This document is an excerpt from the EUR-Lex website
Document 62013CA0204
Case C-204/13: Judgment of the Court (Sixth Chamber) of 13 March 2014 (request for a preliminary ruling from the Bundesfinanzhof — Germany) — Finanzamt Saarlouis v Heinz Malburg (Taxation — Value added tax — Origin and scope of the right of deduction — Dissolution of a partnership by a partner — Acquisition of a portion of the client base of that partnership — Contribution in kind to another partnership — Payment of input tax — Whether deduction possible)
Kawża C-204/13: Sentenza tal-Qorti tal-Ġustizzja (Is-Sitt Awla) tat- 13 ta’ Marzu 2014 (talba għal deċiżjoni preliminari tal-Bundesfinanzhof – il-Ġermanja) – Finanzamt Saarlouis vs Heinz Malburg (Tassazzjoni — Taxxa fuq il-valur miżjud — Oriġini u skop tad-dritt ta’ tnaqqis — Xoljiment ta’ kumpannija minn membru — Xiri ta’ parti mill-klijentela ta’ din il-kumpannija — Trasferiment in natura f’kumpannija oħra — Ħlas tat-taxxa tal-input — Tnaqqis possibbli)
Kawża C-204/13: Sentenza tal-Qorti tal-Ġustizzja (Is-Sitt Awla) tat- 13 ta’ Marzu 2014 (talba għal deċiżjoni preliminari tal-Bundesfinanzhof – il-Ġermanja) – Finanzamt Saarlouis vs Heinz Malburg (Tassazzjoni — Taxxa fuq il-valur miżjud — Oriġini u skop tad-dritt ta’ tnaqqis — Xoljiment ta’ kumpannija minn membru — Xiri ta’ parti mill-klijentela ta’ din il-kumpannija — Trasferiment in natura f’kumpannija oħra — Ħlas tat-taxxa tal-input — Tnaqqis possibbli)
ĠU C 135, 5.5.2014, p. 18–18
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
|
5.5.2014 |
MT |
Il-Ġurnal Uffiċjali tal-Unjoni Ewropea |
C 135/18 |
Sentenza tal-Qorti tal-Ġustizzja (Is-Sitt Awla) tat-13 ta’ Marzu 2014 (talba għal deċiżjoni preliminari tal-Bundesfinanzhof – il-Ġermanja) – Finanzamt Saarlouis vs Heinz Malburg
(Kawża C-204/13) (1)
((Tassazzjoni - Taxxa fuq il-valur miżjud - Oriġini u skop tad-dritt ta’ tnaqqis - Xoljiment ta’ kumpannija minn membru - Xiri ta’ parti mill-klijentela ta’ din il-kumpannija - Trasferiment in natura f’kumpannija oħra - Ħlas tat-taxxa tal-input - Tnaqqis possibbli))
2014/C 135/19
Lingwa tal-kawża: il-Ġermaniż
Qorti tar-rinviju
Bundesfinanzhof
Partijiet fil-kawża prinċipali
Rikorrenti: Finanzamt Saarlouis
Konvenuta: Heinz Malburg
Suġġett
Talba għal deċiżjoni preliminari – Bundesfinanzhof – Interpretazzjoni tal-Artikoli 4(1) u (2) kif ukoll 17(2)(a) tad-Direttiva 77/388/KEE: Is-Sitt Direttiva tal-Kunsill, tas-17 ta’ Mejju 1977, fuq l-armonizzazzjoni tal-liġijiet tal-Istati Membri dwar taxxi fuq id-dħul mill-bejgħ – Sistema komuni ta’ taxxa fuq il-valur miżjud: bażi uniformi ta’ stima (ĠU Edizzjoni Speċjali bil-Malti, Kapitolu 9, Vol. 1, p. 23) – Oriġini u skop tad-dritt għat-tnaqqis – Akwiżizzjoni minn membru ta’ kumpannija li ġiet xolta, ta’ parti mill-klijentela ta’ din il-kumpannija, permezz ta’ kontribuzzjoni in natura, sabiex din il-klijentela tiġi inkluża f’kumpannija ġdida – Possibbiltà li titnaqqas it-taxxa tal-input imħallsa
Dispożittiv
L-Artikoli 4(1) u (2) kif ukoll 17(2)(a) tas-Sitt Direttiva tal-Kunsill 77/388/KEE, tas-17 ta’ Mejju 1977, fuq l-armonizzazzjoni tal-liġijiet tal-Istati Membri dwar taxxi fuq id-dħul mill-bejgħ – Sistema komuni ta’ taxxa fuq il-valur miżjud: bażi uniformi ta’ stima, kif emendata bid-Direttiva tal-Kunsill 95/7/KE, tal-10 ta’ April 1995, għandhom, fir-rigward tal-prinċipju ta’ newtralità tat-taxxa fuq il-valur miżjud, jiġu interpretati fis-sens li membru ta’ kumpannija ta’ konsulenza fiskali rregolata mid-dritt ċivili li jakkwista mingħand din il-kumpannija parti mill-klijentela bl-uniku skop li jpoġġiha direttament u liberament għad-dispożizzjoni ta’ kumpannija ġdida ta’ konsulenza fiskali rregolata mid-dritt ċivili, li dan ikun il-membru prinċipali tagħha, sabiex din tuża l-klijentela msemmija għal skopijiet professjonali, madankollu mingħajr ma din tidħol fil-patrimonju tal-kumpannija l-ġdida, ma għandux dritt li jnaqqas it-taxxa tal-input fuq il-valur miżjud imħallsa fuq l-akkwist tal-klijentela inkwistjoni.