Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 62014TN0076

Kawża T-76/14: Rikors ippreżentat fl- 4 ta’ Frar 2014 – Morningstar vs Il-Kummissjoni

ĠU C 135, 5.5.2014, p. 45–45 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

5.5.2014   

MT

Il-Ġurnal Uffiċjali tal-Unjoni Ewropea

C 135/45

Rikors ippreżentat fl-4 ta’ Frar 2014 – Morningstar vs Il-Kummissjoni

(Kawża T-76/14)

2014/C 135/57

Lingwa tal-kawża: l-Ingliż

Partijiet

Rikorrenti: Morningstar, Inc. (Chicago, l-Istati Uniti) (rappreżentanti: S. Kinsella, K. Daly u P. Harrison, Solicitors)

Konvenuta: Il-Kummissjoni Ewropea

Talbiet tar-rikorrenti

—

tannulla d-deċiżjoni tal-Kummisjoni fil-Każ COMP/39.654 – Kodiċijiet tal-Istrumenti Reuters, tal-20 ta’ Diċembru 2012, u ppubblikata fil-Ġurnal Uffiċjali fit-12 ta’ Novembru 2013 (ĠU C 326, p. 4);

—

tikkundanna lill-Kummissjoni għall-ispejjeż; u

—

tordna kwalunkwe miżura oħra li l-Qorti Ġenerali tqis xierqa.

Motivi u argumenti prinċipali

F’din il-kawża, ir-rikorrenti titlob l-annullament tad-Deċiżjoni tal-Kummissjoni adottata fil-qafas tal-Każ COMP/39.654 – Kodiċijiet tal-Istrumenti Reuters dwar proċedura għall-applikazzjoni tal-Artikolu 102 tat-TFEU u tal-Artikolu 54 tal-Ftehim ŻEE, dwar prattiki minn Thomson Reuters li taw lok għal ostakoli biex tinbidel il-provvista tad-data kkonsolidata f’ħin reali. Permezz tad-deċiżjoni kkontestata, il-Kummissjoni għamlet ċertu rbit vinkolanti fuq Thomson Reuters skont l-Artikolu 9 tar-Regolament tal-Kunsill (KE) Nru 1/2003 (1) u ddeċidiet li ma kienx hemm iktar raġuni għal azzjoni. Ir-rikorrenti hija kompetitur ta’ Thomson Reuters.

Insostenn tar-rikors tagħha, ir-rikorrenti tinvoka erba’ motivi.

1.

L-ewwel motiv ibbażat fuq li l-Kummissjoni wettqet żball manifest ta’ evalwazzjoni meta adottat id-Deċiżjoni peress li dan l-irbit manifestament jonqos milli jindirizza l-kwistjonijiet relatati mal-kompetizzjoni identifikati fid-Deċiżjoni.

2.

It-tieni motiv ibbażat fuq li l-Kummissjoni aġixxiet ultra vires peress li eċċediet il-poteri mogħtija lilha mill-Kunsill Ewropew u għalhekk id-Deċiżjoni hija mingħajr bażi legali xierqa.

3.

It-tielet motiv ibbażat fuq li d-Deċiżjoni naqset milli tosserva l-prinċipju ta’ proporzjonalità.

4.

Ir-raba’ motiv ibbażat fuq li d-Deċiżjoni tikser l-obbligu ta’ motivazzjoni tal-Kummissjoni.

(1)  Regolament tal-Kunsill (KE) Nru 1/2003, tas-16 ta’ Diċembru 2002, fuq l-implimentazzjoni tar-regoli tal-kompetizzjoni mniżżlin fl-Artikoli 81 u 82 tat-Trattat (ĠU Edizzjoni Speċjali bil-Malti, Kapitolu 8, Vol. 2, p. 205).

Top