EUR-Lex Access to European Union law
This document is an excerpt from the EUR-Lex website
Document 22020D1223
Recommendation No 1/2020 of the Customs Committee established under the Free Trade Agreement between the European Union and its Member States, of the one part, and the Republic of Korea, of the other part of 8 December 2020 on the application of Article 27 of the Protocol concerning the definition of ‘originating products’ and methods of administrative cooperation
Rakkomandazzjoni Nru 1/2020 tal-Kumitat Doganali stabbilit skont il-Ftehim ta’ Kummerċ Ħieles bejn l-Unjoni Ewropea u l-Istati Membri tagħha, min-naħa waħda, u r-Repubblika tal-Korea, min-naħa l-oħra tat-8 ta’ Diċembru 2020 dwar l-applikazzjoni tal-Artikolu 27 tal-Protokoll dwar id-definizzjoni ta’ “prodotti oriġinarji” u metodi ta’ kooperazzjoni amministrattiva
Rakkomandazzjoni Nru 1/2020 tal-Kumitat Doganali stabbilit skont il-Ftehim ta’ Kummerċ Ħieles bejn l-Unjoni Ewropea u l-Istati Membri tagħha, min-naħa waħda, u r-Repubblika tal-Korea, min-naħa l-oħra tat-8 ta’ Diċembru 2020 dwar l-applikazzjoni tal-Artikolu 27 tal-Protokoll dwar id-definizzjoni ta’ “prodotti oriġinarji” u metodi ta’ kooperazzjoni amministrattiva
PUB/2020/998
ĠU L 434, 23.12.2020, p. 67–72
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
23.12.2020 |
MT |
Il-Ġurnal Uffiċjali tal-Unjoni Ewropea |
L 434/67 |
RAKKOMANDAZZJONI Nru 1/2020 TAL-KUMITAT DOGANALI STABBILIT SKONT IL-FTEHIM TA’ KUMMERĊ ĦIELES BEJN L-UNJONI EWROPEA U L-ISTATI MEMBRI TAGĦHA, MIN-NAĦA WAĦDA, U R-REPUBBLIKA TAL-KOREA, MIN-NAĦA L-OĦRA
tat-8 ta’ Diċembru 2020
dwar l-applikazzjoni tal-Artikolu 27 tal-Protokoll dwar id-definizzjoni ta’ “prodotti oriġinarji” u metodi ta’ kooperazzjoni amministrattiva
IL-KUMITAT DOGANALI,
Wara li kkunsidra l-Ftehim ta’ Kummerċ Ħieles (minn hawn ’il quddiem, “il-Ftehim”) bejn l-Unjoni Ewropea u l-Istati Membri tagħha, min-naħa waħda, u r-Repubblika tal-Korea, min-naħa l-oħra, b’mod partikolari l-Artikoli 15.2(1)(c) u 6.16(5) tiegħu,
Billi:
(1) |
L-Artikolu 27 tal-Protokoll tal-Ftehim, li jikkonċerna d-definizzjoni ta’ “prodotti oriġinarji” u metodi ta’ kooperazzjoni amministrattiva (minn hawn ’il quddiem “il-Protokoll”), jistabbilixxi l-proċedura għall-verifika tal-provi tal-oriġini u l-kompiti u r-responsabbiltajiet tal-awtoritajiet doganali tal-Partijiet li jimportaw u li jesportaw. |
(2) |
L-Unjoni Ewropea u r-Repubblika tal-Korea (minn hawn ’il quddiem “il-Partijiet”) identifikaw il-ħtieġa għal fehim komuni tal-karatteristiċi ewlenin tal-proċedura ta’ verifika stabbilita fl-Artikolu 27 tal-Protokoll u tal-passi differenti f’din il-proċedura. Tali fehim komuni jenħtieġ li jkun fl-interess tal-awtoritajiet doganali li huma responsabbli sabiex jiżguraw il-konformità mar-regoli tal-oriġini u sabiex jiżguraw it-trattament ugwali tal-operaturi ekonomiċi soġġetti għal tali verifika, fit-territorju ta’ kull Parti. |
(3) |
Il-Kumitat Doganali huwa mogħti s-setgħa permezz tal-Artikolu 6.16(5) tal-Ftehim sabiex jifformula rakkomandazzjonijiet li huwa jqis meħtieġa għall-kisba tal-objettivi komuni u għall-funzjonament tajjeb tal-mekkaniżmi stabbiliti fil-Protokoll. Il-Partijiet iqisu li jkun xieraq li l-Kumitat Doganali jifformula rakkomandazzjoni għal fehim komuni u għall-implimentazzjoni tajba tal-proċedura ta’ verifika stabbilita fl-Artikolu 27 tal-Protokoll. |
