Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Council Implementing Regulation (EU) 2023/1027 of 25 May 2023 implementing Regulation (EU) No 36/2012 concerning restrictive measures in view of the situation in Syria
Regolament ta’ Implimentazzjoni tal-Kunsill (UE) 2023/1027 tal-25 ta’ Mejju 2023 li jimplimenta r-Regolament (UE) Nru 36/2012 dwar miżuri restrittivi fid-dawl tas-sitwazzjoni fis-Sirja
Regolament ta’ Implimentazzjoni tal-Kunsill (UE) 2023/1027 tal-25 ta’ Mejju 2023 li jimplimenta r-Regolament (UE) Nru 36/2012 dwar miżuri restrittivi fid-dawl tas-sitwazzjoni fis-Sirja
ST/8596/2023/INIT
ĠU L 139, 26.5.2023, p. 1–9
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
REGOLAMENT TA’ IMPLIMENTAZZJONI TAL-KUNSILL (UE) 2023/1027
tal-25 ta’ Mejju 2023
li jimplimenta r-Regolament (UE) Nru 36/2012 dwar miżuri restrittivi fid-dawl tas-sitwazzjoni fis-Sirja
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea,
Wara li kkunsidra r-Regolament tal-Kunsill (UE) Nru 36/2012 tat-18 ta’ Jannar 2012 dwar miżuri restrittivi fid-dawl tas-sitwazzjoni fis-Sirja u li jħassar ir-Regolament (UE) Nru 442/2011 (1), u b’mod partikolari l-Artikolu 32 tiegħu,
Wara li kkunsidra l-proposta mir-Rappreżentant Għoli tal-Unjoni għall-Affarijiet Barranin u l-Politika ta’ Sigurtà,
Billi:
(1)
Fit-18 ta’ Jannar 2012, il-Kunsill adotta r-Regolament (UE) Nru 36/2012 dwar miżuri restrittivi fid-dawl tas-sitwazzjoni fis-Sirja.
(2)
Abbażi ta’ rieżami ta’ dawk il-miżuri, jenħtieġ li l-entrati għal żewġ persuni deċeduti jitneħħew mil-lista ta’ persuni fiżiċi u ġuridiċi, entitajiet jew korpi li tinsab fl-Anness II għar-Regolament (UE) Nru 36/2012. Jenħtieġ li l-entrati għal 19-il persuna fiżika f’ dik il-lista jiġu aġġornati u emendati.
(3)
Għalhekk, jenħtieġ li l-Anness II għar-Regolament (UE) Nru 36/2012 jiġi emendat skont dan,
ADOTTA DAN IR-REGOLAMENT:
Artikolu 1
L-Anness II għar-Regolament (UE) Nru 36/2012 huwa emendat f’konformità mal-Anness għal dan ir-Regolament.
Artikolu 2
Dan ir-Regolament għandu jidħol fis-seħħ fil-jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
L-Anness II għar-Regolament (UE) Nru 36/2012 huwa emendat kif ġej:
(1)
fit-taqsima “A Persuni”, jitħassru ż-żewġ entrati li ġejjin:
122.
Dr. Fayssal ABBAS;
161.
Dr. Mohamad Zafer Mohabak;
(2)
fit-taqsima “A Persuni”, l-entrati 5, 8, 12, 50, 51, 74, 107, 119, 120, 121, 192, 271, 284, 285, 290, 291, 324, 325, u 326 huma sostitwiti b’dawn li ġejjin:
Isem
Informazzjoni ta’ identifikazzjoni
Raġunijiet
Data tal-elenkar
“5.
Hafiz () MAKHLOUF ()
(magħruf ukoll bħala Hafez Makhlouf)
Data tat-twelid: 2.4.1971;
Post tat-twelid: Damascus, Syria;
Passaport diplomatiku Nru 014637352;
Sess: raġel
Eks-Kurunell u Kap ta’ Unità fid-Direttorat tal-Intelligence Ġenerali, il-Fergħa ta’ Damasku, fil-kariga wara Mejju 2011. Membru tal-familja Makhlouf; kuġin tal-President Bashar al-Assad.
