32023D0749

This document is an excerpt from the EUR-Lex website

EUROPA
EUR-Lex home
Deċiżjoni implimentattiva - 2023/749 - EN - EUR-Lex

Help

Search tips

Need more search options? Use the Advanced search

Document 32023D0749

Help

Deċiżjoni ta’ Implimentazzjoni tal-Kummissjoni (UE) 2023/749 tal-11 ta’ April 2023 li temenda l-Annessi I u II tad-Deċiżjoni ta’ Implimentazzjoni (UE) 2021/260 fir-rigward tal-miżuri nazzjonali li japplikaw fid-Danimarka dwar il-marda batterika tal-kliewi (BKD) u n-nekrożi pankreatika infettiva (IPN) u l-miżuri nazzjonali li japplikaw fir-Renju Unit (l-Irlanda ta’ Fuq) li jikkonċernaw l-Ostreid herpesvirus-1μνar (OsHV-1μνar) (Test b’rilevanza għaż-ŻEE)

C/2023/2304

ĠU L 99, 12.4.2023, pp. 28–33 (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force: This act has been changed. Current consolidated version: 12/04/2023

ELI: http://data.europa.eu/eli/dec_impl/2023/749/oj

HTML

PDF

Official Journal

12.4.2023

Il-Ġurnal Uffiċjali tal-Unjoni Ewropea

L 99/28

DEĊIŻJONI TA’ IMPLIMENTAZZJONI TAL-KUMMISSJONI (UE) 2023/749

tal-14 ta’ April 2023

li temenda l-Annessi I u II tad-Deċiżjoni ta’ Implimentazzjoni (UE) 2021/260 fir-rigward tal-miżuri nazzjonali li japplikaw fid-Danimarka dwar il-marda batterika tal-kliewi (BKD) u n-nekrożi pankreatika infettiva (IPN) u l-miżuri nazzjonali li japplikaw fir-Renju Unit (l-Irlanda ta’ Fuq) li jikkonċernaw l-Ostreid herpesvirus-1μνar (OsHV-1μνar)

(Test b’rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (UE) 2016/429 tal-Parlament Ewropew u tal-Kunsill tad-9 ta’ Marzu 2016 dwar il-mard trażmissibbli tal-annimali u li jemenda u jħassar ċerti atti fil-qasam tas-saħħa tal-annimali (“il-Liġi dwar is-Saħħa tal-Annimali”) (1), u b’mod partikolari l-Artikolu 226(3) tiegħu,

Billi:

(1)

Id-Deċiżjoni ta’ Implimentazzjoni tal-Kummissjoni (UE) 2021/260 (2) tistabbilixxi, fl-Annessi I u II tagħha, listi ta’ Stati Membri u partijiet minnhom li huma meqjusa bħala ħielsa minn ċertu mard tal-annimali akkwatiċi, mhux elenkat fl-Artikolu 9(1), il-punt (d) tar-Regolament (UE) 2016/429, jew li huma soġġetti għal programm ta’ eradikazzjoni għal dak il-mard.

(2)

Id-Danimarka nnotifikat lill-Kummissjoni li erbgħa mill-kompartimenti fit-territorju tagħha, li huma elenkati fl-Anness I tad-Deċiżjoni ta’ Implimentazzjoni (UE) 2021/260, ma baqgħux jeżistu u għalhekk jenħtieġ li jitneħħew mil-lista ta’ kompartimenti li jitqiesu bħala ħielsa min-nekrożi pankreatika infettiva (IPN) fid-Danimarka. Wieħed minn dawk il-kompartimenti jenħtieġ li jitneħħa wkoll mil-lista ta’ kompartimenti li huma meqjusa bħala ħielsa mill-marda batterika tal-kliewi (BKD).

(3)

Id-Danimarka nnotifikat ukoll lill-Kummissjoni li kien hemm tifqigħa tal-IPN f’wieħed mill-kompartimenti fit-territorju tagħha, li huwa elenkat fl-Anness II tad-Deċiżjoni ta’ Implimentazzjoni (UE) 2021/260. Dak il-kompartiment ma għadux soġġett għal programm ta’ eradikazzjoni għall-IPN u, għalhekk, jenħtieġ li jitneħħa mil-lista.