B’DAN JIRRAKKOMANDA:
1. Il-karatteristiċi ewlenin tal-proċedura ta’ verifika
(1) |
Il-karatteristiċi ewlenin tal-proċedura ta’ verifika tal-Artikolu 27 jinqasmu fi tnejn: din hija sistema tal-hekk imsejħa “verifika indiretta” u hija bbażata fuq fiduċja reċiproka bejn l-awtoritajiet doganali tal-Partijiet. |
(2) |
“Verifika indiretta” tfisser li l-awtoritajiet doganali tal-Parti li timporta ma jwettqux il-verifiki huma stess iżda jibagħtu talba għal verifika lill-awtoritajiet doganali tal-Parti li tesporta u hija r-responsabbiltà ta’ din tal-aħħar li twettaq il-verifika billi tikkuntattja lill-esportatur. Ir-riżultat tal-verifika jintbagħat mill-awtoritajiet doganali tal-Parti li tesporta lill-awtoritajiet doganali tal-Parti li timporta. Ir-raġuni hija li l-awtoritajiet doganali tal-Parti li tesporta, fejn tinħareġ il-prova tal-oriġini (dikjarazzjoni tal-oriġini), huma fl-aħjar pożizzjoni biex jivverifikaw din il-prova minħabba l-qrubija għall-esportatur (għarfien tal-attivitajiet u tal-istorja tal-esportatur, faċilità tal-aċċess għall-informazzjoni, familjarità mas-sistema kontabilistika nazzjonali, l-ebda ostaklu tal-lingwa). Għalhekk, huwa primarjament f’idejn l-awtoritajiet doganali tal-Parti li tesporta biex jiddeterminaw jekk il-prodotti kkonċernati humiex oriġinarji jew le, skont ir-regoli tal-oriġini applikabbli. |
(3) |
Il-“verifika tal-provi tal-oriġini” ssir abbażi tal-fiduċja reċiproka bejn l-awtoritajiet doganali tal-Partijiet. Hawnhekk, “fiduċja reċiproka” timplika li l-awtoritajiet doganali tal-Parti li tesporta jenħtieġ li jivverifikaw bir-reqqa l-kwistjonijiet ippreżentati mill-awtoritajiet doganali tal-Parti li timporta, u jikkomunikaw ir-riżultati ta’ din il-verifika lill-awtoritajiet doganali tal-Parti li timporta, li tiddependi mir-riżultati tal-ħidma mwettqa mill-awtoritajiet doganali tal-Parti li tesporta. Madankollu, l-awtoritajiet doganali tal-Parti li timporta xorta għandhom id-dritt li jitolbu informazzjoni addizzjonali lill-Parti li tesporta jekk iqisu li t-tweġiba ma tkunx kompluta biżżejjed jew li ma tippermettix li wieħed jifhem il-pożizzjoni espressa mill-Parti li tesporta. Id-dettalji dwar liema informazzjoni tista’ tintalab mill-Parti li timporta lill-Parti li tesporta huma elaborati aktar taħt it-Taqsimiet 2.4.2 (Sejbiet u Fatti) u 2.4.3 (Informazzjoni Suffiċjenti). |
2. Passi differenti fil-proċedura ta’ verifika
2.1. It-tnedija ta’ talba għal verifika
(4) |
L-awtoritajiet Doganali tal-Parti li timporta jistgħu jniedu talba għal verifika sussegwenti tal-provi tal-oriġini meta jkollhom dubji raġonevoli dwar:
|
(5) |
Minbarra l-każijiet ta’ dubju raġonevoli dwar l-elementi msemmija hawn fuq, l-awtoritajiet doganali tal-Parti li timporta għandhom il-possibbiltà li jniedu talba għal verifika għal każijiet magħżula b’mod aleatorju. Dan ikopri l-każijiet li ma jaqgħux fil-kamp ta’ applikazzjoni tat-tliet (3) elementi msemmija hawn fuq koperti mid-dubju raġonevoli. |
2.2. Bgħit tat-talba għal verifika
(6) |
