Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32022L2438

Direttiva ta’ Implimentazzjoni tal-Kummissjoni (UE) 2022/2438 tat-12 ta’ Diċembru 2022 li temenda d-Direttiva 93/49/KEE u d-Direttiva ta’ Implimentazzjoni 2014/98/UE fir-rigward tal-pesti regolati mhux ta’ kwarantina fl-Unjoni fuq il-materjal tal-propagazzjoni tal-pjanti ornamentali, il-materjal tal-propagazzjoni tal-pjanti tal-frott u l-pjanti tal-frott maħsuba għall-produzzjoni tal-frott

C/2022/9217

ĠU L 319, 13.12.2022, pp. 54–65 (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force

ELI: http://data.europa.eu/eli/dir_impl/2022/2438/oj

13.12.2022   

MT

Il-Ġurnal Uffiċjali tal-Unjoni Ewropea

L 319/54

DIRETTIVA TA’ IMPLIMENTAZZJONI TAL-KUMMISSJONI (UE) 2022/2438

tat-12 ta’ Diċembru 2022

li temenda d-Direttiva 93/49/KEE u d-Direttiva ta’ Implimentazzjoni 2014/98/UE fir-rigward tal-pesti regolati mhux ta’ kwarantina fl-Unjoni fuq il-materjal tal-propagazzjoni tal-pjanti ornamentali, il-materjal tal-propagazzjoni tal-pjanti tal-frott u l-pjanti tal-frott maħsuba għall-produzzjoni tal-frott

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat id-Direttiva tal-Kunsill 98/56/KE tal-20 ta’ Lulju 1998 dwar il-kummerċjalizzazzjoni tal-materjali tal-propagazzjoni tal-pjanti ornamentali (1), u b’mod partikolari l-Artikolu 5(5) tagħha,

Wara li kunsidrat id-Direttiva tal-Kunsill 2008/90/KE tad-29 ta’ Settembru 2008 dwar il-kummerċjalizzazzjoni tal-materjal tal-propagazzjoni tal-pjanti tal-frott u tal-pjanti tal-frott maħsuba għall-produzzjoni tal-frott (2), u b’mod partikolari l-Artikolu 4 tagħha,

Billi:

(1)

Ir-Regolament ta’ Implimentazzjoni tal-Kummissjoni (UE) 2019/2072 (3)jistabbilixxi lista ta’ pesti ta’ kwarantina fl-Unjoni, ta’ pesti ta’ kwarantina f’żoni protetti u ta’ pesti rregolati mhux ta’ kwarantina fl-Unjoni (“RNQPs”). Jistabbilixxi wkoll ir-rekwiżiti għall-introduzzjoni fl-Unjoni u għall-moviment fiha, ta’ ċerti pjanti, prodotti mill-pjanti u oġġetti oħra sabiex jipprevjeni d-dħul, l-istabbiliment u t-tixrid ta’ dawk il-pesti fit-territorju tal-Unjoni.

(2)

Ir-Regolament ta’ Implimentazzjoni (UE) 2019/2072 ġie emendat dan l-aħħar bir-Regolament ta’ Implimentazzjoni tal-Kummissjoni (UE) 2021/2285 (4) biex jiġi aġġornat l-istatus fitosanitarju ta’ ċerti pesti u, fejn xieraq, jiġu emendati l-miżuri speċifiċi kontra dawk il-pesti. Għal raġunijiet ta’ konsistenza fir-rigward tal-emendi li jikkonċernaw dawk il-pesti, jenħtieġ li l-elementi l-ġodda jiġu riflessi wkoll fid-Direttiva tal-Kummissjoni 93/49/KEE (5) u fid-Direttiva ta’ Implimentazzjoni tal-Kummissjoni 2014/98/UE (6).

(3)

Il-Pseudomonas syringae pv. actinidiae Takikawa, Serizawa, Ichikawa, Tsuyumu & Goto ġie elenkat fil-Parti D tal-Anness IV tar-Regolament ta’ Implimentazzjoni (UE) 2019/2072 b’rabta mal-materjal ta’ propagazzjoni tal-pjanti ornamentali, minħabba li jissodisfa r-rekwiżiti biex jiġi elenkat bħala RNQP. Għalhekk huwa ġġustifikat li dak il-pest jiġi elenkat fl-Anness tad-Direttiva 93/49/KEE.

(4)

Il-Phytophthora ramorum (iżolati tal-UE) Werres, De Cock & Man in ‘t Veld ġie elenkat fil-Partijiet D u J tal-Anness IV tar-Regolament ta’ Implimentazzjoni (UE) 2019/2072 fir-rigward tal-materjal tal-propagazzjoni tal-pjanti ornamentali u tal-materjal tal-propagazzjoni tal-pjanti tal-frott u tal-pjanti tal-frott maħsuba għall-produzzjoni tal-frott rispettivament, minħabba li jissodisfa r-rekwiżiti biex jiġi elenkat bħala RNQP. Għalhekk huwa ġġustifikat li dak il-pest jiġi elenkat fl-Anness tad-Direttiva 93/49/KEE u fl-Anness II tad-Direttiva ta’ Implimentazzjoni 2014/98/UE.

(5)

Jeħtieġ ukoll li jiġu inklużi miżuri fid-Direttiva ta’ Implimentazzjoni 2014/98/UE kontra l-preżenza tal-Phytophthora ramorum (iżolati tal-UE) Werres, De Cock & Man in ‘t Veld fuq ċerti pjanti għat-tħawwil użati bħala materjal tal-propagazzjoni tal-pjanti tal-frott u pjanti tal-frott maħsuba għall-produzzjoni tal-frott.

(6)

Il-Candidatus Phytoplasma australiense Davis et al. ġie elenkat bħala pest ta’ kwarantina fl-Unjoni fl-Anness II tar-Regolament ta’ Implimentazzjoni (UE) 2019/2072 u tneħħa mil-lista tal-RNQPs tal-Anness IV ta’ dak ir-Regolament. Għalhekk, jenħtieġ li dak il-pest jitneħħa wkoll mil-lista tal-RNQPs tal-Anness I tad-Direttiva ta’ Implimentazzjoni 2014/98/UE u mill-Anness IV ta’ dik id-Direttiva fir-rigward tal-materjal tal-propagazzjoni tal-pjanti tal-frott u tal-pjanti tal-frott maħsuba għall-produzzjoni tal-frott tal-Fragaria L.

(7)

Id-Direttiva ta’ Implimentazzjoni 2014/98/UE tistabbilixxi r-rekwiżit li l-materjal prebażiku, bażiku, iċċertifikat u Conformitas Agraria Communitatis (CAC), permezz ta’ spezzjoni viżwali fil-faċilitajiet, l-għelieqi u l-lottijiet, għandu jinstab ħieles mill-RNQPs elenkati fl-Annessi I u II ta’ dik id-Direttiva, u soġġett għar-rekwiżiti tal-Anness IV, fir-rigward tal-ġeneru jew tal-ispeċi kkonċernata.

