1.   Kull persuna li tissuspetta jew issir taf bil-preżenza tal-organiżmu speċifikat għandha tinforma lill-korp uffiċjali responsabbli minnufih u tipprovdih bl-informazzjoni rilevanti kollha li tikkonċerna l-preżenza, jew preżenza suspettata, tal-organiżmu speċifikat.

2.   Il-korp uffiċjali responsabbli għandu jirreġistra tali informazzjoni minnufih.

3.   Meta l-korp uffiċjali responsabbli jkun ġie infurmat bil-preżenza, jew bil-preżenza suspettata, tal-organiżmu speċifikat, dan għandu jieħu l-miżuri kollha meħtieġa biex jikkonferma din il-preżenza, jew il-preżenza suspettata.

4.   L-Istati Membri għandhom jiżguraw li kull persuna li jkollha fil-kontroll tagħha xi pjanti, prodotti tal-pjanti jew injam ta’ pjanti speċifikati jew injam ta’ koniferi (Pinales) li jista’ jkun ikunu infettati bl-organiżmu speċifikat tiġi infurmata minnufih bil-preżenza jew bil-preżenza suspettata tal-organiżmu speċifikat, u dwar il-miżuri li għandhom jittieħdu.

1.   L-Istati Membri għandhom iwettqu stħarriġ annwali dwar il-preżenza tal-organiżmu speċifikat fit-territorji tagħhom. Dan l-istħarriġ m’għandux ikun meħtieġ jitwettaq fejn jiġi konkluż mingħajr ekwivoċi li l-organiżmu speċifikat ma jistax jiġi stabbilit jew jinxtered fl-Istat Membru kkonċernat minħabba l-kundizzjonijiet ekoklimatiċi tiegħu jew in-nuqqas tal-ispeċijiet ospitanti.

2.   Dan l-istħarriġ għandu jissodisfa l-kundizzjonijiet li ġejjin:

1.   Meta l-preżenza tal-organiżmu speċifikat tkun ġiet ikkonfermata, l-Istat Membru kkonċernat għandu, minnufih, jiddemarka żona skont il-paragrafu 2.

2.   Iż-żona demarkata għandha tikkonsisti minn:

Fil-każijiet fejn bosta żoni marġinali ta’ lqugħ jidħlu f’xulxin jew li jkunu ġeografikament qrib xulxin, għandha tiġi definita żona demarkata iktar wiesgħa li tinkludi ż-żoni demarkati rilevanti u ż-żoni ta’ bejniethom.

Id-delimitazzjoni eżatta taż-żona infestata u taż-żona ta’ lqugħ għandha tkun ibbażata fuq prinċipji xjentifiċi tajbin, il-bijoloġija tal-organiżmu speċifikat, il-livell ta’ infestazzjoni u t-tqassim tal-pjanti speċifikati fiż-żona kkonċernata.

3.   Jekk tiġi kkonfermata l-preżenza tal-organiżmu speċifikat fiż-żona ta’ lqugħ, id-delimitazzjoni taż-żona infestata u taż-żona ta’ lqugħ għandha tiġi rriveduta minnufih u tinbidel kif xieraq.

4.   Meta, abbażi tal-istħarriġ imsemmi fl-Artikolu 3, l-organiżmu speċifikat ma jiġix identifikat f’żona demarkata għal perjodu ta’ sentejn konsekuttivi, id-demarkazzjoni tista’ titneħħa. F’każijiet bħal dawn, l-Istat Membru kkonċernat għandu jinnotifika lill-Kummissjoni u lill-Istati Membri l-oħra dwar it-tneħħija tad-demarkazzjoni.

5.   Fejn ġustifikat mill-iżvilupp tar-riskju fitosanitarju rispettiv kif deskritt fil-paragrafi 2, 3 jew 4, l-Istati Membri għandhom jadattaw iż-żona demarkata kif xieraq. Huma għandhom jikkomunikaw immedjatament dak l-adattament lill-Kummissjoni u lill-Istati Membri l-oħra.

