32012D0414

EUR-Lex

Access to European Union law

This document is an excerpt from the EUR-Lex website

EUROPA
EUR-Lex home
Deċiżjoni implimentattiva - 2012/414 - EN - EUR-Lex

Help

Search tips

Need more search options? Use the Advanced search

Document 32012D0414

2012/414/UE: Deċiżjoni ta’ Implimentazzjoni tal-Kummissjoni tas- 17 ta’ Lulju 2012 li temenda l-Annessi I sa IV tad-Deċiżjoni 2006/168/KE rigward ċerti rekwiżiti għaċ-ċertifikazzjoni veterinarja għall-importazzjonijiet fl-Unjoni ta’ embrijuni bovini (notifikata bid-dokument numru C(2012) 4816) Test b’relevanza għaż-ŻEE

ĠU L 194, 21.7.2012, p. 12–25 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

(HR)
⏵Dan id-dokument ġie ppubblikat f’edizzjoni(jiet) speċjali (HR)
Edizzjoni speċjali bil-Kroat: Kapitolu 03 Volum 070 P. 110 - 123

Legal status of the document No longer in force, Date of end of validity: 20/04/2021; Impliċitament imħassar minn 32021R0404

ELI: http://data.europa.eu/eli/dec_impl/2012/414/oj

HTML

PDF

Official Journal

21.7.2012

Il-Ġurnal Uffiċjali tal-Unjoni Ewropea

L 194/12

DEĊIŻJONI TA’ IMPLIMENTAZZJONI TAL-KUMMISSJONI

tas-17 ta’ Lulju 2012

li temenda l-Annessi I sa IV tad-Deċiżjoni 2006/168/KE rigward ċerti rekwiżiti għaċ-ċertifikazzjoni veterinarja għall-importazzjonijiet fl-Unjoni ta’ embrijuni bovini

(notifikata bid-dokument numru C(2012) 4816)

(Test b’relevanza għaż-ŻEE)

(2012/414/UE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat id-Direttiva tal-Kunsill 89/556/KEE tal-25 ta’ Settembru 1989 dwar kondizzjonijiet ta’ saħħa tal-annimali li jirregolaw il-kummerċ intra-Komunitarju fi u l-importazzjoni minn pajjiżi terzi ta’ embrijoni ta’ annimali domestiċi tal-ispeċi tal-ifrat (1), u b’mod partikolari l-Artikolu 7(1) u l-punt (b) tal-ewwel subparagrafu tal-Artikolu 9(1) tagħha,

Billi:

(1)

Id-Deċiżjoni tal-Kummissjoni 2006/168/KE tal-4 ta’ Jannar 2006 li tistabbilixxi l-ħtiġijiet tas-saħħa tal-annimali u taċ-ċertifikazzjoni veterinarja għall-importazzjoni fil-Komunità ta’ embrijuni bovini u li tirrevoka d-Deċiżjoni 2005/217/KE (2) tistabbilixxi fl-Anness I tagħha l-lista ta’ pajjiżi terzi li minnhom l-Istati Membri għandhom jawtorizzaw l-importazzjoni ta’embrijuni ta’ annimali domestiċi tal-ispeċi bovina (“l-embrijuni”). Din id-Deċiżjoni tistipula wkoll garanziji li għandhom jingħataw fir-rigward ta’ mard speċifiku tal-annimali minn ċerti pajjiżi terzi elenkati f’dak l-Anness.

(2)	Id-Deċiżjoni 2006/168/KE tipprevedi wkoll li l-Istati Membri jridu jawtorizzaw l-importazzjoni ta’ embrijuni li jikkonformaw mar-rekwiżiti tas-saħħa tal-annimali stipulati fil-mudell taċ-ċertifikati veterinarji fl-Annessi II, III u IV ta’ dik id-Deċiżjoni.

(3)

Ir-rekwiżiti tas-saħħa tal-annimali relatati mal-bluetongue fiċ-ċertifikati veterinarji mudell fl-Annessi II, III u IV tad-Deċiżjoni 2006/168/KE huma bbażati fuq ir-rakkomandazzjonijiet tal-Kapitolu 8.3 tal-Kodiċi tas-Saħħa tal-Annimali Terrestri tal-Organizzazzjoni Dinjija għas-Saħħa tal-Annimali (OIE) li tittratta l-bluetongue. Dak il-Kapitolu jirrakkomanda firxa sħiħa ta’ miżuri li jnaqqsu r-riskju maħsuba biex jew jipproteġu l-mammiferi ospitanti mill-espożizzjoni għall-organiżmu trasportatur infettiv jew jinattivaw il-vajrus bl-antikorpi.

(4)

Barra minn hekk, l-OIE stabbiliet Kapitolu dwar is-Sorveljanza għal artropodi trasportaturi tal-mard tal-annimali fil-Kodiċi tas-Saħħa tal-Annimali Terrestri. Dawk ir-rakkomandazzjonijiet ma jinkludux il-monitoraġġ tar-ruminanti għall-antikorpi għall-vajrusis tas-Simbu, bħall-vajrusis Akabane u Aino tal-familja tal-Bunyavirida, li fil-passat kien meqjus bħala metodu ekonomiku għad-determinazzjoni tad-distribuzzjoni ta’ organiżmi trasportaturi kompetenti tal-bluetongue sakemm isir disponibbli aktar tagħrif dwar il-firxa ta’ dawk il-mardiet.

(5)

Apparti dan, l-OIE ma telenkax il-mard Akabane u Aino fil-Kodiċi tas-Saħħa tal-Annimali Terrestri. Konsegwentement, ir-rekwiżit għal test annwali għal dak il-mard li jagħti prova tal-assenza ta’ organiżmu trasportatur għandu jitħassar mill-Anness I tad-Deċiżjoni 2006/168/KE u miċ-ċertifikati veterinarji mudell fl-Annessi II, III u IV tiegħu.