(8)

Sabiex tiġi żgurata l-konsistenza mar-Regolament ta’ Implimentazzjoni (UE) 2019/2072 fir-rigward taż-żoni stabbiliti bħala ħielsa mill-pesti, eċċezzjoni mir-rekwiżit għall-ispezzjoni viżwali, għall-kampjunar u għall-ittestjar ta’ materjal prebażiku, bażiku, iċċertifikat u CAC jenħtieġ li tiġi introdotta wkoll fid-Direttiva ta’ Implimentazzjoni 2014/98/UE.

(9)

Id-Deċiżjoni ta’ Implimentazzjoni tal-Kummissjoni (UE) 2017/925 (7) awtorizzat temporanjament lil ċerti Stati Membri biex jiċċertifikaw materjal prebażiku li jappartjeni għal ċerti speċijiet ta’ pjanti tal-frott u li jiġi prodott fl-għelieqi fil-miftuħ f’kundizzjonijiet mingħajr protezzjoni mill-insetti. L-awtorizzazzjoni li ngħatat lil Franza f’dan ir-rigward skadiet fil-31 ta’ Diċembru 2018. Il-parti “ir-rekwiżiti għas-sit tal-produzzjoni, għall-post tal-produzzjoni, jew għaż-żona” fit-Taqsima 4 tal-Anness IV tad-Direttiva ta’ implimentazzjoni 2014/98/UE, fir-rigward tal-materjal prebażiku tas-Cydonia oblonga Mill. jenħtieġ għalhekk li titħassar biex tirrifletti l-iskadenza tal-validità ta’ dik l-awtorizzazzjoni.

(10)

Mill-adozzjoni tad-Direttiva ta’ implimentazzjoni 2014/98/UE, l-esperjenza tal-Istati Membri wriet li l-miżuri kontra l-Candidatus Phytoplasma pyri Seemüller & Schneider għall-iskwalifika ta’ lottijiet sħaħ ta’ materjal tal-propagazzjoni tal-pjanti tal-frott u ta’ pjanti tal-frott mill-kummerċjalizzazzjoni mal-identifikazzjoni ta’ materjal ta’ propagazzjoni u ta’ pjanti tal-frott sintomatiċi fis-sit tal-produzzjoni, huma sproporzjonati għar-riskju fitosanitarju rispettiv. Id-Direttiva ta’ implimentazzjoni 2014/98/UE jenħtieġ li tiġi emendata biex tiġi żgurata l-konsistenza mal-miżuri riveduti ta’ ġestjoni tar-riskju fir-Regolament ta’ Implimentazzjoni (UE) 2019/2072 kontra l-Candidatus Phytoplasma pyri Seemüller & Schneider. Jenħtieġ li kull materjal ta’ propagazzjoni u pjanti tal-frott sintomatiċi jitneħħew u jinqerdu minnufih.

(11)

F’konformità mal-Artikolu 32 tad-Direttiva ta’ implimentazzjoni 2014/98/UE, l-Istati Membri jistgħu jawtorizzaw, sal-31 ta’ Diċembru 2022, il-kummerċjalizzazzjoni fit-territorju tagħhom tal-materjal tal-propagazzjoni u tal-pjanti tal-frott prodotti minn pjanti omm prebażiċi, bażiċi u ċċertifikati jew minn materjal CAC li kienu jeżistu qabel l-1 ta’ Jannar 2017 anki jekk dak il-materjal jew dawk il-pjanti tal-frott ma jissodisfawx ir-rekwiżiti ta’ dik id-Direttiva ta’ Implimentazzjoni. L-esperjenza tal-Istati Membri fl-implimentazzjoni tal-leġiżlazzjoni wriet li l-kamp ta’ applikazzjoni tal-iskema ta’ ċertifikazzjoni tal-Unjoni għall-materjal tal-propagazzjoni u l-pjanti tal-frott ma jkoprix iċ-ċertifikazzjoni taż-żrieragħ u tan-nebbieta. Għalhekk, jenħtieġ li l-miżuri tranżizzjonali attwali jkomplu japplikaw biss għall-produzzjoni taż-żrieragħ u n-nebbieta, minħabba ż-żmien meħtieġ biex dawk il-materjali jadattaw għar-rekwiżiti ta’ dik id-Direttiva. Sabiex jiġi evitat kwalunkwe tfixkil fil-kummerċ ta’ dawk il-materjali, jenħtieġ li dik id-data tiġi estiża sal-31 ta’ Diċembru 2029.

(12)

Jenħtieġ li l-isem botaniku tal-Prunus amygdalus Batsch jinbidel għal Prunus dulcis (Mill.) D. A. Webb biex jitqiesu l-iżviluppi fin-nomenklatura tassonomika.

(13)

Għalhekk jenħtieġ li d-Direttiva 93/49/KEE u d-Direttiva ta’ Implimentazzjoni 2014/98/UE jiġu emendati rispettivament.

(14)

Il-miżuri previsti f’din id-Direttiva huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

ADOTTAT DIN ID-DIRETTIVA:

Artikolu 1

L-emenda għad-Direttiva 93/49/KEE

L-Anness tad-Direttiva 93/49/KEE huwa emendat f’konformità mal-Anness I ta’ din id-Direttiva.

Artikolu 2

Emendi għad-Direttiva ta’ Implimentazzjoni 2014/98/UE

Id-Direttiva ta’ Implimentazzjoni 2014/98/UE hija emendata kif ġej:

(1)

Fl-Artikolu 10, il-paragrafu 5 huwa sostitwit b’dan li ġej:

“5.   Il-paragrafu 1 ma għandux japplika għal:

(a)

pjanti omm prebażiċi u materjal prebażiku matul il-krijopreservazzjoni;

(b)

materjal prebażiku fejn dak il-materjal ikun ġie prodott f’żoni magħrufa, jew stabbiliti li huma ħielsa mill-pesti rilevanti f’konformità mal-istandards internazzjonali rilevanti għall-miżuri fitosanitarji (Requirements for the establishment of pest free areas. ISPM Nru 4 (1995), Ruma, IPPC, FAO 2017).”;

(2)

Fl-Artikolu 16, il-paragrafu 5 huwa sostitwit b’dan li ġej:

“5.   Il-paragrafu 1 ma għandux japplika għal:

(a)

pjanti omm bażiċi u materjal bażiku matul il-krijopreservazzjoni;

(b)

materjal bażiku fejn dak il-materjal ikun ġie prodott f’żoni magħrufa, jew stabbiliti li huma ħielsa mill-pesti rilevanti f’konformità mal-istandards internazzjonali rilevanti għall-miżuri fitosanitarji (Requirements for the establishment of pest free areas. ISPM Nru 4 (1995), Ruma, IPPC, FAO 2017).”;

(3)

Fl-Artikolu 21, il-paragrafu 5 huwa sostitwit b’dan li ġej:

