EUR-Lex Access to European Union law
This document is an excerpt from the EUR-Lex website
Document 62016CN0598
Case C-598/16 P: Appeal brought on 23 November 2016 by Viktor Fedorovych Yanukovych against the judgment of the General Court (Ninth Chamber, Extended Composition) delivered on 15 September 2016 in Case T-346/14: Yanukovych v Council
Kawża C-598/16 P: Appell ippreżentat fit-23 ta’ Novembru 2016 minn Viktor Fedorovych Yanukovych mis-sentenza mogħtija mill-Qorti Ġenerali (Id-Disa’ Awla Estiża) fil-15 ta’ Settembru 2016 fil-Kawża T-346/14, Yanukovych vs Il-Kunsill
Kawża C-598/16 P: Appell ippreżentat fit-23 ta’ Novembru 2016 minn Viktor Fedorovych Yanukovych mis-sentenza mogħtija mill-Qorti Ġenerali (Id-Disa’ Awla Estiża) fil-15 ta’ Settembru 2016 fil-Kawża T-346/14, Yanukovych vs Il-Kunsill
ĠU C 30, 30.1.2017, p. 26–27
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
30.1.2017 |
MT |
Il-Ġurnal Uffiċjali tal-Unjoni Ewropea |
C 30/26 |
Appell ippreżentat fit-23 ta’ Novembru 2016 minn Viktor Fedorovych Yanukovych mis-sentenza mogħtija mill-Qorti Ġenerali (Id-Disa’ Awla Estiża) fil-15 ta’ Settembru 2016 fil-Kawża T-346/14, Yanukovych vs Il-Kunsill
(Kawża C-598/16 P)
(2017/C 030/31)
Lingwa tal-kawża: l-Ingliż
Partijiet
Appellant: Viktor Fedorovych Yanukovych (irrappreżentat minn: T. Beazley QC)
Partijiet oħra fil-proċedura: Il-Kunsill tal-Unjoni Ewropea, Il-Kummissjoni Ewropea, Ir-Repubblika tal-Polonja
Talbiet
— |
tannulla s-sentenza tal-Qorti Ġenerali (Id-Disa’ Awla Estiża) tal-15 ta’ Settembru 2016 fil-Kawża T-346/14 sa fejn speċifikat fl-appell, jiġifieri l-punti 2 u 4 tad-dispożittiv ta’ dik is-sentenza |
— |
tilqa’ t-talbiet tal-appellant fil-proċeduri quddiem il-Qorti Ġenerali sa fejn speċifikat hawn taħt, jiġifieri:
sa fejn dawn il-miżuri jikkonċernaw lill-appellant; u |
— |
tikkundanna lill-Kunsill tal-Unjoni Ewropea għall-ispejjeż tal-appell u tar-rikors għal annullament fin-nota ta’ adattament. |
Aggravji u argumenti prinċipali
1. |
L-ewwel aggravju huwa bbażat fuq l-allegazzjoni li l-Qorti Ġenerali wettqet żball ta’ liġi meta ddeċidiet li l-kriterju ta’ inklużjoni fil-lista previst fl-Artikolu 1(1) tad-Deċiżjoni tal-Kunsill 2014/119/PESK, kif emendata mit-tieni deċiżjoni li temenda, huwa kompatibbli mal-għanijiet tal-Politika Estera u ta’ Sigurtà Komuni kif previsti fl-Artikolu 21 tat-Trattat dwar l-Unjoni Ewropea. Il-Qorti Ġenerali naqset milli tirrikonoxxi li l-allegati atti ta’ misapproprjazzjoni ta’ fondi tal-Istat għandhom, minn tal-inqas, ikunu s-suġġett ta’ prosekuzzjoni jew proċeduri ġudizzjarji oħra li jkunu għadhom għaddejjin fil-pajjiż ikkonċernat, f’ċirkustanzi fejn, bħal f’dan il-każ, hemm provi kredibbli li l-pajjiż inkwistjoni ma għandux rekord konsistenti u xieraq ta’ osservanza tal-prinċipji fundamentali tad-drittijiet tal-bniedem jew ta’ osservanza tal-Istat ta’ dritt. |
2. |
It-tieni aggravju bbażat fuq l-allegazzjoni li l-Qorti Ġenerali wettqet żball ta’ liġi meta (1) nuqqas milli tiddeċiedi li kien hemm provi kredibbli li l-Ukraina ma għandhiex rekord konsistenti u xieraq ta’ osservanza tad-drittijiet tal-bniedem jew ta’ osservanza tal-Istat ta’ dritt u (2) billi ddeskriviet lil ċerti awtoritajiet Ukreni li fuq il-provi tagħhom il-Kunsill tal-Unjoni Ewropea bbaża ruħu bħala “awtorità ġudizzjarja superjuri”. Il-Qorti Ġenerali żbaljat ukoll meta ma pprovdiet ebda motivazzjoni fir-rigward tal-opinjoni tagħha dwar (1) u (2). |
3. |
It-tielet aggravju bbażat fuq l-allegazzjoni li l-Qorti Ġenerali wettqet żball ta’ liġi (1) meta ddeċidiet li l-inklużjoni ta’ isem l-appellanti fil-lista, abbażi ta’ ittra tat-30 ta’ Diċembru 2014 mibgħuta mill-awtoritajiet Ukreni, hija konformi mal-kriterju ta’ inklużjoni fil-lista u (2) meta ddeċidiet li ma kienx hemm żball manifest ta’ evalwazzjoni mill-Kunsill fir-rigward tal-inklużjoni tal-appellant fil-lista. |
(1) Deċiżjoni tal-Kunsill (PESK) 2015/143, tad-29 ta’ Jannar 2015, li temenda d-Deċiżjoni 2014/119/PESK dwar miżuri restrittivi diretti kontra ċerti persuni, entitajiet u korpi fid-dawl tas-sitwazzjoni fl-Ukraina (ĠU 2015, L 24, p. 16).
(2) Deċiżjoni tal-Kunsill (PESK) 2015/364, tal-5 ta’ Marzu 2015, li temenda d-Deċiżjoni 2014/119/PESK dwar miżuri restrittivi diretti kontra ċerti persuni, entitajiet u korpi fid-dawl tas-sitwazzjoni fl-Ukraina (ĠU 2015, L 62, p. 25).
(3) Regolament ta’ Implimentazzjoni tal-Kunsill (UE) 2015/357, tal-5 ta’ Marzu 2015, li jimplimenta r-Regolament Nru 208/2014 dwar miżuri restrittivi diretti kontra ċerti persuni, entitajiet u korpi fid-dawl tas-sitwazzjoni fl-Ukraina (ĠU 2015, L 62, p. 1).