(1)

Fis-26 ta’ Frar 2011, il-Kunsill tas-Sigurtà tan-Nazzjonijiet Uniti (“KSNU”) adotta tar-Riżoluzzjoni tal-Kunsill tas-Sigurtà tan-Nazzjonijiet Uniti (UNSCR) 1970 (2011), u b’hekk impona embargo tal-armi fuq il-Libja.

(2)

Il-KSNU fil-UNSCR 2292 (2016) tiegħu awtorizza lill-Istati li jaġixxu f’livell nazzjonali jew permezz ta’ organizzazzjonijiet reġjonali, biex jispezzjonaw fl-ibħra internazzjonali ’l barra mill-kosta tal-Libja l-bastimenti li huma għandhom xi bażi raġonevoli biex jaħsbu li dawn il-bastimenti qed iġorru armi jew materjal relatat lejn jew mil-Libja, direttament jew indirettament, bi ksur tal-embargo fuq l-armi tan-Nazzjonijiet Uniti fuq il-Libja, u ddeċieda li l-Istati, malli jiskopru waqt dawn l-ispezzjonijiet oġġetti pprojbiti mill-embargo tal-armi fuq il-Libja, għandhom jikkonfiskaw u jeħilsu minn dawn l-oġġetti.

(3)

Id-Deċiżjoni tal-Kunsill (PESK) 2020/472 (2) tipprevedi li l-kompitu ewlieni tal-operazzjoni navali tal-Unjoni EUNAVFOR MED IRINI huwa li tikkontribwixxi għall-implimentazzjoni tal-embargo fuq l-armi tan-Nazzjonijiet Uniti fuq il-Libja.

(4)

Għal dak l-għan, l-Artikolu 2(3) tad-Deċiżjoni (PESK) 2020/472 jipprevedi li, f’konformità mar-Riżoluzzjonijiet rilevanti tal-Kunsill tas-Sigurtà tan-Nazzjonijiet Uniti, bħall-UNSCR 1970 (2011) u UNSCR 2473(2019), u b’mod partikolari l-UNSCR 2292 (2016), kif meħtieġ, l-EUNAVFOR MED IRINI għandha twettaq, fiż-Żona maqbula tal-Operazzjonijiet fl-ibħra internazzjonali ’l barra mill-kosta tal-Libja, spezzjonijiet fuq bastimenti destinati lejn jew mil-Libja fejn ikun hemm bażi raġonevoli biex taħseb li dawn il-bastimenti qed iġorru armi jew materjal relatat lejn jew mil-Libja, direttament jew indirettament, bi ksur tal-embargo tal-armi fuq il-Libja, u li l-EUNAVFOR MED IRINI għandha tieħu l-azzjoni rilevanti biex tikkonfiska u teħles minn tali oġġetti.

(5)

Barra minn hekk, l-Artikolu 2(5) tad-Deċiżjoni (PESK) 2020/472 jipprevedi li, fid-dawl tar-rekwiżiti operazzjonali eċċezzjonali, u fuq stedina minn Stat Membru, l-EUNAVFOR MED IRINI tista’ tiddevja bastimenti lejn il-portijiet ta’ dak l-Istat Membru u teħles mill-armi u mill-materjal relatat li tkun issekwestrat, inkluż billi taħżinhom, teqridhom jew tittrasferihom lejn Stat Membru jew lejn parti terza. Jipprevedi wkoll li l-eliminazzjoni ta’ armi maqbuda u materjal relatat jista’ jseħħ bl-assistenza ta’ Stat Membru, li għandu jimpenja ruħu li jlesti malajr kemm jista’ jkun il-proċeduri meħtieġa li jippermettu l-eliminazzjoni tal-oġġetti maqbuda, fil-qafas tal-liġi u l-proċeduri applikabbli.

(6)

Id-Deċiżjoni tal-Kunsill (PESK) 2023/1439 (3) tintroduċi dispożizzjoni fid-Deċiżjoni (PESK) 2015/1333 fis-sens li tali Stat Membru jkun obbligat jieħu l-miżuri neċessarji biex jiffaċilita l-eliminazzjoni, f’isem l-EUNAVFOR MED IRINI, ta’ armi u materjal relatat issekwestrati mill-EUNAVFOR MED IRINI fl-ibħra internazzjonali f’konformità mal-mandat tagħha.

(7)

Bl-għan li tiġi żgurata l-applikazzjoni uniformi ta’ din id-dispożizzjoni fl-Istati Membri kollha, hija neċessarja azzjoni regolatorja fil-livell tal-Unjoni.

(8)

Ir-Regolament tal-Kunsill (UE) 2016/44 (4) idaħħal fis-seħħ id-Deċiżjoni (PESK) 2015/1333. Għaldaqstant, jenħtieġ li r-Regolament (UE) 2016/44 jiġi emendat skont dan,

(1)

Il-Parti 1, it-Taqsima 1.1.3, tal-Anness VI tar-Regolament (KE) Nru 1272/2008 fiha lista ta’ noti li tista’ tiġi assenjata ma’ entrata waħda jew aktar ta’ klassifikazzjoni u ta’ tikkettar armonizzati u li huma relatati mal-identifikazzjoni, mal-klassifikazzjoni u mat-tikkettar tas-sustanzi kif ukoll mal-klassifikazzjoni u mat-tikkettar tat-taħlitiet.