9.5.2011
8.
Rami (
) MAKHLOUF (
)
Data tat-twelid: 10.7.1969;
Post tat-twelid: Damascus, Syria;
Passaport Nru 000098044;
Numru tal-ħruġ 002-03-0015187;
Sess: raġel
Negozjant prominenti li jopera fis-Sirja b’interessi fis-servizzi finanzjarji, is-settur tat-trasport u dak tal-proprjetà. Għandu interessi finanzjarji fil-fondi ta’ investiment Al Mashreq, Bena Properties u Cham Holding u/jew jokkupa karigi għolja u eżekuttivi fihom.
Huwa jipprovdi finanzjament u appoġġ lir-reġim Sirjan, permezz tal-interessi kummerċjali tiegħu.
Huwa membru influwenti tal-familja Makhlouf u huwa marbut mill-qrib mal-familja Assad; kuġin tal-President Bashar Al-Assad.
9.5.2011
12.
Ghazwan Rifaat Kheir BEK
(magħruf ukoll bħala Ghazqan Kheir Bek)
Data tat-twelid: 10.3.1961;
Post tat-twelid: Al-Shamiyah, Latakia, Syria;
Numru tal-identità: 06010037444;
Sess: raġel
Eks-Ministru għat-Trasport, fil-poter wara Mejju 2011 (maħtur fis-27.8.2014). Qabel kien Direttur Ġenerali tal-Port ta’ Tartous. Bħala eks-Ministru tal-Gvern, jikkondividi r-responsabbiltà għar-repressjoni vjolenti tar-reġim Sirjan kontra l-popolazzjoni ċivili.
21.10.2014
50.
Tarif () AKHRAS ()
(magħruf ukoll bħala Al Akhras ())
Data tat-twelid: 2.6.1951;
Post tat-twelid: Homs, Syria;
Passaport Sirjan Nru 0000092405;
Sess: raġel
Negozjant prominenti li jopera fis-Sirja. Huwa l-fundatur ta’ Akhras Group (komoditajiet, kummerċ, ipproċessar u loġistika) u eks-President tal-Homs Chamber of Commerce (Kamra tal-Kummerċ ta’ Homs). Relazzjonijiet ta’ negozju mill-qrib mal-familja tal-President Bashar al-Assad. Eks-membru tal-Bord tal-Federation of Syrian Chambers of Commerce (Federazzjoni tal-Kmamar tal-Kummerċ Sirjani). Ipprovda appoġġ loġistiku għar-reġim (xarabanks u vetturi li jgħabbu t-tankijiet). Għaldaqstant qed jibbenefika mir-reġim Sirjan u qed jappoġġah.
2.9.2011
51.
Issam (
) ANBOUBA (
)
President ta’ Anbouba for Agricultural Industries Co.;
Data tat-twelid: 1952;
Post tat-twelid: Homs, Syria;
Sess: raġel
Negozjant prominenti attiv f’setturi differenti tal-ekonomija Sirjana, bħall-agrikoltura, il-proprjetà immobbli u s-settur bankarju. Għandu relazzjonijiet finanzjarji ma’ uffiċjali ta’ grad għoli Sirjani. Kofundatur ta’ Cham Holding.
2.9.2011
74.
Mohammad Walid GHAZAL
Data tat-twelid: 1.11.1951;
Post tat-twelid: Aleppo, Syria;
Numru ta’ Identità Nazzjonali Sirjan: 02020332623;
Sess: raġel
Eks-Ministru għall-Akkomodazzjoni u l-Iżvilupp Urban (maħtur fis-27.8.2014). Bħala eks-Ministru tal-Gvern, jikkondividi r-responsabbiltà għar-repressjoni vjolenti tar-reġim Sirjan kontra l-popolazzjoni ċivili.
21.10.2014
107.
