DEĊIŻJONI TAL-KUNSILL

tat-22 ta’ Ottubru 2007

dwar il-konklużjoni tal-Protokoll li jemenda l-Ftehim ta’ Kooperazzjoni bejn il-Komunità Ekonomika Ewropea u r-Renju tat-Tajlandja dwar il-produzzjoni, il-kummerċjalizzazzjoni u l-kummerċ tal-manjoka

(2007/859/KE)

IL-KUNSILL ta’ L-UNJONI EWROPEA,

Wara li kkunsidra t-Trattat li jistabbilixxi l-Komunità Ewropea, u partikolarment l-Artikolu 133(3), flimkien ma’ l-ewwel sentenza ta’ l-ewwel subparagrafu ta’ l-Artikolu 300(2),

Wara li kkunsidra l-proposta tal-Kummissjoni,

Billi:

IDDEĊIEDA KIF ĠEJ:

Artikolu 1

1.   Il-Protokoll li jemenda l-Ftehim ta’ Kooperazzjoni bejn il-Komunità Ekonomika Ewropea u r-Renju tat-Tajlandja dwar il-produzzjoni, il-kummerċjalizzazzjoni u l-kummerċ tal-manjoka, minn hawn ‘il quddiem imsejjaħ “il-Protokoll”, huwa approvat f’isem il-Komunità.

2.   It-test tal-Protokoll huwa anness ma’ din id-Deċiżjoni.

Artikolu 2

Il-President tal-Kunsill huwa b’dan awtorizzat li jinnomina il-persuna li għandha s-setgħa li tiffirma l-Protokoll sabiex jorbot lil-Komunità.

Artikolu 3

Sakemm hu neċessarju għall-finijiet ta’ l-applikazzjoni sħiħa tal-Protokoll mill-1 ta’ Jannar 2008, il-Kummissjoni għandha tadotta r-regoli dettaljati għall-implimentazzjoni tiegħu skond il-proċedura prevista fl-Artikolu 4(2) ta’ din id-Deċiżjoni.

Artikolu 4

1.   Il-Kummissjoni għandha tiġi assistita mill-Kumitat ta’ Ġestjoni taċ-Ċereali stabbilit mill-Artikolu 25 tar-Regolament tal-Kunsill (KE) Nru 1784/2003 tad-29 ta’ Settembru 2003 dwar l-organizzazzjoni komuni tas-suq fiċ-ċereali (3).

2.   Fejn issir referenza għal dan il-paragrafu, għandhom japplikaw l-Artikoli 4 u 7 tad-Deċiżjoni tal-Kunsill 1999/468/KE tat-28 ta’ Ġunju 1999 li tistabbilixxi l-proċedura għall-eżerċizzju tas-setgħat ta’ implimentazzjoni mogħtija lill-Kummissjoni (4).

Il-perjodu stabbilit fl-Artikolu 4(3) tad-Deċiżjoni 1999/468/KE għandu jkun ta’ xahar.

Artikolu 5

Din id-Deċiżjoni għandha tkun ippubblikata fil-Ġurnal Uffiċjali ta’ l-Unjoni Ewropea.

(1)  ĠU L 219, 28.7.1982, p. 53.

(2)  ĠU L 253, 11.10.1993, p. 1. Ir-Regolament kif emendat l-aħħar bir-Regolament (KE) Nru 214/2007 (ĠU L 62, 1.3.2007, p. 6).

(3)  ĠU L 270, 21.10.2003, p. 78. Ir-Regolament kif emendat l-aħħar bir-Regolament (KE) Nru 735/2007 (ĠU L 169, 29.6.2007, p. 6).

(4)  ĠU L 184, 17.7.1999, p. 23. Id-Deċiżjoni kif emendata l-aħħar bid-Deċiżjoni 2006/512/KE (ĠU L 200, 22.7.2006, p. 11).

PROTOKOLL

li jemenda l-ftehim ta’ Kooperazzjoni bejn ir-renju tat-Tajlandja u l-Komunità ekonomika ewropea dwar il-produzzjoni, il-kummerċjalizzazzjoni u l-kummerċ tal-manjoka

IL-KOMUNITÀ EWROPEA,

minn naħa waħda,

IL-GVERN TAR-RENJU TAT-TAJLANDJA

min-naħa l-oħra,

MEXXEW, fuq talba tal-Komunità Ewropea, negozjati bil-għan li jiġi emendat l-Artikolu 5 tal-Ftehim tal-Kooperazzjoni dwar il-produzzjoni, il-kummerċjalizzazzjoni u l-kummerċ tal-manjoka, minn hawn ‘il quddiem imsejjaħ “il-Ftehim ta’ Kooperazzjoni”, sabiex ikun allinjat mad-dispożizzjonijiet ta’ l-Artikoli 55 sa 65 u 308a sa 308c tar-Regolament tal-Kummissjoni (KEE) Nru 2454/93,

AFFERMAW ir-rieda tagħhom li jżommu fis-seħħ il-Ftehim ta’ Kooperazzjoni,

IL-KOMUNITÀ EWROPEA:

Álvaro MENDONÇA E MOURA,

Ambaxxatur, Rappreżentant Permanenti tar-Repubblika tal-Portugall

IL-GVERN TAR-RENJU TAT-TAJLANDJA:

Pisan MANAWAPAT,

Ambaxxatur, Kap tal-Missjoni tat-Tajlanda għall-Komunitajiet Ewropej

FTIEHMU KIF ĠEJ:

Artikolu 1

L-Artikolu 5 tal-Ftehim ta’ Kooperazzjoni għandu jinbidel b’dan li ġej:

Artikolu 2

Dan il-Protokoll għandu jifforma parti integrali mill-Ftehim ta’ Kooperazzjoni.

Artikolu 3

Dan il-Protokoll għandu jkun approvat mill-Komunità u mir-Renju tat-Tajlandja b’mod konformi mal-proċeduri tagħhom.

Artikolu 4

Dan il-Protokoll għandu jidħol fis-seħħ fl-1 ta’ Jannar 2008.

Artikolu 5

Dan il-Protokoll qiegħed isir f’żewġ kopji f’kull waħda mil-lingwi uffiċjali tal-Partijiet Kontraenti, b’kull wieħed minn dawn it-testi ikun ugwalment awtentiku.