This document is an excerpt from the EUR-Lex website
Document 62022CN0472
Case C-472/22: Request for a preliminary ruling from the Tribunal Arbitral Tributário (Centro de Arbitragem Administrativa — CAAD) (Portugal) lodged on 14 July 2022 — NO v Autoridade Tributária e Aduaneira
Kawża C-472/22: Talba għal deċiżjoni preliminari mressqa mit-Tribunal Arbitral Tributário (Centro de Arbitragem Administrativa – CAAD) (il-Portugall) fl-14 ta’ Lulju 2022 – NO vs Autoridade Tributária e Aduaneira
Kawża C-472/22: Talba għal deċiżjoni preliminari mressqa mit-Tribunal Arbitral Tributário (Centro de Arbitragem Administrativa – CAAD) (il-Portugall) fl-14 ta’ Lulju 2022 – NO vs Autoridade Tributária e Aduaneira
ĠU C 424, 7.11.2022, p. 21–22
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
7.11.2022 |
MT |
Il-Ġurnal Uffiċjali tal-Unjoni Ewropea |
C 424/21 |
Talba għal deċiżjoni preliminari mressqa mit-Tribunal Arbitral Tributário (Centro de Arbitragem Administrativa – CAAD) (il-Portugall) fl-14 ta’ Lulju 2022 – NO vs Autoridade Tributária e Aduaneira
(Kawża C-472/22)
(2022/C 424/27)
Lingwa tal-kawża: il-Portugiż
Qorti tar-rinviju
Tribunal Arbitral Tributário (Centro de Arbitragem Administrativa – CAAD)
Partijiet fil-kawża prinċipali
Rikorrent: NO
Konvenut: Autoridade Tributária e Aduaneira
Domandi preliminari
1) |
L-Artikolu 49 (dritt ta’ stabbiliment) u/jew l-Artikolu 63 (moviment liberu ta’ kapital) tat-TFUE għandhom jiġu interpretati fis-sens li jipprekludu liġi jew prassi fiskali ta’ Stat Membru, li, b’riżultat tat-tassazzjoni fuq id-dħul ta’ persuna fiżika f’dan l-Istat Membru, benefiċċju fiskali, li jikkonsisti fit-tassazzjoni ta’ 50 % tal-profitti li jirriżultaw mit-trasferiment ta’ ishma, ikun applikabbli għal trasferimenti ta’ ishma f’kumpanniji rregolati mid-dritt nazzjonali, iżda mhux għal trasferimenti ta’ ishma f’kumpanniji kkostitwiti fi Stat Membru ieħor? |
2) |
L-Artikolu 49 (dritt ta’ stabbiliment) u/jew l-Artikolu 63 (moviment liberu ta’ kapital) tat-TFUE għandhom jiġu interpretati fis-sens li jipprekludu liġi jew prassi fiskali ta’ Stat Membru, li, b’riżultat tat-tassazzjoni fuq id-dħul ta’ persuna fiżika f’dan l-Istat Membru, benefiċċju fiskali, li jikkonsisti fit-tassazzjoni ta’ 50 % tal-profitti li jirriżultaw mit-trasferiment ta’ ishma, ikun applikabbli għal trasferimenti ta’ ishma f’kumpanniji b’sede effettiva fit-territorju nazzjonali, iżda mhux għal trasferimenti ta’ ishma f’kumpanniji b’sede effettiva fit-territorju ta’ Stat Membru ieħor? |
3) |
L-Artikolu 49 (dritt ta’ stabbiliment) u/jew l-Artikolu 63 (moviment liberu ta’ kapital) tat-TFUE għandhom jiġu interpretati fis-sens li jipprekludu liġi jew prassi fiskali ta’ Stat Membru, li, b’riżultat tat-tassazzjoni fuq id-dħul ta’ persuna fiżika f’dan l-Istat Membru, benefiċċju fiskali, li jikkonsisti fit-tassazzjoni ta’ 50 % tal-profitti li jirriżultaw mit-trasferiment ta’ ishma, ikun applikabbli għal trasferimenti ta’ ishma f’kumpanniji b’residenza fiskali fit-territorju nazzjonali, iżda mhux għal trasferimenti ta’ ishma f’kumpanniji b’residenza fiskali fit-territorju ta’ Stat Membru ieħor? |
4) |
