This document is an excerpt from the EUR-Lex website
Document 42005D0446
2005/446/EC: Decision of the Representatives of the Governments of the Member States meeting within the Council of 30 May 2005 setting the deadline for the commitment of the funds of the 9th European Development Fund (EDF)
Deċiżjoni tar-Rappreżentanti tal-Gvernijiet ta' l-Istati Membri li ltaqgħu fi ħdan il-Kunsill tat- 30 ta' Mejju 2005 li tistabbilixxi terminu perentorju għall-impenn tal-fondi tad-Disa’ Fond Ewropew għall-Iżvilupp (EDF)
Deċiżjoni tar-Rappreżentanti tal-Gvernijiet ta' l-Istati Membri li ltaqgħu fi ħdan il-Kunsill tat- 30 ta' Mejju 2005 li tistabbilixxi terminu perentorju għall-impenn tal-fondi tad-Disa’ Fond Ewropew għall-Iżvilupp (EDF)
ĠU L 156, 18.6.2005, p. 19–20
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV) Dan id-dokument ġie ppubblikat f’edizzjoni(jiet) speċjali
(BG, RO, HR)
ĠU L 164M, 16.6.2006, p. 186–187
(MT)
In force: This act has been changed. Current consolidated version: 26/11/2007
16.6.2006 |
MT |
Il-Ġurnal Uffiċjali ta’ l-Unjoni Ewropea |
186 |
DEĊIŻJONI TAR-RAPPREŻENTANTI TAL-GVERNIJIET TA' L-ISTATI MEMBRI LI LTAQGĦU FI ĦDAN IL-KUNSILL
tat-30 ta' Mejju 2005
li tistabbilixxi terminu perentorju għall-impenn tal-fondi tad-Disa’ Fond Ewropew għall-Iżvilupp (EDF)
(2005/446/KE)
IR-RAPPREŻENTANTI TAL-GVERNIJIET TA' L-ISTATI MEMBRI TAL-KOMUNITAJIET EWROPEJ LI LTAQGĦU FI ĦDAN IL-KUNSILL,
Wara li kkunsidraw it-Trattat li jistabbilixxi l-Komunità Ewropea,
Wara li kkunsidraw il-proposta mill-Kummissjoni,
Wara li kkunsidraw il-Ftehim bejn il-membri tal-grupp ta' l-Istati ta' l-Afrika, tal-Karibew u tal-Paċifiku, min-naħa l-waħda, u l-Komunità Ewropea u l-Istati Membri tagħha, min-naħa l-oħra, iffirmat f’Cotonou nhar it-23 ta’ Ġunju 2000 (1), minn hawn 'il quddiem imsejjaħ “il-Ftehim ta' Sħubija”,
Wara li kkunsidraw il-Ftehim Intern bejn ir-rappreżentanti tal-Gvernijiet ta’ l-Istati Membri, li jiltaqgħu fi ħdan il-Kunsill, dwar l-Iffinanzjar u l-Amministrazzjoni ta’ l-Għajnuna tal-Komunità taħt il-Protokoll Finanzjarju għall-Ftehim ta’ Sħubija (2), minn hawn 'il quddiem imsejjaħ “il-Ftehim Intern”, u b'mod partikulari l-Artikolu 2(4) tiegħu,
Billi:
(1) |
Il-punt 5 ta’ l-Anness I (il-Protokoll Finanzjarju) tal-Ftehim ta’ Sħubija jipprovdi li l-ammont ġenerali tal-Protokoll Finanzjarju, miżjud bil-bilanċi li kienu ġew trasferiti mill-EDF ta’ qabel, għandu jkopri l-perijodu 2000-2007. |
(2) |
Il-punt 7 ta’ l-istess Anness I u l-Artikolu 2(3) tal-Ftehim Intern jipprovdu li għandu jkun hemm valutazzjoni tal-grad ta’ kemm il-fondi jkunu ġew impenjati u mħallsa bħala bażi biex tkun tista’ tiġi analizzata l-ħtieġa għal riżorsi ġodda wara li jkun għalaq iż-żmien tal-Protokoll Finanzjarju eżistenti. |
(3) |
Id-Dikjarazzjoni ta’ l-UE dwar il-Protokoll Finanzjarju, annessa bħala d-Dikjarazzjoni XVIII għall-Ftehim ta’ Sħubija, tispeċifika li, meta ssir valutazzjoni tal-ħtieġa għal riżorsi ġodda, għandha titqies b’mod sħiħ id-data li minnha ’l quddiem ma jistgħux jiġu impenjati l-fondi tad-Disa’ EDF. |
(4) |
Għalhekk huwa meħtieġ, skond l-Artikolu 2(4) tal-Ftehim Intern, li tiġi stabbilita, qabel ma jiskadi d-Disa’ EDF, id-data, li tista' tkun riveduta f'każ ta' bżonn, li minnha ’l quddiem ma jkunux jistgħu jiġu impenjati l-fondi tad-Disa’ EDF. |
IDDEĊIDEW KIF ĠEJ:
Artikolu 1
Id-data li minnha ’l quddiem il-fondi tad-Disa’ EDF amministrati mill-Kummissjoni, is-sussidji ta’ l-interessi amministrati mill-Bank Ewropew ta’ l-Investiment (EIB), kif ukoll id-dħul li jkun ġej mill-interessi fuq dawn l-approprjazzjonijiet ma jkunux jistgħu jiġu impjenjati, qed tiġi ffissata għall-31 ta’ Diċembru 2007. Din id-datat tista' tkun riveduta f'każ ta' bżonn.
Artikolu 2
L-ammont allokat biex tkun iffinanzjata l-Faċilità ta’ Investiment, bħala fond li jiġġedded, u amministrat mill-EIB, mhux se jintlaqat b’din id-Deċiżjoni.
Artikolu 3
Din id-Deċiżjoni għandha tidħol fis-seħħ fil-jum tal-pubblikazzjoni tagħha fil-Ġurnal Uffiċjali ta’ l-Unjoni Ewropea.
Magħmula fi Brussel, 30 ta' Mejju 2005.
Għar-Gvernijiet ta' l-Istati Membri
Il-President
F. BODEN
(1) ĠU L 317, 15.12.2000, p. 3. Ftehim kif emendat l-aħħar mid-Deċiżjoni Nru 2/2004 tal-Kunsill tal-Ministri (ACP-KE) (ĠU L 297, 22.9.2004, p. 18).
(2) ĠU L 317, 15.12.2000, p. 355.