1.1

Id-definizzjoni (f) għandha tinbidel b’dan li ġej:

“(f)   ‘kalibrazzjoni’ tfisser:: l-aġġornament jew il-konfermar tal-parametri tal-vettura li għandhom jinżammu fil-memorja tad-data. Il-parametri tal-vettura jinkludu l-identifikazzjoni tal-vettura (in-NIV, in-NRV u l-Istat Membru li qed jirreġistraha) u l-karatteristiċi tal-vettura (w, k, l, id-daqs tat-tajer, l-issettjar tal-apparat li jillimita l-veloċità (jekk japplika), il-ħin attwali tal-KĦU, il-valur attwali tal-odometer);

Kull aġġornament jew konferma tal-ħin tal-KĦU biss għandu jkun ikkunsidrat bħala aġġustament tal-ħin u mhux bħala kalibrazzjoni, sakemm ma jkunx jikkontradixxi r-Rekwiżit 256.

Il-kalibrazzjoni ta' apparat tar-reġistrazzjoni teħtieġ l-użu ta' biljett tal-maħżen tax-xogħol;”

1.2

Id-definizzjoni (f) għandha tinbidel b’dan li ġej:

“(l)   ‘biljett tal-kumpanija’ tfisser: Biljett takografiku maħruġ mill-awtoritajiet tal-Istat Membru lis-sid jew lid-detentur ta' vetturi armati b'apparat tar-reġistrazzjoni;

Il-biljett tal-kumpanija jidentifika lill-kumpanija u jippermetti għall-wiri, t-tniżżil u l-istampar ta' data maħżuna fl-apparat tar-reġistrazzjoni li kien issakkar minn din il-kumpanija jew li ma ssakkar mill-ebda kumpanija.”

1.3

Id-definizzjoni (f) għandha tinbidel b’dan li ġej:

“(s)   ‘tniżżil’ tfisser:: L-ikkupjar, flimkien mal-firma diġitali, ta' parti, jew ta' sett komplut ta' fajls tad-data li huma maħżuna fil-memorja tad-data tal-vettura jew fil-memorja tal-biljett takografiku, li għalih din id-data hija meħtieġa biex tkun stabbilita l-konformità mad-dispożizzjonijiet stipulati fir-Regolament (KE) Nru 561/2006.

Il-manifatturi tal-unitajiet tat-takografi diġitali tal-vetturi u l-manifatturi tal-apparat iddisinjat u maħsub għat-tniżżil ta' fajls tad-data għandhom jieħdu l-passi kollha raġonevoli biex jiżguraw li t-tniżżil ta' data bħal din ikun jista' jitwettaq b'dewmien minimu għall-intrapriżi tat-trasport jew għas-sewwieqa.

It-tniżżil ma jistax ibiddel jew iħassar id-data maħżuna. It-tniżżil tal-fajl iddettaljat tal-veloċità mhux bilfors li se jkun meħtieġ biex tkun stabbilita l-konformità mar-Regolament (KE) Nru 561/2006, imma jista' jintuża għal raġunijiet oħrajn, bħal fl-investigazzjoni dwar xi inċident.”

1.4

Fin-nota (1) ta’ qiegħ il-paġna relatata mad-definizzjonijiet “n” u “p” għandu jiżdied il-paragrafu li ġej:

“Jistgħu jintużaw modi alternattivi biex jiġu kkalkulati l-ħin ta' sewqan kontinwu u l-ħin kumulattiv ta' serħan biex jissostitwixxu dawn id-definizzjonijiet jekk dawn ma jibqgħux jintużaw minħabba aġġornamenti f'leġiżlazzjoni oħra rilevanti”.

2.1

Ir-Rekwiżit il-ġdid li ġej għandu jiddaħħal wara r-Rekwiżit 001:

“Ir-Rekwiżit 001a L-interface bejn is-sensorji tal-moviment u l-unitajiet tal-vetturi għandu jkun konformi mal-ISO 16844-3:2004, Cor 1:2006”.

