An dul chun cinn is déanaí ar shuíomh gréasáin EUR-Lex: 06/2015

Ó mhí an Mheithimh 2015 amach, beidh na feidhmeanna nua seo a leanas ar an suíomh gréasáin:

Tá fochodanna de chonarthaí, de cheartúcháin agus d'achoimrí cásdlí le feiceáil sna torthaí anois.
Faightear torthaí níos fearr nuair a chuardaítear uimhir doiciméid.

Tá rogha nua ann leis na réimsí cuardaigh a scagadh.
Tá na leideanna faoi úsáid na roghanna éagsúla cuardaigh i gcrann na réimsí cuardaigh athraithe agus feabhsaithe.
Tá na hoibreoirí neasachta abairte agus míre bainte den sainchuardach agus tá oibreoirí NEAR10 agus NEAR40 curtha ina n-áit le go mbeidh an cuardach níos trédhearcaí agus níos beaichte.
Tá caoi níos fearr ann le nótaí a chuardach i gcoibhneasa.
Tá rogha nua ann le nótaí a shórtáil go halfa-uimhriúil.
Tá feidhm nua ann le zúmáil a dhéanamh ar théacs. Seo feidhm a fhágann gur féidir codanna den téacs ina bhfuil do théarma(í) cuardaigh a thaispeáint i liosta na dtorthaí. Aibhsítear an téarma/na téarmaí cuardaigh. Is féidir an zúmáil sin a dhéanamh sna réimsí téacs seo a leanas: Téacs (TE), Eochairfhocail (IX), Páirtithe (I1), Ábhar an cháis (I2), Forais (MO), Formhuinithe (VS), Cinneadh faoi chostais (CO) agus An chuid oibríochtúil (DI).

Tá leagan amach nua ar liosta na dtorthaí. Na rialacháin, na treoracha agus na cinntí atá i bhfeidhm agus glactha ag an gComhairle agus ag an bParlaimint, tá siad le feiceáil ar bharr an liosta anois.

Le go mbeidh na bearta seo níos feiceálaí ar an suíomh, taispeántar anois iad faoi tháb ar leith san amharc ar Threoir. Is é atá sa táb seo eolas faoi bhearta náisiúnta cur chun feidhme agus iad grúpáilte de réir Ballstáit.

Mar fhocal scoir, tá an tréimhse ama a mhaireann seisiún i bhfad níos faide anois.

Déan teagmháil linn má tá aon aiseolas agat nó aon cheisteanna agat faoi na hathruithe sin.