(6)

Barra minn hekk, ġew konklużi ftehimiet bilaterali bejn l-Unjoni u ċerti pajjiżi terzi li jħaddnu kondizzjonijiet speċifiċi għall-importazzjoni ta’ embrijuni fl-Unjoni. Għalhekk, fl-interess tal-konsistenza fejn dawk l-arranġamenti bilaterali jħaddnu kondizzjonijiet speċifiċi u ċertifikati veterinarji mudell għall-importazzjonijiet, dawk il-kundizzjonijiet u l-mudelli għandhom minflok japplikaw il-kondizzjonijiet u l-mudelli stipulati fid-Deċiżjoni 2006/168/KE.

(7)

L-istatus ta’ saħħet l-annimali tal-Isvizzera hija ekwivalenti għal dak tal-Istati Membri. Huwa għalhekk xieraq li embrijuni derivati in vivo u embrijuni prodotti in vitro importati fl-Unjoni minn dak il-pajjiż terz ikollhom magħhom ċertifikat veterinarju mfassal skont iċ-ċertifikat intern mudell użat għall-kummerċ fi ħdan l-Unjoni ta’ embrijuni ta’ annimali domestiċi tal-ispeċi bovina stipulati fl-Anness C tad-Direttiva 89/556/KEE. Dak iċ-ċertifikat għandu jqis l-adattamenti stipulati fil-punt 2 tal-Kapitolu VI(B) tal-Appendiċi 2 tal-Anness 11 tal-Ftehim bejn il-Komunità Ewropea u l-Konfederazzjoni Svizzera dwar il-kummerċ fi Prodotti Agrikoli, kif approvat bid-Deċiżjoni 2002/309/KE, Euratom tal-Kunsill u tal-Kummissjoni dwar il-Ftehim dwar il-Kooperazzjoni Xjentifika u Teknoloġika, tal-4 ta’ April 2002 dwar il-konklużjoni tas-seba’ Ftehim mal-Konfederazzjoni Svizzera (3).

(8)	Fuq il-bażi tad-Direttiva 89/556/KEE, in-New Zealand kien rikonoxxut ukoll bħala pajjiż terz bi status ekwivalenti tas-saħħa tal-annimali għal dak tal-Istati Membri għall-importazzjoni ta’ embrijuni derivati in vivo.

(9)

Huwa għalhekk xieraq li embrijuni derivati in vivo miġbura fin-New Zealand u importati fl-Unjoni minn dak il-pajjiż terz jkunu akkumpanjati minn ċertifikat simplifikat imfassal skont il-mudell rilevanti taċ-ċertifikat tas-saħħa stabbilit fl-Anness IV tad-Deċiżjoni tal-Kummissjoni 2003/56/KE tal-24 ta’ Jannar 2003 dwar ċertifikati tas-saħħa għall-importazzjoni ta’ annimali ħajjin u prodotti tal-annimali minn New Zealand (4) stabbilit skont il-Ftehim bejn il-Komunità Ewropea u n-New Zealand dwar miżuri sanitarji applikabbli għall-kummerċ tal-annimali ħajjin u tal-prodotti mill-annimali (5), kif approvat bid-Deċiżjoni tal-Kunsill 97/132/KE (6).

(10)

Id-Deċiżjoni tal-Kummissjoni 2007/240/KE (7) tipprevedi li ċ-ċertifikati diversi veterinarji, pubbliċi u ta’ saħħet l-annimali meħtieġa għall-importazzjoni fl-Unjoni ta’ annimali ħajjin, ta’ semen, embrijuni, ova u prodotti li joriġinaw mill-annimali għandhom jissejsu fuq il-mudelli standard taċ-ċertifikati veterinarji stabbiliti fl-Anness I tagħha. Fl-interess tal-konsistenza u s-simplifikazzjoni tal-leġiżlazzjoni tal-Unjoni, iċ-ċertifikati veterinarji mudell stabbiliti fl-Annessi II, III u IV tad-Deċiżjoni 2006/168/KE għandhom iqisu d-Deċiżjoni 2007/240/KE.

(11)	L-Annessi I sa IV tad-Direttiva 2006/168/KE għandhom għalhekk jiġu emendati skont dan.

(12)	Biex jiġi evitat kull tfixkil tal-kummerċ, l-użu ta’ ċertifikati veterinarji maħruġa skont id-Deċiżjoni 2006/168/KE fil-verżjoni tagħha qabel l-emendi introdotti b’din id-Deċiżjoni għandu jkun awtorizzat matul perjodu tranżitorju, suġġett għal ċerti kundizzjonijiet.

(13)	Il-miżuri stipulati f’din id-Deċiżjoni jikkonformaw mal-opinjoni tal-Kumitat Permanenti dwar il-Katina Alimentari u s-Saħħa tal-Annimali,

ADOTTAT DIN ID-DEĊIŻJONI:

Artikolu 1

L-Annessi I sa IV tad-Deċiżjoni 2006/168/KE huma emendati skont l-Anness ta’ din id-Deċiżjoni.

Artikolu 2

Għal perjodu tranżitorju sat-30 ta’ Ġunju 2013, l-Istati Membri għandhom ikomplu jawtorizzaw l-importazzjonijiet ta’ kunsinni ta’ embrijuni ta’ annimali domestiċi tal-ispeċi bovina minn pajjiżi terzi li jkollhom magħhom ċertifikat veterinarju maħruġ mhux aktar tard mill-31 ta’ Mejju 2013 skont il-mudelli stabbiliti fl-Annessi II, III u IV tad-Deċiżjoni 2006/168/KE fil-verżjoni tagħha qabel l-emendi introdotti b’din id-Deċiżjoni.

Artikolu 3

Din id-Deċiżjoni għandha tapplika mill-1 ta’ Jannar 2013.

Artikolu 4

Din id-Deċiżjoni hija indirizzata lill-Istati Membri.

Magħmul fi Brussell, is-17 ta’ Lulju 2012.