(2)

Fl-opinjoni tiegħu, l-Kumitat għall-Istima tar-Riskji (RAC) tal-11 ta’ Ġunju 2020 dwar l-aċidu 2-etileżanojku u l-imlieħ tiegħu (2), skont l-Aġenzija Ewropea għas-Sustanzi Kimiċi rrakkomanda li tiżdied nota ġdida fil-Parti 1, it-Taqsima 1.1.3.1, tal-Anness VI, tar-Regolament (KE) Nru 1272/2008, biex jiġi ċċarat li l-klassifikazzjoni li tkopri grupp ta’ sustanzi fl-istess entrata hija bbażata biss fuq il-proprjetajiet perikolużi ta’ dik il-parti tas-sustanza li hija komuni għas-sustanzi kollha f’dik l-entrata. Skont l-RAC, għall-partijiet mhux komuni ta’ sustanza, huwa meħtieġ li jiġi vvalutat jekk il-proprjetajiet perikolużi tagħhom jistgħux jiġġustifikaw klassifikazzjoni aktar severa (kategorija ogħla) jew klassifikazzjoni usa’ (inklużi differenzazzjoni addizzjonali, organi fil-mira u/jew dikjarazzjonijiet ta’ periklu) għall-istess klassi ta’ periklu. Għalhekk jenħtieġ li tiżdied nota X ġdida mal-Parti 1, it-Taqsima 1.1.3.1, tal-Anness VI, tar-Regolament (KE) Nru 1272/2008. Peress li din in-nota tista’ tiġi attribwita lil sustanzi oħra li għandhom l-istess proprjetajiet fil-futur, jenħtieġ li hija tiġi fformulata b’tali mod li ma tkunx limitata għal dik l-entrata speċifika.

(3)

L-opinjoni tal-RAC tal-20 ta’ Settembru 2019 dwar l-aċidu boriku, it-triossidu tad-diboron, l-ettaossidu tad-disodju tat-tetraboron idrat, it-tetraborat tad-disodju anidru, l-aċidu ortoboriku melħ tas-sodju, id-dekaidrat tat-tetraborat tad-disodju, il-pentaidrat tat-tetraborat tad-disodju (3) kif ukoll l-opinjoni tal-RAC tal-11 ta’ Ġunju 2020 dwar l-aċidu 2-etileżanojku u l-imlieħ tiegħu, iddeskrivew evidenza xjentifika li t-tossiċità riproduttiva ta’ kull wieħed minn dawn il-gruppi ta’ sustanzi hija dovuta għal entità molekulari komuni għall-membri kollha tal-grupp rispettiv. Meta kienu qed jikkunsidraw proposti għall-klassifikazzjoni armonizzata ta’ ċerti komposti tal-boron u tal-aċidu 2-etileżanojku u l-imlieħ tiegħu, l-esperti tal-Istati Membri kkonsultati fil-grupp ta’ esperti CARACAL (Awtoritajiet Kompetenti għar-Reġistrazzjoni, il-Valutazzjoni, l-Awtorizzazzjoni u r-Restrizzjoni ta’ Sustanzi Kimiċi (REACH) u l-Klassifikazzjoni, l-Ittikkettar u l-Imballaġġ (CLP)) talbu li jiżdiedu noti ġodda fil-Parti 1, it-Taqsima 1.1.3.2, tal-Anness VI, tar-Regolament (KE) Nru 1272/2008. Skont id-diskussjoni fil-grupp ta’ esperti CARACAL, dawn in-noti huma meħtieġa biex jippermettu identifikazzjoni aktar preċiża tal-periklu tat-taħlitiet, li fihom diversi sustanzi li jappartjenu għall-istess “entrata fi grupp”. Jenħtieġ li l-prinċipju ta’ addittività japplika għal sustanzi li l-periklu tagħhom huwa minħabba l-preżenza jew il-formazzjoni ta’ entità molekulari komuni. B’konsegwenza ta’ dan, huwa meħtieġ li jitqies il-kontribut ta’ dawn is-sustanzi għall-karatteristika perikoluża ġenerali tat-taħlita fi proporzjon mal-konċentrazzjoni tagħhom, billi jitqabbel il-limitu ta’ konċentrazzjoni ġeneriku jew speċifiku applikabbli mas-somma tal-konċentrazzjonijiet tas-sustanzi preżenti. Għalhekk, jenħtieġ li, jiżdiedu żewġ noti ġodda, in-noti 11 u 12, fil-Parti 1, it-Taqsima 1.1.3.2, tal-Anness VI tar-Regolament (KE) Nru 1272/2008. Billi n-nota 11 jenħtieġ li tiġi assenjata lill-aċidu boriku u l-imlieħ tiegħu, u lil komposti boriċi oħra li jirrilaxxaw l-aċidu boriku/borat, fid-dawl tal-ispeċifiċità tal-entrati kkonċernati, jenħtieġ li din tiġi fformulata b’tali mod li tkun speċifika għal dawk l-entrati. Peress li n-nota 12 x’aktarx li fil-futur tiġi assenjata lil sustanzi oħra għajr l-aċidu 2-etileżanojku u l-imlieħ tiegħu, jenħtieġ li din tiġi fformulata b’tali mod li ma tkunx limitata għal dik l-entrata speċifika.