“5.   Il-paragrafu 1 ma għandux japplika għal:

(a)

pjanti omm ċertifikati u materjal ċertifikat matul il-krijopreservazzjoni;

(b)

materjal iċċertifikat fejn dak il-materjal ikun ġie prodott f’żoni magħrufa jew stabbiliti li huma ħielsa mill-pesti rilevanti f’konformità mal-istandards internazzjonali rilevanti għall-miżuri fitosanitarji (Requirements for the establishment of pest free areas. ISPM Nru 4 (1995), Ruma, IPPC, FAO 2017).”;

(4)

Fl-Artikolu 26, il-paragrafu 2 huwa sostitwit b’dan li ġej:

“2.   Il-paragrafu 1 ma għandux japplika għal:

(a)

materjal CAC matul il-krijopreservazzjoni;

(b)

materjal CAC fejn dak il-materjal ikun ġie prodott f’żoni magħrufa, jew stabbiliti li huma ħielsa mill-pesti rilevanti f’konformità mal-istandards internazzjonali rilevanti għall-miżuri fitosanitarji (Requirements for the establishment of pest free areas. ISPM Nru 4 (1995), Ruma, IPPC, FAO 2017).”;

(5)

L-Artikolu 32 huwa sostitwit b’dan li ġej:

“Artikolu 32

Miżuri tranżizzjonali

Sal-31 ta’ Diċembru 2029, l-Istati Membri jistgħu jippermettu l-kummerċjalizzazzjoni ta’ żrieragħ u nebbieta prodotti minn pjanti omm prebażiċi, bażiċi u ċċertifikati jew minn materjal CAC li kienu jeżistu qabel l-1 ta’ Jannar 2017, u li jkunu ġew iċċertifikati uffiċjalment jew jissodisfaw il-kundizzjonijiet biex jiġu kkwalifikati bħala materjal CAC qabel l-31 ta’ Diċembru 2029. Meta jkunu kummerċjalizzati, dawn il-materjali għandhom jiġu identifikati b’referenza għal dan l-Artikolu fuq it-tikketta u dokument.”;

(6)

L-Annessi I, II, IV u V huma emendati f’konformità mal-Anness II ta’ din id-Direttiva.

Artikolu 3

Traspożizzjoni

1.   L-Istati Membri għandhom idaħħlu fis-seħħ il-liġijiet, ir-regolamenti u d-dispożizzjonijiet amministrattivi meħtieġa biex jikkonformaw ma’ din id-Direttiva sa mhux aktar tard mit-30 ta’ Ġunju 2023. Huma għandhom jikkomunikaw minnufih it-test ta’ dawk id-dispożizzjonijiet lill-Kummissjoni.

Meta l-Istati Membri jadottaw dawk id-dispożizzjonijiet, fihom għandu jkun hemm referenza għal din id-Direttiva jew għandhom ikunu akkumpanjati minn dik ir-referenza meta ssir il-pubblikazzjoni uffiċjali tagħhom. Huma l-Istati Membri li għandhom jiddeċiedu kif issir dik ir-referenza.

2.   L-Istati Membri għandhom jikkomunikaw lill-Kummissjoni t-test tad-dispożizzjonijiet prinċipali tad-dritt nazzjonali li jadottaw fil-qasam kopert minn din id-Direttiva.

Artikolu 4

Dħul fis-seħħ

Din id-Direttiva għandha tidħol fis-seħħ fl-għoxrin jum wara dak tal-pubblikazzjoni tagħha f’Il-Ġurnal Uffiċjali tal-Unjoni Ewropea.

Artikolu 5

Destinatarji

Din id-Direttiva hija indirizzata lill-Istati Membri.

Magħmul fi Brussell, it-12 ta’ Diċembru 2022.

Għall-Kummissjoni

Il-President

Ursula VON DER LEYEN

(1)   ĠU L 226, 13.8.1998, p. 16.

(2)   ĠU L 267, 8.10.2008, p. 8.

(3)  Ir-Regolament ta’ Implimentazzjoni tal-Kummissjoni (UE) 2019/2072 tat-28 ta’ Novembru 2019 li jistabbilixxi l-kundizzjonijiet uniformi għall-implimentazzjoni tar-Regolament (UE) 2016/2031 tal-Parlament Ewropew u tal-Kunsill rigward il-miżuri protettivi kontra l-pesti tal-pjanti, u li jħassar ir-Regolament tal-Kummissjoni (KE) Nru 690/2008 u jemenda r-Regolament ta’ Implimentazzjoni tal-Kummissjoni (UE) 2018/2019 (ĠU L 319, 10.12.2019, p. 1).

(4)  Ir-Regolament ta’ Implimentazzjoni tal-Kummissjoni (UE) 2021/2285 tal-14 ta’ Diċembru 2021 li jemenda r-Regolament ta’ Implimentazzjoni (UE) 2019/2072 rigward l-elenkar ta’ pesti, ta’ projbizzjonijiet u ta’ rekwiżiti għall-introduzzjoni u l-moviment fl-Unjoni ta’ pjanti, ta’ prodotti mill-pjanti u ta’ oġġetti oħra, u li jħassar id-Deċiżjonijiet 98/109/KE u 2002/757/KE u r-Regolamenti ta’ Implimentazzjoni (UE) 2020/885 u (UE) 2020/1292 (ĠU L 485, 22.12.2021, p. 173).

(5)  Id-Direttiva tal-Kummissjoni 93/49/KEE tat-23 ta’ Ġunju 1993 li tistabbilixxi l-iskeda li tindika l-kondizzjonijiet li għandhom ikunu milħuqa mill-materjal propagattiv ta’ pjanti ornamentali u mill-pjanti ornamentali permezz tad-Direttiva tal-Kunsill 91/682/KEE (ĠU L 250, 7.10.1993, p. 9).

(6)  Id-Direttiva ta’ Implimentazzjoni tal-Kummissjoni 2014/98/UE tal-15 ta’ Ottubru 2014 li timplimenta d-Direttiva tal-Kunsill 2008/90/KE fir-rigward ta’ rekwiżiti speċifiċi għall-ġeneru u l-ispeċi tal-pjanti tal-frott imsemmija fl-Anness I tagħha, rekwiżiti speċifiċi li għandhom jiġu ssodisfati mill-fornituri u regoli dettaljati dwar l-ispezzjonijiet uffiċjali (ĠU L 298, 16.10.2014, p. 22).

(7)  Id-Deċiżjoni ta’ Implimentazzjoni tal-Kummissjoni (UE) 2017/925 tad-29 ta’ Mejju 2017 li temporanjament tawtorizza lil ċerti Stati Membri jiċċertifikaw materjal prebażiku ta’ ċerti speċijiet ta’ pjanti tal-frott, prodotti fl-għelieqi f’kundizzjonijiet mingħajr protezzjoni mill-insetti, u li tħassar id-Deċiżjoni ta’ Implimentazzjoni (UE) 2017/167 (ĠU L 140, 31.5.2017, p. 7).

