This document is an excerpt from the EUR-Lex website
Document 62012CN0530
Case C-530/12 P: Appeal brought on 21 November 2012 by Office for Harmonisation in the Internal Market (Trade Marks and Designs) against the judgment of the General Court (Seventh Chamber) delivered on 13 September 2012 in Case T-404/10: National Lottery Commission v Office for Harmonisation in the Internal Market (Trade Marks and Designs)
Kawża C-530/12 P: Appell ippreżentat fil- 21 ta’ Novembru 2012 mill-Uffiċċju għall-Armonizzazzjoni fis-Suq Intern (Trade marks u Disinni) mis-sentenza mogħtija mill-Qorti Ġenerali (Is-Seba’ Awla) fit- 13 ta’ Settembru 2012 fil-Kawża T-404/10: National Lottery Commission vs Uffiċċju għall-Armonizzazzjoni fis-Suq Intern (Trade marks u Disinni)
Kawża C-530/12 P: Appell ippreżentat fil- 21 ta’ Novembru 2012 mill-Uffiċċju għall-Armonizzazzjoni fis-Suq Intern (Trade marks u Disinni) mis-sentenza mogħtija mill-Qorti Ġenerali (Is-Seba’ Awla) fit- 13 ta’ Settembru 2012 fil-Kawża T-404/10: National Lottery Commission vs Uffiċċju għall-Armonizzazzjoni fis-Suq Intern (Trade marks u Disinni)
ĠU C 26, 26.1.2013, p. 36–37
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
26.1.2013 |
MT |
Il-Ġurnal Uffiċjali tal-Unjoni Ewropea |
C 26/36 |
Appell ippreżentat fil-21 ta’ Novembru 2012 mill-Uffiċċju għall-Armonizzazzjoni fis-Suq Intern (Trade marks u Disinni) mis-sentenza mogħtija mill-Qorti Ġenerali (Is-Seba’ Awla) fit-13 ta’ Settembru 2012 fil-Kawża T-404/10: National Lottery Commission vs Uffiċċju għall-Armonizzazzjoni fis-Suq Intern (Trade marks u Disinni)
(Kawża C-530/12 P)
2013/C 26/69
Lingwa tal-kawża: l-Ingliż
Partijiet
Appellant: Uffiċċju għall-Armonizzazzjoni fis-Suq Intern (Trade marks u Disinni) (rappreżentanti: P. Bullock, F. Mattina, aġenti)
Parti oħra fil-proċedura: National Lottery Commission
Talbiet tal-appellant
— |
tannulla s-sentenza appellata, |
— |
tikkundanna lil National Lottery Commission (rikorrenti quddiem il-Qorti Ġenerali) għall-ispejjeż sostnuti mill-UASI. |
Aggravji u argumenti prinċipali
L-Uffiċċju jinvoka tliet aggravji, partikolarment (i) il-ksur tal-Artikolu 76(1) tar-Regolament dwar it-trade mark Komunitarja (1), (ii) il-ksur tad-dritt għal smigħ tal-UASI u (iii) l-inkonsistenza manifesta u l-iżnaturament tal-fatti li jaffettwaw is-sentenza appellata.
L-ewwel aggravju huwa maqsum f’żewġ partijiet. Minn naħa, il-Qorti Ġenerali kisret l-Artikolu 76(1) tar-Regolament dwar it-trade mark Komunitarja, kif interpretat mill-Qorti tal-Ġustizzja fir-rigward tal-Artikolu 53(2) tar-Regolament dwar it-trade mark Komunitarja u l-premessa 37 tar-Regolament tal-Kummissjoni (KE) Nru 2868/95 (2) fis-sentenza Elio Fiorucci, sa fejn hija bbażat ruħha fuq dispożizzjonijiet tal-liġi nazzjonali, jiġifieri l-Artikolu 2704 tal-Kodiċi Ċivili Taljan, li ma kienx ġie invokat mill-partijiet u li għalhekk ma kienx jifforma parti mill-każ imressaq quddiem il-Bord tal-Appell. Min-naħa l-oħra, il-Qorti Ġenerali kisret l-Artikolu 76(1) tar-Regolament dwar it-trade mark Komunitarja sa fejn hija bbażat ruħha fuq ġurisprudenza nazzjonali, jiġifieri s-sentenza msemmija iktar ’il fuq Nru 13912, tal-14 ta’ Ġunju 2007, tal-Corte Suprema di Cassazione li jsir riferiment għaliha fil-punt 32 tas-sentenza appellata, li ma ġietx invokata mill-partijiet u li ma kinitx tifforma parti mill-każ imressaq quddiem il-Bord tal-Appell.
It-tieni aggravju jikkonċerna l-ksur tad-dritt għal smigħ tal-UASI, sa fejn l-UASI ma ingħatax l-opportunità li jittratta dwar aspetti proċedurali u sostantivi li jirrigwardjaw id-digriet tal-Corte Suprema di Cassazione. Li kieku l-UASI ngħata din l-opportunità, ma jistax ikun eskluż li r-raġunament u l-konklużjoni tal-Qorti Ġenerali kienu jkunu differenti.
It-tielet aggravju jikkonċerna l-inkonsistenza manifesta u l-iżnaturament tal-fatti li jaffettwaw ir-raġunament u l-konklużjoni tal-Qorti Ġenerali. L-UASI josserva li l-Qorti Ġenerali interpretat ħażin u żnaturat l-analiżi tal-Bord tal-Appell kif ukoll l-argumenti tan-National Lottery Commission stess u naqset milli tiħu inkunsiderazzjoni l-fatt li l-Bord tal-Appell applika n-norma ġuridika korretta, skont il-liġi Taljana, billi sab li n-National Lottery Commission ma pproduċietx prova li d-data tal-bolla tal-uffiċċju postali mwaħħla mal-ftehim tal-1986 ma kinitx konklussiva.
(1) Regolament tal-Kunsill (KE) Nru 207/2009, tas-26 ta’ Frar 2009, dwar it-trade mark Komunitarja ĠU L 78, p. 1
(2) Regolament tal-Kummissjoni (KE) Nru 2868/95, tat-13 ta’ Diċembru 1995, li jimplimenta r-Regolament tal-Kunsill (KE) Nru 40/94 dwar it-trade mark tal-Komunità ĠU Edizzjoni Speċjali bil-Malti, Kapitolu 17, Vol. 1, p. 189