmi għall-eradikazzjoni u l-monitoraġġ tal-marda tal-ilsien blu f'annimali domestiċi ppreżentati mill-Belġju, il-Bulgarija, il-Ġermanja, l-Estonja, il-Greċja, Spanja, Franza, l-Italja, il-Latvja, il-Litwanja, Malta, l-Awstrija, il-Polonja, il-Portugall, ir-Rumanija, is-Slovenja, is-Slovakkja u l-Finlandja huma hawnhekk approvati għall-perjodu mill-1 ta' Jannar 2014 sal-31 ta' Diċembru 2014.” |
(10) |
fl-Artikolu 5(2), il-punt (c) jinbidel b'dan li ġej:
|
(11) |
fl-Artikolu 6(8), il-punt (c) jinbidel b'dan li ġej:
|
(12) |
fl-Artikolu 7(2), il-punt (c) qed jinbidel b'dan li ġej:
|
(13) |
L-Artikolu 7(3) huwa mħassar. |
(14) |
fl-Artikolu 8(2), il-punt (c) jinbidel b'dan li ġej:
|
(15) |
fl-Artikolu 9(4), il-punt (c) jinbidel b'dan li ġej:
|
(16) |
Fl-Artikolu 10(4), il-punt (e) għandu jinbidel b'dan li ġej:
|
(17) |
fl-Artikolu 11(6), il-punt (c) jinbidel b'dan li ġej:
|
(18) |
fl-Artikolu 11(7), il-punt (c) jinbidel b'dan li ġej:
|
(19) |
L-Artikolu 13(2) jinbidel b'dan li ġej: “2. L-ispejjeż biss imġarrba fit-twettiq tal-programmi annwali jew multiannwali msemmija fl-Artikoli 2 sa 12 u mħallsa qabel il-preżentazzjoni tar-rapport finali mill-Istat Membri għandhom ikunu eliġibbli għal kofinanzjament permezz ta' kontribuzzjoni finanzjarja mill-Unjoni bl-eċċezzjoni tal-ispejjeż imsemmija fl-Artikolu 11(7).” |
(20) |
fl-Anness I, it-tabella li tidher fil-punt (3) hija mibdula b'dan li ġej:
|
Artikolu 6
Destinatarji
Din id-Deċiżjoni hija indirizzata lill-Istati Membri.
Magħmul fi Brussell, is-16 ta' Diċembru 2014.
Għall-Kummissjoni
Vytenis ANDRIUKAITIS
Membru tal-Kummissjoni
(1) ĠU L 155, 18.6.2009, p. 30.
(2) ĠU L 189, 27.6.2014, p. 1.
(3) Id-Deċiżjoni tal-Kummissjoni 2008/341/KE tal-25 ta' April 2008 li tistabbilixxi l-kriterji Komunitarji għal programmi nazzjonali għall-qerda, il-kontroll u l-monitoraġġ ta' ċertu mard tal-annimali u żoonożi (ĠU L 115, 29.4.2008, p. 44).
(4) Id-Deċiżjoni ta' Implimentazzjoni tal-Kummissjoni 2013/722/UE tat-29 ta' Novembru 2013 li tapprova programmi annwali u multiannwali u l-kontribut finanzjarju tal-Unjoni għall-eradikazzjoni, il-kontroll u l-monitoraġġ ta' ċertu mard tal-annimali u żoonożi ppreżentati mill-Istati Membri għall-2014 u s-snin ta' wara (ĠU L 328, 7.12.2013, p. 101).
(5) Id-Deċiżjoni tal-Kummissjoni C(2014)1035 tal-24 ta' Frar 2014 li tawtorizza l-użu ta' spejjeż tal-unità fi programmi annwali u multiannwali għall-qerda, kontroll u monitoraġġ u sorveljanza tal-mard tal-annimali u ż-żoonożi.