Mohammad Ibrahim AL-SHA’AR
Data tat-twelid: 1.10.1956;
Post tat-twelid: Al-Haffah, Latakia, Syria;
Sess: raġel
Eks-Ministru għall-Intern. Bħala eks-Ministru tal-Gvern, jikkondividi r-responsabbiltà għar-repressjoni vjolenti tar-reġim Sirjan kontra l-popolazzjoni ċivili. Viċi President tal-Front Progressiv Nazzjonali tas-Sirja.
1.12.2011
119.
Sufian (
) ALLAW (
)
Data tat-twelid: 8.2.1944;
Post tat-twelid: al-Bukamal, Deir Ezzor, Syria;
Sess: raġel
Eks-Ministru għaż-Żejt u r-Riżorsi Minerali. Assoċjat mar-reġim Sirjan u r-repressjoni vjolenti tiegħu tal-popolazzjoni ċivili.
27.2.2012
120.
Dr. Adnan (
) SLAKHO (
)
Data tat-twelid: 7.9.1955;
Post tat-twelid: Al-Malihah, Rif Dimashq, Syria;
Sess: raġel
Eks-Ministru għall-Industrija. Eks-Ministru għall-Edukazzjoni u konsulent attwali għall-iżvilupp tan-negozju fil-Ministeru għall-Amministrazzjoni Lokali. Assoċjat mar-reġim Sirjan u r-repressjoni vjolenti tiegħu tal-popolazzjoni ċivili.
27.2.2012
121.
Dr. Saleh (
) AL-RASHED (
)
Data tat-twelid: 1.8.1964;
Post tat-twelid: Aleppo Province, Syria;
Sess: raġel
Eks-Ministru għall-Edukazzjoni u Kap attwali tad-Dipartiment tar-Relazzjonijiet Internazzjonali fil-Fakultà tar-Relazzjonijiet Internazzjonali u d-Diplomazija fl-Al-Sham Private University. Assoċjat mar-reġim Sirjan u r-repressjoni vjolenti tiegħu tal-popolazzjoni ċivili.
27.2.2012
192.
Hashim Anwar AL-AQQAD
magħruf ukoll bħala Hashem Aqqad, Hashem Akkad, Hashim Akkad
Data tat-twelid: 8.8.1961;
Post tat-twelid: Damascus, Syria;
Numru ta’ Identità Nazzjonali Sirjan: 01020018085;
Sess: raġel
Negozjant prominenti li jopera fis-Sirja, b’interessi u/jew attivitajiet f’bosta setturi tal-ekonomija tas-Sirja. Għandu interessi u/jew għandu influwenza sinifikanti f’Anwar Akkad Sons Group (AASG) u s-sussidjarja tiegħu United Oil. L-AASG huwa konglomerat b’interessi f’setturi bħaż-żejt, il-gass, is-sustanzi kimiċi, l-assigurazzjoni, il-makkinarju industrijali, il-proprjetà immobbli, it-turiżmu, wirjiet, l-għoti ta’ kuntratti, l-assigurazzjoni u tagħmir mediku. Huwa wkoll kofundatur ta’ ditta ewlenija tas-sigurtà (ProGuard).
Sal-2012 Hashim Anwar al-Aqqad kien għadu qed jokkupa l-pożizzjoni ta’ membru tal-Parlament Sirjan.
Hashim Anwar Al-Aqqad ma kienx jibqa’ jirnexxi mingħajr għajnuna mir-reġim. Minħabba l-firxa tar-rabtiet kummerċjali u politiċi tiegħu mar-reġim huwa jagħti appoġġ lir-reġim Sirjan u jgawdi minnu.
23.7.2014
271.
