EUR-Lex Access to European Union law
This document is an excerpt from the EUR-Lex website
Document 62010TN0447
Case T-447/10: Action brought on 21 September 2010 — Evropaïki Dynamiki v Court of justice
Kawża T-447/10: Rikors ippreżentat fil- 21 ta’ Settembru 2010 — Evropaïki Dynamiki vs Il-Qorti tal-Ġustizzja
Kawża T-447/10: Rikors ippreżentat fil- 21 ta’ Settembru 2010 — Evropaïki Dynamiki vs Il-Qorti tal-Ġustizzja
ĠU C 346, 18.12.2010, p. 44–45
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
18.12.2010 |
MT |
Il-Ġurnal Uffiċjali tal-Unjoni Ewropea |
C 346/44 |
Rikors ippreżentat fil-21 ta’ Settembru 2010 — Evropaïki Dynamiki vs Il-Qorti tal-Ġustizzja
(Kawża T-447/10)
()
2010/C 346/89
Lingwa tal-kawża: l-Ingliż
Partijiet
Rikorrenti: Evropaïki Dynamiki — Proigmena Systimata Tilepikoinonion Pliroforikis kai Tilematikis AE (Ateni, il-Greċja) (rappreżentanti: N. Korogiannakis u M. Dermitzakis, avukati)
Konvenuta: Il-Qorti tal-Ġustiżżja
Talbiet tar-rikorrenti
— |
tannulla d-deċiżjoni tal-konvenuta li tiċħad l-offerti tar-rikorrenti ppreżentati wara s-sejħa għall-offerti CJ 7/09 “Kuntratti pubbliċi dwar il-provvista ta’ servizzi tat-teknoloġija tal-informazzjoni” (1) u kull deċiżjoni oħra tal-konvenuta li għandha rabta ma’ din, inkluża dik li tagħti l-kuntratti inkwistjoni lill-kuntratturi magħżula; |
— |
tikkundanna lill-konvenuta tikkumpensa d-danni lir-rikorrenti għall-proċedura tas-sejħa għal offerti inkwistjoni għall-ammont ta’ EUR 5 000 000; |
— |
tikkundanna lil-konvenuta tikkumpensa d-danni lir-rikorrenti għat-telf ta’ opportunità u għad-dannu għar-reputazzjoni u l-kredibbiltà tagħha għall-ammont ta’ EUR 500 000; |
— |
tikkundanna lill-konvenuta għall-ispejjeż kif ukoll għall-ħlas ta’ spejjeż sostnuti oħrajn marbuta ma’ dan ir-rikors anki jekk jiġi miċħud. |
Motivi u argumenti prinċipali
F’din il-kawża r-rikorrenti titlob l-annullament tad-deċiżjoni tal-konvenuta, tat-12 ta’ Lulju 2010, li tiċħad l-offerti ppreżentat wara s-sejħa għal offerti CJ 7/09 għal servizzi fil-qasam tat-teknoloġija tal-informazzjoni u li tagħti l-kuntratti lill-kuntratturi magħżula. Barra minn hekk, ir-rikorrenti titlob kumpens għall-allegat dannu li jirrigwarda l-proċedura ta’ għoti ta’ kuntratt.
Ir-rikorrenti tressaq l-argumenti li ġejjin sabiex issostni r-rikors tagħha:
|
L-ewwel nett, ir-rkorrenti ssostni li l-awtorità kontraenti ma osservatx il-prinċipju ta’ nondiskriminazzjoni bejn l-offerenti peress li diversi offerenti magħżula ma kinux jirrispettaw il-kriterji ta’ esklużjoni; għaldaqstant hija kisret l-Artikoli 93 u 94 tar-Regolament Finanzjarju (2), l-Artikolu 133 tar-Regoli tal-Implementazzjoni, kif ukoll il-prinċipju ta’ amministrazzjoni tajba. |
|
Barra minn hekk, ir-rikorrenti ssostni li l-konvenuta kisret id-dispożizzjonijiet tal-Artikolu 100(2) tar-Regolament Finanzjarju fil-kuntest taż-żewġ offerti, jiġifieri l-obbligu ta’ motivazzjoni billi rrifjutat li tagħti ġustifikazzjoni jew spjegazzjoni suffiċjenti lir-rikorrenti. B’mod partikolari, l-karatteristiċi u l-vantaġġi relatati mal-offerta magħżula ma ġewx provduti b’mod xieraq. Ġew provduti biss sempliċi marka teknika fuq l-offerta tar-rikorrenti taħt kull wieħed mill-kriterji kif ukoll termini vagi, filwaqt li fir-rigward tal-offerenti magħżula ġie indikat biss li l-offerta ġiet ikkunsidrata bħala ta’ kwalità ogħla. |
|
It-tielet nett, ir-rikorrenti sostni li l-konvenuta ma żguratx trattament ugwali lill-offerenti kollha meta stednithom iżuru l-bini tagħha peress li dan l-eżerċizzju ma ppermettilhomx li jikkompetu b’mod ekwu kontra l-kuntrattur li finalment rebaħ dan il-kuntratt. |
|
Fl-aħħar nett, ir-rikorrenti tqis li billi użat kriterji minbarra dawk permessi mill-Artikolu 138 tar-Regolament Finanzjarju u billi pproċessat data li ma kinitx offerta mir-rikorrenti nnifisha għall-għoti, u billi ħawdet il-kriterji ta’ għażla u ta’ għoti u billi ma użatx il-kriterji marbuta mal-vantaġġ ekonomiku tal-offerta, il-konvenuta kisret l-Artikolu 97 tar-Regolament Finanzjarju u l-Artikolu 138 tar-Regoli ta’ Implementazzjoni. |
(1) ĠU 2009/S 217-312293
(2) Regolament tal-Kunsill (KE, EURATOM) Nru 1605/25, tal-25 ta’ Ġunju 2002, rigward ir-Regolament Finanazjarju applikabbli għall-baġit generali tal-Komunitajiet Ewropej (ĠU Edizzjoni Speċjali bil-Malti, Kapitolu 1, Vol. 4, p. 74)