2.2

Ir-Rekwiżit 010 għandu jiġi emendat kif ġej:

2.3

It-tieni inċiż tar-Rekwiżit 011 għandu jinbidel b’dan li ġej:

3.1

Ir-rekwiżit li ġej għandu jiddaħħal wara r-Rekwiżit 019:

“Ir-Rekwiżit 019a Sabiex wieħed jinduna bil-manipulazzjoni tad-data dwar il-moviment, it-tagħrif mis-sensorju tal-moviment għandu jkun ikkoraborat b’tagħrif dwar il-moviment tal-vettura meħud minn sors wieħed jew aktar li huwa/huma indipendenti mis-sensorju ta' moviment.”

3.2

Ir-Rekwiżit 028 għandu jinbidel b’dan li ġej:

“Ir-Rekwiżit 028 It-data u l-ħin tal-KĦU għandhom jintużaw sabiex tingħata data lid-data ta’ ġol-apparat tar-reġistrazzjoni (ir-reġistrazzjonijiet, l-iskambju tad-data) u lill-printouts kollha speċifikati fl-Appendiċi 4 ‘Printouts’ ”

3.3

Ir-Rekwiżit 029 għandu jinbidel b’dan li ġej:

“Ir-Rekwiżit 029 Sabiex ikun muri l-ħin lokali, għandu jkun possibbli li wieħed jibdel id-differenza fil-ħin muri, f'passi ta' nofs siegħa. L-ebda differenzi oħrajn, apparti l-multipli ta' nofs sigħat anqas jew aktar ma għandu jkun permess.”

3.4

Ir-Rekwiżit 040 għandu jitħassar.

3.5

Ir-Rekwiżit 038, ir-Rekwiżit 041 u r-Rekwiżit 042 għandhom jinbidlu b’dan li ġej:

“Ir-Rekwiżit 038 L-ewwel bidla tal-attività minn SERĦAN għal DISPONIBBILTÀ li ssir fi żmien 120 sekonda mill-bidla awtomatika għal XOGĦOL minħabba li l-vettura tieqaf se tiġi meħuda li saret fil-ħin li waqfet il-vettura (għalhekk possibbilment tħassar il-bidla għal XOGĦOL).”

“Ir-Rekwiżit 041 Waqt minuta tal-kalendarju, jekk SEWQAN hija rreġistrata bħala l-attività kemm tal-minuta immedjatament qabel kif ukoll tal-minuta successiva, il-minuta kollha tittieħed bħala SEWQAN.”

“Ir-Rekwiżit 042 Waqt minuta tal-kalendarju li ma titqiesx bħala SEWQAN skont ir-rekwiżit 041 preċedenti, il-minuta sħiħa għandha titqies bħala tal-istess tip ta' attività bħall-itwal attività kontinwa f'dik il-minuta (jew l-aħħar waħda minn sensiela ta' attivitajiet tal-istess tul).”

3.6

Ir-Rekwiżiti 050, 050a u 050b għandhom jinbidlu b’dan li ġej:

“Ir-Rekwiżit 050 Għandu jkun possibbli li jiddaħħlu postijiet fejn il-perjodi ta' xogħol kuljum jibda u/jew jispiċċa permezz ta' kmandi mill-menus. Jekk aktar minn dħul wieħed bħal dan jintagħmel f'minuta tal-kalendarju, għandhom jibqgħu reġistrati biss l-aħħar dħul tal-post tal-bidu u l-aħħar dħul ta' post tat-tmiem.”

“Ir-Rekwiżit 50a Hekk kif jiddaħħal il-biljett tas-sewwieq (jew tal-maħżen tax-xogħol), u biss f'dan il-ħin, l-apparat tar-reġistrazzjoni għandu jippermetti d-dħul manwali tal-attivitajiet. Għandu jkun possibbli li jsir dħul manwali, jekk meħtieġ, mal-ewwel darba li jiddaħħal biljett tas-sewwieq (jew tal-maħżen tax-xogħol) li ma jkunx intuża qabel.

Id-dħul manwali tal-attivitajiet għandu jsir bil-valuri lokali tal-ħin u tad-data taż-żona tal-ħin (id-differenza tal-KĦU) li tkun stipulata fl-unità tal-vettura dak il-ħin.