L-Artikolu 49 (dritt ta’ stabbiliment) u/jew l-Artikolu 63 (moviment liberu ta’ kapital) tat-TFUE għandhom jiġu interpretati fis-sens li jipprekludu liġi jew prassi fiskali ta’ Stat Membru, li, b’riżultat tat-tassazzjoni fuq id-dħul ta’ persuna fiżika f’dan l-Istat Membru, benefiċċju fiskali, li jikkonsisti fit-tassazzjoni ta’ 50 % tal-profitti li jirriżultaw mit-trasferiment ta’ ishma, ikun applikabbli għal trasferimenti ta’ ishma f’kumpanniji li joperaw fit-territorju nazzjonali, iżda mhux għal trasferimenti ta’ ishma f’kumpanniji li jeżerċitaw negozju fit-territorju ta’ Stat Membru ieħor? |
5) |
Il-prinċipju ta’ projbizzjoni ta’ prattiki abbużivi għandu jiġi interpretat fis-sens li japplika għal trasferiment ta’ ishma bħal dak inkwistjoni fil-kawża prinċipali, li, essenzjalment, ikollu riżultat ekwivalenti għal ħlas ta’ dividendi, u li l-forma legali tiegħu ntgħażlet mill-persuna taxxabbli bil-għan, essenzjalment, li tikseb benefiċċju fiskali li jirriżulta mid-dritt nazzjonali u strettament applikabbli għall-profitti magħmula fuq il-proprjetajiet immobbli, f’ċirkustanzi bħal dawk inkwistjoni fil-kawża prinċipali, li fihom ir-rikonoxximent lill-persuna taxxabbli tal-benefiċċju fiskali inkwistjoni jiddependi mill-possibbiltà li l-persuna taxxabbli tinvoka u teżerċita d-dritt ta’ stabbiliment previst fl-Artikolu 49 TFUE u/jew tal-moviment liberu tal-kapital previst fl-Artikolu 63 TFUE? |
6) |
Il-prinċipju ta’ projbizzjoni ta’ prattiki abbużivi għandu jiġi interpretat fis-sens li jipprekludi lil persuna taxxabbli milli tinvoka u teżerċita d-dritt ta’ stabbiliment (fis-sens tal-Artikolu 49 TFUE) u/jew tal-moviment liberu tal-kapital (fis-sens tal-Artikolu 63 TFUE) sabiex tirċievi benefiċċju fiskali previst fil-leġiżlazzjoni nazzjonali għall-profitti li jirriżultaw mit-trasferimenti ta’ ishma, meta, bil-għan prinċipali li tirċievi dan il-benefiċċju fiskali, ifformalizzat tranżazzjoni, bħalma huwa trasferiment ta’ ishma, li, essenzjalment, għandha riżultat ekwivalenti għal ħlas ta’ dividendi? |
7) |
Fil-każ li r-risposta għad-domanda preċedenti tkun fl-affermattiv, persuna taxxabbli tista’ tinvoka ċ-ċertezza legali jew l-aspettattivi leġittimi biex tikkontesta rifjut ta’ rikonoxximent tad-dritt ta’ stabbiliment u/jew ta’ moviment liberu ta’ kapital ibbażat fuq il-prinċipju ta’ projbizzjoni ta’ prattiki abbużivi u, b’dan il-mod, tilleġittima din il-prattika abbużiva? |
8) |
Il-prinċipju ta’ projbizzjoni ta’ prattiki abbużivi għandu jiġi interpretat fis-sens li l-applikazzjoni tiegħu tiddependi minn jekk jiġux issodisfatti l-kundizzjonijiet ta’ applikazzjoni tar-regola ġenerali nazzjonali anti-abbuż? |
9) |
Il-prinċipju ta’ projbizzjoni ta’ prattiki abbużivi għandu jiġi interpretat fis-sens li l-applikazzjoni tiegħu tiddependi mill-invokazzjoni tiegħu mill-awtoritajiet nazzjonali? |
10) |
Il-prinċipju ta’ projbizzjoni ta’ prattiki abbużivi għandu jiġi interpretat fis-sens li l-applikazzjoni tiegħu tiddependi mill-osservazzjoni mill-awtoritajiet nazzjonali tat-taxxa ta’ proċedura prevista għall-applikazzjoni ta’ regola ġenerali nazzjonali anti-abbuż? |
11) |
Ladarba l-qorti nazzjonali għandha kompetenza limitata fl-evalwazzjoni tal-legalità tal-atti taxxabbli u fid-deċiżjoni tal-annullament jew taż-żamma rispettiva tagħhom fl-ordinament ġuridiku, mingħajr ma tissostitwixxi lilha nnifisha mal-amministrazzjoni fiskali, il-prinċipju ta’ projbizzjoni ta’ prattiki abbużivi għandu jiġi interpretat fis-sens li l-Qorti ta’ Arbitraġġ għandha kompetenza biex tikklassifika mill-ġdid, tiddefinixxi mill-ġdid jew tikkwalifika mill-ġdid it-tranżazzjoni abbużiva u biex tapplika l-leġiżlazzjoni nazzjonali rilevanti għat-tranżazzjoni li tkun teżisti minflokha? |