ANNESS I

Emendi għad-Direttiva 93/49/KEE

L-Anness tad-Direttiva 93/49/KEE huwa emendat hekk:

(1)

bejn l-entrata għal “Erwinia amylovora (Burrill) Winslow et al. [ERWIAM]” u l-entrata għal “Pseudomonas syringae pv. persicae (Prunier, Luisetti &. Gardan) Young, Dye & ampWilkie [PSDMPE]”, tiddaħħal l-entrata li ġejja:

“Pseudomonas syringae pv. actinidiae Takikawa, Serizawa, Ichikawa, Tsuyumu & Goto [PSDMAK]

Pjanti għat-tħawwil għajr żerriegħa

Actinidia Lindl.

0%”

(2)

bejn l-entrata għal “Lecanosticta acicola (von Thümen) Sydow [SCIRAC]” u l-entrata għal “Plasmopara halstedii (Farlow) Berlese & de Toni [PLASHA]”, tiddaħħal l-entrata li ġejja:

“Phytophthora ramorum (iżolati tal-UE) Werres, De Cock & Man in ‘t Veld [PHYTRA]

Pjanti għat-tħawwil għajr it-trab tad-dakra u ż-żrieragħ

Camellia L., Castanea sativa Mill., Fraxinus excelsior L., Larix decidua Mill., Larix kaempferi (Lamb.) Carrière, Larix × eurolepis A. Henry, Pseudotsuga menziesii (Mirb.) Franco, Quercus cerris L., Quercus ilex L., Quercus rubra L., Rhododendron L. għajr R. simsii L., Viburnum L.

0 %”

ANNESS II

Emendi għad-Direttiva ta’ Implimentazzjoni 2014/98/UE

Id-Direttiva ta’ Implimentazzjoni 2014/98/UE hija emendata kif ġej:

(1)

fl-Anness I, fl-entrata għal “Fragaria L.”, fit-tieni kolonna, l-entrata “Candidatus Phytoplasma australiense Davis et al. [PHYPAU]” titħassar;

(2)

L-Anness II huwa emendat kif ġej:

(a)

bejn l-intestaturi tal-kolonni tat-tabella u l-entrata għal “Citrus L., Fortunella Swingle u Poncirus Raf.”, tiddaħħal l-entrata li ġejja:

“Castanea sativa Mill.

Fungi u oomiċeti

Phytophthora ramorum (iżolati tal-UE) Werres, De Cock & Man in ‘t Veld [PHYTRA]”

(b)

fl-entrata għal “Vaccinium L.”, fit-tieni kolonna, qabel it-test “Vvajrusis, virojdi, mard li jixbaħ il-vajrusis u fitoplażmi”, jiddaħħal it-test li ġej:

“Fungi u oomiċeti

Phytophthora ramorum (iżolati tal-UE) Werres, De Cock & Man in ‘t Veld [PHYTRA]”;

(3)

L-Anness IV huwa emendat kif ġej:

(a)

It-Taqsima 1 “Castanea sativa Mill.”, hija emendata kif ġej:

(i)

il-punt (b) “Kategorija prebażika”, il-punt (c) “iKategorija bażika” u l-punt (d) “Kategorija iċċertifikata u kategorija CAC” huma sostitwiti b’dan li ġej;

“(b)

Kategorija prebażika

Rekwiżiti fir-rigward tas-sit tal-produzzjoni, il-post ta’ produzzjoni jew iż-żona

Fil-każ fejn deroga titħalla biex jiġi prodott materjal prebażiku fl-għelieqi f’kundizzjonijiet li mhumiex protetti mill-insetti, skont id-Deċiżjoni ta’ Implimentazzjoni tal-Kummissjoni (UE) 2017/925 (*1), għandhom japplikaw ir-rekwiżiti li ġejjin:

(i)

Cryphonectria parasitica (Murrill) Barr:

—

il-materjal tal-propagazzjoni u l-pjanti tal-frott tal-kategorija prebażika għandhom jiġu prodotti f’żoni stabbiliti mill-awtorità kompetenti bħala ħielsa mill-Cryphonectria parasitica (Murrill) Barr f’konformità mal-Istandards Internazzjonali għall-Miżuri Fitosanitarji rilevanti; jew

—

l-ebda sintomu tal-Cryphonectria parasitica (Murrill) Barr ma għandu jiġi osservat fis-sit tal-produzzjoni fuq il-materjal tal-propagazzjoni u l-pjanti tal-frott tal-kategorija prebażika fl-aħħar ċiklu komplut ta’ veġetazzjoni.

(ii)

Phytophthora ramorum (iżolati tal-UE) Werres, De Cock & Man in ‘t Veld:

—

il-materjal tal-propagazzjoni u l-pjanti tal-frott tal-kategorija prebażika għandhom jiġu prodotti f’żoni stabbiliti mill-awtorità kompetenti bħala ħielsa mill-Phytophthora ramorum (iżolati tal-UE) Werres, De Cock & Man in ‘t Veld f’konformità mal-Istandards Internazzjonali għall-Miżuri Fitosanitarji rilevanti; jew

—

ma għandu jiġi osservat l-ebda sintomu tal-Phytophthora ramorum (iżolati tal-UE) Werres, De Cock & Man in ‘t Veld fuq il-materjal tal-propagazzjoni u l-pjanti tal-frott tal-kategorija prebażika fis-sit tal-produzzjoni matul l-aħħar ċiklu komplut ta’ veġetazzjoni.

(c)

Kategorija bażika

Rekwiżiti fir-rigward tas-sit tal-produzzjoni, il-post ta’ produzzjoni jew iż-żona

(i)

Cryphonectria parasitica (Murrill) Barr:

—

il-materjal tal-propagazzjoni u l-pjanti tal-frott tal-kategorija bażika għandhom jiġu prodotti f’żoni stabbiliti mill-awtorità kompetenti bħala ħielsa mill-Cryphonectria parasitica (Murrill) Barr f’konformità mal-Istandards Internazzjonali għall-Miżuri Fitosanitarji rilevanti; jew

—

l-ebda sintomu ta’ Cryphonectria parasitica (Murrill) Barr ma għandu jiġi osservat fis-sit tal-produzzjoni fuq il-materjal tal-propagazzjoni u l-pjanti tal-frott tal-kategorija bażika fl-aħħar ċiklu komplut ta’ veġetazzjoni.