(4)

Għalhekk, jenħtieġ li r-Regolament (KE) Nru 1272/2008 jiġi emendat skont dan,

(1)

Il-Parti 3, it-Tabella 3, tal-Anness VI tar-Regolament (KE) Nru 1272/2008 fiha lista tal-klassifikazzjoni u tal-ittikkettar armonizzati tas-sustanzi perikolużi abbażi tal-kriterji stabbiliti fil-Partijiet 2 sa 5 tal-Anness I ta’ dak ir-Regolament.

(2)

Tressqu proposti għall-introduzzjoni tal-klassifikazzjoni u tal-ittikkettar armonizzati ta’ ċerti sustanzi u għall-aġġornament jew għat-tħassir tal-klassifikazzjoni u tal-ittikkettar armonizzati ta’ ċerti sustanzi oħra lill-Aġenzija Ewropea għas-Sustanzi Kimiċi (“l-Aġenzija”), skont l-Artikolu 37 tar-Regolament (KE) Nru 1272/2008. Il-Kumitat għall-Istima tar-Riskji (l-“RAC”) tal-Aġenzija adotta opinjonijiet dwar dawk il-proposti, wara li kkunsidra l-kummenti li waslu mingħand il-partijiet ikkonċernati.

(3)

L-opinjoni tal-RAC tal-20 ta’ Settembru 2019 dwar l-aċidu boriku, it-triossidu tad-diboron, l-ettaossidu tad-disodju tat-tetraboron, idrat, it-tetraborat tad-disodju, anidru, l-aċidu ortoboriku melħ tas-sodju, id-dekaidrat tat-tetraborat tad-disodju u l-pentaidrat tat-tetraborat tad-disodju (2), kif ukoll l-opinjoni tal-RAC tal-11 ta’ Ġunju 2020 dwar l-aċidu 2-etileżanojku u l-imlieħ tiegħu (3), iddeskrivew evidenza xjentifika li tindika li t-tossiċità riproduttiva ta’ kull wieħed minn dawk il-gruppi ta’ sustanzi hija dovuta għal entità molekulari komuni għall-membri kollha ta’ grupp ta’ sustanzi. Għalhekk, l-esperti tal-Istati Membri kkonsultati fil-grupp ta’ esperti tal-Kummissjoni CARACAL (Awtoritajiet Kompetenti għar-Reġistrazzjoni, għall-Valutazzjoni, għall-Awtorizzazzjoni u għar-Restrizzjoni tas-Sustanzi Kimiċi (REACH) u għall-Klassifikazzjoni, għall-Ittikkettar u għall-Imballaġġ (CLP)) talbu ż-żieda ta’ noti mal-entrati relatati mal-gruppi ta’ sustanzi msemmija f’dawk l-opinjonijiet tal-RAC tal-2019 u tal-2020, sabiex tiġi indirizzata s-sitwazzjoni li fiha bosta sustanzi li jappartjenu għal wieħed minn dawk il-gruppi jkunu preżenti flimkien f’taħlita u biex jiġi previst li l-limitu ta’ konċentrazzjoni applikabbli għall-klassifikazzjoni tat-taħlita għandu jitqabbel mas-somma tal-konċentrazzjonijiet ta’ dawk is-sustanzi. Dawk in-noti żdiedu mal-Parti 1, it-taqsima 1.1.3.2, tal-Anness VI tar-Regolament (KE) Nru 1272/2008 permezz tar-Regolament Delegat tal-Kummissjoni (UE) 2023/1434. Tal-25 ta’ April 2023 li jemenda, għall-finijiet tal-adattament tiegħu għall-progress tekniku u xjentifiku, ir-Regolament (KE) Nru 1272/2008 tal-Parlament Ewropew u tal-Kunsill dwar il-klassifikazzjoni, l-ittikkettar u l-imballaġġ tas-sustanzi u t-taħlitiet fir-rigward taż-żieda tan-noti mal-Parti 1, it-Taqsima 1.1.3, tal-Anness VI (4) bħala n-nota 11 u n-nota 12. Għalhekk jixraq li tiżdied referenza għan-nota 11 mal-entrati għall-aċidu boriku, għat-triossidu tad-diboron, għall-ettaossidu tad-disodju tat-tetraboron, idrat, għat-tetraborat tad-disodju, anidru, għall-aċidu ortoboriku melħ tas-sodju, għad-dekaidrat tat-tetraborat tad-disodju u għall-pentaidrat tat-tetraborat tad-disodju u referenza għan-nota 12 mal-entrata għall-aċidu 2-etileżanojku u l-imlieħ tiegħu.

(4)

Fl-opinjoni tiegħu tal-11 ta’ Ġunju 2020 dwar l-aċidu 2-etileżanojku u l-imlieħ tiegħu, l-RAC irrakkomanda li tiżdied nota ma’ din l-entrata, bil-għan li titqies il-possibbiltà li, għalkemm l-entrata għal dan il-grupp ta’ sustanzi hija bbażata fuq il-proprjetajiet tossiċi ta’ parti komuni ta’ dawk is-sustanzi, parti oħra tas-sustanzi li hija speċifika għas-sustanzi tista’ tiġġustifika klassifikazzjoni f’kategorija ogħla jew klassifikazzjoni b’ambitu usa’, pereż. billi jiġu inklużi differenzazzjoni addizzjonali, organi fil-mira u/jew dikjarazzjonijiet ta’ periklu, għal ċerti sustanzi fl-entrata. Tali nota żdiedet mal-Parti 1, it-taqsima 1.1.3.1, tal-Anness VI tar-Regolament (KE) Nru 1272/2008 permezz tar-Regolament Delegat (UE) 2023/1434. bħala n-nota X. Għalhekk jixraq li tiżdied referenza għan-nota X mal-entrata dwar l-aċidu 2-etileżanojku u l-imlieħ tiegħu.