Għall-Kummissjoni

John DALLI

Membru tal-Kummissjoni

(1) ĠU L 302, 19.10.1989, p. 1.

(2) ĠU L 57, 28.2.2006, p. 19.

(3) ĠU L 114, 30.4.2002, p. 1.

(4) ĠU L 22, 25.1.2003, p. 38.

(5) ĠU L 57, 26.2.1997, p. 5.

(6) ĠU L 57, 26.2.1997, p. 4.

(7) ĠU L 104, 21.4.2007, p. 37.

ANNESS

L-Annessi I sa IV tad-Deċiżjoni 2006/168/KE jinbidlu b’dan li ġej:

“

ANNESS I

Kodiċi ISO	Pajjiż Terz	Ċertifikat veterinarju applikabbli
AR	l-Arġentina	l-ANNESS II	l-ANNESS III	l-ANNESS IV
AU	l-Awstralja	l-ANNESS II	l-ANNESS III	l-ANNESS IV
CA	il-Kanada	l-ANNESS II	l-ANNESS III	l-ANNESS IV
CH	l-Isvizzera (*)	l-ANNESS II	l-ANNESS III	l-ANNESS IV
HR	il-Kroazja	l-ANNESS II	l-ANNESS III	l-ANNESS IV
IL	l-Iżrael	l-ANNESS II	l-ANNESS III	l-ANNESS IV
MK	Dik li kienet ir-Repubblika Jugoslava tal-Maċedonja (**)	l-ANNESS II	l-ANNESS III	l-ANNESS IV
NZ	New Zealand (***)	l-ANNESS II	l-ANNESS III	l-ANNESS IV
US	l-Istati Uniti	l-ANNESS II	l-ANNESS III	l-ANNESS IV

ANNESS II

Ċertifikat veterinarju mudell għall-importazzjonijiet ta’ embrijuni derivati in vivo ta’ annimali domestiċi tal-ispeċi bovina miġbura b’konformità mad-Direttiva tal-Kunsill 89/556/KEE

Test ta 'immaġni

Part II: Ċertifikazzjoni

PAJJIŻ

Embrijuni bovini derivati in vivo

II. Tagħrif dwar is-saħħa

II.a. Nru ta’ referenza taċ-ċertifikat

II.b.

Jien, is-sottoskritt, il-veterinarju uffiċjali ta’ … niċċertifika li:

(il-pajjiż esportatur) (2)

II.1. L-embrijuni għall-esportazzjoni:

II.1.1. Nġabru fil-pajjiż esportatur, li skont ir-riżultati uffiċjali:

II.1.1.1. kien ħieles mir-rinderpest matul l-aħħar 12-il xahar immedjatament qabel il-ġbir tagħhom;

(1) jew [II.1.1.2. kien ħieles mill-marda tal-ilsien u d-dwiefer matul it-12-il xahar immedjatament qabel il-ġbir tagħhom u ma ġewx imlaqqma kontra l-marda tal-ilsien u d-dwiefer matul dak il-perjodu.]

(1) jew [II.1.1.2. ma kienx ħieles mill-marda tal-ilsien u d-dwiefer matul it-12-il xahar immedjatament qabel il-ġbir tagħhom u/jew ma twettaqx tilqim kontra l-marda tal-ilsien u d-dwiefer matul dak il-perjodu, u

l-embrijuni ma saritilhomx penetrazzjoni taż- zona pellucida,

l-embrijuni nħażnu skont il-kondizzjonijiet approvati għal mill-inqas 30 jum immedjatament wara l-ġbir,

id-donaturi femminili ġew minn irziezet fejn l-ebda annimal ma kien ġie mlaqqam kontra l-marda tal-ilsien u d-dwiefer matul it-30 jum qabel il-ġbir u l-ebda annimal ta’ speċi suxxettibbli ma wera sinjali kliniċi tal-marda tal-ilsien u d-dwiefer matul it-30 jum ta’ qabel, u minn tal-inqas it-30 jum ta’ wara l-ġbir tal-embrijuni.]

II.1.2. nġabru minn tim tal-ġbir tal-embrijuni (3):

approvat skont il-Kapitolu I tal-Anness A tad-Direttiva 89/556/KEE,

li ġabar, ipproċessa, ħażen u ttrasporta l-embrijuni skont il-Kapitolu II tal-Anness A tad-Direttiva 89/556/KEE,

soġġett għal spezzjoni minn veterinarju uffiċjali għallinqas darbtejn fis-sena.

II.1.3. inġabru u ġew ipproċessati fi stabbilimenti li jinsabu fiċ-ċentru ta’ żona b’raġġ ta’ mill-inqas 10 km, fejn skont is-sejbiet uffiċjali ma kien hemm l-ebda każ tal-marda tal-ilsien u d-dwiefer, tal-marda emorraġika epiżootika, tal-istomatite veżikulari, tad-deni Rift Valley jew tal-plewropnewmonite bovina kontaġjuża fit-30 jum immedjatament qabel il-ġbir tagħhom u sa ma ntbagħtu lejn l-Unjoni, fil-każ ta’ embrijuni friski, jew matul it-30 jum wara l-ġbir, fil-każ ta’ embrijuni soġġetti għal ħażna obbligatorja għal mill-inqas 30 jum skont il-punt II.1.1.2.

II.1.4. mill-ħin tal-ġbir sa 30 jum wara jew, fil-każ ta’ embrijuni friski sal-jum li fih intbagħtu lejn l-Unjoni, dawn inħażnu fi stabilimenti li jinsabu fiċ-ċentru ta’ żona b’raġġ ta’ mill-inqas 10 km, fejn skont is-sejbiet uffiċjali ma kien hemm l-ebda inċidenza tal-marda tal-ilsien u d-dwiefer, tal-istomatite veżikulari, tad-deni Rift Valley jew tal-plewropnewmonite bovina kontaġjuża.