(4)

Barra minn hekk, id-Danimarka nnotifikat lill-Kummissjoni li kompartiment ġdid fit-territorju tagħha beda programm ta’ eradikazzjoni għall-BKD. Għalhekk, jenħtieġ li dan il-kompartiment jiżdied mal-lista ta’ kompartimenti li huma soġġetti għal programm ta’ eradikazzjoni għall-BKD fl-Anness II tad-Deċiżjoni ta’ Implimentazzjoni (UE) 2021/260.

(5)

Id-Danimarka nnotifikat ukoll lill-Kummissjoni li kompartiment fit-territorju tagħha, li huwa elenkat fl-Anness II tad-Deċiżjoni ta’ Implimentazzjoni (UE) 2021/260, lesta b’suċċess programm ta’ eradikazzjoni għall-BKD u programm ta’ eradikazzjoni għall-IPN. Għalhekk, dan il-kompartiment jenħtieġ li jitneħħa mil-lista f’dak l-Anness u, minflok, jenħtieġ li jiddaħħal fil-lista ta’ kompartimenti, li jitqiesu bħala ħielsa mill-BKD u fil-lista ta’ kompartimenti li huma ħielsa mill-IPN, fl-Anness I ta’ dik id-Deċiżjoni ta’ Implimentazzjoni.

(6)

Barra minn hekk, ir-Renju Unit fir-rigward tal-Irlanda ta’ Fuq, innotifika lill-Kummissjoni li peress li ż-żoni kollha tal-Irlanda ta’ Fuq fejn jinżammu l-annimali tal-akkwakultura li huma suxxettibbli għall-Ostreid herpesvirus-1μνar, ma għadhomx ħielsa minn dik il-marda, iż-żamma ta’ miżuri nazzjonali biex jikkontrollawha ma għadhiex meqjusa bħala meħtieġa. Għalhekk, jenħtieġ li t-territorju tal-Irlanda ta’ Fuq għajr il-Bajja ta’ Dundrum, il-Bajja ta’ Killough, Lough Foyle, Carlingford Lough, Larne Lough u Strangford Lough, li huwa elenkat fl-Anness I tad-Deċiżjoni ta’ Implimentazzjoni (UE) 2021/260, jitneħħa minn dik il-lista.

(7)	Għalhekk jenħtieġ li l-Annessi I u II tad-Deċiżjoni ta’ Implimentazzjoni (UE) 2021/260 jiġu emendati skont dan.

(8)	Il-miżuri previsti f’din id-Deċiżjoni huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

ADOTTAT DIN ID-DEĊIŻJONI:

Artikolu 1

L-Annessi I u II tad-Deċiżjoni ta’ Implimentazzjoni (UE) 2021/260 huma sostitwiti bit-test mogħti fl-Anness ta’ din id-Deċiżjoni.

Artikolu 2

Din id-Deċiżjoni għandha tidħol fis-seħħ fit-tielet jum wara dak tal-pubblikazzjoni tagħha f’Il-Ġurnal Uffiċjali tal-Unjoni Ewropea.

Magħmul fi Brussell, l-14 ta’ April 2023.

Għall-Kummissjoni

Il-President

Ursula VON DER LEYEN

(1) ĠU L 84, 31.3.2016, p. 1.

(2) Id-Deċiżjoni ta’ Implimentazzjoni tal-Kummissjoni (UE) 2021/260 tal-11 ta’ Frar 2021 li tapprova miżuri nazzjonali mfassla biex jillimitaw l-impatt ta’ ċertu mard ta’ annimali akkwatiċi f’konformità mal-Artikolu 226(3) tar-Regolament (UE) 2016/429 tal-Parlament Ewropew u tal-Kunsill u li tħassar id-Deċiżjoni tal-Kummissjoni 2010/221/UE (ĠU L 59, 19.2.2021, p. 1).