L-awtoritajiet Doganali tal-Parti li timporta għandhom jibagħtu t-talba għal verifika lill-awtoritajiet doganali tal-Parti li tesporta responsabbli għall-verifika tal-provi tal-oriġini. It-talba tindika jekk tkunx tnediet b’mod aleatorju jew fuq il-bażi ta’ dubji raġonevoli. Il-paragrafu 3 tal-Artikolu 27 jipprevedi li t-talba tkun tindika, fejn xieraq, ir-raġunijiet għall-investigazzjoni. |
(7) |
L-indikazzjoni tar-raġunijiet għall-investigazzjoni tippermetti lill-awtoritajiet doganali tal-Parti li tesporta jindirizzaw it-talba bl-aktar mod effiċjenti f’termini ta’ kostijiet u ta’ piż amministrattiv. |
(8) |
Min-naħa l-oħra, jekk l-awtoritajiet doganali tal-Parti li timporta jitolbu investigazzjoni b’mod aleatorju, ma jkollhomx għalfejn jindikaw raġuni għall-investigazzjoni. |
(9) |
Madankollu, f’konformità mal-paragrafu 3 tal-Artikolu 27, il-provi tal-oriġini jew kopja ta’ dawn id-dokumenti tal-prodotti soġġetti għall-investigazzjoni jenħtieġ li jintbagħtu lill-awtoritajiet doganali tal-Parti li tesporta. |
2.3. Eżekuzzjoni tal-Verifika
(10) |
Permezz tas-sistema ta’ verifika indiretta, il-verifika tal-provi tal-oriġini magħmula mill-esportaturi fil-Parti li tesporta taqa’ taħt ir-responsabbiltà tal-awtoritajiet doganali tal-Parti li tesporta. Madankollu, bl-applikazzjoni tal-Paragrafu 8 tal-Artikolu 27 (għal aktar dettalji ara 2.9, Inkjesta Konġunta), l-awtoritajiet doganali tal-Parti li timporta jistgħu, f’ċerti kundizzjonijiet, ikunu involuti fil-proċess ta’ verifika fit-territorju tal-Parti li tesporta. |
(11) |
F’każ ta’ verifika tal-provi tal-oriġini pprovduti mill-importatur, l-awtoritajiet doganali tal-Parti li timporta jniedu talba għal verifika lill-awtoritajiet doganali tal-Parti li tesporta. L-awtoritajiet doganali tal-Parti li timporta ma jitolbux lill-importatur sabiex jiġbor l-informazzjoni speċifikata fil-paragrafi 2.4.2 u 2.4.3 huwa stess mingħand l-esportatur. |
(12) |
Barra minn hekk, id-dispożizzjonijiet tal-Artikolu 27 ma jipprevedux li l-awtoritajiet doganali tal-Parti li timporta jistgħu jitolbu direttament lill-esportaturi sabiex jipprovdulhom data jew informazzjoni. |
(13) |
Madankollu, dawn id-dispożizzjonijiet ma jipprekludux lill-importaturi u lill-esportaturi taż-żewġ partijiet, b’kunsens reċiproku u fuq bażi volontarja, milli jiskambjaw data jew informazzjoni ma’ xulxin u jippreżentawhom lill-awtoritajiet doganali tal-Parti li timporta. L-iskambju jew il-preżentazzjoni ta’ tali data mhumiex obbligatorji u kwalunkwe rifjut li tingħata l-informazzjoni mhuwiex raġuni għaċ-ċaħda ta’ preferenza mingħajr verifika. Mhumiex parti mill-proċess ta’ verifika. |
(14) |
L-evidenza tat-trasport dirett ippreżentata fir-rigward tal-Artikolu 13 ma titqiesx bħala prova tal-oriġini u bħala tali mhijiex ikkonċernata mill-verifika tal-provi tal-oriġini tal-Artikolu 27. |
2.4. Trattament tar-Riżultati tal-verifika
(15) |
L-awtoritajiet Doganali tal-Parti li tesporta jinformaw lill-awtoritajiet doganali tal-Parti li timporta dwar ir-riżultati tal-verifika, inklużi s-sejbiet u l-fatti, malajr kemm jista’ jkun. B’mod partikolari, jenħtieġ li l-awtoritajiet Doganali tal-Parti li tesporta jimminimizzaw kemm jista’ jkun il-ħin tar-rispons għat-talbiet ta’ verifika li jikkonċernaw il-validità ta’ status ta’ esportatur approvat. |
2.4.1. Mezzi awżiljarji ta’ komunikazzjoni
(16) |