II.1.5. nġabru minn donaturi femminili, li:

II.1.5.1. matul it-30 jum immedjatament qabel il-ġbir, kienu jinstabu fi stabilimenti li jinsabu fiċ-ċentru ta’ żona b’raġġ ta’ mill-inqas 10 km, fejn, skont sejbiet uffiċjali, ma kien hemm l-ebda każ tal-marda tal-ilsien u d-dwiefer, tal-bluetongue, tal-marda emorraġika epiżootika, tal-istomatite veżikulari, tad-deni Rift Valley jew tal-plewropnewmonite bovina kontaġjuża;

II.1.5.2. ma wrew l-ebda sinjali kliniċi ta’ mard fil-jum tal-ġbir;

II.1.5.3. qattgħu s-sitt xhur immedjatament qabel il-ġbir fit-territorju tal-pajjiż esportatur f’mhux aktar minn żewġ merħliet:

li, skont ir-riżultati uffiċjali, kienu ħielsa mit-tuberkulożi matul dak il-perjodu,

li, skont sejbiet uffiċjali, kienu ħielsa mill-bruċellożi matul dak il-perjodu,

li kienu ħielsa mil-lewkożi bovina enżootika jew li fihom l-ebda annimal ma wera sinjali kliniċi ta’ lewkożi bovina enżootika matul it-tliet snin ta’ qabel,

li fihom l-ebda annimal bovin ma wera sinjali kliniċi ta’ rinotrakejite bovina infettiva/vulvo-vaġinite pustulari infettiva matul it-12-il xahar ta’ qabel.

II.1.6. L-embrijuni għall-esportazzjoni ġew ikkonċepiti bl-inseminazzjoni artifiċjali bl-użu ta’ semen ġej minn ċentri ta’ ġbir jew ta’ ħżin tas-semen, approvati għall-ġbir, l-ipproċessar u/jew il-ħżin tas-semen mill-awtorità kompetenti ta’ pajjiż elenkat fl-Anness I tad-Deċiżjoni ta’ Implimentazzjoni tal-Kummissjoni 2011/630/KE (4) jew minn awtorità kompetenti ta’ Stat Membru.

Test ta 'immaġni

PAJJIŻ

Embrijuni bovini derivati in vivo

II. Tagħrif dwar is-saħħa

II.a. Nru ta' referenza taċ-ċertifikat

II.b.

Noti:

Parti I:

Kaxxa I.6.: Il-persuna responsabbli mit-tagħbija fl-UE: din il-kaxxa għandha timtela biss jekk hi ċertifikat għal prodotti fi tranżitu.

Kaxxa I.11: Il-post tal-oriġini għandu jikkorrispondi mat-tim tal-ġbir tal-embrijuni li minnu l-embrijuni jkunu ntbagħtu lejn l-Unjoni u li hu elenkat skont l-Artikolu 8(2) tad-Direttiva 89/556/KEE fuq il-websajt tal-Kummissjoni: http://ec.europa.eu/food/animal/semen_ova/bovine/ova_embryos_en.htm.

Kaxxa I.22: L-għadd ta’ pakketti għandu jikkorrispondi mal-għadd ta’ kontenituri.

Kaxxa I.23: L-identifikazzjoni tal-kontenitur u n-numru tas-siġill għandhom jiġu indikati.

Kaxxa I.26: Imla skont jekk hux ċertifikat ta’ tranżitu jew tal-importazzjoni.

Kaxxa I.27: Imla skont jekk hux ċertifikat ta’ tranżitu jew tal-importazzjoni.

Kaxxa I.28: L-ispeċi agħżel minn fost “Bos taurus”, “Bison bison” jew “Bubalus bubalis“ skont il-każ.

Il-kategorija: agħżel “embrijuni derivati in vivo”.

L-identità tad-donatur għandha tikkorrispondi mal-identifikazzjoni uffiċjali tal-annimal.

Id-data tal-ġbir għandha tiġi indikata fil-format li ġej: jj.xx.ssss.

In-numru tal-approvazzjoni tat-tim: għandu jikkorrispondi mat-tim tal-ġbir tal-embrijuni li bihom l-embrijuni inġabru, ġew ipproċessati u nħażnu; u elenkati skont l-Artikolu 8(2) tad-Direttiva 89/556/KEE fuq il-websajt tal-Kummissjoni: http://ec.europa.eu/food/animal/semen_ova/bovine/ova_embryos_en.htm.

Parti II:

(1) Ħassar kif jeħtieġ.

(2) Pajjiżi terzi elenkati fl-Anness I tad-Deċiżjoni 2006/168/KE biss.

(3) Iċ-ċentri għall-ġbir tas-semen elenkati skont l-Artikolu 8(2) tad-Direttiva 89/556/KEE fuq il-websajt tal-Kummissjoni biss: http://ec.europa.eu/food/animal/semen_ova/bovine/ova_embryos_en.htm.

(4) ĠU L 247, 24.9.2011, p. 32.

Il-kulur tal-firma u tat-timbru għandu jkun differenti minn dak tal-istampar.

Veterinarju uffiċjali

Isem (b’ittri kbar):

Kwalifika u titlu:

Data:

Firma:

Timbru:

ANNESS III

Ċertifikat veterinarju mudell għall-importazzjoni ta’ embrijuni prodotti in vitro ta’ annimali domestiċi tal-ispeċi bovina kkonċepiti bl-użu ta’ semen konformi mad-Direttiva tal-Kunsill 88/407/KEE

Test ta 'immaġni

Parti II: Ċertifikazzjoni

PAJJIŻ

Embrijuni bovini prodotti in vitro

II. Tagħrif dwar is-saħħa

II.a. Nru ta’ referenza taċ-ċertifikat

II.b.