Hekk kif jiddaħħal il-biljett tas-sewwieq jew tal-maħżen tax-xogħol, id-detentur tal-biljett għandu jitfakkar dwar:

Għandu jkun possibbli li wieħed idaħħal attivitajiet, bir-restrizzjonijiet li ġejjin:

L-attivitajiet ma għandhomx jitħallew jidħlu f'xulxin f'termini ta' ħin.

Il-proċedura għad-dħul manwali tal-attivitajiet għandha tinkludi l-għadd ta’ passi konsekuttivi li huma meħtieġa biex jiġu stipulati tip, ħin tal-bidu u ħin tat-tmiem għal kull attività. Għal kwalunkwe parti tal-perjodu tal-ħin minn meta jkun tneħħa l-aħħar il-biljett sad-dħul attwali tal-biljett, id-detentur tal-biljett għandu jkollu l-għażla li ma jiddikkjara l-ebda attività.

Matul id-dħul manwali assoċjat mad-dħul tal-biljett u jekk hu applikabbli, id-detentur tal-biljett għandu jkollu l-opportunità li jdaħħal:

Jekk jiddaħħal sit, dan għandu jkun irreġistrat fil-biljett takografiku rilevanti.

Id-dħul manwali għandu jiġi interrott jekk:

Huma permessi interruzzjonijiet addizzjonali, pereżempju skadenza wara ċertu perjodu ta' nuqqas ta' attività min-naħa tal-utent. Jekk id-dħul manwali jiġi interrott, l-apparat tar-reġistrazzjoni għandu jikkonferma kwalunkwe dħul komplut tal-post u tal-attività (jew permezz ta' post u ħin mhux ambigwi, jew permezz tat-tip tal-attività, il-ħin tal-bidu u l-ħin tat-tmiem) li jkunu diġà saru.

Jekk jiddaħħal biljett ieħor tas-sewwieq jew ta' maħżen tax-xogħol waqt li jkun qed isir id-dħul manwali tal-attivitajiet għal biljett li jkun iddaħħal qabel, id-dħul manwali għal dan il-biljett li ddaħħal qabel għandu jitħalla jitlesta qabel ma jibda d-dħul manwali għat-tieni biljett.

Id-detentur tal-biljett għandu jkollu l-għażla li jwettaq id-dħul manwali skont il-proċedura minima li ġejja:

daħħal l-attivitajiet b'mod manwali, f'ordni kronoloġika, għall-perjodu minn meta jkun tneħħa l-aħħar il-biljett sad-dħul attwali.

Il-ħin tal-bidu tal-ewwel attività għandu jkun stipulat skont il-ħin li fih ikun tneħħa l-biljett. Għal kull dħul li jiġi wara, il-ħin tal-bidu għandu jkun stipulat minn qabel sabiex isegwi b'mod immedjat il-ħin tat-tmiem tad-dħul preċedenti. It-tip ta' attività u l-ħin tat-tmiem għandhom jingħażlu għal kull attività.

Il-proċedura għandha tintemm meta l-ħin tat-tmiem ta' attività li tkun iddaħħlet manwalment ikun bħall-ħin tad-dħul tal-biljett. L-apparat tar-reġistrazzjoni jista' mbagħad, b'mod mhux obbligatorju, iħalli lid-detentur tal-biljett jimmodifika kwalunkwe attività li tkun iddaħħlet manwalment, sakemm ikun hemm il-konferma permezz tal-għażla ta' kmand speċifiku. Minn dak il-ħin ’il quddiem, għandha tkun ipprojbita kwalunkwe modifika bħal din.”

“Ir-Rekwiżit 50b L-apparat tar-reġistrazzjoni għandu jħalli lis-sewweiq idaħħal, f'ħin reali, iż-żewġ kundizzjonijet speċifiċi li ġejjin:

3.7

Ir-Rekwiżit 065 għandu jinbidel b’dan li ġej:

“Ir-Rekwiżit 065 Dan l-avveniment għandu jinbeda f'kull każ ta' sewqan eċċessiv. Dan ir-rekwiżit għandu japplika biss għall-vetturi li jaqgħu fil-kategoriji M2, M3, N2 u N3, kif iddefiniti fl-Anness II għad-Direttiva 2007/46/KE, li tistabbilixxi kwadru għall-approvazzjoni ta’ vetturi bil-mutur u l-karrijiet tagħhom”.

