23.6.2015   

MT

Il-Ġurnal Uffiċjali tal-Unjoni Ewropea

L 157/97

(1)

Il-Bord Xjentifiku dwar Kontaminanti fil-Katina tal-Ikel (il-Bord CONTAM) tal-Awtorità Ewropea dwar is-Sigurtà fl-Ikel (EFSA) adotta opinjoni dwar l-alkalojdi tropaniċi fl-ikel u fl-għalf (1).

(2)

L-aktar alkalojdi tropaniċi studjati huma (-)-joxjamina u (-)-skopolamina. L-atropina hija taħlita raċemika ta' (-)-joxjamina u (+) -joxjamina li minnha l-enantjomeru (-)-joxjamina biss juri attività antikolinerġika.

(3)

Il-preżenza ta' alkalojdi tropaniċi fil-ġenus Datura hija magħrufa sew. Id-Datura stramonium hija mxerrda sew f'reġjuni bi klima moderata u tropikali u għal din ir-raġuni ż-żrieragħ tad-Datura stramonium instabu bħala impuritajiet fiż-żerriegħa tal-kittien, fis-sojja, fis-sorgu, fil-millieġ, fil-ġirasol u fil-qamħ Saraċin u fil-prodotti tagħhom. Iż-żrieragħ tad-Datura stramonium ma jistgħux jitneħħew faċilment mis-sorgu, mill-millieġ u mill-qamħ Saraċin bl-issortjar u bit-tindif.

(4)

Hija meħtieġa aktar dejta dwar l-okkorrenza tal-preżenza tal-alkalojdi tropaniċi fl-ikel. Hemm ukoll il-ħtieġa li jiġu mifhuma l-kundizzjonijiet agrikoli li fihom iseħħu l-alkalojdi tropaniċi fil-prodotti agrikoli.

(5)

Huwa għalhekk xieraq li ssir rakkomandazzjoni dwar il-monitoraġġ tal-preżenza tal-alkalojdi tropaniċi fl-ikel,

1.

Bl-involviment attiv tal-operaturi tan-negozji tal-ikel, l-Istati Membri għandhom iwettqu monitoraġġ tal-preżenza tal-alkalojdi tropaniċi fl-ikel, u b'mod partikolari:

2.

L-alkalojdi tropaniċi li għandhom jiġu analizzati jekk xejn għandhom ikunu l-atropina u s-skopolamina u, jekk possibbli, għandhom jiġu analizzati separatament l-enantjomeri tal-joxjamina kif ukoll alkalojdi tropaniċi oħrajn.

3.

Sabiex jiġi żgurat li l-kampjuni jkunu rappreżentattivi tal-lott ikkampjunat, l-Istati Membri għandhom isegwu l-proċeduri stabbiliti fir-Regolament tal-Kummissjoni (KE) Nru 401/2006 (2).

4.

Il-metodu ta' analiżi li għandu jintuża għall-monitoraġġ preferibbilment huwa l-Kromotografija Likwida ta' Prestazzjoni Għolja — Spettometrija tal-Massa/(Mass Spectrometry) (HPLC-MS/(MS) jew, jekk ma jkunx possibbli l-HPLC-MS/(MS), il-Kromatografija b'fażi gassuża — Spettrometrija tal-Massa (GC-MS).

Il-Limitu ta' Kwantifikazzjoni (LOQ) għall-atropina (taħlita raċemika ta' enantjomeri tal-joxjamina) u tal-iskopolamina għandu preferibbilment ikun anqas minn 5 μg/kg u mhux ogħla minn 10 μg/kg għal komoditajiet agrikoli, l-ingredjenti, supplimenti tal-ikel u tè tal-ħxejjex aromatiċi u preferibbilment għandhom ikunu inqas minn 2 μg/kg għal ikel lest (eż. ċereali tal-kolazzjon) u 1 μg/kg għal ikel b'bażi ta' ċereali għat-trabi u t-tfal żgħar.

5.

Bl-involviment attiv tal-operaturi tan-negozji tal-ikel, l-Istati Membri għandhom iwettqu investigazzjonijiet biex jidentifikaw il-kundizzjonijiet agrikoli li jirriżultaw fil-preżenza tal-alkalojdi tropaniċi fl-ikel, f'każ li jiġu osservati livelli sinifikanti ta' alkalojdi tropaniċi.

6.

Fuq bażi regolari u sa mhux aktar tard minn Ottubru 2016, l-Istati Membri għandhom jiżguraw li r-riżultati analitiċi jiġu pprovduti lill-EFSA fil-format tal-preżentazzjoni tad-dejta tal-EFSA f'konformità mar-rekwiżiti tal-Gwida tal-EFSA “Guidance on Standard Sample Description (SSD) for Food and Feed” (3) u mar-rekwiżiti addizzjonali speċifiċi tar-rappurtar tal-EFSA.