Il-komunikazzjoni tat-talbiet għall-verifika u tan-notifiki tar-riżultati tagħhom bejn l-awtoritajiet doganali taż-żewġ Partijiet issir permezz tal-posta konvenzjonali. B’mod parallel, l-awtoritajiet doganali taż-żewġ Partijiet jistgħu jużaw mezzi awżiljarji bħall-posta elettronika sabiex jikkomunikaw malajr u jiżguraw li t-talbiet jew it-tweġibiet jaslu għand id-destinatarju fil-Parti rilevanti. |
2.4.2. Is-sejbiet u l-fatti
(17) |
It-termini “sejbiet u fatti” jfissru li t-tweġiba dwar il-verifika pprovduta mill-awtoritajiet doganali tal-Parti li tesporta tinkludi xi dettalji dwar il-proċedura ta’ verifika mwettqa minnhom. L-ambitu tal-applikazzjoni tas-“sejbiet u l-fatti” huwa limitat għall-elementi li ġejjin:
|
2.4.3. Informazzjoni suffiċjenti
(18) |
Fil-każ ta’ verifika b’mod aleatorju, l-awtoritajiet doganali tal-Parti li timporta ma jitolbux aktar informazzjoni minn dik li hija elenkata fil-punt 2.4.2 (sejbiet u fatti) lill-awtoritajiet doganali tal-Parti li tesporta. |
(19) |
Fil-każ ta’ verifiki fuq il-bażi ta’ dubji raġonevoli, jekk l-informazzjoni pprovduta mill-awtoritajiet doganali tal-Parti li tesporta titqies mill-awtoritajiet kompetenti tal-Parti li timporta bħala insuffiċjenti għad-determinazzjoni tal-awtentiċità tad-dokumenti jew tal-oriġini reali tal-prodotti, l-awtoritajiet doganali tal-Parti li timporta jistgħu jitolbu informazzjoni addizzjonali lill-awtoritajiet doganali tal-Parti li tesporta. L-informazzjoni addizzjonali mitluba ma tistax tmur lil hinn mil-lista li ġejja:
|
(20) |
Jekk tweġiba ma jkunx fiha l-informazzjoni suffiċjenti msemmija hawn fuq sabiex l-awtoritajiet doganali tal-Parti li timporta jkunu jistgħu jiddeterminaw l-awtentiċità tad-dokumenti inkwistjoni jew l-oriġini reali tal-prodotti, l-awtoritajiet doganali rikjedenti għandhom jiċħdu d-dritt għall-preferenza, ħlief f’ċirkustanzi eċċezzjonali (Ara t-Taqsima 2.7 dwar Ċirkustanzi Eċċezzjonali). |
(21) |
L-awtoritajiet doganali tal-Parti li tesporta ma jridux jibagħtu lill-awtoritajiet doganali tal-Parti li timporta l-informazzjoni kunfidenzjali li d-divulgazzjoni tagħha titqies mill-esportatur li tixħet f’riskju l-interessi kummerċjali tiegħu. In-nuqqas ta’ divulgazzjoni ta’ informazzjoni kunfidenzjali ma tkunx raġuni unika sabiex l-awtoritajiet doganali tal-Parti li timporta jirrifjutaw id-dritt għall-preferenza, dment li l-awtoritajiet doganali tal-Parti li tesporta jipprovdu r-raġunijiet għalfejn ma jibagħtux l-informazzjoni kunfidenzjali u jagħtu prova tal-istatus oriġinarju tal-merkanzija, għas-sodisfazzjon tal-awtoritajiet doganali tal-Parti li timporta. |
2.5. Skadenza għat-tweġib ta’ talba għal verifika
(22) |
Il-paragrafu 6 tal-Artikolu 27 jistipula li r-riżultati tal-verifika jridu jiġu kkomunikati mill-aktar fis possibbli. |
(23) |
Il-paragrafu 7 tal-Artikolu 27 jistabbilixxi li l-Parti li timporta jenħtieġ li, fil-prinċipju, tirrifjuta d-dritt għall-preferenza iżda biss meta jkunu ssodisfati żewġ kundizzjonijiet fl-istess ħin:
|
(24) |
Din id-dispożizzjoni timplika li, għal każijiet magħżula b’mod aleatorju għall-verifika, il-Parti li timporta ma tistax tirrifjuta id-dritt għall-preferenza mingħajr it-tweġiba mill-Parti li tesporta. |
2.5.1. L-iskadenza fil-każ ta’ verifika b’mod aleatorju
(25) |
