(a)

Is-sistema ta’ eċċezzjoni li jibbenefika minnha t-terz tiddependi minn jekk il-produttur ta’ prodotti mediċinali ġeneriċi li lilu jkun għamel il-provvista effettivament jużax is-sustanza mqiegħda għad-dispożizzjoni tiegħu sabiex iwettaq studji jew provi koperti mill-eċċezzjoni prevista mill-Artikolu 10(6) tad-Direttiva 2001/83/KE? L-esklużjoni tal-protezzjoni mogħtija mill-privattiva tapplika wkoll f’każ bħal dan fl-ipoteżi li t-terz ma kellux għarfien tal-użu kopert mill-eċċezzjoni, previst mill-kljient tiegħu, u fl-ipoteżi li huwa ma żgurax ruħu li dan kien ser ikun tassew il-każ?

Jew huwa l-każ li s-sistema ta’ eċċezzjoni li jibbenefika minnha t-terzi hija unikament marbuta mal-fatt li, fil-mument tat-tqegħid għad-dispożizzjoni tas-sustanza min-naħa tiegħu, iċ-ċirkustanzi kollha (bħan-natura tal-impriża li lilha saret il-provvista, il-kwantitajiet żgħar ta’ sustanza mqiegħda għad-dipożizzjoni, l-approssimazzjoni tal-iskadenza imminenti tal-perijodu ta’ protezzjoni tal-privattiva għas-sustanza inkwistjoni, l-esperjenza miksuba li tikkonċerna l-affidabbiltà tal-klijent) kienu jawtorizzaw leġittimament li jiġi kkunsidrat li l-produttur ta’ prodotti mediċinali ġeneriċi li huwa d-destinatarju tal-kunsinna kien ser juża s-sustanza mqiegħda għad-dispożizzjoni tiegħu esklużivament għal provi jew studji koperti mill-eċċezzjoni fid-dawl ta’ awtorizzazzjoni ta’ tqegħid fis-suq?

b)

It-terz għandu jieħu prekawzjonijiet, meta huwa jipproċedi għat-tqegħid għad-dispożizzjoni tas-sustanza, sabiex jiżgura ruħu li din effettivament ser tintuża biss mill-klijent tiegħu għal provi jew studji koperti mill-eċċezzjoni, u l-passi li huwa għandu għalhekk jieħu jvarjaw skont jekk is-sustanza protetta minn privattiva tkunx sempliċement proposta, jew ikkunsinnata?