ANNESS

“ANNESS I

L-Istati Membri (1) jew partijiet minnhom, meqjusa bħala ħielsa minn ċertu mard li jaffettwa l-annimali akkwatiċi u li għalihom il-miżuri nazzjonali huma approvati f’konformità mal-Artikolu 226(3) tar-Regolament (UE) 2016/429

Marda

Stat Membru

Kodiċi

Demarkazzjoni ġeografika taż-żona li għaliha ġew approvati l-miżuri nazzjonali

Marda tal-virus tal-erpete tal-koi (KHV)

Franza

Iż-żona tad-Durançole, mis-sors tax-xmara Durançole sal-iżbokk minn FR 13092001 CE Ferme Marine de la Durançole

Il-kompartimenti individwali li ġejjin, kull wieħed minnhom magħmul minn stabbiliment tal-akkwakultura bin-numru tal-approvazzjoni speċifikat:

FR 17116001 CE Pisiculture de l’EARL Carpio

FR 34023506 CE SCEA les poissons du Soleil

FR 34195501 CE Olivier Germaine – Pisciculture

FR 39366002 CE Pisciculture du Moulin de Pierre

FR 63263022 CE Pisciculture de Fontanas

FR 66190003 CE SCEA les poissons du Soleil

FR 72261001 CE Ecloserie de l’AAPPMA de Conlie – Bernay – Ruillé

FR 72294001 CE Ecloserie de l’AAPPMA 72 – Sougé Le Ganelon

L-Italja

Iż-żona tal-għadajjar Monticolo li tinkludi l-mafqas IT004BZ106, il-“Grande lago di Monticolo/Große Montiggler see” u l-“Piccolo lago di Monticolo/Keliner Montiggler see”

L-Irlanda

It-territorju kollu

Il-Portugall

Il-kompartiment li ġej magħmul minn stabbiliment tal-akkwakultura bin-numru tal-approvazzjoni speċifikat:

PT 06001 CP Herdade de Entre Águas/PT

Ir-Renju Unit (l-Irlanda ta’ Fuq)

UK (NI)

L-Irlanda ta’ Fuq

Viremija tar-Rebbiegħa tal-karpjun (SVC)

Id-Danimarka

It-territorju kollu

Il-Finlandja

It-territorju kollu

L-Ungerija

It-territorju kollu

L-Irlanda

It-territorju kollu

L-Iżvezja

It-territorju kollu

Ir-Renju Unit (l-Irlanda ta’ Fuq)

UK(NI)

L-Irlanda ta’ Fuq

Marda batterika tal-kliewi (BKD)

Id-Danimarka

Il-kompartimenti individwali li ġejjin, kull wieħed minnhom magħmul minn stabbiliment tal-akkwakultura bin-numru tal-approvazzjoni speċifikat:

84470

Brænderigårdens Dambrug

92158

Hørup Mølle Dambrug

103471

Abildvad Dambrug

103559

Fårup Mølle Dambrug

103587

Trend Å Dambrug

103623

Hårkjær Dambrug

103647

Egebæk Dambrug

103670

Refsgårds Dambrug

103682

Sangild Dambrug

103733

Skade Dambrug

117789

Funderholme Fiskeopdræt

118656

AquaSearch Ova, Billund

118844

Ravning ægpakkeri

128165

Ollerupgård Dambrug

Il-Finlandja

Il-kompartimenti individwali li ġejjin, kull wieħed minnhom magħmul minn stabbilimenti tal-akkwakultura bin-numru tal-approvazzjoni speċifikat:

177-1/

Hanka-Taimen Oy,

177-2

Vanaja and Venekoski Fish Farms

386-1

Pohjois-Karjalan kalanviljely Oy, Keskijärvi Fish Farm

386-2

Pohjois-Karjalan kalanviljely Oy, Kontiolahti Fish Farm

065-3

Kainuun Lohi Oy, Likolampi Fish Farm

185-2

Terhontammi Oy, Sorsakoski hatchery

383

Kuusamon Jalokala Oy, Käylä hatchery

253-3

Natural Resources Institute Finland - Luke, Taivalkoski Fish Farm

L-Irlanda

It-territorju kollu

Ir-Renju Unit (l-Irlanda ta’ Fuq)

UK(NI)

L-Irlanda ta’ Fuq

Nekrożi pankreatika infettiva (IPN)

Id-Danimarka

Il-kompartimenti individwali li ġejjin, kull wieħed minnhom magħmul minn stabbiliment tal-akkwakultura bin-numru tal-approvazzjoni speċifikat:

