This document is an excerpt from the EUR-Lex website
Document 62013TN0663
Case T-663/13 P: Appeal brought on 16 December 2013 by the Court of Auditors of the European Union against the judgment of the Civil Service Tribunal of 17 October 2013 in Case F-69/11, BF v Court of Auditors
Kawża T-663/13 P: Appell ippreżentat fis- 16 ta’ Diċembru 2013 mill-Qorti tal-Awdituri tal-Unjoni Ewropea mis-sentenza mogħtija fis- 17 ta’ Ottubru 2013 mit-Tribunal għas-Servizz Pubbliku fil-Kawża F-69/11, BF vs Il-Qorti tal-Awdituri
Kawża T-663/13 P: Appell ippreżentat fis- 16 ta’ Diċembru 2013 mill-Qorti tal-Awdituri tal-Unjoni Ewropea mis-sentenza mogħtija fis- 17 ta’ Ottubru 2013 mit-Tribunal għas-Servizz Pubbliku fil-Kawża F-69/11, BF vs Il-Qorti tal-Awdituri
ĠU C 52, 22.2.2014, p. 39–40
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
22.2.2014 |
MT |
Il-Ġurnal Uffiċjali tal-Unjoni Ewropea |
C 52/39 |
Appell ippreżentat fis-16 ta’ Diċembru 2013 mill-Qorti tal-Awdituri tal-Unjoni Ewropea mis-sentenza mogħtija fis-17 ta’ Ottubru 2013 mit-Tribunal għas-Servizz Pubbliku fil-Kawża F-69/11, BF vs Il-Qorti tal-Awdituri
(Kawża T-663/13 P)
2014/C 52/75
Lingwa tal-kawża: il-Franċiż
Partijiet
Appellanti: Il-Qorti tal-Awdituri tal-Unjoni Ewropea (rappreżentanti: T. Kennedy u J. Vermer, aġenti)
Parti oħra fil-proċedura: BF (Lussemburgu, il-Lussemburgu)
Talbiet tal-appellanti
— |
tannulla s-sentenza tat-Tribunal għas-Servizz Pubbliku fil-Kawża F-69/11; |
— |
tilqa’ t-talbiet ippreżentati, mill-Qorti tal-Awdituri, fl-ewwel istanza, jiġifieri tiċħad ir-rikors bħala infondat; |
— |
tikkundanna lil BF għall-ispejjeż ta’ din l-istanza u għal dawk ta’ dik quddiem it-Tribunal għas-Servizz Pubbliku. |
Aggravji u argumenti prinċipali
Insostenn tal-appell tagħha, l-appellanti tinvoka erba’ aggravji.
(1) |
L-ewwel aggravju bbażat fuq żball ta’ liġi, peress li t-Tribunal għas-Servizz Pubbliku (TSP) interpreta u applika l-Artikolu 6 tad-Deċiżjoni Nru 45-2010, tas-17 ta’ Ġunju 2010, rigward il-proċeduri ta’ selezzjoni tal-kapijiet tal-unità u tad-diretturi b’mod żbaljat. |
(2) |
It-tieni aggravju bbażat fuq żnaturament ta’ prova mwettaq mit-TSP meta qies li n-noti attribwiti lill-kandidati mill-Kumitat ta’ Preselezzjoni kienu jikkostitwixxu element ta’ informazzjoni li kellu jinkludi r-rapport ta’ dan tal-aħħar mibgħut lill-Awtorità tal-Ħatra. |
(3) |
It-tielet aggravju bbażat fuq żnaturament tal-fatti, peress li t-TSP kiser l-obbligu tiegħu li jeżamina l-fatti li fuqhom jibbaża ruħu sabiex jikkonstata irregolarità fil-proċedura. |
(4) |
Ir-raba’ aggravju bbażat fuq nuqqas ta’ motivazzjoni u fuq żball ta’ liġi li jippreġudika l-unità tal-ġurisprudenza sa fejn it-TSP qies li l-irregolarità bbażata fuq l-assenza ta’ motivazzjoni mitluba permezz tal-Artikolu 6(1) tad-Deċiżjoni Nru 45-2010 f’dak li jirrigwarda r-rapport tal-Kumitat ta’ Preselezzjoni hija tali li twassal għall-annullament tad-deċiżjonijiet ikkontestati fl-ewwel istanza. |