1)

Maidir le hAirteagal 23(1) de Threoir 2013/32/AE ó Pharlaimint na hEorpa agus ón gComhairle an 26 Meitheamh 2013 maidir le nósanna imeachta coiteanna chun cosaint idirnáisiúnta a dheonú agus a tharraingt siar, arna léamh i gcomhar le hAirteagal 45(4) den Treoir sin agus i bhfianaise phrionsabal ginearálta dhlí an Aontais a bhaineann leis an gceart chun dea-riaracháin agus i bhfianaise Airteagal 47 den Chairt um Chearta Bunúsacha an Aontais Eorpaigh;

ní mór léiriú a dhéanamh mar seo a leanas:

cuirtear cosc leis ar reachtaíocht náisiúnta lena bhforáiltear, i gcás ina bhfuil cinneadh lena ndiúltaítear d’iarratas ar chosaint idirnáisiúnta nó lena dtarraingítear siar cosaint den sórt sin bunaithe ar fhaisnéis a chuirfeadh slándáil náisiúnta an Bhallstáit i gceist i mbaol dá nochtfaí í, nach féidir leis an duine lena mbaineann nó comhairleoir an duine sin rochtain a fháil ar an bhfaisnéis sin ach amháin tar éis údarú a fháil chun na críche sin, nach soláthraítear fiú substaint na bhforas ar a bhfuil na cinntí sin bunaithe agus nach féidir leo, in aon chás, an fhaisnéis a bhféadfadh rochtain a bheith acu uirthi a úsáid chun críocha nósanna imeachta riaracháin nó imeachtaí breithiúnacha.

2)

Maidir le hAirteagal 4(1) agus (2), le hAirteagal 10(2) agus (3), le hAirteagal 11(2) agus le hAirteagal 45(3) de Threoir 2013/32, arna léamh i gcomhar le hAirteagal 14(4)(a) agus Airteagal 17(1)(d) de Threoir 2011/95/AE an 13 Nollaig 2011 maidir le caighdeáin i dtaca le cáiliú náisiúnach tríú tír nó daoine gan stát mar thairbhithe de chosaint idirnáisiúnta, ar mhaithe le stádas aonfhoirmeach do dhídeanaithe nó do dhaoine atá incháilithe le haghaidh cosanta coimhdí, agus inneachar na cosanta a thugtar,

ní mór léiriú a dhéanamh mar seo a leanas:

cuirtear cosc leo ar reachtaíocht náisiúnta faoina gceanglaítear go córasach ar an údarás cinntitheach, i gcás inar chinn comhlachtaí ar cuireadh sainfheidhmeanna atá nasctha le slándáil náisiúnta de chúram orthu, trí thuairim neamhréasúnach, gur bagairt an duine don tslándáil sin, diúltú cosaint choimhdeach a dheonú don duine sin, nó cosaint idirnáisiúnta a tugadh don duine sin roimhe sin a tharraingt siar, ar bhonn na tuairime sin.

3)

Maidir le hAirteagal 17(1)(b) de Threoir 2011/95

ní mór léiriú a dhéanamh mar seo a leanas:

ní chuirtear cosc leis le hiarratasóir a bheith eisiata ó bheith incháilithe do chosaint choimhdeach, de bhun na forála sin, ar bhonn ciontú coiriúil a bhí ar eolas cheana féin do na húdaráis inniúla nuair a dheonaigh siad don iarratasóir sin, ag deireadh nós imeachta roimhe sin, stádas dídeanaí a tarraingíodh siar ansin.