Khaled AL-ZUBAIDI
(magħruf ukoll bħala (Mohammed) Khaled/Khalid (Bassam) (al-) Zubaidi/Zubedi
(خالد الزبيدي)
Nazzjonalità: Sirjana;
Pożizzjoni: Koproprjetarju ta’ Zubaidi u Qalei LLC; Direttur ta’ Agar Investment Company; Maniġer Ġenerali tal-kumpanija Al Zubaidi u ta’ Al Zubaidi & Al Taweet Contracting Company; Direttur u Sid ta’ Zubaidi Development Company; koproprjetarju ta’ Enjaz Investment Company;
Sess: raġel
Negozjant prominenti li jopera fis-Sirja, b’investimenti sinifikanti fl-industrija tal-kostruzzjoni, inkluż sehem ta’ 50 % f’Zubaidi and Qalei LLC, li qed tibni l-belt turistika lussuża Grand Town u li għaliha r-reġim ta ftehim ta’ 45 sena għal 19-21 % tad-dħul tagħha. Khaled al-Zubaidi jibbenefika mir-reġim Sirjan u/jew jappoġġah permezz tal-attivitajiet kummerċjali tiegħu, b’mod partikolari permezz ta’ dan is-sehem fl-iżvilupp ta’ Grand Town.
Khaled al-Zubaidi ffirma sponsorizzazzjoni (b’valur ta’ USD 350 000 ) ma’ klabb tal-futbol Sirjan “Wihda FC” permezz ta’ waħda mill-kumpaniji tiegħu “Hijaz Company”. Membru tal-Federation of Syrian Chambers of Tourism (Federazzjoni tal-Kmamar tat-Turiżmu Sirjani) mill-2019. President tas-Syrian-Algerian Business Council (Kunsill tan-Negozju Sirjan-Alġerin).
21.1.2019
284.
Mazin AL-TARAZI
(magħruf ukoll bħala ; Mazen al-Tarazi)
(مازن الترزي)
Data tat-twelid: Settembru 1962;
Nazzjonalità: Sirjana;
Pożizzjoni: Negozjant;
Sess: raġel
Negozjant prominenti li jopera fis-Sirja, b’investimenti sinifikanti fis-setturi tal-kostruzzjoni u tal-avjazzjoni. Permezz tal-investimenti u l-attivitajiet tiegħu, Mazin al-Tarazi jibbenefika mir-reġim Sirjan u/jew jappoġġah. B’mod partikolari, Mazin al-Tarazi kkonkluda ftehim ma’ Damascus Cham Holdings għal investiment ta’ USD 320 miljun fil-kostruzzjoni ta’ Marota City, żvilupp residenzjali u kummerċjali ta’ lussu appoġġat mir-reġim. Huwa ingħata wkoll liċenzja għal linja tal-ajru privata fis-Sirja. F’Settembru 2019, huwa ħoloq “al-Dana Group Investments LLC”, kumpanija ta’SYP 25 miljun involuta fl-esportazzjoni u l-importazzjoni u fl-investiment f’faċilitajiet turistiċi u kumplessi kummerċjali. Mazin Al-Tarazi huwa membru tas-Syrian-Iranian Business Council ((Kunsill tan-Negozju Sirjan-Iranjan) (SIBC)) u serva bħala intermedjarju għar-reġim Iranjan biex jixtri proprjetà immobbli fis-Sirja.
21.1.2019
285.
Samer FOZ
(magħruf ukoll bħala Samir Foz/Fawz; Samer Zuhair Foz; Samer Foz bin Zuhair)
(سامر فوز)
Data tat-twelid: 20.5.1973;
Post tat-twelid: Homs, Syria;
Nazzjonalitajiet: Sirjana, Torka;
Numru tal-Passaport Tork: U 09471711 (post tal-ħruġ: Turkey; data ta’ skadenza: 21.7.2024);
Numru nazzjonali Sirjan: 06010274705;
Indirizz: Platinum Tower, office No 2405, Jumeirah Lake Towers, Dubai, UAE;
Sess: raġel
Negozjant prominenti li jopera fis-Sirja, b’interessi u attivitajiet f’bosta setturi tal-ekonomija tas-Sirja. Samer Foz jipprovdi appoġġ finanzjarju u appoġġ ieħor lir-reġim Sirjan, inkluż finanzjament tal-Military Security Shield Forces fis-Sirja u senserija ta’ ftehimiet tal-qamħ. Huwa jibbenefika finanzjarment ukoll mill-aċċess għall-opportunitajiet kummerċjali permezz tal-kummerċ tal-qamħ u proġetti ta’ rikostruzzjoni bħala riżultat tar-rabtiet tiegħu mar-reġim.