3.8

It-test li ġej għandu jiddaħħal wara r-Rekwiżit 067:

“9.9 bis.   Avveniment ta' ‘Kunflitt fil-Moviment tal-Vettura’

Ir-Rekwiżit 067a Dan l-avveniment għandu jinbeda wkoll meta l-kejl tal-veloċità ta’ żero ma jkunx jaqbel mat-tagħrif tal-moviment mogħti minn mill-anqas sors wieħed indipendenti għal aktar minn minuta bla interruzzjoni.

Ir-Rekwiżit 067b Fil-każijiet fejn l-unità tal-vettura tista' tirċievi jew telabora valuri tal-veloċità minn sors estern u indipendenti tat-tagħrif dwar il-moviment, dan l-avveniment jista' jinbeda wkoll jekk valuri tal-veloċità bħal dawn jikkontradixxu b'mod sinifikanti dawk elaborati mis-sinjal tal-veloċità tas-sensorju tal-moviment għal aktar minn minuta waħda”.

3.9

Fir-Rekwiżit 094 għandha tiddaħħal il-linja li ġejja wara l-avveniment “żball fid-data tal-moviment”

3.10

Ir-Rekwiżit 104 għandu jinbidel b’dan li ġej:

“Ir-Rekwiżit 104 L-apparat tar-reġistrazzjoni għandu jirreġistra u jaħżen fil-memorja tad-data tiegħu d-data li ġejja li hi rilevanti għall-255 serratura l-aktar riċenti tal-kumpanija:

Id-data li tkun issakkret preċedentement minn serratura li tneħħiet mill-memorja minħabba l-limitu ta’ hawn fuq, għandha tiġi ttrattata bħala data li mhix imsakkra”.

3.11

Wara r-Rekwiżit 109a, għandu jiddaħħal ir-rekwiżit li ġej:

“Ir-Rekwiżit 109b L-avveniment tal-‘Kunflitt fil-Moviment tal-Vettura’ ma għandux jinħażen fuq il-biljetti tas-sewwieq u tal-maħżen tax-xogħol.”

3.12

Ir-Rekwiżit 114a għandu jinbidel b’dan li ġej:

“Ir-Rekwiżit 114a L-iskrin għandu jappoġġa l-karattri speċifikati fl-Appendiċi 1 tal-Kapitolu 4 ‘Settijiet ta' karattri’. L-iskrin jista' juża glifi ssimplifikati (pereżempju karattri b'aċċent jistgħu jintwerew mingħajr l-aċċent jew ittri żgħar jistgħu jintwerew bħala ittri kbar)”.

3.13

Ir-Rekwiżit 121 għandu jinbidel b’dan li ġej:

“Ir-Rekwiżit 121 Meta l-ebda tagħrif ieħor ma jkun jeħtieġ li jintwera, l-apparat tar-reġistrazzjoni għandu juri, fin-nuqqas ta’ tagħrif ieħor, dan li ġej:

Tagħrif relatat mas-sewwieq:

3.14

Ir-Rekwiżit 127 għandu jinbidel b’dan li ġej:

“Ir-Rekwiżit 127 Għandu jkun possibbli li jintwera selettivament fuq talba:

Fakultattivi:

3.15

Ir-Rekwiżit 133a għandu jinbidel b’dan li ġej:

“Ir-Rekwiżit 133a Il-printer għandu jappoġġa l-karattri speċifikati fl-Appendiċi 1 tal-Kapitolu 4 ‘Settijiet ta' karattri’ ”.