83138

Hallesøhuse Dambrug

84470

Brænderigårdens Dambrug

92158

Hørup Mølle Dambrug

103554

Fruerlund Dambrug

103559

Fårup Mølle Dambrug

103571

Hallesø Dambrug

103623

Hårkjær Dambrug

103647

Egebæk Dambrug

103668

Ravning Dambrug

103670

Refsgårds Dambrug

103682

Sangild Dambrug

103802

Ådal Dambrug

103910

Piledal Dambrug

104106

Hallundbæk Dambrug

106314

Ravningkær Dambrug

117789

Funderholme Fiskeopdræt

118656

AquaSearch Ova, Billund

118844

Ravning ægpakkeri

122355

FREA

125770

Aquasearch Ova

128165

Ollerupgård Dambrug

129695

Ravning Avlsstation

Il-Finlandja

Il-partijiet kontinentali tat-territorju

Is-Slovenja

Il-kompartimenti individwali li ġejjin, kull wieħed minnhom magħmul minn stabbiliment tal-akkwakultura bin-numru tal-approvazzjoni speċifikat:

SIRIB050108 Pšata

SIRIB120102 Ilirska Bistrica

L-Iżvezja

Il-partijiet kontinentali tat-territorju

Infezzjoni bil-Gyrodactylus salaris (GS)

Il-Finlandja

Iż-żoni tal-ġbir tal-ilma tat-Tenojoki u tan-Näätämöjoki; iż-żoni tal-ġbir tal-ilma tal-Paatsjoki, tat-Tuulomajoki, u tal-Uutuanjoki jitqiesu bħala żoni ta’ lqugħ

L-Irlanda

It-territorju kollu

Ir-Renju Unit (l-Irlanda ta’ Fuq)

UK (NI)

L-Irlanda ta’ Fuq

L-infezzjoni bl-alfavirus tas-salmonidi (SAV)

Il-Finlandja

Il-partijiet kontinentali tat-territorju

ANNESS II

L-Istati Membri (2) jew partijiet minnhom, bi programmi ta’ eradikazzjoni għal ċertu mard li jaffettwa l-annimali akkwatiċi u li għalihom il-miżuri nazzjonali huma approvati f’konformità mal-Artikolu 226(3) tar-Regolament (UE) 2016/429

Marda	Stat Membru	Kodiċi	Demarkazzjoni ġeografika taż-żona li għaliha ġew approvati l-miżuri nazzjonali
Marda batterika tal-kliewi (BKD)	Id-Danimarka	DK	Il-kompartimenti individwali li ġejjin, kull wieħed minnhom magħmul minn stabbiliment tal-akkwakultura bin-numru tal-approvazzjoni speċifikat:
			106314	Ravningkær Dambrug
			108516	Hulsig Dambrug
			118738	Øster Højgård Avlsdambrug
			122491	Tarp Dambrug
			129695	Ravning Avlsstation
	L-Iżvezja	SE	Il-partijiet kontinentali tat-territorju
Nekrożi pankreatika infettiva (IPN)	Id-Danimarka	DK	Il-kompartimenti individwali li ġejjin, kull wieħed minnhom magħmul minn stabbiliment tal-akkwakultura bin-numru tal-approvazzjoni speċifikat:
			103606	Lundby Dambrug
			108516	Hulsig Dambrug
	L-Iżvezja	SE	Il-partijiet kostali tat-territorju

”

(1) F’konformità mal-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika, u b’mod partikolari l-Artikolu 5(4) tal-Protokoll dwar l-Irlanda/l-Irlanda ta’ Fuq flimkien mal-Anness 2 ta’ dak il-Protokoll, għall-finijiet ta’ dan l-Anness, ir-referenzi għall-Istati Membri jinkludu r-Renju Unit fir-rigward tal-Irlanda ta’ Fuq.

(2) F’konformità mal-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika, u b’mod partikolari l-Artikolu 5(4) tal-Protokoll dwar l-Irlanda/l-Irlanda ta’ Fuq flimkien mal-Anness 2 ta’ dak il-Protokoll, għall-finijiet ta’ dan l-Anness, ir-referenzi għall-Istati Membri jinkludu r-Renju Unit fir-rigward tal-Irlanda ta’ Fuq.

Top

Choose the experimental features you want to try