(5)

L-esperti tal-Istati Membri kkonsultati fil-grupp ta’ esperti CARACAL issuġġerew li n-nota A attwali għandha tkun applikabbli għall-aċidu 2-etileżanojku u l-imlieħ tiegħu. In-nota A tippreskrivi li għal sustanzi koperti minn entrata b’deskrizzjoni ġenerali, bħal pereżempju “komposti…” jew “imlieħ…”, il-fornitur huwa meħtieġ li jiddikjara l-isem korrett fuq it-tikketta. Peress li l-entrata għall-aċidu 2-etileżanojku u l-imlieħ tiegħu fiha deskrizzjoni ġenerali bħal din, jenħtieġ li tiżdied referenza għan-nota A mal-entrata.

(6)

Peress li r-Regolament Delegat (UE) 2023/1434 ġie adottat fil-25 ta’ April 2023, in-noti inklużi f’dak ir-Regolament ma setgħux jiddaħħlu fit-Tabella 3 tal-Anness VI fiż-żmien tal-adozzjoni tar-Regolament Delegat tal-Kummissjoni (UE) 2021/849 (5) u r-Regolament Delegat tal-Kummissjoni (UE) 2022/692 (6) li żiedu l-entrati rispettivi fit-Tabella 3 tal-Anness VI tar-Regolament (KE) Nru 1272/2008. Għalhekk jeħtieġ li jiġu aġġornati l-entrati li jikkonċernaw l-aċidu boriku; it-triossidu tad-diboron; l-ettaossidu tad-disodju tat-tetraboron, idrat; it-tetraborat tad-disodju, anidru; l-aċidu ortoboriku melħ tas-sodju; id-dekaidrat tat-tetraborat tad-disodju; il-pentaidrat tat-tetraborat tad-disodju, billi tiżdied referenza għan-nota 11 ma’ kull wieħed minnhom. Jeħtieġ ukoll li tiġi aġġornata l-entrata dwar l-aċidu 2-etileżanojku u l-imlieħ tiegħu billi tiżdied referenza għan-nota 12 u għan-nota X f’dik l-entrata.

(7)

Għalhekk, jenħtieġ li r-Regolament (KE) Nru 1272/2008 jiġi emendat skont dan.

(8)

Jenħtieġ li l-konformità mal-klassifikazzjonijiet armonizzati riveduti ma tkunx meħtieġa minnufih, għaliex il-fornituri għandhom bżonn ftit żmien biex jadattaw l-ittikkettar u l-imballaġġ tas-sustanzi u tat-taħlitiet għall-klassifikazzjonijiet armonizzati riveduti u sabiex ibigħu l-ħażniet eżistenti ta’ sustanzi u taħlitiet. Dan il-perjodu ta’ żmien jippermetti wkoll lill-fornituri jieħdu l-azzjonijiet meħtieġa biex jiżguraw il-konformità ma’ rekwiżiti oħra stabbiliti fir-Regolament (KE) Nru 1272/2008, kif emendat b’dan ir-Regolament. Madankollu, jenħtieġ li l-fornituri jkollhom il-possibbiltà li japplikaw il-klassifikazzjonijiet armonizzati riveduti, u li jadattaw l-ittikkettar u l-imballaġġ skont dan, fuq bażi volontarja mid-dħul fis-seħħ ta’ dan ir-Regolament, sabiex jiġi żgurat livell għoli ta’ protezzjoni tas-saħħa tal-bniedem u tal-ambjent u biex tingħata biżżejjed flessibbiltà lill-fornituri,

(1)

Id-Direttiva tal-Kummissjoni 2006/75/KE (2) inkludiet id-dimossistrobina bħala sustanza attiva fl-Anness I tad-Direttiva tal-Kunsill 91/414/KEE (3).

(2)

Skont l-Artikolu 78(3) tar-Regolament (KE) Nru 1107/2009, is-sustanzi attivi inklużi fl-Anness I tad-Direttiva 91/414/KEE jitqiesu li ġew approvati skont ir-Regolament (KE) Nru 1107/2009 u huma elenkati fil-Parti A tal-Anness tar-Regolament ta’ Implimentazzjoni tal-Kummissjoni (UE) Nru 540/2011 (4).

(3)

Kif stipulat fil-Parti A tal-Anness tar-Regolament ta’ Implimentazzjoni (UE) Nru 540/2011, l-approvazzjoni tas-sustanza attiva dimossistrobina tiskadi fil-31 ta’ Jannar 2024.

(4)

F’konformità mal-Artikolu 1 tar-Regolament ta’ Implimentazzjoni tal-Kummissjoni (UE) Nru 844/2012 (5) u fil-perjodu ta’ żmien previst f’dak l-Artikolu, ġiet sottomessa applikazzjoni għat-tiġdid tal-approvazzjoni tas-sustanza attiva dimossistrobina lill-Ungerija, l-Istat Membru relatur, u lill-Irlanda, l-Istat Membru korelatur.