3.16

Ir-Rekwiżit 136 għandu jinbidel b’dan li ġej:

“Ir-Rekwiżit 136 It-karta tal-printout użata mill-apparat tar-reġistrazzjoni għandha turi l-marka rilevanti tal-approvazzjoni tat-tip u l-indikazzjoni tat-tip(i) tal-apparat tar-reġistrazzjoni li miegħu/magħhom tista' tintuża.”

3.17

Ir-rekwiżiti li ġejjin għandhom jiddaħħlu wara r-Rekwiżit 136:

“Ir-Rekwiżit 136a Il-printouts għandhom jibqgħu jinqraw u jibqgħu identifikabbli b'mod ċar f'kundizzjonijiet ta' ħażna normali, f'termini tal-intensità tad-dawl, l-umdità u t-temperatura, għal mill-inqas sentejn.

Ir-Rekwiżit 136b Il-karta tal-printout għandhom ikunu konformi ma' mill-inqas l-ispeċifikazzjonijiet tat-test iddefiniti fis-sit tal-internet tal-laboratorju magħżul biex iwettaq it-testijiet tal-interoperabbiltà, kif stipulat fir-Rekwiżit 278.

Ir-Rekwiżit 136c Kull emenda jew aġġornament tal-ispeċifikazzjonijiet deskritti fil-paragrafu t’hawn fuq għandhom isiru biss wara li l-laboratorju magħżul ikun ikkonsulta l-manifattur tal-unità tal-vettura bit-takografu diġitali bl-approvazzjoni tat-tip flimkien mal-awtoritajiet tal-approvazzjoni tat-tip”.

3.18

Ir-Rekwiżit 141 għandu jinbidel b’dan li ġej:

“Ir-Rekwiżit 141 L-apparat tar-reġistrazzjoni għandu jagħti twissija lis-sewwieq 15-il minuta qabel ma jinqabeż il-ħin massimu ta' sewqan kontinwu permess u fil-ħin li dan jinqabeż.”

3.19

Ir-Rekwiżit 145 għandu jinbidel b’dan li ġej:

“Ir-Rekwiżit 145 F'dan l-aħħar każ, għandu jkollu s-simbolu ‘T’ ”.

3.20

Wara r-Rekwiżit 161, għandu jiddaħħal ir-rekwiżit li ġej:

“Ir-Rekwiżit 161a Is-sensorji tal-moviment għandhom jew:

ikollhom element sensorjali li huwa protett miż-żoni manjetiċi, jew li huwa immuni għalihom.”

4.1

Ir-Rekwiżit 239 għandha tiżdiedlu s-sentenza li ġejja:

“It-tqassim tal-partijiet tas-sigurtà rilevanti tal-apparat tar-reġistrazzjoni jista' jkun ristrett jekk ikun meħtieġ matul iċ-ċertifikazzjoni tas-sigurtà”.

4.2

Ir-Rekwiżit 243 għandu jinbidel b’dan li ġej:

“Ir-Rekwiżit 243 Il-manifatturi tal-vettura jew fitters għandhom jattivaw l-apparat tar-reġistrazzjoni installat l-iktar tard qabel ma l-vettura tintuża skont l-ambitu tar-Regolament (KE) Nru 561/2006”.

4.3

Ir-Rekwiżit 248 u r-Rekwiżit 249 għandhom jinbidlu b’dan li ġej:

“Ir-Rekwiżit 248 L-installazzjoni għandha tiġi segwita b'kalibrazzjoni. L-ewwel kalibrazzjoni mhux bilfors tkun tinkludi d-dħul tan-numru tar-reġistrazzjoni tal-vettura (in-NRV), meta ma jkunx magħruf mill-maħżen tax-xogħol approvat li jkun qed jieħu ħsieb il-kalibrazzjoni. F'dawn iċ-ċirkustanzi, għandu jkun possibbli għal sid il-vettura, u f'dan il-ħin biss, li jdaħħal in-NRV billi juża l-Biljett tal-Kumpanija tiegħu qabel ma juża l-vettura skont l-ambitu tar-Regolament (KE) Nru 561/2006 (pereżempju billi juża l-kmandi permezz ta’ struttura xierqa tal-menu tal-interface tal-magna u l-bniedem tal-unità tal-vettura.) (1). Kull aġġornament jew konferma ta' dan id-dħul għandu jkun possibbli biss bl-użu ta' Biljett tal-Maħżen tax-Xogħol.