Jien, is-sottoskritt, il-veterinarju uffiċjali ta’ … niċċertifika li:

(il-pajjiż esportatur) (2)

II.1. L-embrijuni għall-esportazzjoni:

II.1.1. ġew prodotti fil-pajjiż esportatur, li skont is-sejbiet uffiċjali:

II.1.1.1. kien ħieles mir-rinderpest matul it-12-il xahar immedjatament qabel il-produzzjoni tagħhom;

(1) jew [II.1.1.2. kien ħieles mill-marda tal-ilsien u d-dwiefer matul it-12-il xahar immedjatament qabel il-produzzjoni tagħhom u ma wettaqx tilqim kontra l-marda tal-ilsien u d-dwiefer matul dak il-perjodu.];

(1) jew [II.1.1.2. ma kienx ħieles mill-marda tal-ilsien u d-dwiefer matul it-12-il xahar immedjatament qabel il-produzzjoni tagħhom u/jew ma wettaqx tilqim kontra l-marda tal-ilsien u d-dwiefer matul dak il-perjodu, u:

l-embrijuni ġew prodotti mingħajr penetrazzjoni taż-zona pellucida,

l-embrijuni nħażnu skont il-kondizzjonijiet approvati għal mill-inqas 30 jum immedjatament wara l-produzzjoni tagħhom,

tid-donaturi femminili ġew minn oqsma fejn l-ebda annimal ma kien ġie mlaqqam kontra l-marda tal-ilsien u d-dwiefer matul it-30 jum qabel il-ġbir u l-ebda annimal ta’ speċi suxxettibbli ma wera sinjali kliniċi tal-marda tal-ilsien u d-dwiefer matul it-30 jum ta’ qabel, u minn tal-inqas it-30 jum ta’ wara l-ġbir tal-ooċiti.];

II.1.2. ipproduċihom it-tim tal-produzzjoni tal-embrijuni (3) li:

ġie approvat skont il-Kapitolu I tal-Anness A tad-Direttiva 89/556/KEE,

ipproduċa, ipproċessa, ħażen u ttrasporta skont il-Kapitolu II tal-Anness A tad-Direttiva 89/556/KEE,

huwa soġġett għal spezzjoni minn veterinarju uffiċjali għallinqas darbtejn fis-sena.

II.2. L-ooċiti użati fil-produzzjoni tal-embrijuni li għandhom jiġu esportati ġew miġbura fi stabbilimenti li jinsabu fiċ-ċentru ta’ żona b’raġġ ta’ mill-inqas 10 km, fejn skont is-sejbiet uffiċjali ma kien hemm l-ebda każ tal-marda tal-ilsien u d-dwiefer, tal-marda emorraġika epiżootika, tal-istomatite veżikulari, tad-deni Rift Valley jew tal-plewropnewmonite bovina kontaġjuża fit-30 jum immedjatament qabel il-ġbir tagħhom u sa ma ntbagħtu lejn l-Unjoni, fil-każ ta’ embrijuni friski, jew matul it-30 jum wara l-ġbir, fil-każ ta’ embrijuni soġġetti għal ħażna obbligatorja għal mill-inqas 30 jum skont il-punt II.1.1.2.

II.3. Mill-ħin tal-ġbir sa 30 jum wara jew, fil-każ ta’ embrijuni friski sal-jum li fih intbagħtu lejn l-Unjoni, dawn inħażnu fi stabbilimenti li jinsabu fiċ-ċentru ta’ żona b’raġġ ta’ mill-inqas 10 km, fejn skont is-sejbiet uffiċjali ma kien hemm l-ebda każ tal-marda tal-ilsien u d-dwiefer, tal-istomatite veżikulari, tad-deni Rift Valley jew tal-plewropnewmonite bovina kontaġjuża.

II.4. Id-donaturi tal-ooċiti użati fil-produzzjoni tal-embrijuni għall-esportazzjoni:

II.4.1. matul it-30 jum immedjatament qabel il-ġbir, kienu jinstabu fi stabilimenti li jinsabu fiċ-ċentru ta’ żona b’raġġ ta’ mill-inqas 10 km, fejn skont sejbiet uffiċjali, ma kien hemm l-ebda każ tal-marda tal-ilsien u d-dwiefer, tal-bluetongue, tal-marda emorraġika epiżootika, tal-istomatite veżikulari, tad-deni Rift Valley jew tal-plewropnewmonite bovina kontaġjuża;

II.4.2. ma wrew l-ebda sinjal kliniku ta’ mard fil-jum tal-ġbir;

II.4.3. qattgħu s-sitt xhur immedjatament qabel il-ġbir fit-territorju tal-pajjiż esportatur f’mhux aktar minn żewġ merħliet:

li, skont ir-riżultati uffiċjali, kienu ħielsa mit-tuberkulożi matul dak il-perjodu,

li, skont sejbiet uffiċjali, kienu ħielsa mill-bruċellożi matul dak il-perjodu,

li kienu ħielsa mil-lewkożi bovina enżootika jew li fihom l-ebda annimal ma wera sinjali kliniċi ta’ lewkożi bovina enżootika matul it-tliet snin ta’ qabel,

li fihom l-ebda annimal bovin ma wera sinjali kliniċi ta’ rinotrakejite infettiva/vulvo-vaġinite pustulari infettiva matul it-12-il xahar ta’ qabel;

(1) jew [II.4.4. inżammu f’pajjiż jew żona ħielsa mill-vajrus tal-bluetongue għal mill-inqas 60 jum qabel, u matul, il-ġbir tal-ooċiti.];

Test ta 'immaġni

PAJJIŻ

Embrijuni bovini prodotti in vitro

II. Tagħrif dwar is-saħħa

II.a. Nru ta’ referenza taċ-ċertifikat

II.b.