6.   B’deroga mill-paragrafu 1, l-Istat Membru kkonċernat jista’ jiddeċiedi li ma jistabbilixxix żona demarkata meta jkun hemm evidenza li l-preżenza tal-organiżmu speċifikat hija sejba iżolata u dan l-organiżmu ma jkunx stabbilit, u li l-firxa tal-organiżmu speċifikat ma tkunx possibbli minħabba l-kundizzjonijiet li fihom tkabbru jew inħażnu l-pjanti speċifikati kif ukoll l-injam, il-qoxra iżolata jew il-materjal tal-ippakkjar tal-injam ta’ pjanti speċifikati jew koniferi.

7.   Fil-każ imsemmi fil-paragrafu 6, l-Istat Membru kkonċernat għandu:

1.   L-Istat Membru kkonċernat għandu japplika l-miżuri li ġejjin fiż-żona demarkata:

Għall-finijiet tal-punti (a) u (b) tal-ewwel subparagrafu, it-tneħħija għandha tinkludi l-qerda tal-pjanti u t-tneħħija u r-rimi sikur tal-għeruq, f’mill-inqas l-ewwel 50 cm mill-kullar, u l-fdal tal-qoxra.

2.   B’deroga mill-paragrafu 1, il-pjanti speċifikati li ttieħdu kampjuni minnhom u li ġew ittestjati għall-finijiet tal-Artikolu 3 u li ġew ikkonfermati li ma ġewx infettati mill-organiżmu speċifikat, ma għandhomx għalfejn jitneħħew.

3.   L-Istat Membru kkonċernat għandu jwettaq l-investigazzjonijiet xierqa biex jidentifika l-oriġini tal-infezzjoni. Dan għandu jittraċċa l-pjanti speċifikati, kif ukoll injam u qoxra iżolata li joriġinaw mill-pjanti speċifikati jew mill-koniferi (Pinales), u assoċjati mal-każ tal-infezzjoni kkonċernata, inklużi dawk li ġew imċaqalqa qabel ma ġiet stabbilita ż-żona demarkata. Ir-riżultati ta’ dawn l-investigazzjonijiet għandhom jiġu komunikati lill-Istati Membri li minnhom joriġinaw il-pjanti kkonċernati u lill-Istati Membri fejn ikunu ċċaqilqu dawn il-pjanti.

1.   Pjanti speċifikati maħsuba għat-tħawwil jistgħu jiċċaqilqu fit-territorju tal-Unjoni biss, jekk ikunu akkumpanjati minn passaport tal-pjanti.

Dan il-passaport tal-pjanti għandu jinħareġ għall-pjanti speċifikati maħsuba għat-tħawwil jekk tiġi ssodisfata waħda mill-kundizzjonijiet li ġejjin:

2.   Pjanti speċifikati, minbarra pjanti maħsuba għat-tħawwil, jistgħu jitmexxew biss minn żona infestata għal żona ta’ lqugħ, u ’l barra minn żona demarkata fil-bqija tat-territorju tal-Unjoni, jekk ikunu akkumpanjati minn passaport tal-pjanti.

Dan il-passaport tal-pjanti għandu jinħareġ biss jekk dawn il-pjanti speċifikati joriġinaw f’post ta’ produzzjoni, inkluża l-viċinanza tiegħu ta’ mill-inqas raġġ ta’ 1 km, fejn ma jkun ġie osservat l-ebda sintomu tal-organiżmu speċifikat matul l-ispezzjonijiet uffiċjali annwali f’perjodu ta’ sentejn qabel iċ-ċaqliq tagħhom u jkunu ġew ittestjati qabel iċ-ċaqliq tagħhom, fuq il-bażi ta’ kampjun rappreżentattiv għal kull lott, u jkunu nstabu ħielsa mill-organiżmu speċifikat.