Ir-Rekwiżit 249 Wara li l-apparat tar-reġistrazzjoni jkun ġie ċċekkjat mal-installazzjoni, plakka tal-installazzjoni li hija viżibbli b'mod ċar u aċċessibbli faċilment għandha titwaħħal fuq l-apparat tar-reġistrazzjoni. F'każijiet fejn dan mhux possibbli, il-plakka għandha titwaħħal fuq il-pilastru ‘B’ tal-vettura sabiex tkun viżibbli b'mod ċar. Għall-vetturi li ma għandhomx il-pilastru ‘B’, il-plakka tal-istallazzjoni għandha titwaħħal mal-qafas tal-bieba tan-naħa tas-sewwieq tal-vettura u għandha tkun viżibbli b'mod ċar fil-każijiet kollha.

BWara kull spezzjoni minn fitter jew minn maħżen tax-xogħol approvat, plakka ġdida għandha titwaħħal flok dik ta' qabilha”.

4.4

Fir-Rekwiżit 250, is-sitt inċiż għandu jinbidel b'dan li ġej:

“id-data li fiha tkejlu l-koeffiċjent li huwa karatteristiku tal-vettura u ċ-ċirkonferenza effettiva tat-tajers tar-roti”.

4.5

Wara r-Rekwiżit 250 għandu jiddaħħal ir-rekwiżit li ġej:

“Ir-Rekwiżit 250a Għall-vetturi M1 u N1 biss, li huma mmuntati b'adapter f'konformità mar-Regolament (KE) Nru 68/2009 (2), u fejn mhux possibbli li jkun inkluż it-tagħrif kollu meħtieġ, kif deskritt fir-Rekwiżit 250, tista' tintuża plakka oħra addizzjonali. F'każijiet bħal dawn, din il-plakka addizzjonali għandu jkollha mill-anqas l-aħħar erba' inċiżi deskritti fir-Rekwiżit 250.

Din it-tieni plakka addizzjonali, jekk tintuża, għandha titwaħħal fejn jew ħdejn l-ewwel plakka primarja deskritta fir-Rekwiżit 250, u għandu jkollha l-istess livell ta' protezzjoni. Barra minn hekk, il-plakka sekondarja wkoll għandu jkollha l-isem, l-indirizz u l-isem kummerċjali tal-fitter jew tal-maħżen tax-xogħol approvat li jkun wettaq l-installazzjoni, u d-data tal-installazzjoni”.

5.1

Ir-Rekwiżit 257 għandu jiġi emendat kif ġej:

Ir-raba' inċiż għandu jinbidel b’dan li ġej: “– li l-plakka tal-installazzjoni, kif iddefinita fir-Rekwiżit 250, u l-plakka deskrittiva, kif iddefinita fir-Rekwiżit 169, jitwaħħlu” u għandu jiżdied l-inċiż li ġej: “– li mal-apparat ma jkun hemm l-ebda strument ta' manipulazzjoni mwaħħal”.

5.2

Ir-rekwiżiti li ġejjin għandhom jiddaħħlu wara r-Rekwiżit 257:

“Ir-Rekwiżit 257a Jekk jinstab li seħħ wieħed mill-avvenimenti mniżżlal fis-Sezzjoni 9 tal-Kapitolu III (Kxif ta' Avvenimenti u/jew ta’ Ħsarat) mill-aħħar spezzjoni ’l hawn u dan jitqies mill-manifattur tat-takografu u/jew mill-awtoritajiet nazzjonali bħala avveniment li jista’ potenzjalement ipoġġi s-sigurtà tal-apparat f'riskju, il-maħżen tax-xogħol għandu:

Ir-Rekwiżit 257b L-imħażen tax-xogħol għandhom iżommu traċċa ta' kwalunkwe sejba ta’ siġilli miksura jew ta’ strumenti ta' manipulazzjoni fir-rapporti tal-ispezzjoni tagħhom. Dawn ir-rapporti għandhom jinżammu għal mill-anqas sentejn mill-imħażen tax-xogħol u għandhom jitqiegdu għad-dispożizzjoni tal-Awtorità Kompetenti meta din titlobhomlhom”.