(5)

L-applikant issottometta l-fajls supplimentari meħtieġa skont l-Artikolu 6 tar-Regolament ta’ Implimentazzjoni (UE) Nru 844/2012, lill-Istat Membru relatur, lill-Istat Membru korelatur, lill-Kummissjoni u lill-Awtorità Ewropea dwar is-Sigurtà fl-Ikel (“l-Awtorità”). L-Istat Membru relatur sab li l-applikazzjoni kienet kompluta.

(6)

L-Istat Membru relatur ħejja abbozz tar-rapport ta’ valutazzjoni tat-tiġdid b’konsultazzjoni mal-Istat Membru korelatur, u bagħtu lill-Awtorità u lill-Kummissjoni fl-1 ta’ Settembru 2017. Fl-abbozz tar-rapport ta’ valutazzjoni tat-tiġdid, l-Istat Membru relatur ippropona li tiġġedded l-approvazzjoni tas-sustanza attiva dimossistrobina.

(7)

L-Awtorità ppubblikat il-fajl sommarju supplimentari. Barra minn hekk, l-Awtorità ċċirkolat ukoll l-abbozz tar-rapport ta’ valutazzjoni tat-tiġdid lill-applikant u lill-Istati Membri biex jagħtu l-kummenti tagħhom u nediet konsultazzjoni pubblika dwaru. L-Awtorità għaddiet il-kummenti li rċeviet lill-Kummissjoni.

(8)

L-Awtorità wettqet konsultazzjonijiet esperti fl-oqsma tat-tossikoloġija tal-mammiferi, id-destin u l-imġiba ambjentali, u l-ekotossikoloġija f’Jannar u Ġunju 2022. B’riżultat ta’ dawk il-konsultazzjonijiet, l-Awtorità identifikat tħassib, b’mod partikolari fir-rigward tal-kontaminazzjoni tal-ilma ta’ taħt l-art mill-metaboliti tossikoloġikament rilevanti tad-dimossistrobina.

(9)

Fit-12 ta’ Awwissu 2022, fid-dawl tat-tħassib dwar il-kontaminazzjoni tal-ilma ta’ taħt l-art identifikat mill-Awtorità, il-Kummissjoni talbet lill-Awtorità toħroġ stqarrija li jkun fiha sommarju tas-sejbiet ewlenin tagħha fir-rigward tal-valutazzjoni tas-sustanza attiva dimossistrobina fir-rigward tad-destin ambjentali tagħha, l-imġiba tagħha u l-ekotossikoloġija tagħha.

(10)

Fl-11 ta’ Ottubru 2022, l-Awtorità kkomunikat dik id-dikjarazzjoni lill-Kummissjoni (6).

(11)

Fid-dikjarazzjoni tagħha, l-Awtorità kkonfermat li jeżisti qasam kritiku ta’ tħassib għall-użi rappreżentattivi kollha tas-sustanza attiva, b’mod partikolari potenzjal għoli ta’ kontaminazzjoni tal-ilma ta’ taħt l-art minn metaboliti tossikoloġikament rilevanti tad-dimossistrobina (505M08 u 505M09) fil-kundizzjonijiet ġeoklimatiċi kollha rrappreżentati mix-xenarji ta’ valutazzjoni tal-ilma ta’ taħt l-art.

(12)

Fit-8 ta’ Diċembru 2022 u fil-25 ta’ Jannar 2023 rispettivament, il-Kummissjoni ppreżentat l-abbozz tar-rapport tat-tiġdid tagħha dwar id-dimossistrobina u abbozz ta’ dan ir-Regolament lill-Kumitat Permanenti dwar il-Pjanti, l-Annimali, l-Ikel u l-Għalf.

(13)

Il-Kummissjoni stiednet lill-applikant jissottometti l-kummenti tiegħu dwar id-dikjarazzjoni tal-Awtorità. Barra minn hekk, f’konformità mal-Artikolu 14(1), it-tielet subparagrafu, tar-Regolament ta’ Implimentazzjoni (UE) Nru 844/2012, il-Kummissjoni stiednet lill-applikant biex jissottometti l-kummenti tiegħu dwar l-abbozz tar-rapport tat-tiġdid. L-applikant ressaq il-kummenti tiegħu, u dawn ġew eżaminati bir-reqqa.

(14)

Minkejja l-argumenti mressqa mill-applikant, it-tħassib marbut mad-destin ambjentali, l-imġiba u l-ekotossikoloġija tad-dimossistrobina ma setax jiġi eliminat.

(15)

Konsegwentement, ma ġiex stabbilit li d-dimossistrobina tissodisfa l-kriterji għall-approvazzjoni previsti fl-Artikolu 4 tar-Regolament (KE) Nru 1107/2009. Għalhekk, jixraq li l-approvazzjoni ta’ dik is-sustanza attiva ma tiġġeddidx.

(16)

Għaldaqstant, jenħtieġ li r-Regolament ta’ Implimentazzjoni (UE) Nru 540/2011 jiġi emendat skont dan.

(17)

Ir-Regolament ta’ Implimentazzjoni tal-Kummissjoni (UE) 2015/408 (7) elenka d-dimossistrobina bħala kandidat għas-sostituzzjoni. Fid-dawl tan-nuqqas ta’ tiġdid tal-approvazzjoni tad-dimossistrobina, dak l-elenkar ma għadux rilevanti. Għaldaqstant, jenħtieġ li d-dimossistrobina titħassar mill-Anness tar-Regolament ta’ Implimentazzjoni (UE) 2015/408.