(1) jew [II.4.4. inżammu matul perjodu staġonali ħieles jew ġew imħarsa mill-organiżmu trasportatur għal mill-inqas 60 jum qabel, u matul, il-ġbir tal-ooċiti, u l-embrijuni ġew prodotti mingħajr penetrazzjoni taż-zona pellucida, ħlief jekk id-donaturi sarilhom test seroloġiku biex jinstabulhom antikorpi tal-grupp tal-vajrus tal-bluetongue, imwettaq skont il-Manwal tat-Testijiet Dijanjostiċi u l-Vaċċini għall-Annimali Terrestri bejn 21 u 60 jum wara l-ġbir u rriżultaw negattivi għalih u l-embrijuni nħażnu għal mill-inqas 30 jum.];

(1) jew [II.4.4. sarilhom test seroloġiku biex jinstabulhom antikorpi tal-grupp tal-vajrus tal-bluetongue, imwettaq skont il-Manwal tat-Testijiet Dijanjostiċi u l-Vaċċini għall-Annimali Terrestri bejn 21 u 60 jum wara l-ġbir u rriżultaw negattivi għalih, u l-embrijuni nħażnu għal mill-inqas 30 jum.];

(1) jew [II.4.4. sarilhom test ta’ identifikazzjoni tal-aġent, imwettaq skont il-Manwal tat-Testijiet Dijanjostiċi u l-Vaċċini għall-Annimali Terrestri fuq kampjun tad-demm meħud fil-jum tal-ġbir jew fil-jum tat-tbiċċir u rriżultaw negattivi għalih, u l-embrijuni jkunu ġew prodotti, fil-każ tal-aħħar, mingħajr penetrazzjoni taż-zona pellucida.].

II.5. L-embrijuni li se jiġu esportati kienu kkonċepiti permezz ta’ fertilizzazzjoni in vitro bl-użu ta’ semen minn ċentri ta’ ġbir jew ħżin tas-semen (4):

(1) jew [II.5.1. approvati skont l-Artikolu 5(1) tad-Direttiva 88/407/KEE u li jinsabu fi Stat Membru tal-Unjoni Ewropea, u s-semen ikun jikkonforma mal-ħtiġijiet tad-Direttiva 88/407/KEE.];]

(1) jew [II.5.1. approvati skont l-Artikolu 9(1) tad-Direttiva 88/407/KEE u li jinsabu f’pajjiż terz, jew xi parti minnu, elenkat fl-Anness I tad-Deċiżjoni ta’ Implimentazzjoni tal-Kummissjoni 2011/630/UE, u s-semen ikun jikkonforma mar-rekwiżiti stabbiliti fit-Taqsima A tal-Parti 1 tal-Anness II ta’ dik id-Deċiżjoni.].

Noti:

Parti I:

Kaxxa I.6: Il-persuna responsabbli mit-tagħbija fl-UE: din il-kaxxa għandha timtela biss jekk hi ċertifikat għal prodotti fi tranżitu.

Kaxxa I.11: Il-post tal-oriġini għandu jikkorrispondi mat-tim tal-ġbir tal-embrijuni li minnu l-embrijuni jkunu ntbagħtu lejn l-Unjoni u elenkati skont l-Artikolu 8(2) tad-Direttiva 89/556/KEE fuq il-websajt tal-Kummissjoni:

http://ec.europa.eu/food/animal/semen_ova/bovine/ova_embryos_en.htm.

Kaxxa I.22: L-għadd ta’ pakketti għandu jikkorrispondi mal-għadd ta’ kontenituri.

Kaxxa I.23: l-identifikazzjoni tal-kontenitur u n-numru tas-siġill għandhom jiġu indikati.

Kaxxa I.26: imla skont jekk hux ċertifikat ta’ tranżitu jew tal-importazzjoni.

Kaxxa I.27: imla skont jekk hux ċertifikat ta’ tranżitu jew tal-importazzjoni.

Kaxxa I.28: L-ispeċi agħżel minn fost “Bos taurus”, “Bison bison” jew “Bubalus bubalis” skont il-każ.

Il-kategorija: agħżel “embrijuni derivati in vivo”.

L-identità ta’ omm l-annimal għandha tikkorrispondi mal-identifikazzjoni uffiċjali tal-annimal.

L-identità ta’ missier l-annimal għandha tikkorrispondi mal-identifikazzjoni uffiċjali tal-annimal.

Id-data tal-iffiriżar għandha tiġi indikata fil-format li ġej: jj.xx.ssss.

In-numru tal-approvazzjoni tat-tim: għandu jikkorrispondi mat-tim tal-ġbir tal-embrijuni li bihom l-embrijuni ġew miġbura, ipproċessati u maħżuna; u elenkati skont l-Artikolu 8(2) tad-Direttiva 89/556/KEE fuq il-websajt tal-Kummissjoni: http://ec.europa.eu/food/animal/semen_ova/bovine/ova_embryos_en.htm.

Parti II:

(1) Ħassar kif jeħtieġ.

(2) Pajjiżi terzi elenkati fl-Anness I tad-Deċiżjoni 2006/168/KE biss.

(3) It-timijiet għall-produzzjoni tal-embrijuni elenkati skont l-Artikolu 8(2) tad-Direttiva 89/556/KEE fuq il-websajt tal-Kummissjoni biss: http://ec.europa.eu/food/animal/semen_ova/bovine/ova_embryos_en.htm.

(4) Iċ-ċentri ta’ ġbir tas-semen elenkati skont l-Artikolu 5(2) u 9(2) tad-Direttiva 88/407/KEE fuq il-websajt tal-Kummissjoni biss:

http://ec.europa.eu/food/animal/approved_establishments/establishments_vet_field_en.htm;

http://ec.europa.eu/food/animal/semen_ova/bovine/index_en.htm

Il-kulur tal-firma u tat-timbru għandu jkun differenti minn dak tal-istampar.

Test ta 'immaġni

ANNESS IV

Ċertifikat veterinarju mudell għall-importazzjoni ta’ embrijuni prodotti in vitro ta’ annimali domestiċi tal-ispeċi bovina konċepiti bl-użu ta’ semen minn ċentri ta’ ġbir jew ħżin tas-semen approvati mill-awtorità kompetenti tal-pajjiż esportatur

Test ta 'immaġni

Parti II: Ċertifikazzjoni

PAJJIŻ

Embrijuni bovini prodotti in vitro bl-użu ta’ semen minn ċentri għas-semen approvati mill-pajjiż esportatur

II. Tagħrif dwar is-saħħa

II.a. Nru ta’ referenza taċ-ċertifikat

II.b.