Samer Foz fetaħ fabbrika tar-raffinar taz-zokkor (“Samer Foz Factory”) fl-2021 b’appoġġ għall-objettiv tar-reġim Sirjan li jżid il-produzzjoni taz-zokkor madwar il-pajjiż.
21.1.2019
290.
Waseem AL-KATTAN
(وسيم القطان)
(magħruf ukoll bħala Waseem, Wasseem, Wassim, Wasim; Anouar; al-Kattan, al-Katan, al-Qattan, al-Qatan; وسيم قطان, وسيم أنوار القطان)
Data tat-twelid: 4.3.1976;
Nazzjonalità: Sirjana;
Numru ta’ Identità Nazzjonali Sirjan: 10090110187
Pożizzjoni: President tad-Damascus Countryside (Rural) Province Chamber of Commerce;
Qraba/soċji kummerċjali/entitajiet jew sħab/konnessjonijiet:
Larosa Furniture/Furnishing; Jasmine Fields Company Ltd.; Muruj Cham (Murooj al-Cham) Investment and Tourism Group; Adam and Investment LLC; Universal Market Company LLC; Teżorier tal-Federation of Syrian Chambers of Commerce;
Sess: raġel
Negozjant prominenti li jopera fis-Sirja li jibbenefika mir-reġim u jappoġġah. Sid ta’ għadd ta’ negozji u kumpaniji azzjonarji b’interessi u attivitajiet f’diversi setturi ekonomiċi bħall-proprjetà immobbli, l-industrija tal-lukandi lussużi, u ċentri kummerċjali. Wasseem al-Kattan laħaq malajr negozjant prominenti billi impona taxxi fuq oġġetti li ddaħħlu b’kuntrabandu fil-Lvant ta’ Ghouta meta kien taħt assedju, u issa huwa involut f’forom aggressivi ta’ klijenteliżmu għall-benefiċċju tar-reġim. Wasseem al-Kattan jibbenefika finanzjarjament minn aċċess preferut għal offerti pubbliċi kif ukoll għal liċenzji u kuntratti mogħtija minn aġenziji tal-gvern minħabba r-rabtiet mill-qrib tiegħu mar-reġim.
Fl-2020, Al-Kattan ġie elett membru tal-Kamra tal-Kummerċ ta’ Damasku. F’Novembru 2021, Al-Kattan inħatar segretarju tal-Federation of Syrian chambers of commerce (Federazzjoni tal-kmamar tal-kummerċ Sirjani) mill-Gvern Sirjan, minkejja li tilef l-elezzjonijiet. Fl-2022, Al-Kattan inħatar President tas-Syrian-Omani Business Council (Kunsill tan-Negozju Sirjan-Omani).
17.2.2020
291.
Amer FOZ
(magħruf ukoll bħala Amer Zuhair Fawz)
(عامر فوز)
Data tat-twelid: 11.3.1976;
Post tat-twelid: Homs, Syria;
Nazzjonalità: Sirjana; Saint Kitts and Nevis;
Nru Nazzjonali: 06010274747;
Numru tal-passaport: 002-14-L169340
Karta ta’ residenza tal-Emirati Għarab Magħquda: 784-1976-7135283-5
Pożizzjoni: Fundatur ta’ District 6 Company; Sieħeb fundatur ta’ Easy life Company;
Qraba/soċji kummerċjali/entitajiet jew sħab/konnessjonijiet: Samer Foz; Viċi President ta’ Asas Steel Company; Aman Holding;
Sess: raġel
Negozjant prominenti b’interessi tan-negozju personali u tal-familja u attivitajiet f’diversi setturi tal-ekonomija Sirjana. Huwa jibbenefika finanzjarjament mill-aċċess għal opportunitajiet kummerċjali u jappoġġa r-reġim Sirjan.