(18)

L-Istati Membri jenħtieġ li jingħataw iż-żmien biex jirtiraw l-awtorizzazzjonijiet tal-prodotti għall-protezzjoni tal-pjanti li fihom id-dimossistrobina.

(19)

Fir-rigward tal-prodotti għall-protezzjoni tal-pjanti li fihom id-dimossistrobina, meta l-Istati Membru jagħtu perjodu ta’ grazzja f’konformità mal-Artikolu 46 tar-Regolament (KE) Nru 1107/2009, dak il-perjodu jenħtieġ li ma jaqbiżx it-12-il xahar mid-data tad-dħul fis-seħħ ta’ dan ir-Regolament.

(20)

Ir-Regolament ta’ Implimentazzjoni tal-Kummissjoni (UE) 2023/115 (8) jestendi l-perjodu tal-approvazzjoni tad-dimossistrobina sal-31 ta’ Jannar 2024 biex il-proċess tat-tiġdid ikun jista’ jitlesta qabel jiskadi l-perjodu tal-approvazzjoni. Madankollu, peress li ttieħdet deċiżjoni dwar in-nuqqas ta’ tiġdid tal-approvazzjoni qabel dik id-data ta’ skadenza estiża, jenħtieġ li dan ir-Regolament japplika qabel dik id-data.

(21)

Ir-Regolament ma jipprevjenix is-sottomissjoni ta’ applikazzjoni oħra għall-approvazzjoni tad-dimossistrobina skont l-Artikolu 7 tar-Regolament (KE) Nru 1107/2009.

(22)

Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

Id-Direttiva 2011/65/UE tirrikjedi li l-Istati Membri jiżguraw li t-tagħmir elettriku u elettroniku mqiegħed fis-suq ma jkunx fih is-sustanzi perikolużi elenkati fl-Anness II ta’ dik id-Direttiva. Dik ir-restrizzjoni ma tapplikax għal ċerti applikazzjonijiet eżentati li huma elenkati fl-Anness IV ta’ dik id-Direttiva.

(2)

Il-kategoriji tat-tagħmir elettriku u elettroniku li għalihom tapplika d-Direttiva 2011/65/UE huma elenkati fl-Anness I ta’ dik id-Direttiva.

(3)

Il-merkurju hu sustanza ristretta elenkata fl-Anness II tad-Direttiva 2011/65/UE.

(4)

Fis-26 ta’ April 2021, il-Kummissjoni rċeviet applikazzjoni magħmula f’konformità mal-Artikolu 5(3) tad-Direttiva 2011/65/UE biex tiġi elenkata eżenzjoni fl-Anness IV ta’ dik id-Direttiva, għall-użu tal-merkurju fit-trasdutturi tal-pressjoni tat-tidwib għal reometri kapillari f’temperaturi ogħla minn 300 °C u pressjonijiet ogħla minn 1 000 bar (“l-eżenzjoni mitluba”).

(5)

It-trasduttur tal-pressjoni użat, inkorporat f’reometri kapillari, huwa magħmul minn komponenti elettriċi u huwa apparat tal-kejl elettriku fil-kamp ta’ applikazzjoni tad-Direttiva 2011/65/UE. Ir-reometri kapillari deskritti fl-eżenzjoni mitluba jaqgħu taħt il-kategorija 9 “strumenti ta’ monitoraġġ u kontroll” tal-Anness I tad-Direttiva 2011/65/UE.

(6)

L-evalwazzjoni tal-applikazzjoni għal eżenzjoni, li kienet tinkludi studju ta’ valutazzjoni teknika u xjentifika (2), ikkonkludiet li s-sostituzzjoni tal-merkurju fi trasdutturi tal-pressjoni tat-tidwib għal reometri kapillari f’temperaturi ogħla minn 300 °C u pressjonijiet ogħla minn 1 000 bar bħalissa mhijiex prattikabbli mil-lat xjentifiku jew tekniku. L-evalwazzjoni kienet tinkludi konsultazzjonijiet mal-partijiet ikkonċernati kif meħtieġ mill-Artikolu 5(7) tad-Direttiva 2011/65/UE.

(7)

Waħda mill-kundizzjonijiet rilevanti speċifikati fl-Artikolu 5(1), il-punt (a) tad-Direttiva 2011/65/UE hija ssodisfata, jiġifieri dik li l-eliminazzjoni u s-sostituzzjoni mhumiex prattikabbli mil-lat xjentifiku jew tekniku.

(8)

Għalhekk, jixraq li tingħata l-eżenzjoni mitluba billi jiddaħħlu l-applikazzjonijiet koperti minnha fl-Anness IV tad-Direttiva 2011/65/UE b’rabta mat-tagħmir elettriku u elettroniku tal-kategorija 9.

(9)

Sabiex tinżamm il-konformità mar-restrizzjonijiet futuri fuq il-prodotti miżjudin bil-merkurju skont ir-Regolament (UE) 2017/852 tal-Parlament Ewropew u tal-Kunsill (3), jeħtieġ li l-perjodu tal-validità tal-eżenzjoni jiġi limitat sal-31 ta’ Diċembru 2025. Il-perjodu huwa stabbilit f’konformità mal-Artikolu 5(2), l-ewwel subparagrafu, tad-Direttiva 2011/65/UE.

