EUR-Lex Access to European Union law
This document is an excerpt from the EUR-Lex website
Document 32007D0791
Council Decision 2007/791/CFSP of 4 December 2007 implementing Joint Action 2007/749/CFSP on the European Union Police Mission (EUPM) in Bosnia and Herzegovina (BiH)
Deċiżjoni tal-Kunsill 2007/791/PESK ta' l- 4 ta’ Diċembru 2007 li timplimenta l-Azzjoni Konġunta 2007/749/PESK dwar il-Missjoni tal-Pulizija ta' l-Unjoni Ewropea (EUPM) fil-Bosnja-Ħerzegovina (BiH)
Deċiżjoni tal-Kunsill 2007/791/PESK ta' l- 4 ta’ Diċembru 2007 li timplimenta l-Azzjoni Konġunta 2007/749/PESK dwar il-Missjoni tal-Pulizija ta' l-Unjoni Ewropea (EUPM) fil-Bosnja-Ħerzegovina (BiH)
ĠU L 317, 5.12.2007, p. 83–83
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 31/12/2009
5.12.2007 |
MT |
Il-Ġurnal Uffiċjali ta’ l-Unjoni Ewropea |
L 317/83 |
DEĊIŻJONI TAL-KUNSILL 2007/791/PESK
ta' l-4 ta’ Diċembru 2007
li timplimenta l-Azzjoni Konġunta 2007/749/PESK dwar il-Missjoni tal-Pulizija ta' l-Unjoni Ewropea (EUPM) fil-Bosnja-Ħerzegovina (BiH)
IL-KUNSILL TA' L-UNJONI EWROPEA,
Wara li kkunsidra l-Azzjoni Konġunta tal-Kunsill 2007/749/PESK tad-19 ta’ Novembru 2007 dwar il-Missjoni tal-Pulizija ta' l-Unjoni Ewropea (EUPM) fil-Bosnja-Ħerzegovina (BiH) (1) u, b'mod partikolari, l-Artikolu 12(1) tagħha, flimkien mat-tieni inċiż ta' l-Artikolu 23(2), tat-Trattat dwar l-Unjoni Ewropea,
Billi:
(1) |
Fid-19 ta’ Novembru 2007 l-Kunsill adotta l-Azzjoni Konġunta 2007/749/PESK li tistabbilixxi li l-EUPM fil-BiH għandha titkompla sal-31 ta’ Diċembru 2009. L-ammont finanzjarju ta' referenza għall-2008 u għall-2009 għandu jiġi deċiż fuq bażi annwali. |
(2) |
Il-mandat ta' l-EUPM ser jiġi implimentat fil-kuntest ta' sitwazzjoni li tista' tiddeterjora u li tista' tkun ta' ħsara għall-objettivi tal-Politika Estera u ta' Sigurtà Komuni kif stabbiliti fl-Artikolu 11 tat-Trattat, |
IDDEĊIEDA KIF ĠEJ:
Artikolu 1
1. L-ammont ta’ referenza finanzjarju maħsub biex ikopri n-nefqa relatata ma' l-implimentazzjoni ta' l-Azzjoni Konġunta 2007/749/PESK għandu jkun ta’ EUR 14 800 000 għall-2008.
2. In-nefqa ffinanzjata mill-ammont imsemmi fil-paragrafu 1 għandha tiġi ġestita skond il-proċeduri u r-regoli applikabbli għall-baġit ġenerali ta' l-Unjoni Ewropea, bl-eċċezzjoni li kwalunkwe pre-finanzjament m'għandux jibqa' l-proprjetà tal-Komunità.
Artikolu 2
Din id-Deċiżjoni għandha tibda jkollha effett fid-data ta’ l-adozzjoni tagħha.
Artikolu 3
Din id-Deċiżjoni għandha tiġi pubblikata fil-Ġurnal Uffiċjali ta’ l-Unjoni Ewropea.
Magħnula fi Brussell, 4 ta’ Diċembru 2007.
Għall-Kunsill
Il-President
F. TEIXEIRA DOS SANTOS
(1) ĠU L 303, 21.11.2007, p. 40.