3.   B’deroga mill-paragrafu 1, ma għandu jkun meħtieġ l-ebda passaport tal-pjanti għall-moviment tal-pjanti speċifikati maħsuba għat-tħawwil lil kwalunkwe persuna li taġixxi għal skopijiet li huma barra mill-kummerċ, in-negozju jew il-professjoni tagħha, u takkwista dawn il-pjanti għall-użu tagħha stess.

4.   Madankollu, id-deroga tal-paragrafu 3 ma għandhiex tapplika għal ċaqliq minn żona infestata lejn żona ta’ lqugħ, u ’l barra minn żona demarkata fil-bqija tat-territorju tal-Unjoni

1.   Il-materjal li ġej jista’ jiġi ttrasferit biss minn żona infestata għal żona ta’ lqugħ, u ’l barra minn żona demarkata fil-bqija tat-territorju tal-Unjoni jekk ikun akkumpanjat minn passaport tal-pjanti:

Dan il-passaport tal-pjanti għandu jinħareġ biss meta l-materjal ikun għadda minn trattament bis-sħana xieraq biex tinkiseb temperatura minima ta’ 56 °C għal perjodu minimu ta’ 30 minuta kontinwi tul il-profil sħiħ tal-injam.

2.   Injam li jrid jiġi ttrattat skont il-paragrafu 1 ta’ dan l-Artikolu jista’ jinħareġ biss miż-żona demarkata skont il-kundizzjonijiet li ġejjin:

1.   Injam tal-pjanti speċifikati, minbarra fil-forma ta’ laqx, frak, ċana, skart tal-injam u ruttam, u qoxra iżolata, miksub kompletament jew parzjalment minn dawn il-pjanti, u ħlief fil-forma ta’ materjal tal-ippakkjar tal-injam, li joriġina minn pajjiżi terzi mhux Ewropej, jista’ jiġi introdott biss fit-territorju tal-Unjoni jekk ikun akkumpanjat miċ-ċertifikat imsemmi fl-Artikolu 13(1)(ii) tad-Direttiva 2000/29/KE.

2.   Dan iċ-ċertifikat għandu jkun fih waħda mid-dikjarazzjonijiet li ġejjin taħt l-entrata “Dikjarazzjoni addizzjonali”:

3.   Injam tal-koniferi (Pinales) fil-forma ta’ laqx, frak, ċana, skart tal-injam u ruttam, u ta’ qoxra iżolata, miksuba kompletament jew parzjalment minn dawn il-koniferi li joriġinaw minn pajjiżi terzi mhux Ewropej, jista’ jiġi introdott biss fit-territorju tal-Unjoni jekk ikun akkumpanjat miċ-ċertifikat imsemmi fl-Artikolu 13(1)(ii) tad-Direttiva 2000/29/KE.

4.   Dan iċ-ċertifikat għandu jkun fih waħda mid-dikjarazzjonijiet li ġejjin taħt l-entrata “Dikjarazzjoni addizzjonali”:

1.   Il-konsenji kollha ta’ pjanti speċifikati, injam tal-pjanti speċifikati minbarra fil-forma ta’ materjal tal-ippakkjar tal-injam, u injam tal-koniferi (Pinales) fil-forma ta’ laqx, partiċelli, ċana, skart tal-injam u ruttam miksuba kompletament jew parzjalment minn dawn il-koniferi, introdotti fl-Unjoni minn pajjiż terz mhux Ewropew fejn l-organiżmu speċifikat huwa magħruf li jkun preżenti, għandhom ikunu soġġetti għal kontrolli uffiċjali metikolużi mad-dħul fl-Unjoni jew fil-post tad-destinazzjoni skont l-Artikolu 1 tad-Direttiva 2004/103/KE (9).

2.   Dawn il-kontrolli uffiċjali għandhom jinkludu spezzjoni viżwali kif ukoll, fejn xieraq, it-teħid ta’ kampjuni u l-ittestjar tal-lott tal-pjanti, tal-prodotti tal-pjanti jew ta’ oġġetti oħra sabiex jikkonfermaw in-nuqqas tal-organiżmu speċifikat.