6.1

Ir-rekwiżit li jmiss għandu jiddaħħal wara r-Rekwiżit 268:

“Ir-Rekwiżit 268a L-Istati Membri għandu jkollhom skambju tad-data b'mod elettroniku sabiex jiżguraw l-uniċità tal-Biljett tas-Sewwieq tat-takografu li jkunu qed joħorġu.

L-awtoritajiet kompetenti tal-Istati Membri jistgħu wkoll jagħmlu skambju tad-data b'mod elettroniku meta jkunu qed iwettqu verifiki tal-biljetti tas-sewwieq mal-ġenb tat-triq jew fil-bini tal-kumpanija sabiex jivverifikaw l-uniċità u l-istatus tal-biljetti.”

7.1

Fis-Sezzjoni 1 “Punti Ġenerali”, għandha tiżdied sentenza ġdida mal-ewwel paragrafu:

“Kwalunkwe manifattur tal-unitajiet tal-vetturi jista' jistaqsi għall-approvazzjoni tat-tip tal-komponenti tagħhom ma' kwalunkwe tip ta' sensorju tal-moviment, u viċeversa, sakemm kull komponent ikun konformi mar-Rekwiżit 001a”.

7.2

Wara r-Rekwiżit 274, għandhom jiddaħħlu r-rekwiżiti li ġejjin:

“Ir-Rekwiżit 274a Fiċ-ċirkustanza eċċezzjonali li l-awtoritajiet taċ-ċertifikazzjoni tas-sigurtà jirrifjutaw li jiċċertifikaw apparat ġdid fuq il-bażi tal-ħruġ mill-użu tal-mekkaniżmi tas-sigurtà, l-approvazzjoni tat-tip għandha tkompli tingħata biss f'din iċ-ċirkustanza speċifika u eċċezzjonali, u meta ma tkun teżisti l-ebda soluzzjoni alternattiva li tkun konformi ma' dan ir-Regolament.

Ir-Rekwiżit 274b F'din iċ-ċirkustanza, l-Istat Membru kkonċernat għandu, mingħajr dewmien, jinforma lill-Kummissjoni Ewropea, li għandha, fi żmien tnax-il xahar tal-kalendarju mill-għoti tal-approvazzjoni tat-tip, tniedi proċedura biex tiżgura li l-livell tas-sigurtà jitreġġa' lura għal-livelli oriġinali tiegħu.”

7.3

Wara r-Rekwiżit 275, għandu jiddaħħal ir-rekwiżit li ġej:

“Ir-Rekwiżit 275a Il-manifatturi għandhom jipprovdu l-kampjuni rilevanti tal-prodotti bl-approvazzjoni tat-tip u d-dokumentazzjoni assoċjata meħtieġa mil-laboratorji magħżula sabiex iwettqu t-testijiet tal-funzjonament, u għandhom jagħmlu dan fi żmien xahar minn meta ssir it-talba. Kull spiża li tinħoloq bħala riżultat ta' din it-talba għandha titħallas mill-entità li tkun qed tagħmel it-talba. Il-laboratorji għandhom jittrattaw l-informazzjoni kummerċjalment sensittiva kollha b'mod kunfidenzjali”.

7.4

Wara r-Rekwiżit 277, għandu jiddaħħal ir-rekwiżit li ġej:

“Ir-Rekwiżit 277a Iċ-ċertifikat funzjonali ta' kwalunkwe komponent tal-apparat tar-reġistrazzjoni għandu wkoll jindika n-numri tal-approvazzjoni tat-tip tal-komponenti kollha l-oħra tal-apparat tar-reġistrazzjoni li huma kompatibbli u li għandhom l-approvazzjoni tat-tip”.