L-awtoritajiet doganali tal-Parti li tesporta jagħmlu l-aħjar li jistgħu sabiex iwieġbu għall-verifiki b’mod aleatorju fi żmien 12-il xahar. Madankollu, peress li l-Artikolu 27 ma jiddefinixxix skadenza għall-verifiki b’mod aleatorju, l-awtoritajiet doganali tal-Parti li timporta ma jistgħux jirrifjutaw il-preferenza minħabba l-unika raġuni li l-awtoritajiet doganali tal-Parti li tesporta ma jkunux ipprovdew tweġiba fi żmien 12-il xahar dwar talba għal verifika b’mod aleatorju. |
2.5.2. L-iskadenza għat-talbiet għal verifika fil-każ ta’ dubji raġonevoli
(26) |
Għal każijiet magħżula abbażi ta’ dubji raġonevoli, il-Parti li timporta għandha tirrifjuta d-dritt għall-preferenza meta ma jkun hemm l-ebda tweġiba fi żmien 10 xhur mid-data tat-talba għal verifika, ħlief f’ċirkustanzi eċċezzjonali. |
2.6. Tibdil tar-riżultati
(27) |
F’ċerti eċċezzjonijiet, ir-riżultati ta’ verifika jistgħu jitbiddlu mill-awtorità doganali tal-Parti li tesporta. It-tbiddil tat-tweġiba oriġinali jsir fi żmien 10 xhur mid-data tat-talba għal verifika. |
2.7. Ċirkustanzi eċċezzjonali
(28) |
Madankollu, anke jekk iż-żewġ kundizzjonijiet imsemmija hawn fuq għar-rifjut tad-dritt għall-preferenza jkunu ssodisfati, it-test tal-paragrafu 7 tal-Artikolu 27 jistipula li l-għoti ta’ trattament preferenzjali jibqa’ possibbli fuq il-bażi tal-klawżola ta’ “ċirkustanzi eċċezzjonali”. |
(29) |
Tabilħaqq, il-Parti li timporta tkompli żżomm id-diskrezzjoni li tiddeċiedi jekk ikunx hemm ċirkustanzi eċċezzjonali li jiġġustifikaw il-fatt li t-trattament preferenzjali m’għandux jiġi miċħud bħala tali. |
(30) |
Iċ-ċirkustanzi eċċezzjonali jinkludu b’mod partikolari s-sitwazzjonijiet li ġejjin:
|
2.8. Tfakkira
(31) |
Meta ma tkun għadha waslet l-ebda tweġiba, huwa rrakkomandat li l-awtoritajiet doganali tal-Parti li timporta jibagħtu tfakkira lill-Parti li tesporta qabel ma jintemm il-perjodu ta’ 10 xhur. |
(32) |
Huwa rakkomandat li l-awtoritajiet doganali tal-Parti li tesporta li ma jkunux f’pożizzjoni li jwieġbu fi żmien l-iskadenza ta’ 10 xhur jinformaw lill-awtorità rikjedenti b’dan qabel l-iskadenza bi stima ta’ kemm ikun għad fadal sabiex titlesta l-proċedura ta’ verifika tagħhom u r-raġuni għad-dewmien tat-tweġiba. |
2.9. Investigazzjoni Konġunta
(33) |
Il-paragrafu 8 tal-Artikolu 27 jipprevedi li l-Parti li timporta tista’ tkun preżenti f’verifika tal-oriġini mmexxija mill-awtoritajiet doganali tal-Parti li tesporta u li, f’każ bħal dan, iż-żewġ Partijiet jirreferu għall-Artikolu 7 tal-Protokoll dwar l-Assistenza Amministrattiva Reċiproka (il-Protokoll dwar l-MAA, (Mutual Administrative Assistance)) fil-qasam Doganali għall-eżekuzzjoni tat-talba ta’ parteċipazzjoni mill-Parti li timporta. F’każijiet bħal dawn, japplikaw il-kundizzjonijiet tal-Artikolu 7. B’mod partikolari, l-Artikolu 7(4) tal-Protokoll dwar l-MAA jistipula li huma biss l-uffiċjali debitament awtorizzati tal-Parti li timporta li jistgħu jkunu preżenti fl-investigazzjonijiet mwettqa fit-territorju tal-Parti li tesporta, u li l-kundizzjonijiet tal-investigazzjoni konġunta jiġu stabbiliti mill-Parti li tesporta. |
Għall-Kumitat Doganali UE-Korea
F’isem l-Unjoni Ewropea
Jean-MichelGRAVE
Brussell, it-8 ta’ Diċembru 2020
F’isem ir-Repubblika tal-Korea
PARKJihoon
Sejong, it-8 ta’ Diċembru 2020