(ii)

Phytophthora ramorum (iżolati tal-UE) Werres, De Cock & Man in ‘t Veld:

—

il-materjal tal-propagazzjoni u l-pjanti tal-frott tal-kategorija bażika għandhom jiġu prodotti f’żoni stabbiliti mill-awtorità kompetenti bħala ħielsa mill-Phytophthora ramorum (iżolati tal-UE) Werres, De Cock & Man in ‘t Veld f’konformità mal-Istandards Internazzjonali għall-Miżuri Fitosanitarji rilevanti; jew

—

ma għandu jiġi osservat l-ebda sintomu tal-Phytophthora ramorum (iżolati tal-UE) Werres, De Cock & Man in ‘t Veld fuq il-materjal tal-propagazzjoni u l-pjanti tal-frott tal-kategorija bażika fis-sit tal-produzzjoni fl-aħħar ċiklu komplut ta’ veġetazzjoni.

(d)

Kategorija ċċertifikata u kategorija CAC

Rekwiżiti fir-rigward tas-sit tal-produzzjoni, il-post ta’ produzzjoni jew iż-żona

(i)

Cryphonectria parasitica (Murrill) Barr:

—

il-materjal tal-propagazzjoni u l-pjanti tal-frott tal-kategorija ċċertifikata u l-kategorija CAC għandhom jiġu prodotti f’żoni stabbiliti mill-awtorità kompetenti bħala ħielsa mill-Cryphonectria parasitica (Murrill) Barr f’konformità mal-Istandards Internazzjonali għall-Miżuri Fitosanitarji rilevanti; jew

—

l-ebda sintomu ta’ Cryphonectria parasitica (Murrill) Barr ma għandu jiġi osservat fis-sit tal-produzzjoni fuq il-materjal tal-propagazzjoni u l-pjanti tal-frott tal-kategorija ċċertifikata u tal-kategorija CAC fl-aħħar ċiklu komplut ta’ veġetazzjoni; jew

—

għandhom jitneħħew il-materjal ta’ propagazzjoni u l-pjanti tal-frott tal-kategorija ċċertifikata u tal-kategorija CAC li juru sintomi tal-Cryphonectria parasitica (Murrill) Barr, il-materjal ta’ propagazzjoni u l-pjanti tal-frott li jifdal jiġu spezzjonati kull ġimgħa u ma jiġi osservat ebda sintomu fis-sit tal-produzzjoni għal mill-inqas tliet ġimgħat qabel ma jintbagħtu.

(ii)

Phytophthora ramorum (iżolati tal-UE) Werres, De Cock & Man in ‘t Veld:

—

il-materjal tal-propagazzjoni u l-pjanti tal-frott tal-kategorija ċċertifikata u tal-kategorija CAC għandhom jiġu prodotti f’żoni stabbiliti mill-awtorità kompetenti bħala ħielsa mill-Phytophthora ramorum (iżolati tal-UE) Werres, De Cock & Man in ‘t Veld f’konformità mal-Istandards Internazzjonali għall-Miżuri Fitosanitarji rilevanti; jew

—

ma għandu jiġi osservat l-ebda sintomu tal-Phytophthora ramorum (iżolati tal-UE) Werres, De Cock & Man in ‘t Veld fuq il-materjal tal-propagazzjoni u l-pjanti tal-frott tal-kategorija ċċertifikata u tal-kategorija CAC fis-sit tal-produzzjoni matul l-aħħar ċiklu komplut ta’ veġetazzjoni;

jew

—

 

—

il-materjal tal-propagazzjoni u l-pjanti tal-frott tal-kategorija ċċertifikata u tal-kategorija CAC li juru sintomi tal-Phytophthora ramorum (iżolati tal-UE) Werres, De Cock & Man in ‘t Veld fis-sit tal-produzzjoni u l-pjanti kollha f’raġġ ta’ 2 m mill-materjal ta’ propagazzjoni u mill-pjanti tal-frott sintomatiċi, għandhom jitneħħew u jinqerdu, inkluża l-ħamrija mwaħħla;

kif ukoll

—

għall-pjanti kollha li jinsabu f’raġġ ta’ 10 m mill-materjal ta’ propagazzjoni u l-pjanti tal-frott sintomatiċi u kwalunkwe materjal ta’ propagazzjoni u pjanti tal-frott li jifdal mil-lott affettwat:

—

fi żmien tliet xhur wara d-detezzjoni tal-materjal ta’ propagazzjoni u tal-pjanti tal-frott sintomatiċi, ma għandu jiġi osservat l-ebda sintomu tal-Phytophthora ramorum (iżolati tal-UE) Werres, De Cock & Man in ‘t Veld fuq dak il-materjal ta’ propagazzjoni u dawk il-pjanti tal-frott f’mill-inqas żewġ spezzjonijiet fi żminijiet xierqa biex jiġi identifikat il-pest u matul dak il-perjodu ta’ tliet xhur ma għandu jitwettaq l-ebda trattament li jrażżan is-sintomi tal-Phytophthora ramorum (iżolati tal-UE) Werres, De Cock & Man in ‘t Veld; kif ukoll

—

wara dak il-perjodu ta’ tliet xhur:

—

ma jiġi osservat l-ebda sintomu tal-Phytophthora ramorum (iżolati tal-UE) Werres, De Cock & Man in ‘t Veld fuq dak il-materjal ta’ propagazzjoni u dawk il-pjanti tal-frott fis-sit tal-produzzjoni; jew

—

kampjun rappreżentattiv ta’ dak il-materjal ta’ propagazzjoni u dawk il-pjanti tal-frott li għandhom jiġu mċaqalqa għandu jiġi ttestjat u misjub ħieles mill-Phytophthora ramorum (iżolati tal-UE) Werres, De Cock & Man in ‘t Veld; kif ukoll

kif ukoll

—

għall-materjal l-ieħor kollu tal-propagazzjoni u l-pjanti tal-frott kollha fis-sit tal-produzzjoni:

—

ma għandu jiġi osservat l-ebda sintomu tal-Phytophthora ramorum (iżolati tal-UE) Werres, De Cock & Man in ‘t Veld fuq dak il-materjal ta’ propagazzjoni u dawk il-pjanti tal-frott fis-sit tal-produzzjoni; jew

—

kampjun rappreżentattiv ta’ dak il-materjal ta’ propagazzjoni u dawk il-pjanti tal-frott li għandhom jiġu mċaqalqa, ġie ttestjat u misjub ħieles mill-Phytophthora ramorum (iżolati tal-UE) Werres, De Cock & Man in ‘t Veld.