7.5

Ir-Rekwiżit 281 għandu jinbidel b'dan li ġej:

“Ir-Rekwiżit 281 Ma għandu jitwettaq l-ebda test tal-interoperabblità mil-laboratorju għall-apparat tar-reġistrazzjoni jew għall-biljetti takografiċi li ma jkunux ingħataw ċertifikat tas-sigurtà u ċertifikat tal-funzjonalità, sakemm ma jkunx hemm iċ-ċirkustanzi eċċezzjonali deskritti fir-Rekwiżit 274a.”

8.1

It-Taqsima 2.2 għandha tinbidel b'dan li ġej:

8.2

Fis-Sezzjoni 2.54, il-linja “ ‘0A’H sa ‘0F’ H RFU,” għandha tinbidel b’dan li ġej:

8.3

It-Taqsima 2.70 għandha tinbidel b'dan li ġej:

8.4

It-Taqsima 2.114 għandha tinbidel b'dan li ġej:

8.5

L-aħħar paragrafu tal-Kapitolu 4 għandu jinbidel bit-test li ġej:

8.6

Fil-Kapitolu 2, it-Taqsima 2.67 għandha tinbidel b'dan li ġej:

8.7

It-Taqsima 2.71 għandha tinbidel b'dan li ġej:

8.8

It-Taqsima 2.72 għandha tinbidel b'dan li ġej:

9.1

Ir-Rekwiżit PIC_001 għandu jinbidel b’dan li ġej:

“PIC_001 L-apparat tar-registrazzjoni jista' juża s-simboli bl-istampi u t-tagħqid flimkien tas-simboli bl-istampi li gejjin (jew simboli bl-istampi u tagħqid flimkien simili biżżejjed biex ikunu jistgħu jiġu identifikati ma' dawn t’hawn taħt mingħajr ambigwità)”:

9.2

Fis-sottotaqsima “Avvenimenti” tat-Taqsima 2, għandu jiżdied is-simbolu bl-istampa li ġej:

“  Kunflitt fil-Moviment tal-Vettura”

10.1

Fit-Taqsima 2, Speċifikazzjoni tal-Blokk tad-data l-PRT_006 għandha tinbidel b’dan li ġej:

10.2

It-Taqsima 3.1 “L-attivitajiet tas-sewwieq mill-printout ta' kuljum tal-biljett” għandha tinbidel b’dan li ġej:

“3.1   Attivitajiet tas-sewwieq mill-printout ta' kuljum tal-biljett

10.3

It-Taqsima 3.2 “L-attivitajiet tas-sewwieq mill-printout ta' kuljum tal-UV” għandha tinbidel b’dan li ġej:

“It-Taqsima 3.2   L-attivitajiet tas-sewwieq mill-printout ta' kuljum tal-UV

11.1

In-nota ta’ qiegħ il-paġna fit-taqsima 2.1 assoċjata mal-proċedura tat-tniżżil għandha tinbidel b’dan li ġej:

12.1

Fil-Kapitolu I għandu jiżdied l-istandard tal-ISO li ġej mal-ewwel paragrafu:

Referenzi

ISO 16844-3:2004, Cor 1:2006 Il-vetturi tat-triq - Is-sistemi takografiċi – Parti 3: Interface tas-sensorju tal-moviment (mal-unitajiet tal-vetturi)”.

12.2

Fil-Kapitolu II “IT-TESTIJIET FUNZJONALI TAL-UNITÀ TAL-VETTURA”, għandu jiżdied ir-rekwiżit il-ġdid li ġej mat-Taqsima 3 tat-Testijiet Funzjonali li għandhom jitwettqu:

12.3

Fil-Kapitolu II, għandu jiżdied ir-rekwiżit il-ġdid li ġej:

“It-test funzjonali (tal-UV)

12.4

Fil-Kapitolu III, għandu jiżdied ir-rekwiżit il-ġdid li ġej:

It-test funzjonali (tas-sensorju tal-moviment)

12.5

Fil-Kapitolu III “IT-TESTIJIET FUNZJONALI TAS-SENSORJU TAL-MOVIMENT”, għandu jiżdied ir-rekwiżit il-ġdid li ġej mat-Taqsima 3 tat-Testijiet Funzjonali li għandhom jitwettqu: