Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 62014TN0087

Kawża T-87/14: Rikors ippreżentat fis- 7 ta’ Frar 2014 – Islamic Republic of Iran Shipping Lines et vs Il-Kunsill

ĠU C 129, 28.4.2014, p. 30–30 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

Date of document:
07/02/2014
Date lodged:
07/02/2014
Author:
Il-Qorti Ġenerali
Form:
Informazzjoni ġudizzjarja
Authentic language:
Ingliż
Link
Select all documents mentioning this document
Case affecting:
Link

28.4.2014   

MT

Il-Ġurnal Uffiċjali tal-Unjoni Ewropea

C 129/30

Rikors ippreżentat fis-7 ta’ Frar 2014 – Islamic Republic of Iran Shipping Lines et vs Il-Kunsill

(Kawża T-87/14)

2014/C 129/37

Lingwa tal-kawża: l-Ingliż

Partijiet

Rikorrenti: Islamic Republic of Iran Shipping Lines (Teheran, l-Iran); Hafize Darya Shipping Lines (HDSL) (Teheran); Khazar Shipping Lines (Anzali Free Zone, l-Iran); IRISL Europe GmbH (Hamburg, il-Ġermanja); IRISL Marine Services and Engineering Co. (Qeshm Island, l-Iran); Irano Misr Shipping Co. (Teheran); Safiran Payam Darya Shipping Lines (SAPID) (Teheran); Shipping Computer Services Co. (Teheran); Soroush Sarzamin Asatir Ship Management (Teheran); South Way Shipping Agency Co. Ltd (Teheran); u Valfajr 8th Shipping Line Co. (Teheran) (rappreżentanti: F. Randolph, QC, M. Lester, Barrister, u M. Taher, Solicitor)

Konvenut: Il-Kunsill tal-Unjoni Ewropea

Talbiet tar-rikorrenti

—

tannulla d-Deċiżjoni tal-Kunsill 2013/685/PESK, tas-26 ta’ Novembru 2013, li temenda d-Deċiżjoni tal-Kunsill 2010/413/PESK dwar miżuri restrittivi kontra l-Iran (ĠU L 316, p. 46) u r-Regolament ta’ Implimentazzjoni tal-Kunsill (UE) Nru 1203/2013, tas-26 ta’ Novembru 2013, li jimplimenta r-Regolament (UE) Nru 267/2012 dwar miżuri restrittivi kontra l-Iran (ĠU L 316, p. 1), sa fejn dawn japplikaw għar-rikorrenti;

—

tiddikjara l-inapplikabbiltà fir-rigward tad-Deċiżjoni tal-Kunsill 2013/497/PESK, tal-10 ta’ Ottubru 2013, li temenda d-Deċiżjoni 2010/413/PESK dwar miżuri restrittivi kontra l-Iran (ĠU L 272, p. 46) u fir-rigward tar-Regolament tal-Kunsill (UE) Nru 971/2013, tal-10 ta’ Ottubru 2013, li jemenda r-Regolament (UE) Nru 267/2012 dwar miżuri restrittivi kontra l-Iran (ĠU L 272, p. 1);

—

tikkundanna lill-Kunsill għall-ispejjeż.

Motivi u argumenti prinċipali

Ir-rikorrenti jinvokaw l-“oġġezzjoni tal-illegalità” insostenn tat-talba tagħhom għal dikjarazzjoni ta’ illegalità tal-miżuri ta’ Ottubru sa fejn: dawn ma għandhomx bażi legali soda; jiksru l-aspettattivi leġittimi tar-rikorrenti u l-prinċipji ta’ finalità, ta’ ċertezza legali, ta’ ne bis in idem, u ta’ res judicata; jiddiskriminaw kontra IRISL u jiksru d-drittijiet fundamentali tagħha mingħajr ġustifikazzjoni jew proporzjon; jiksru d-drittijiet tad-difiża tar-rikorrenti; u jagħmlu użu ħażin mill-poteri tal-Kunsill.

Insostenn tar-rikors tagħhom, ir-rikorrenti jinvokaw dawn il-motivi għall-annullament tal-miżuri kkontestati.

1.

L-ewwel motiv huwa bbażat fuq l-allegazzjoni li ma hemm bażi legali soda għall-miżuri kkontestati.

2.

It-tieni motiv huwa bbażat fuq l-allegazzjoni li l-Kunsill wettaq żball manifest fid-deċiżjonijiet tiegħu li jinkludu r-rikorrenti kollha.

3.

It-tielet motiv huwa bbażat fuq l-allegazzjoni li l-Kunsill kiser id-drittijiet tad-difiża tar-rikorrenti.

4.

Ir-raba’ motiv huwa bbażat fuq l-allegazzjoni li l-miżuri kkontestati jiksru l-aspettattivi leġittimi tar-rikorrenti, u l-prinċipji ta’ finalità, ta’ ċertezza legali, ta’ ne bis in idem, ta’ res judicata, u ta’ nondiskriminazzjoni.

5.

Il-ħames motiv huwa bbażat fuq l-allegazzjoni li l-miżuri kkontestati jiksru, mingħajr ġustifikazzjoni jew proporzjon, id-drittijiet fundamentali tar-rikorrenti, b’mod partikolari d-dritt tagħhom għar-reputazzjoni u għall-proprjetà
Top