Jien, is-sottoskritt, il-veterinarju uffiċjali ta’ … niċċertifika li:

(il-pajjiż esportatur) (2)

II.1. L-embrijuni għall-esportazzjoni:

II.1.1. ġew prodotti fil-pajjiż esportatur, li skont is-sejbiet uffiċjali:

II.1.1.1. kien ħieles mir-rinderpest matul it-12-il xahar immedjatament qabel il-produzzjoni tagħhom;

(1) either [II.1.1.2. kien ħieles mill-marda tal-ilsien u d-dwiefer matul it-12-il xahar immedjatament qabel il-produzzjoni tagħhom u ma wettaqx tilqim kontra l-marda tal-ilsien u d-dwiefer matul dak il-perjodu.];

(1) or [II.1.1.2. ma kienx ħieles mill-marda tal-ilsien u d-dwiefer matul it-12-il xahar immedjatament qabel il-produzzjoni tagħhom u/jew ma wettaqx tilqim kontra l-marda tal-ilsien u d-dwiefer matul dak il-perjodu, u:

l-embrijuni ġew prodotti mingħajr penetrazzjoni taż-żona pellucida,

l-embrijuni nħażnu skont il-kondizzjonijiet approvati għal mill-inqas 30 jum immedjatament wara l-produzzjoni tagħhom,

id-donaturi femminili ġew minn oqsma fejn l-ebda annimal ma kien ġie mlaqqam kontra l-marda tal-ilsien u d-dwiefer matul it-30 jum qabel il-ġbir u l-ebda annimal ta’ speċi suxxettibbli ma wera sinjali kliniċi tal-marda tal-ilsien u d-dwiefer matul it-30 jum ta’ qabel, u minn tal-inqas it-30 jum ta’ wara l-ġbir tal-ooċiti.];

II.1.2. ipproduċihom it-tim tal-produzzjoni tal-embrijuni (3) li:

ġie approvat skont il-Kapitolu I tal-Anness A tad-Direttiva 89/556/KEE,

ipproduċa, ipproċessa, ħażen u ttrasporta l-embrijuni deskritti hawn fuq skont il-Kapitolu II tal-Anness A tad-Direttiva 89/556/KEE,

huwa soġġett għal spezzjoni minn veterinarju uffiċjali għallinqas darbtejn fis-sena.

II.2. L-ooċiti użati fil-produzzjoni tal-embrijuni li għandhom jiġu esportati inġabru fi stabbilimenti li jinsabu fiċ-ċentru ta’ żona b’raġġ ta’ mill-inqas 10 km, fejn skont is-sejbiet uffiċjali ma kien hemm l-ebda każ tal-marda tal-ilsien u d-dwiefer, tal-marda emorraġika epiżootika, tal-istomatite veżikulari, tad-deni Rift Valley jew tal-plewropnewmonite bovina kontaġjuża fit-30 jum immedjatament qabel il-ġbir tagħhom u sa ma ntbagħtu lejn l-Unjoni, fil-każ ta’ embrijuni friski, jew matul it-30 jum wara l-ġbir, fil-każ ta’ embrijuni soġġetti għal ħażna obbligatorja għal mill-inqas 30 jum skont il-punt II.2.2.

II.4. Id-donaturi tal-ooċiti użati fil-produzzjoni tal-embrijuni għall-esportazzjoni:

II.4.1. inżammu, matul it-30 jum immedjatament qabel il-ġbir tal-ooċiti, f’post li f’raġġ ta’ 10 km madwaru, skont ir-riżultati uffiċjali, ma kien hemm l-ebda każ tal-marda tal-ilsien u d-dwiefer, tal-bluetongue, tal-marda emorraġika epiżootika, tal-istomatite veżikulari, tad-deni Rift Valley jew tal-plewropnewmonite bovina kontaġjuża;

II.4.2. ma wrew l-ebda sinjal kliniku ta’ mard fil-jum tal-ġbir;

II.4.3. qattgħu s-sitt xhur immedjatament qabel il-ġbir fit-territorju tal-pajjiż esportatur f’mhux aktar minn żewġ merħliet:

li, skont ir-riżultati uffiċjali, kienu ħielsa mit-tuberkulożi matul dak il-perjodu,

li, skont sejbiet uffiċjali, kienu ħielsa mill-bruċellożi matul dak il-perjodu,

li kienu ħielsa mil-lewkożi bovina enżootika jew li fihom l-ebda annimal ma wera sinjali kliniċi ta’ lewkożi bovina enżootika matul it-tliet snin ta’ qabel,

li fihom l-ebda annimal bovin ma wera sinjali kliniċi ta’ rinotrakejite bovina infettiva/vulvo-vaġinite pustulari infettiva matul it-12-il xahar ta’ qabel;

(1) jew [II.4.4. inżammu f’pajjiż jew żona ħielsa mill-vajrus tal-bluetongue għal mill-inqas 60 jum qabel, u matul, il-ġbir tal-ooċiti.];

Test ta 'immaġni

PAJJIŻ

Embrijuni bovini prodotti in vitro bl-użu ta’ semen minn ċentri għas-semen approvati mill-pajjiż esportatur

II. Tagħrif dwar is-saħħa

II.a. Nru ta’ referenza taċ-ċertifikat

II.b.

(1) jew [II.4.4. inżammu matul perjodu staġonali ħieles jew ġew imħarsa mill-organiżmu trasportatur għal mill-inqas 60 jum qabel, u matul, il-ġbir tal-ooċiti, u l-embrijuni ġew prodotti mingħajr penetrazzjoni taż-żona pellucida, ħlief jekk id-donaturi sarilhom test seroloġiku biex jinstabulhom antikorpi tal-grupp tal-vajrus tal-bluetongue, imwettaq skont il-Manwal tat-Testijiet Dijanjostiċi u l-Vaċċini għall-Annimali Terrestri bejn 21 u 60 jum wara l-ġbir u rriżultaw negattivi għalih u l-embrijuni nħażnu għal mill-inqas 30 jum.];

II.5. L-embrijuni għall-esportazzjoni ġew ikkonċepiti bil-fertilizzazzjoni in vitro bl-użu ta’ semen ġej minn ċentri ta’ ġbir jew ta’ ħżin tas-semen, approvati għall-ġbir, l-ipproċessar u/jew il-ħżin tas-semen mill-awtorità kompetenti ta’ pajjiż terz, jew parti minnu, elenkat fl-Anness I tad-Deċiżjoni ta' Implimentazzjoni tal-Kummissjoni 2011/630/UE(4) jew minn awtorità kompetenti ta’ Stat Membru.

Noti:

Skont l-Artikolu 3(a) tad-Direttiva 89/556/KEE, embrijuni bovini prodotti in vitro bl-użu ta’ semen minn ċentri tas-semen approvati mill-pajjiż esportatur, importati taħt il-kondizzjonijiet stabbiliti f’dan iċ-ċertifikat huma esklużi mill-kummerċ intern fl-Unjoni.

Parti I:

Kaxxa I.6: Il-persuna responsabbli mit-tagħbija fl-UE: din il-kaxxa għandha timtela biss jekk hi ċertifikat għal prodotti fi tranżitu.

http://ec.europa.eu/food/animal/semen_ova/bovine/ova_embryos_en.htm.

Kaxxa I.22: L-għadd ta’ pakketti għandu jikkorrespondi mal-għadd ta’ kontenituri.

Kaxxa I.23: l-identifikazzjoni tal-kontenitur u n-numru tas-siġill għandhom jiġu indikati.

Kaxxa I.26: imla skont jekk hux ċertifikat ta’ tranżitu jew tal-importazzjoni.

Kaxxa I.27: imla skont jekk hux ċertifikat ta’ tranżitu jew tal-importazzjoni

Kaxxa I.28: L-ispeċi agħżel minn fost “Bos taurus”, “Bison bison” jew “Bubalus bubalis” skont il-każ.

Il-kategorija: agħżel “embrijuni prodotti in vitro”.

L-identità ta’ omm l-annimal għandha tikkorrispondi mal-identifikazzjoni uffiċjali tal-annimal.

L-identità ta’ missier l-annimal għandha tikkorrispondi mal-identifikazzjoni uffiċjali tal-annimal.

Id-data tal-ġbir għandha tiġi indikata fil-format li ġej: jj.xx.ssss.

In-numru tal-approvazzjoni tat-tim: għandu jikkorrispondi mat-tim tal-produzzjoni li pproduċew, ipproċessaw u ħażnu l-embrijuni; u elenkati skont l-Artikolu 8(2) tad-Direttiva 89/556/KEE fuq il-websajt tal-Kummissjoni: http://ec.europa.eu/food/animal/semen_ova/bovine/ova_embryos_en.htm.

Parti II:

(1) Ħassar kif jeħtieġ.

(2) Pajjiżi terzi elenkati fl-Anness I tad-Deċiżjoni 2006/168/KE biss.

(3) Iċ-ċentri għall-produzzjoni tal-embrijuni elenkati skont l-Artikolu 8(2) tad-Direttiva 89/556/KEE fuq il-websajt tal-Kummissjoni biss: http://ec.europa.eu/food/animal/semen_ova/bovine/ova_embryos_en.htm.

(4) Pajjiżi terzi elenkati fl-Anness I mad-Deċiżjoni ta’ Implimentazzjoni tal-Kummissjoni 2011/630/UE biss.

Il-kulur tal-firma u tat-timbru għandu jkun differenti minn dak tal-istampar.

Test ta 'immaġni

”

(*) Għal embirjuni derivati in vivo u prodotti in vitro, iċ-ċertifikati li għandhom jintużaw għall-importazzjonijiet mill-Isvizzera huma stabbiliti fl-Anness C tad-Direttiva 89/556/KEE, bl-adattamenti stabbiliti fil-punt 2 tal-Kapitolu VI(B) tal-Appendiċi 2 tal-Anness 11 tal-Ftehim bejn il-Komunità Ewropea u l-Konfederazzjoni Svizzera dwar il-kummerċ fil-prodotti agrikoli, kif approvat bid-Deċiżjoni 2002/309/KE, Euratom tal-Kunsill, u tal-Kummissjoni fir-rigward tal-Ftehim dwar il-Kooperazzjoni Xjentifika u Teknoloġika tal-4 ta’ April 2002 dwar il-konklużjoni tas-seba’ Ftehimmal-Konfederazzjoni Svizzera.

(**) Dan il-Kodiċi proviżorju ma jippreġudika, bl-ebda mod, id-denominazzjoni definittiva għal dan il-pajjiż, li se tkun allokata wara l-konklużjoni tan-negozjati li għaddejjin bħalissa fin-Nazzjonijiet Uniti.

(***) Għal embrijuni derivati in vivo, iċ-ċertifikat li għandu jintuża għall-importazzjoni minn New Zealand huwa stipulat fl-Anness IV tad-Deċiżjoni tal-Kummissjoni 2003/56/KE tal-24 ta’ Jannar 2003 dwar ċertifikati tas-saħħa għall-importazzjoni ta’ annimali ħajjin u prodotti tal-annimali minn New Zealand (biss għal embrijuni miġbura fi New Zealand), stabbilita skont il-Ftehim bejn il-Komunità Ewropea u New Zealand dwar miżuri sanitarji applikabbli għall-kummerċ ta’ annimali ħajjin u prodotti mill-annimali, kif approvat bid-Deċiżjoni tal-Kunsill 97/132/KE.

Top

Choose the experimental features you want to try