(10)

Għaldaqstant, jenħtieġ li d-Direttiva 2011/65/UE tiġi emendata skont dan,

(1)

Id-Direttivi tal-Kummissjoni 2003/90/KE (3) u 2003/91/KE (4) għandhom l-għan li jiżguraw li l-varjetajiet ta’ speċijiet ta’ pjanti agrikoli u ta’ speċijiet ta’ ħxejjex li l-Istati Membri jinkludu fil-katalgi nazzjonali tagħhom jikkonformaw mal-protokolli stabbiliti mill-Uffiċċju Komunitarju tal-Varjetajiet tal-Pjanti (“CPVO”). B’mod partikolari, dawk id-Direttivi għandhom l-għan li jiżguraw konformità mar-regoli li jikkonċernaw il-karatteristiċi li għandhom jiġu koperti bħala minimu mill-eżami u l-kundizzjonijiet minimi għall-eżami ta’ ċerti varjetajiet ta’ speċijiet ta’ pjanti agrikoli u ta’ ħxejjex. Għall-ispeċijiet mhux koperti mill-protokolli tas-CPVO, dawk id-Direttivi għandhom l-għan li jiżguraw konformità mal-linji gwida tal-Unjoni Internazzjonali għall-Protezzjoni ta’ Varjetajiet Ġodda tal-Pjanti (“UPOV”).

(2)

Is-CPVO u l-UPOV aġġornaw il-protokolli eżistenti, b’mod partikolari fir-rigward tal-qanneb, it-tewm, il-kohlrabi, iċ-ċikwejra tal-weraq, id-dulliegħ u n-nevew. Dawk l-iżviluppi jenħtieġ li jiġu riflessi fid-dritt tal-Unjoni.

(3)

Għalhekk, jenħtieġ li d-Direttivi 2003/90/KE u 2003/91/KE jiġu emendati skont dan.

(4)

L-Istati Membri jenħtieġ li japplikaw ir-regoli l-ġodda mill-1 ta’ Jannar 2024. Madankollu, sabiex ma jitfixklux l-eżamijiet uffiċjali, jenħtieġ li japplika dan li ġej. Għall-varjetajiet li ma kinux aċċettati għall-inklużjoni fil-Katalgu Komuni tal-varjetajiet ta’ speċijiet ta’ pjanti agrikoli jew ta’ ħxejjex, l-eżamijiet uffiċjali, li bdew qabel l-1 ta’ Jannar 2024 u li għadhom ma ġewx iffinalizzati, jenħtieġ li jitkomplew f’konformità mad-Direttiva 2003/90/KE jew mad-Direttiva 2003/91/KE kif kienu qabel ma ġew emendati b’din id-Direttiva.

(5)

Il-miżuri previsti f’din id-Direttiva huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

Fil-31 ta' Lulju 2015, il-Kunsill adotta d-Deċiżjoni (PESK) 2015/1333 (1) dwar miżuri restrittivi fid-dawl tas-sitwazzjoni fil-Libja.

(2)

Il-Kunsill tas-Sigurtà tan-Nazzjonijiet Uniti (‘KSNU’), fir-Riżoluzzjoni 2292(2016) tiegħu, awtorizza lill-Istati li jaġixxu fuq livell nazzjonali jew permezz ta' organizzazzjonijiet reġjonali biex jispezzjonaw fl-ibħra miftuħa 'l barra mill-kosta tal-Libja bastimenti li huma jkollhom raġunijiet raġonevoli biex jemmnu li qed iġorru armi jew materjal relatat lejn jew mil-Libja, direttament jew indirettament, bi ksur tal-embargo fuq l-armi tan-Nazzjonijiet Uniti fuq il-Libja u ddeċieda li l-Istati, malli jiskopru, matul tali spezzjonijiet, oġġetti pprojbiti mill-embargo fuq l-armi fuq il-Libja, għandhom jissekwestraw u jiddisponu minn tali oġġetti.

(3)

Id-Deċiżjoni tal-Kunsill (PESK) 2020/472 (2) tipprevedi li l-kompitu ewlieni tal-operazzjoni navali tal-Unjoni EUNAVFOR MED IRINI huwa li tikkontribwixxi għall-implimentazzjoni tal-embargo fuq l-armi tan-Nazzjonijiet Uniti fuq il-Libja.

(4)

Għal dak l-għan, l-Artikolu 2(3) tad-Deċiżjoni (PESK) 2020/472 jipprevedi li, f'konformità mar-Riżoluzzjonijiet rilevanti tal-Kunsill tas-Sigurtà tan-Nazzjonijiet Uniti (‘UNSCRs’), b'mod partikolari l-UNSCR 2292(2016), u skont il-ħtieġa, l-EUNAVFOR MED IRINI għandha twettaq, fiż-Żona ta' Operazzjonijiet maqbula fl-ibħra miftuħa 'l barra mill-kosta tal-Libja, spezzjonijiet ta' bastimenti destinati lejn il-Libja jew ġejjin minnha fejn ikun hemm raġunijiet raġonevoli biex jitwemmen li tali bastimenti jkunu qed iġorru armi jew materjal relatat lejn jew mil-Libja, direttament jew indirettament, bi ksur tal-embargo fuq l-armi fuq il-Libja, u li l-EUNAVFOR MED IRINI għandha tieħu azzjoni rilevanti biex tissekwestra u tiddisponi minn tali oġġetti.

