This document is an excerpt from the EUR-Lex website
Document 62022TN0563
Case T-563/22: Action brought on 2 September 2022 — VP v Cedefop
Kawża T-563/22: Rikors ippreżentat fit-2 ta’ Settembru 2022 – VP vs Cedefop
Kawża T-563/22: Rikors ippreżentat fit-2 ta’ Settembru 2022 – VP vs Cedefop
ĠU C 424, 7.11.2022, p. 42–43
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
7.11.2022 |
MT |
Il-Ġurnal Uffiċjali tal-Unjoni Ewropea |
C 424/42 |
Rikors ippreżentat fit-2 ta’ Settembru 2022 – VP vs Cedefop
(Kawża T-563/22)
(2022/C 424/54)
Lingwa tal-kawża: l-Ingliż
Partijiet
Rikorrent: VP (rappreżentant: L. Levi, avukat)
Konvenut: Ic-Ċentru Ewropew għall-Iżvilupp tat-Taħriġ Vokazzjonali
Talbiet
Ir-rikorrent jitlob li l-Qorti Ġenerali jogħġobha:
— |
tannulla d-deċiżjoni tal-konvenut tas-17 ta’ Diċembru 2021 li ma timplimentax it-taqsimiet (1) u (2) tad-dispożittiv tas-sentenza tal-Qorti Ġenerali tal-Unjoni Ewropea tas-16 ta’ Diċembru 2020, fil-Kawża T-187/18, VP vs Cedefop; |
— |
tannulla d-deċiżjoni konnessa li ma jiġġeddedx il-kuntratt ta’ impjieg tar-rikorrent għal żmien indeterminat b’effett mis-16 ta’ Novembru 2017; |
— |
tannulla d-deċiżjoni tas-17 ta’ Ġunju 2022 tal-konvenut li tiċħad l-ilment tar-rikorrent tat-3 ta’ Marzu 2022 kontra d-deċiżjoni tas-17 ta’ Diċembru 2021; |
— |
tordna l-kumpens tad-dannu morali subit mir-rikorrent evalwat ex aequo et bono għal EUR 100 000: |
— |
tikkundanna lill-konvenut għall-ispejjeż. |
Motivi u argumenti prinċipali
Insostenn tar-rikors tiegħi, ir-rikorrent jinvoka erba’ motivi.
1. |
L-ewwel motiv ibbażat fuq id-deċiżjoni tal-konvenut li ma timplimentax it-taqsimiet ewlenin (1) u (2) tas-sentenza tas-16 ta’ Diċembru 2020 fil-Kawża T-187/18, VP vs Cedefop u, konsegwentement, li ma jiġġeddedx il-kuntratt ta’ impjieg tar-rikorrent huwa vvizzjat bi ksur tal-obbligu skont l-Artikolu 266 TFUE li jikkonforma mas-sentenza fil-Kawża T-187/18 tas-16 ta’ Diċembru 2020 u żball manifest ta’ evalwazzjoni. |
2. |
It-tieni motiv ibbażat fuq li l-konvenut naqas mid-dmir ta’ premura tiegħu. |
3. |
It-tielet motiv ibbażat fuq li l-konvenuta kisret il-prinċipji ta’ ugwaljanza fit-trattament u ta’ protezzjoni tal-aspettattivi leġittimi. |
4. |
Ir-raba’ motiv ibbażat fuq li l-konvenut għamel użu ħażin ta’ poter. |