5.5.2014   

MT

Il-Ġurnal Uffiċjali tal-Unjoni Ewropea

C 135/23

1)

Skont id-Direttiva tal-Kunsill 93/13/KEE, tal-5 ta’ April 1993, dwar klawżoli inġusti f’kuntratti mal-konsumatur (1), u b’mod partikolari skont l-Artikolu 6(1) tagħha, u sabiex tiġi ggarantita l-protezzjoni tal-konsumaturi u tal-utenti bi qbil mal-prinċipji ta’ ekwivalenza u ta’ effettività, meta qorti nazzjonali tiddeċiedi li hemm klawżola inġusta dwar interessi moratorji f’self ipotekarju, għandha l-imsemmija qorti tiddikjara n-nullità tal-klawżola u n-natura mhux vinkolanti tagħha jew inkella għandha, bil-kontra ta’ dan, timmodera l-klawżola dwar l-interessi billi tinkariga lill-kreditur li qed jitlob l-eżekuzzjoni jew lis-sellief jikkalkolaw l-interessi mill-ġdid?

2)

It-tieni dispożizzjoni tranżitorja tal-Liġi 1/2013, tal-14 ta’ Mejju 2013, tikkostitwixxi biss limitazzjoni ċara tal-protezzjoni tal-interessi tal-konsumatur, sa fejn din timponi impliċitament fuq il-qrati l-obbligu li jimmoderaw klawżola dwar interessi moratorji li tista’ tiġi kklassifikata bħala inġusta, billi jikkalkolaw mill-ġdid l-interessi stipulati u billi jżommu fis-seħħ dispożizzjoni li kienet ta’ natura inġusta, minflok ma jiddikjaraw in-nullità tal-klawżola u n-natura mhux vinkolanti tagħha fil-konfront tal-konsumatur?

3)

It-tieni dispożizzjoni tranżitorja tal-Liġi 1/2013 [...] tmur kontra d-Direttiva 93/13/KEE [...], u b’mod partikolari l-Artikolu 6(1) tagħha, sa fejn din tipprekludi l-applikazzjoni tal-prinċipji ta’ ekwivalenza u ta’ effettività fil-qasam tal-protezzjoni tal-konsumatur u tevita l-applikazzjoni tas-sanzjoni li tikkonsisti fid-dikjarazzjoni tan-nullità u tan-natura mhux vinkolanti tal-klawżoli dwar interessi moratorji li jistgħu jiġu kklassifikati bħala inġusti, stipulati f’self ipotekarju konkluż qabel id-dħul fis-seħħ tal-Liġi 1/2013?