(5)

Barra minn hekk, l-Artikolu 2(5) tad-Deċiżjoni (PESK) 2020/472 jipprevedi li, fid-dawl tar-rekwiżiti operazzjonali eċċezzjonali, u fuq stedina minn Stat Membru, l-EUNAVFOR MED IRINI tista' tiddevja bastimenti lejn portijiet ta' dak l-Istat Membru u tiddisponi minn armi u materjal relatat li tkun issekwestrat, inkluż permezz ta' ħżin, qerda jew trasferiment lil Stat Membru jew lil parti terza. Jipprevedi wkoll li d-disponiment minn armi sekwestrati u materjal relatat jista' jitwettaq bl-assistenza ta' Stat Membru, li għandu jimpenja ruħu li jlesti malajr kemm jista' jkun il-proċeduri meħtieġa biex ikun possibbli d-disponiment mill-oġġetti sekwestrati, fil-qafas tal-liġi u l-proċeduri applikabbli.

(6)

Għalhekk jenħtieġ li jiġu introdotti dispożizzjonijiet rilevanti sabiex jipprevedu li tali Stat Membru jkun meħtieġ jieħu l-miżuri neċessarji biex jiffaċilita d-disponiment, f'isem l-EUNAVFOR MED IRINI, minn armi u materjal relatat issekwestrati mill-EUNAVFOR MED IRINI fl-ibħra miftuħa f'konformità mal-mandat tagħha.

(7)

Għalhekk, jenħtieġ li d-Deċiżjoni (PESK) 2015/1333 tiġi emendata skont dan,

(1)

Id-Deċiżjoni tal-Kunsill (PESK) 2021/509 (1) tistabbilixxi l-Faċilità Ewropea għall-Paċi (EPF) għall-finanzjament mill-Istati Membri tal-azzjonijiet tal-Unjoni fil-qafas tal-politika estera u ta' sigurtà komuni (PESK) biex tinżamm il-paċi, jiġu pprevenuti l-konflitti u tissaħħaħ is-sigurtà internazzjonali skont l-Artikolu 21(2), il-punt (c), tat-Trattat. B'mod partikolari, skont l-Artikolu 1(2) tad-Deċiżjoni (PESK) 2021/509, l-EPF trid tintuża biex tiffinanzja miżuri ta' assistenza bħal azzjonijiet biex jissaħħu l-kapaċitajiet ta' Stati terzi u organizzazzjonijiet reġjonali u internazzjonali b’rabta ma’ kwistjonijiet militari u ta’ difiża.

(2)

Ir-reġjuni tat-tramuntana tal-pajjiżi kostali tal-Golf tal-Guinea, jiġifieri l-Ghana, il-Kosta tal-Avorju, il-Benin u t-Togo, qed jesperjenzaw kundizzjonijiet ta' sigurtà li qed jiddeterjoraw b'rabta mal-kriżi li qed taffettwa s-Saħel ċentrali.

(3)

Fid-dawl tal-ambjent tas-sigurtà li qed jiddeterjora, huwa importanti li jissaħħu l-forzi tad-difiża u tas-sigurtà li jippermetti u jappoġġa l-isforzi għall-istabbilizzazzjoni fil-Ghana. F'dan il-kuntest, u b'għarfien sħiħ tal-fatt li s-sitwazzjoni teħtieġ rispons integrat, hija prijorità ewlenija għall-Unjoni li tiżgura paċi u sigurtà fit-tul fil-Ghana.

(4)

Fil-5 ta' Mejju 2023, ir-Rappreżentant Għoli tal-Unjoni għall-Affarijiet Barranin u l-Politika ta' Sigurtà irċieva talba mill-Ghana biex l-Unjoni tassisti lill-Forzi Armati tal-Ghana fl-akkwist ta' tagħmir ewlieni biex jissaħħu l-kapaċitajiet operazzjonali tal-unitajiet militari skjerati fil-parti tat-tramuntana tal-pajjiż biex jiġġieldu l-gruppi armati u jikkontrobattu u jnaqqsu l-opportunitajiet tagħhom biex dawk il-gruppi jwettqu attakki terroristiċi.

(5)

Miżuri ta' assistenza jridu jiġu implimentati b'kont meħud tal-prinċipji u r-rekwiżiti stipulati fid-Deċiżjoni (PESK) 2021/509, b'mod partikolari f'konformità mal-Pożizzjoni Komuni tal-Kunsill 2008/944/PESK (2), u f'konformità mar-regoli għall-implimentazzjoni tad-dħul u n-nefqa ffinanzjati taħt l-EPF.

(6)

Il-Kunsill jafferma mill-ġdid id-determinazzjoni tiegħu li jipproteġi, jippromwovi u jissodisfa d-drittijiet tal-bniedem, il-libertajiet fundamentali u l-prinċipji demokratiċi u li jsaħħaħ l-istat tad-dritt u l-governanza tajba, f'konformità mal-Karta tan-Nazzjonijiet Uniti, id-Dikjarazzjoni Universali tad-Drittijiet tal-Bniedem u d-dritt internazzjonali, b'mod partikolari d-dritt internazzjonali dwar id-drittijiet tal-bniedem u d-dritt umanitarju internazzjonali,