(*1)  Id-Deċiżjoni ta’ Implimentazzjoni tal-Kummissjoni (UE) 2017/925 tad-29 ta’ Mejju 2017 li temporanjament tawtorizza lil ċerti Stati Membri jiċċertifikaw materjal prebażiku ta’ ċerti speċijiet ta’ pjanti tal-frott, prodotti fl-għelieqi f’kundizzjonijiet mingħajr protezzjoni mill-insetti, u li tħassar id-Deċiżjoni ta’ Implimentazzjoni (UE) 2017/167, (ĠU L 140, 31.5.2017, p. 7)”;"

(b)

fit-Taqsima 4 “Cydonia oblonga Mill.”, il-punt (b) “il-kategorija prebażika”, il-parti “Rekwiżiti għas-sit tal-produzzjoni, għall-post tal-produzzjoni jew għaż-żona” titħassar;

(c)

fit-Taqsima 6 “Fragaria L.” il-punt (d) “Kategorija ċċertifikata”, “Rekwiżiti għas-sit tal-produzzjoni, għall-post tal-produzzjoni jew għaż-żona”, il-punt (iii), l-inċiż “1 % fil-każ ta’:”, l-entrata “Candidatus Phytoplasma australiense Davis et al.” titħassar;

(d)

It-Taqsima 8 “Malus Mill.” hija emendata kif ġej:

(i)

fil-punt (c) “Kategorija bażika”, tiżdied it-taqsima li ġejja:

“ Rekwiżiti fir-rigward tas-sit tal-produzzjoni, il-post ta’ produzzjoni jew iż-żona

(i)

Candidatus Phytoplasma mali Seemüller & Schneider

—

il-materjal ta’ propagazzjoni u l-pjanti tal-frott tal-kategorija bażika għandhom jiġu prodotti f’żoni magħrufa li huma ħielsa mill-Candidatus Phytoplasma mali Seemüller & Schneider; jew

—

ma għandu jiġi osservat l-ebda sintomu ta’ Candidatus Phytoplasma mali Seemüller & Schneider fuq il-materjal tal-propagazzjoni u l-pjanti tal-frott tal-kategorija bażika fis-sit tal-produzzjoni matul l-aħħar staġun sħiħ tat-tkabbir, u l-pjanti sintomatiċi kollha fil-viċinanza immedjata għandhom jinqalgħu u jinqerdu minnufih;

(ii)

Erwinia amylovora (Burrill)Winslow et al.

—

il-materjal ta’ propagazzjoni u l-pjanti tal-frott tal-kategorija bażika għandhom jiġu prodotti f’żoni magħrufa li huma ħielsa mill-Erwinia amylovora (Burrill) Winslow et al.; jew

—

il-materjal tal-propagazzjoni u l-pjanti tal-frott tal-kategorija bażika fis-sit tal-produzzjoni għandhom ikunu spezzjonati matul l-aħħar staġun sħiħ ta’ tkabbir, u l-materjal tal-propagazzjoni u l-pjanti tal-frott kollha li juru sintomi ta’ Erwinia amylovora (Burrill) Winslow et al. u l-pjanti ospitanti tal-madwar kollha għandhom jinqalgħu u jinqerdu minnufih.”;

(ii)

fil-punt (d) “Kategorija ċċertifikata”, tiżdied it-taqsima li ġejja:

“ Rekwiżiti fir-rigward tas-sit tal-produzzjoni, il-post ta’ produzzjoni jew iż-żona

(i)

Candidatus Phytoplasma mali Seemüller & Schneider

—

il-materjal tal-propagazzjoni u l-pjanti tal-frott tal-kategorija ċċertifikata għandhom jiġu prodotti f’żoni magħrufa li huma ħielsa mill-Candidatus Phytoplasma mali Seemüller & Schneider; jew

—

ma għandu jiġi osservat l-ebda sintomu tal-Candidatus Phytoplasma mali Seemüller & Schneider fuq il-materjal tal-propagazzjoni u l-pjanti tal-frott tal-kategorija ċċertifikata fis-sit tal-produzzjoni matul l-aħħar staġun sħiħ tat-tkabbir, u l-pjanti sintomatiċi kollha fil-viċinanza immedjata għandhom jinqalgħu u jinqerdu minnufih; jew

—

is-sintomi tal-Candidatus Phytoplasma mali Seemüller & Schneider għandhom ikunu ġew osservati f’mhux iktar minn 2 % tal-materjal ta’ propagazzjoni u tal-pjanti tal-frott tal-kategorija ċċertifikata fis-sit tal-produzzjoni tul l-aħħar staġun sħiħ ta’ tkabbir, u dak il-materjal ta’ propagazzjoni u dawk il-pjanti tal-frott, u l-pjanti sintomatiċi kollha fil-viċinanza immedjata għandhom jinqalgħu u jinqerdu minnufih, u jkun ġie ttestjat u nstab ħieles mill-Candidatus Phytoplasma mali Seemüller & Schneider kampjun rappreżentattiv tal-materjal ta’ propagazzjoni u tal-pjanti tal-frott asintomatiċi li jifdal fil-lottijiet li fihom kienu nstabu l-materjal ta’ propagazzjoni u l-pjanti tal-frott sintomatiċi;

(ii)

Erwinia amylovora (Burrill) Winslow et al.

—

il-materjal ta’ propagazzjoni u l-pjanti tal-frott tal-kategorija ċċertifikata għandhom jiġu prodotti f’żoni magħrufa li huma ħielsa mill-Erwinia amylovora (Burrill) Winslow et al.; jew

—

il-materjal tal-propagazzjoni u l-pjanti tal-frott tal-kategorija ċċertifikata fis-sit tal-produzzjoni għandhom jiġu spezzjonati matul l-aħħar staġun sħiħ ta’ tkabbir, u l-materjal tal-propagazzjoni u l-pjanti tal-frott kollha li juru sintomi ta’ Erwinia amylovora (Burrill) Winslow et al. u l-pjanti ospitanti kollha tal-madwar ikunu nqalgħu u nqerdu minnufih.”;

(iii)

il-punt (e) “il-kategorija bażika u l-kategorija ċċertifikata” jitħassar;

(e)

It-Taqsima “12 “Pyrus L.” hija emendata kif ġej:

(i)

fil-punt (b) “Kategorija prebażika”, il-punt (i) “Candidatus Phytoplasma pyri Seemüller & Schneider” tat-taqsima “Rekwiżiti fir-rigward tas-sit tal-produzzjoni, tal-post tal-produzzjoni jew taż-żona” huwa sostitwit b’dan li ġej:

“—

il-materjal tal-propagazzjoni u l-pjanti tal-frott tal-kategorija prebażika għandhom jiġu prodotti f’żoni stabbiliti mill-awtorità kompetenti bħala ħielsa mill-Candidatus Phytoplasma pyri Seemüller & Schneider f’konformità mal-Istandards Internazzjonali għall-Miżuri Fitosanitarji rilevanti; jew

—

ma għandu jiġi osservat l-ebda sintomu tal-Candidatus Phytoplasma pyri Seemüller & Schneider fuq il-materjal tal-propagazzjoni u l-pjanti tal-frott tal-kategorija prebażika fis-sit tal-produzzjoni matul l-aħħar tliet staġuni tat-tkabbir, u l-pjanti sintomatiċi kollha fil-viċinanza immedjata għandhom jinqalgħu u jinqerdu minnufih;”;

(ii)

fil-punt (e) “il-kategorija bażika u l-kategorija ċċertifikata”, il-punt (i) “Candidatus Phytoplasma pyri Seemüller & Schneider” tat-taqsima “Rekwiżiti fir-rigward tas-sit tal-produzzjoni, tal-post tal-produzzjoni jew taż-żona” huwa sostitwit b’dan li ġej:

