Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 62022TN0500

Cás T-500/22: Caingean arna tabhairt an 16 Lúnasa 2022 — Vleuten Insects agus New Generation Nutrition v an Coimisiún

OJ C 424, 7.11.2022, p. 37–38 (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

7.11.2022   

GA

Iris Oifigiúil an Aontais Eorpaigh

C 424/37

Caingean arna tabhairt an 16 Lúnasa 2022 — Vleuten Insects agus New Generation Nutrition v an Coimisiún

(Cás T-500/22)

(2022/C 424/48)

Teanga an cháis: an Béarla

Páirtithe

Iarratasóirí: Vleuten Insects vof (Hoogeloon, an Ísiltír), New Generation Nutrition BV (Helvoirt, an Ísiltír) (ionadaí: N. Carbonnelle, Dlíodóir)

Cosantóir: An Coimisiún Eorpach

An t-ordú atá á lorg

Iarrann an t-iarratasóir ar an gCúirt Ghinearálta:

—

Cinneadh Cur Chun Feidhme ón gCoimisiún an 2 Meitheamh 2022 lena bhfoirceanntar an nós imeachta lena n-údaraítear larbha Alphitobius diaperinus mar bhia núíosach a chur ar an margadh gan liosta an Aontais de bhianna núíosacha a nuashonrú a chur ar neamhní; (1)

—

a ordú don Choimisiún na costais a íoc.

Saincheisteanna dlí arna maíomh

Mar thaca leis an gcaingean, maíonn na hiarratasóirí trí shaincheist dlí.

1.

An chéad saincheist dlí lena n-éilítear gur sáraíodh Airteagal 6(3) de Rialachán Cur Chun Feidhme 2017/2469 ón gCoimisiún, (2) sa mhéid gur glacadh an cinneadh gan na ceanglais nós imeachta agus na ráthaíochtaí a leagtar amach faoin bhforáil sin a bheith comhlíonta, rud a fhágann go bhfuil an cinneadh neamhdhleathach.

2.

An dara saincheist dlí lena n-éilítear gur sáraíodh prionsabal an dea-riaracháin agus Airteagal 41 den Chairt Eorpach um Chearta Bunúsacha, agus go háirithe:

—

sárú ar dhualgas dílseachta nós imeachta agus ar phrionsabail na deimhneachta dlíthiúla agus na n-ionchas dlisteanach (an chéad chuid den dara saincheist dlí);

—

sárú ar cheanglais nós imeachta is infheidhme agus ar an dualgas ráiteas ar chúiseanna atá bailí agus inghlactha ó thaobh an dlí a sholáthar (an dara cuid den dara saincheist dlí); agus

—

sárú ar phrionsabal na comhréireachta (an tríú cuid den dara saincheist dlí).

3.

An tríú saincheist dlí, saincheist dlí táinisteach á rá gurb amhlaidh, mura seasfar leis an gcéad saincheist dlí ná leis an dara saincheist dlí, go ndéanann na hiarratasóirí pléadáil neamhdhleathachta a agairt bunaithe ar Airteagal 277 CFAE i gcoinne Airteagal 10(6) de Rialachán 2015/2283 (3) agus Airteagal 6 de Rialachán Cur Chun Feidhme 2017/2469 ón gCoimisiún, lena líomhnaítear go bhfuil na forálacha sin ar neamhní toisc go bhfuil siad ag sárú prionsabal na deimhneachta dlíthiúla agus prionsabal na córa comhionainne.

(1)  Cód tagartha an doiciméid: C(2022)3478.

(2)  Rialachán Cur Chun Feidhme (AE) 2017/2469 ón gCoimisiún an 20 Nollaig 2017 lena leagtar síos ceanglais riaracháin agus eolaíocha le haghaidh na n-iarratas dá dtagraítear in Airteagal 10 de Rialachán (AE) 2015/2283 ó Pharlaimint na hEorpa agus ón gComhairle maidir le bianna núíosacha (IO 2017 L 351, lch. 64).

(3)  Rialachán (AE) 2015/2283 ó Pharlaimint na hEorpa agus ón gComhairle an 25 Samhain 2015 maidir le bianna núíosacha, lena leasaítear Rialachán (AE) Uimh. 1169/2011 ó Pharlaimint na hEorpa agus ón gComhairle agus lena n-aisghairtear Rialachán (CE) Uimh. 258/97 ó Pharlaimint na hEorpa agus ón gComhairle agus Rialachán (CE) Uimh. 1852/2001 ón gCoimisiún (IO 2015 L 327, lch. 1).

Top