This document is an excerpt from the EUR-Lex website
Document 32021R2158
Commission Implementing Regulation (EU) 2021/2158 of 6 December 2021 amending Annex I to Implementing Regulation (EU) 2021/934 laying down special control measures for classical swine fever (Text with EEA relevance)
Regolament ta’ Implimentazzjoni tal-Kummissjoni (UE) 2021/2158 tas-6 ta’ Diċembru 2021 li jemenda l-Anness I tar-Regolament ta’ Implimentazzjoni (UE) 2021/934 li jistabbilixxi miżuri ta’ kontroll speċjali għad-deni klassiku tal-ħnieżer (Test b’rilevanza għaż-ŻEE)
Regolament ta’ Implimentazzjoni tal-Kummissjoni (UE) 2021/2158 tas-6 ta’ Diċembru 2021 li jemenda l-Anness I tar-Regolament ta’ Implimentazzjoni (UE) 2021/934 li jistabbilixxi miżuri ta’ kontroll speċjali għad-deni klassiku tal-ħnieżer (Test b’rilevanza għaż-ŻEE)
C/2021/8713
ĠU L 436, 7.12.2021, p. 35–37
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
|
7.12.2021 |
MT |
Il-Ġurnal Uffiċjali tal-Unjoni Ewropea |
L 436/35 |
REGOLAMENT TA’ IMPLIMENTAZZJONI TAL-KUMMISSJONI (UE) 2021/2158
tas-6 ta’ Diċembru 2021
li jemenda l-Anness I tar-Regolament ta’ Implimentazzjoni (UE) 2021/934 li jistabbilixxi miżuri ta’ kontroll speċjali għad-deni klassiku tal-ħnieżer
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2016/429 tal-Parlament Ewropew u tal-Kunsill tad-9 ta’ Marzu 2016 dwar il-mard trażmissibbli tal-annimali u li jemenda u jħassar ċerti atti fil-qasam tas-saħħa tal-annimali (“Liġi dwar is-Saħħa tal-Annimali”) (1), u b’mod partikolari l-Artikolu 71(3) tiegħu,
Billi:
|
(1) |
Id-deni klassiku tal-ħnieżer huwa marda virali infettiva li taffettwa lill-annimali porċini miżmuma u selvaġġi u jista’ jkollu impatt serju fuq il-popolazzjoni tal-annimali kkonċernata u fuq il-profittabbiltà tal-biedja, billi tikkawża tfixkil fil-movimenti ta’ konsenji ta’ dawk l-annimali u tal-prodotti tagħhom fl-Unjoni u fl-esportazzjonijiet lejn pajjiżi terzi. |
|
(2) |
Ir-Regolament ta’ Implimentazzjoni tal-Kummissjoni (UE) 2021/934 (2) ġie adottat fil-qafas tar-Regolament (UE) 2016/429, u jistabbilixxi miżuri speċjali ta’ kontroll tal-mard fir-rigward tad-deni klassiku tal-ħnieżer li jridu jiġu applikati għal perjodu limitat ta’ żmien mill-Istati Membri elenkati fl-Anness I tiegħu, fiż-żoni ristretti elenkati f’dak l-Anness. |
|
(3) |
Filwaqt li titqies l-effettività tal-miżuri ta’ sorveljanza u kontroll imwettqa fil-Bulgarija f’konformità mar-Regolament Delegat tal-Kummissjoni (UE) 2020/687 (3) u mar-Regolament ta’ Implimentazzjoni (UE) 2021/934, kif ippreżentati mill-Bulgarija lill-Kumitat Permanenti dwar il-Pjanti, l-Annimali, l-Ikel u l-Għalf, u fid-dawl tas-sitwazzjoni epidemjoloġika favorevoli tad-deni klassiku tal-ħnieżer f’dak l-Istat Membru, it-territorju kollu tal-Bulgarija li bħalissa huwa elenkat bħala żona ristretta fl-Anness I tar-Regolament ta’ Implimentazzjoni (UE) 2021/934 issa jenħtieġ li jitħassar minn dak l-Anness. |
|
(4) |
Għalhekk, jenħtieġ li r-Regolament ta’ Implimentazzjoni (UE) 2021/934 jiġi emendat skont dan. |
|
(5) |
Fid-dawl tat-titjib fis-sitwazzjoni epidemjoloġika tad-deni klassiku tal-ħnieżer fil-Bulgarija u sabiex jiġi żgurat li ma jkun hemm l-ebda restrizzjoni mhux dovuta fir-rigward ta’ dik il-marda, jenħtieġ li l-emendi li jridu jsiru fir-Regolament ta’ Implimentazzjoni (UE) 2021/934 permezz ta’ dan ir-Regolament jidħlu fis-seħħ mill-aktar fis possibbli. |
|
(6) |
Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
L-Anness I tar-Regolament ta’ Implimentazzjoni (UE) 2021/934 huwa sostitwit bit-test stabbilit fl-Anness ta’ dan ir-Regolament.
Artikolu 2
Dan ir-Regolament għandu jidħol fis-seħħ l-għada tal-jum tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-6 ta’ Diċembru 2021.
Għall-Kummissjoni
Il-President
Ursula VON DER LEYEN
(2) Ir-Regolament ta’ Implimentazzjoni tal-Kummissjoni (UE) 2021/934 tad-9 ta’ Ġunju 2021 li jistabbilixxi miżuri ta’ kontroll speċjali għad-deni klassiku tal-ħnieżer (ĠU L 204, 10.6.2021, p. 18).
(3) Ir-Regolament Delegat tal-Kummissjoni (UE) 2020/687 tas-17 ta’ Diċembru 2019 li jissupplimenta r-Regolament (UE) 2016/429 tal-Parlament Ewropew u tal-Kunsill fir-rigward tar-regoli għall-prevenzjoni u l-kontroll ta’ ċertu mard elenkat (ĠU L 174, 3.6.2020, p. 64).
ANNESS
“ANNESS I
ŻONI RISTRETTI
Ir-Rumanija
It-territorju sħiħ tar-Rumanija.