“—

il-materjal tal-propagazzjoni u l-pjanti tal-frott tal-kategorija bażika u l-kategorija ċċertifikata għandhom jiġu prodotti f’żoni stabbiliti mill-awtorità kompetenti bħala ħielsa mill-Candidatus Phytoplasma pyri Seemüller & Schneider f’konformità mal-Istandards Internazzjonali għall-Miżuri Fitosanitarji rilevanti; jew

—

ma għandu jiġi osservat l-ebda sintomu ta’ Candidatus Phytoplasma mali Seemüller & Schneider fuq il-materjal tal-propagazzjoni u l-pjanti tal-frott tal-kategorija bażika u l-kategorija ċċertifikata fis-sit tal-produzzjoni matul l-aħħar staġun sħiħ tat-tkabbir, u l-pjanti sintomatiċi kollha fil-viċinanza immedjata għandhom jinqalgħu u jinqerdu minnufih; jew

—

il-materjal tal-propagazzjoni u l-pjanti tal-frott tal-kategorija bażika u tal-kategorija ċċertifikata fis-sit tal-produzzjoni u kwalunkwe pjanta fil-viċinanza immedjata, li jkunu wrew sintomi tal-Candidatus Phytoplasma pyri Seemüller & Schneider matul l-ispezzjonijiet viżwali matul l-aħħar tliet staġuni tat-tkabbir, għandhom jitneħħew u jinqerdu minnufih;”;

(iii)

fil-punt (f) “il-kategorija CAC”, il-punt (i) “Candidatus Phytoplasma pyri Seemüller & Schneider” tat-taqsima “Rekwiżiti fir-rigward tas-sit tal-produzzjoni, tal-post tal-produzzjoni jew taż-żona” huwa sostitwit b’dan li ġej:

“—

il-materjal tal-propagazzjoni u l-pjanti tal-frott tal-kategorija CAC għandhom jiġu prodotti f’żoni stabbiliti mill-awtorità kompetenti bħala ħielsa mill-Candidatus Phytoplasma pyri Seemüller & Schneider f’konformità mal-Istandards Internazzjonali għall-Miżuri Fitosanitarji rilevanti; jew

—

ma għandu jiġi osservat l-ebda sintomu tal-Candidatus Phytoplasma pyri Seemüller & Schneider fuq il-materjal tal-propagazzjoni u l-pjanti tal-frott tal-kategorija CAC fis-sit tal-produzzjoni matul l-aħħar staġun sħiħ tat-tkabbir, u l-pjanti sintomatiċi kollha fil-viċinanza immedjata għandhom jinqalgħu u jinqerdu minnufih; jew

—

il-materjal tal-propagazzjoni u l-pjanti tal-frott tal-kategorija CAC fis-sit tal-produzzjoni u kwalunkwe pjanta fil-viċinanza immedjata, li jkunu wrew sintomi tal-Candidatus Phytoplasma pyri Seemüller & Schneider matul l-ispezzjonijiet viżwali matul l-aħħar tliet staġuni tat-tkabbir, għandhom jitneħħew u jinqerdu minnufih;”;

(f)

It-Taqsima “15 “Vaccinium L.” hija emendata kif ġej:

(i)

fil-punt (b) “Kategorija bażika” fit-taqsima “Rekwiżiti fir-rigward tas-sit tal-produzzjoni, tal-post tal-produzzjoni jew taż-żona”, jiżdied il-punt li ġej:

“(iv)

Phytophthora ramorum (iżolati tal-UE) Werres, De Cock & Man in ‘t Veld:

—

il-materjal tal-propagazzjoni u l-pjanti tal-frott tal-kategorija bażika għandhom jiġu prodotti f’żoni stabbiliti mill-awtorità kompetenti bħala ħielsa mill-Phytophthora ramorum (iżolati tal-UE) Werres, De Cock & Man in ‘t Veld f’konformità mal-Istandards Internazzjonali għall-Miżuri Fitosanitarji rilevanti; jew

—

ma għandu jiġi osservat l-ebda sintomu tal-Phytophthora ramorum (iżolati tal-UE) Werres, De Cock & Man in ‘t Veld fuq il-materjal tal-propagazzjoni u l-pjanti tal-frott tal-kategorija bażika fis-sit tal-produzzjoni matul l-aħħar ċiklu sħiħ ta’ veġetazzjoni.”;

(ii)

fil-punt (d) “Kategorija ċċertifikata” fit-taqsima “Rekwiżiti fir-rigward tas-sit tal-produzzjoni, tal-post tal-produzzjoni jew taż-żona”, jiżdied il-punt li ġej:

“(iii)

Phytophthora ramorum (iżolati tal-UE) Werres, De Cock & Man in ‘t Veld:

—

il-materjal tal-propagazzjoni u l-pjanti tal-frott tal-kategorija ċċertifikata għandhom jiġu prodotti f’żoni stabbiliti mill-awtorità kompetenti bħala ħielsa mill-Phytophthora ramorum (iżolati tal-UE) Werres, De Cock & Man in ‘t Veld f’konformità mal-Istandards Internazzjonali għall-Miżuri Fitosanitarji rilevanti; jew

—

ma għandu jiġi osservat l-ebda sintomu tal-Phytophthora ramorum (iżolati tal-UE) Werres, De Cock & Man in ‘t Veld fuq il-materjal tal-propagazzjoni u l-pjanti tal-frott tal-kategorija ċċertifikata fis-sit tal-produzzjoni matul l-aħħar ċiklu sħiħ ta’ veġetazzjoni;

jew

—

 

—

il-materjal tal-propagazzjoni u l-pjanti tal-frott tal-kategorija ċċertifikata li juru sintomi tal-Phytophthora ramorum (iżolati tal-UE) Werres, De Cock & Man in ‘t Veld fis-sit tal-produzzjoni u l-pjanti kollha f’raġġ ta’ 2 m mill-materjal ta’ propagazzjoni u mill-pjanti tal-frott sintomatiċi, għandhom jitneħħew u jinqerdu, inkluża l-ħamrija mwaħħla;

kif ukoll

—

għall-pjanti kollha li jinsabu f’raġġ ta’ 10 m mill-materjal ta’ propagazzjoni u l-pjanti tal-frott sintomatiċi u kwalunkwe materjal ta’ propagazzjoni u pjanti tal-frott li jifdal mil-lott affettwat:

—

fi żmien tliet xhur wara d-detezzjoni tal-materjal ta’ propagazzjoni u tal-pjanti tal-frott sintomatiċi, ma għandu jiġi osservat l-ebda sintomu tal-Phytophthora ramorum (iżolati tal-UE) Werres, De Cock & Man in ‘t Veld fuq dak il-materjal ta’ propagazzjoni u dawk il-pjanti tal-frott f’mill-inqas żewġ spezzjonijiet fi żminijiet xierqa biex jiġi identifikat il-pest u matul dak il-perjodu ta’ tliet xhur ma għandu jitwettaq l-ebda trattament li jrażżan is-sintomi tal-Phytophthora ramorum (iżolati tal-UE) Werres, De Cock & Man in ‘t Veld; kif ukoll

