EUR-Lex Access to European Union law
This document is an excerpt from the EUR-Lex website
Document 62009CA0242
Case C-242/09: Judgment of the Court (Third Chamber) of 21 October 2010 (reference for a preliminary ruling from the Gerechtshof te Amsterdam (Netherlands)) — Albron Catering BV v FNV Bondgenoten, John Roest (Social policy — Transfers of undertakings — Directive 2001/23/EC — Safeguarding of employees’ rights — Group of companies in which staff employed by an employer company and assigned on a permanent basis to an operating company — Transfer of an operating company)
Kawża C-242/09: Sentenza tal-Qorti tal-Ġustizzja (It-Tielet Awla) tal- 21 ta’ Ottubru 2010 (talba għal deċiżjoni preliminari tal-Gerechtshof te Amsterdam — il-Pajjiżi l-Baxxi) — Albron Catering BV vs FNV Bondgenoten, John Roest (Politika soċjali — Trasferiment ta’ impriżi — Direttiva 2001/23/KE — Salvagwardja tad-drittijiet tal-ħaddiema — Grupp ta’ kumpanniji li fih l impjegati huma impjegati minn kumpannija li timpjega u assenjati b’mod permanenti ma’ kumpannija operattiva — Trasferiment ta’ kumpannija operativa)
Kawża C-242/09: Sentenza tal-Qorti tal-Ġustizzja (It-Tielet Awla) tal- 21 ta’ Ottubru 2010 (talba għal deċiżjoni preliminari tal-Gerechtshof te Amsterdam — il-Pajjiżi l-Baxxi) — Albron Catering BV vs FNV Bondgenoten, John Roest (Politika soċjali — Trasferiment ta’ impriżi — Direttiva 2001/23/KE — Salvagwardja tad-drittijiet tal-ħaddiema — Grupp ta’ kumpanniji li fih l impjegati huma impjegati minn kumpannija li timpjega u assenjati b’mod permanenti ma’ kumpannija operattiva — Trasferiment ta’ kumpannija operativa)
ĠU C 346, 18.12.2010, p. 15–16
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
18.12.2010 |
MT |
Il-Ġurnal Uffiċjali tal-Unjoni Ewropea |
C 346/15 |
Sentenza tal-Qorti tal-Ġustizzja (It-Tielet Awla) tal-21 ta’ Ottubru 2010 (talba għal deċiżjoni preliminari tal-Gerechtshof te Amsterdam — il-Pajjiżi l-Baxxi) — Albron Catering BV vs FNV Bondgenoten, John Roest
(Kawża C-242/09) (1)
(Politika soċjali - Trasferiment ta’ impriżi - Direttiva 2001/23/KE - Salvagwardja tad-drittijiet tal-ħaddiema - Grupp ta’ kumpanniji li fih l impjegati huma impjegati minn kumpannija “li timpjega” u assenjati b’mod permanenti ma’ kumpannija “operattiva” - Trasferiment ta’ kumpannija operativa)
2010/C 346/25
Lingwa tal-kawża: l-Olandiż
Qorti tar-rinviju
Gerechtshof te Amsterdam
Partijiet fil-kawża prinċipali
Rikorrenti: Albron Catering BV
Konvenuti: FNV Bondgenoten, John Roest
Suġġett
Talba għal deċiżjoni preliminari — Gerechtshof te Amsterdam — Interpretazzjoni tal-Artikolu 3(1) tad-Direttiva tal-Kunsill 2001/23/KE, tat-12 ta’ Marzu 2001, dwar l-approssimazzjoni tal-liġijiet tal-Istati Membri relatati mas-salvagwardja tad-drittijiet tal-impjegati fil-każ ta’ trasferiment ta’ impriżi, negozji jew partijiet ta’ impriżi jew negozji (Edizzjoni Speċjali bil-Malti, Kapitolu 5 Vol. 4 p. 98) — Kumpannija li tiġbor il-persunal kollu ta’ grupp ta’ kumpanniji u li tqiegħdu għad-dispożizzjoni tal-kumpanniji operattivi ta’ dan tal-aħħar skont il-bżonnijiet tagħhom — Trasferiment tal-attività ta’ kumpannija operattiva barra mill-grupp — Klassifikazzjoni
Dispożittiv
Fil-każ ta’ trasferiment skont id-Direttiva tal-Kunsill 2001/23/KE, tat-12 ta’ Marzu 2001, dwar l-approssimazzjoni tal-liġijiet tal-Istati Membri relatati mas-salvagwardja tad-drittijiet tal-impjegati fil każ ta’ trasferiment ta’ impriżi, negozji jew partijiet ta’ impriżi jew negozji, ta’ impriża li tappartjeni għal grupp lil impriża li hija barra minn dan il-grupp, tista’ wkoll tiġi kkunsidrata bħala “min jagħmel it-trasferiment”, fis-sens tal-Artikolu 2(1)(a) tal-imsemmija direttiva, l-impriża tal-grupp li magħha l-ħaddiema kienu assenjati b’mod permanenti mingħajr ma kienu marbuta magħha b’kuntratt ta’ impjieg, minkejja illi fi ħdan l-istess grupp hemm impriża li magħha l-ħaddiema kkonċernati kienu marbuta permezz ta’ tali kuntratt ta’ impjieg.
(1) ĠU C 220, 12.09.2009, p. 21.