Huwa assoċjat ukoll ma’ ħuh Samer Foz, li ilu ddeżinjat mill-Kunsill minn Jannar 2019 bħala negozjant prominenti li jopera fis-Sirja u li jappoġġa jew jibbenefika mir-reġim. Flimkien ma’ ħuh, huwa jimplimenta għadd ta’ proġetti kummerċjali, b’mod partikolari fiż-żona ta’ Adra al-Ummaliyya (subborgi ta’ Damasku). Dawn il-proġetti jinkludu fabbrika li timmanifattura kejbils u aċċessorji tal-kejbils kif ukoll proġett għall-produzzjoni tal-elettriku bl-użu tal-enerġija solari. Huma kienu involuti wkoll f’diversi attivitajiet mal-ISIL (Da’esh) f’isem ir-reġim ta’ Assad, inkluż il-forniment ta’ armi u munizzjon bi skambju għal qamħ u żejt.
17.2.2020
324.
Ahmed KHALIL KHALIL
(magħruf ukoll bħala Ahmed KHALIL, Ahmad Khalil Khalil)
(احمد خليل خليل)
Data tat-twelid: 1969;
Post tat-twelid: Qayrun;
Sess: raġel
Ahmed Khalil Khalil huwa l-koproprjetarju ta’ Sanad Protection and Security Services, kumpanija tas-sigurtà privata Sirjana stabbilita fl-2017 u ssorveljata minn Wagner Group fis-Sirja, attiva fil-protezzjoni tal-interessi Russi (fosfati, gass u s-sigurtà tas-siti taż-żejt) fis-Sirja. L-isfruttament tar-riżorsi naturali jipprovdi dħul lir-reġim Sirjan. Barra minn hekk, il-kumpanija hija attiva fir-reklutaġġ ta’ merċenarji Sirjani fil-Libja u fl-Ukrajna.
Għaldaqstant, Ahmed Khalil Khalil jappoġġa lir-reġim Sirjan u jibbenefika minnu.
21.7.2022
325.
Nasser Deeb DEEB
(magħruf ukoll bħala Nasser Dhib, Nasser Dib, Nasser Deeb)
(ناصر ديب)
Data tat-twelid: 21.2.1974;
Post tat-twelid: Baniyas, Tartus, Syria;
Numru ta’ Identità Nazzjonali Sirjan: 10090110187;
Sess: raġel
Nasser Deeb Deeb huwa l-koproprjetarju ta’ Sanad Protection and Security Services, kumpanija tas-sigurtà privata Sirjana stabbilita fl-2017 u ssorveljata minn Wagner Group, attiva fil-protezzjoni tal-interessi Russi (fosfati, gass u s-sigurtà tas-siti taż-żejt) fis-Sirja. L-isfruttament tar-riżorsi naturali jipprovdi dħul lir-reġim Sirjan. Barra minn hekk, huwa wkoll koproprjetarju tal-kumpanija Ella Services flimkien ma’ Khodr Ali Taher.
(magħruf ukoll bħala Mohammed Issam Shammout, Mohamed Essam Shammout, Muhammad Issam Shammout, Muhammad Essam Shammout)
(محمد عصام شموط)
Data tat-twelid: 26.8.1971
Post tat-twelid: 232, Tanzeem Kafarsus, Damascus, Syria
Sess: raġel
Issam Shammout huwa s-sid u l-president tal-bord tad-diretturi tal-linja tal-ajru “Cham Wings” u l-kap ta’ Shammout Group, attiv fis-setturi tal-karozzi, tal-azzar, tal-avjazzjoni, tat-trasportazzjoni tal-merkanzija, tal-kostruzzjoni, u tal-proprjetà immobbli.
F’din il-kapaċità, Issam Shammout huwa negozjant prominenti li jopera fis-Sirja.
In force