—

wara dak il-perjodu ta’ tliet xhur:

—

ma għandu jiġi osservat l-ebda sintomu tal-Phytophthora ramorum (iżolati tal-UE) Werres, De Cock & Man in ‘t Veld fuq dak il-materjal ta’ propagazzjoni u dawk il-pjanti tal-frott fis-sit tal-produzzjoni; jew

—

kampjun rappreżentattiv ta’ dak il-materjal ta’ propagazzjoni u dawk il-pjanti tal-frott li għandhom jiġu mċaqalqa, ġie ttestjat u misjub ħieles mill-Phytophthora ramorum (iżolati tal-UE) Werres, De Cock & Man in ‘t Veld;

kif ukoll

—

 

—

għall-materjal l-ieħor kollu tal-propagazzjoni u l-pjanti tal-frott kollha fis-sit tal-produzzjoni:

—

ma għandu jiġi osservat l-ebda sintomu tal-Phytophthora ramorum (iżolati tal-UE) Werres, De Cock & Man in ‘t Veld fuq dak il-materjal ta’ propagazzjoni u dawk il-pjanti tal-frott fis-sit tal-produzzjoni; jew

—

kampjun rappreżentattiv ta’ dak il-materjal ta’ propagazzjoni u dawk il-pjanti tal-frott li għandhom jiġu mċaqalqa, ġie ttestjat u misjub ħieles mill-Phytophthora ramorum (iżolati tal-UE) Werres, De Cock & Man in ‘t Veld.”;

(iii)

jiżdied il-punt li ġej:

“(e)

Kategorija CAC

Rekwiżiti fir-rigward tas-sit tal-produzzjoni, il-post ta’ produzzjoni jew iż-żona

—

Phytophthora ramorum (iżolati tal-UE) Werres, De Cock & Man in ‘t Veld:

—

il-materjal tal-propagazzjoni u l-pjanti tal-frott tal-kategorija CAC għandhom jiġu prodotti f’żoni stabbiliti mill-awtorità kompetenti bħala ħielsa mill-Phytophthora ramorum (iżolati tal-UE) Werres, De Cock & Man in ‘t Veld f’konformità mal-Istandards Internazzjonali għall-Miżuri Fitosanitarji rilevanti; jew

—

ma għandu jiġi osservat l-ebda sintomu tal-Phytophthora ramorum (iżolati tal-UE) Werres, De Cock & Man in ‘t Veld fuq il-materjal tal-propagazzjoni u l-pjanti tal-frott tal-kategorija CAC fis-sit tal-produzzjoni matul l-aħħar ċiklu sħiħ ta’ veġetazzjoni;

jew

—

—

il-materjal tal-propagazzjoni u l-pjanti tal-frott tal-kategorija CAC li juru sintomi tal-Phytophthora ramorum (iżolati tal-UE) Werres, De Cock & Man in ‘t Veld fis-sit tal-produzzjoni u l-pjanti kollha f’raġġ ta’ 2 m mill-materjal ta’ propagazzjoni u mill-pjanti tal-frott sintomatiċi, għandhom jitneħħew u jinqerdu, inkluża l-ħamrija mwaħħla; kif ukoll

—

għall-pjanti kollha li jinsabu f’raġġ ta’ 10 m mill-materjal ta’ propagazzjoni u l-pjanti tal-frott sintomatiċi u kwalunkwe materjal ta’ propagazzjoni u pjanti tal-frott li jifdal mil-lott affettwat:

—

fi żmien tliet xhur wara d-detezzjoni tal-materjal ta’ propagazzjoni u tal-pjanti tal-frott sintomatiċi, ma għandu jiġi osservat l-ebda sintomu tal-Phytophthora ramorum (iżolati tal-UE) Werres, De Cock & Man in ‘t Veld fuq dak il-materjal ta’ propagazzjoni u dawk il-pjanti tal-frott f’mill-inqas żewġ spezzjonijiet fi żminijiet xierqa biex jiġi identifikat il-pest u matul dak il-perjodu ta’ tliet xhur ma għandu jitwettaq l-ebda trattament li jrażżan is-sintomi tal-Phytophthora ramorum (iżolati tal-UE) Werres, De Cock & Man in ‘t Veld; u wara dak il-perjodu ta’ tliet xhur:

—

ma għandu jiġi osservat l-ebda sintomu tal-Phytophthora ramorum (iżolati tal-UE) Werres, De Cock & Man in ‘t Veld fuq dak il-materjal ta’ propagazzjoni u dawk il-pjanti tal-frott fis-sit tal-produzzjoni; jew

—

kampjun rappreżentattiv ta’ dak il-materjal ta’ propagazzjoni u dawk il-pjanti tal-frott li għandhom jiġu mċaqalqa, ġie ttestjat u misjub ħieles mill-Phytophthora ramorum (iżolati tal-UE) Werres, De Cock & Man in ‘t Veld;

kif ukoll

—

għall-materjal l-ieħor kollu tal-propagazzjoni u l-pjanti tal-frott kollha fis-sit tal-produzzjoni:

—

ma għandu jiġi osservat l-ebda sintomu tal-Phytophthora ramorum (iżolati tal-UE) Werres, De Cock & Man in ‘t Veld fuq dak il-materjal ta’ propagazzjoni u dawk il-pjanti tal-frott fis-sit tal-produzzjoni; jew

—

kampjun rappreżentattiv ta’ dak il-materjal ta’ propagazzjoni u dawk il-pjanti tal-frott li għandhom jiġu mċaqalqa, ġie ttestjat u misjub ħieles mill-Phytophthora ramorum (iżolati tal-UE) Werres, De Cock & Man in ‘t Veld.”;

(4)

fl-Anness V ir-ringiela “Prunus amygdalus, P. armeniaca, P. domestica, P. persica u P. salicina” huwa sostitwit b’dan li ġej:

“ Prunus armeniaca L., Prunus domestica L., Prunus dulcis (Mill.) D. A. Webb, Prunus persica (L.) Batsch u Prunus salicina Lindl.”.

(*1)  Id-Deċiżjoni ta’ Implimentazzjoni tal-Kummissjoni (UE) 2017/925 tad-29 ta’ Mejju 2017 li temporanjament tawtorizza lil ċerti Stati Membri jiċċertifikaw materjal prebażiku ta’ ċerti speċijiet ta’ pjanti tal-frott, prodotti fl-għelieqi f’kundizzjonijiet mingħajr protezzjoni mill-insetti, u li tħassar id-Deċiżjoni ta’ Implimentazzjoni (UE) 2017/167, (ĠU L 140, 31.5.2017, p. 7)”;”

Top