Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32005D0511

    Deċiżjoni tal-Kunsill 2005/511/ĠAI tat- 12 ta' Lulju 2005 dwar il-protezzjoni ta' l-euro kontra l-falsifikazzjoni, permezz tan-nomina ta' l-Europol bħala l-Uffiċċju Ċentrali għall-ġlieda kontra l-falsifikazzjoni ta' l-euro

    ĠU L 185, 16.7.2005, p. 35–36 (ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
    ĠU L 164M, 16.6.2006, p. 241–242 (MT)

    ⏵Dan id-dokument ġie ppubblikat f’edizzjoni(jiet) speċjali (BG, RO, HR)

    Legal status of the document In force

    ELI: http://data.europa.eu/eli/dec/2005/511/oj

    16.6.2006   

    MT

    Il-Ġurnal Uffiċjali ta’ l-Unjoni Ewropea

    241

    DEĊIŻJONI TAL-KUNSILL 2005/511/ĠAI

    tat-12 ta' Lulju 2005

    dwar il-protezzjoni ta' l-euro kontra l-falsifikazzjoni, permezz tan-nomina ta' l-Europol bħala l-Uffiċċju Ċentrali għall-ġlieda kontra l-falsifikazzjoni ta' l-euro

    IL-KUNSILL TA' L-UNJONI EWROPEA,

    Wara li kkunsidra t-Trattat dwar l-Unjoni Ewropea, u b'mod partikolari l-Artikolu 30(1)(b) u l-Artikolu 34(2)(ċ) tiegħu,

    Wara li kkunsidra l-inizjattiva tar-Repubblika Federali tal-Ġermanja, tar-Renju ta' Spanja, tar-Repubblika Franċiża, tar-Repubblika Taljana u tar-Renju Unit tal-Gran Brittanja u l-Irlanda ta' Fuq (1),

    Wara li kkunsidra l-opinjoni tal-Parlament Ewropew (2),

    Billi:

    (1)

    Bħala l-munita legali ta' 12-il Stat Membru, l-euro kompla jsir munita globali u għalhekk sar il-mira ta' prijorità għolja ta' l-organizzazzjonijiet internazzjonali dedikati għall-falsifikazzjoni fl-Unjoni Ewropea u f'pajjiżi terzi.

    (2)

    Jeħtieġ li tiġi impedita iż-żieda ulterjuri fin-numru ta' euro foloz, li tpoġġi f'periklu ċ-ċirkolazzjoni libera tal-karti tal-flus u tal-muniti ta' l-euro.

    (3)

    Jeħtieġ li tiżdied il-koperazzjoni bejn l-Istati Membri stess u bejn l-Istati Membri u l-Europol sabiex tissaħħaħ is-sistema tal-protezzjoni ta' l-euro barra t-territorju ta' l-Unjoni Ewropea.

    (4)

    Il-Konvenzjoni Internazzjonali għall-Prevenzjoni tal-Falsifikazzjoni tal-Flus, miftiehma fl-20 ta' April 1929 f'Ġinevra (minn hawn 'il quddiem imsejħa l-“Konvenzjoni ta' Ġinevra”), għandha tiġi applikata b'mod iktar effettiv b'kont meħud tal-kondizzjonijiet ta' l-integrazzjoni Ewropea.

    (5)

    Il-pajjiżi terzi jeħtieġu punt ta' kuntatt ċentrali għall-informazzjoni dwar euro foloz u l-informazzjoni kollha dwar euro foloz għandha tinġabar fl-Europol għall-analiżi.

    (6)

    Fid-dawl tad-Deċiżjoni Kwadru tal-Kunsill 2000/383/ĠAI tad-29 ta' Mejju 2000 dwar li tiżdied il-protezzjoni permezz ta' pieni kriminali u sanzjonijiet oħra kontra l-iffalsifikar in konnessjoni mad-dħul ta' l-euro (3), il-Kunsill jikkunsidra li huwa opportun li l-Istati Membri kollha jsiru partijiet kontraenti għall-Konvenzjoni ta' Ġinevra u jistabbilixxu uffiċċji ċentrali fis-sens ta' l-Artikolu 12 ta' dik il-Konvenzjoni.

    (7)

    Il-Kunsill jikkunsidra li huwa opportun li l-Europol tiġi nominata bħala l-uffiċċju ċentrali għall-ġlieda kontra l-falsifikazzjoni ta' l-euro fis-sens ta' l-Artikolu 12 tal-Konvenzjoni ta' Ġinevra,

    IDDEĊIEDA KIF ĠEJ:

    Artikolu 1

    1.   Għall-Istati Membri li huma Partijiet Kontraenti għall-Konvenzjoni ta' ġinevra, l-Europol għandha, konformement mad-Dikjarazzjoni li tinsab fl-Anness (minn hawn 'il quddiem imsejħa id-“Dikjarazzjoni”), taġixxi bħala l-uffiċċju ċentrali għall-ġlieda kontra l-falsifikazzjoni ta' l-euro fis-sens ta' l-ewwel sentenza ta' l-Artikolu 12 tal-Konvenzjoni ta' Ġinevra. Għall-falsifikazzjoni tal-muniti l-oħra kollha u għall-funzjonijiet ta' uffiċċju ċentrali li mhumiex delegati lill-Europol skond id-Dikjarazzjoni, il-kompetenzi eżistenti ta' l-uffiċċji ċentrali nazzjonali għandhom jibqgħu fis-seħħ.

    2.   Il-gvernijiet ta' l-Istati Membri li huma Partijiet Kontraenti għall-Konvenzjoni ta' Ġinevra għandhom joħorġu d-Dikjarazzjoni u jinkarigaw lir-rappreżentat tar-Repubblika Federali tal-Ġermanja sabiex jittrasmetti d-Dikjarazzjonijiet lis-Segretarju-Ġenerali tan-Nazzjonijiet Uniti.

    Artikolu 2

    Din id-Deċiżjoni għandha tidħol fis-seħħ fil-jum wara dak tal-pubblikazzjoni tagħha fil-Ġurnal Uffiċjali ta' l-Unjoni Ewropea.

    Magħmula fi Brussel, 12 ta' Lulju 2005.

    Għall-Kunsill

    Il-President

    G. BROWN

    (1)  ĠU C 317, 22.12.2004, p. 10.

    (2)  Opinjoni mogħtija fit-12 ta' April 2005 (għadha mhijiex pubblikata fil-Ġurnal Uffiċjali).

    (3)  ĠU L 140, 14.6.2000, p. 1. Deċiżjoni Kwadru kif emendata bid-Deċiżjoni Kwadru 2001/888/ĠAI (ĠU L 329, 14.12.2001, p. 3).

    ANNESS

    Dikjarazzjoni ta'… sabiex l-Europol tiġi nominata bħala l-uffiċċju ċentrali għall-ġlieda kontra l-falsifikazzjoni ta' l-euro

    …, Stat Membru ta' l-Unjoni Ewropea, ta(t) lill-Uffiċċju Ewropew tal-Pulizija (minn hawn 'il quddiem imsejjaħ l-“Europol”) mandat sabiex jiġġieled kontra l-falsifikazzjoni ta' l-euro.

    Sabiex il-Konvenzjoni ta' Ġinevra ta' l-1929 tiffunzjona b'mod iżjed effettiv,… għandu jwettaq/għandha twettaq l-obbligi tiegħu/tagħha fil-ġejjieni kif ġej:

    1.

    Fir-rigward tal-falsifikazzjoni ta' l-euro, l-Europol għandu jwettaq – fil-qafas ta' l-objettiv tiegħu skond l-Att tal-Kunsill tas-26 ta' Lulju 1995 dwar it-twaqqif ta' Uffiċċju Ewropew tal-Pulizija (il-Konvenzjoni ta' l-Europol) (1) – il-funzjonijiet li ġejjin ta' uffiċċju ċentrali fis-sens ta' l-Artikoli 12 sa 15 tal-Konvenzjoni ta' Ġinevra ta' l-1929.

    1.1.

    L-Europol għandu jiċċentralizza u jipproċessa, konformement mal-Konvenzjoni ta' l-Europol, l-informazzjoni kollha li taġevola l-investigazzjoni, il-prevenzjoni u l-ġlieda kontra l-falsifikazzjoni ta' l-euro u għandu jibgħat din l-informazzjoni mingħajr dewmien lill-uffiċċji ċentrali nazzjonali ta' l-Istati Membri.

    1.2.

    Skond il-Konvenzjoni ta' l-Europol, b'mod partikolari skond l-Artikolu 18 tagħha u l-Att tal-Kunsill tat-12 ta' Marzu 1999 ta' l-adozzjoni tar-regoli li jiggvernaw it-trasmissjoni ta' data personali mill-Europol lil Stati terzi u lil korpi terzi (2), l-Europol għandha tikkorrispondi direttament ma' l-uffiċċji ċentrali ta' pajjiżi terzi sabiex twettaq il-kompiti stabbiliti fil-punti 1.3, 1.4 u 1.5 ta' din id-Dikjarazzjoni.

    1.3.

    L-Europol għandha, sa fejn tikkunsidra li jkun opportun, tittrasmetti lill-uffiċċji ċentrali ta' pajjiżi terzi sett ta' kampjuni ta' euro attwali.

    1.4.

    L-Europol għandha tinnotifika regolarment lill-uffiċċji ċentrali ta' pajjiżi terzi, filwaqt li tagħti l-partikolari kollha meħtieġa, bil-ħruġ li jkun sar ta' munita ġdida u bl-irtirar ta' munita miċ-ċirkolazzjoni.

    1.5.

    Ħlief f'każijiet ta' interess purament lokali, l-Europol għandha, sa fejn taħseb li jkun opportun, tinnotifika lill-uffiċċji ċentrali f'pajjiżi terzi bi:

    —

    kwalunkwe skoperta ta' munita ta' l-euro falsifikata. In-notifika tal-falsifikazzjoni għandha tkun akkumpanjata minn deskrizzjoni teknika tal-falsifikazzjoni, li għandha tiġi provduta biss mill-istituzzjoni li l-karti tal-flus tagħha ġew falsifikati. Għandha tiġi trasmessa riproduzzjoni fotografika jew, jekk possibbli, kampjun ta' karta tal-flus falsifikata. F'każijiet urġenti, jistgħu jiġu komunikati b'mod diskret notifika u deskrizzjoni qasira magħmula mill-awtoritajiet tal-pulizija lill-uffiċċji ċentrali interessati, mingħajr preġudizzju għan-notifika u d-deskrizzjoni teknika msemmija hawn fuq;

    —

    dettalji ta' skoperti ta' falsifikazzjoni, b'dikjarazzjoni dwar jekk kienx possibbli li jiġu maqbuda l-muniti foloz kollha mqiegħda fiċ-ċirkolazzjoni.

    1.6.

    Bħala l-uffiċċju ċentrali għall-Istati Membri, l-Europol għandha tipparteċipa f'konferenzi li jittrattaw il-falsifikazzjoni ta' l-euro fis-sens ta' l-Artikolu 15 tal-Konvenzjoni ta' Ġinevra.

    1.7.

    Fejn l-Europol ma tistax twettaq il-kompiti speċifikati fil-punti 1.1 sa 1.6 konformement mal-Konvenzjoni ta' l-Europol, l-uffiċċji ċentrali nazzjonali ta' l-Istati Membri għandhom iżommu l-kompetenza.

    2.

    Fir-rigward tal-falsifikazzjoni tal-muniti l-oħra kollha u għall-funzjonijiet ta' uffiċċju ċentrali li mhumiex delegati lill-Europol skond il-punt 1, il-kompetenzi eżistenti ta' l-uffiċċji ċentrali nazzjonali għandhom jibqgħu fis-seħħ.

    Isem tar-Rappreżentant…, illum… ta'…

    (1)  ĠU C 316, 27.11.1995, p. 1.

    (2)  ĠU C 88, 30.3.1999, p. 1. Att tal-Kunsill kif emendat mill-Att tal-Kunsill tat-28 ta' Frar 2002 (ĠU C 76, 27.3.2002, p. 1).

    Top