Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document C2012/399/19

Kawża C-437/12: Talba għal deċiżjoni preliminari mressqa mill-Gerechtshof te ’s-Hertogenbosch (il-Pajjiżi l-Baxxi) fl- 1 ta’ Ottubru 2012 — X, il-parti l-oħra: Voorzitter van het managementteam van het onderdeel Belastingdienst/Z van de rijksbelastingdienst

ĠU C 399, 22.12.2012, p. 11–12 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

22.12.2012   

MT

Il-Ġurnal Uffiċjali tal-Unjoni Ewropea

C 399/11

Talba għal deċiżjoni preliminari mressqa mill-Gerechtshof te ’s-Hertogenbosch (il-Pajjiżi l-Baxxi) fl-1 ta’ Ottubru 2012 — X, il-parti l-oħra: Voorzitter van het managementteam van het onderdeel Belastingdienst/Z van de rijksbelastingdienst

(Kawża C-437/12)

2012/C 399/19

Lingwa tal-kawża: l-Olandiż

Qorti tar-rinviju

Gerechtshof te ’s-Hertogenbosch

Partijiet fil-kawża prinċipali

Rikorrenti: X

Parti oħra: Voorzitter van het managementteam van het onderdeel Belastingdienst/Z van de rijksbelastingdienst

Domandi preliminari

(1)

Sabiex tinstab soluzzjoni għall-kwistjoni, imqajma fil-kuntest tal-Artikolu 110 TFUE, ta’ jekk l-ammont tat-taxxa dovuta fl-2010 mar-reġistrazzjoni tal-karozza (inkwistjoni) jaqbiżx (jew le) l-ammont residwu tat-taxxa inkluża fil-valur tal-vetturi użati simili li jkunu diġà rreġistrati fit-territorju nazzjonali, għandhom jiġu kkunsidrati bħala simili għall-finijiet tad-determinazzjoni ta’ dan l-ammont residwu:

—

karozza komparabbli rreġistrata bħala karozza ġdida matul is-sena tal-ewwel użu tal-karozza (inkwistjoni) (2006), jew

—

anki l-vetturi (l-oħra) disponibbli fis-suq tal-vetturi użati fl-2010, u li, bħall-karozza (inkwistjoni), intużaw għall-ewwel darba fit-30 ta’ Mejju 2006 u huma mill-bqija komparabbli, iżda ġew (importati u) irreġistrati bħala vetturi użati wara t-30 ta’ Mejju 2006 (wara t-30 ta’ Mejju 2006 sal-2009) u/jew

—

anki l-vetturi (l-oħra) disponibbli fis-suq tal-vetturi użati fl-2010, u li, għall-kuntrarju tal-karozza (inkwistjoni), intużaw għall-ewwel darba wara t-30 ta’ Mejju 2006, iżda huma mill-bqija komparabbli, u li ġew (importati u) irreġistrati bħala vetturi ġodda jew użati wara t-30 ta’ Mejju 2006 (wara t-30 ta’ Mejju 2006 sal-2009)?

(2)

Sabiex tinstab soluzzjoni għall-kwistjoni ta’ jekk l-Artikolu 110 TFUE jipprekludix il-ġbir tal-BPM (1) mar-reġistrazzjoni tal-karozza fl-2010, sa fejn din it-taxxa hija kkalkolata fuq il-bażi tal-emissjonijiet tas-CO2 (skont it-tabelli tal-Artikolu 9(1) tal-Liġi BPM), din il-parti tat-taxxa għandha tiġi kkunsidrata bħala taxxa ġdida, li għandha tiġi distinta mill-BPM eżistenti sal-1 ta’ Frar 2008 li kienet tiddependi biss mill-prezz tal-katalgu, b’tali mod li, sa fejn it-taxxa hija kkalkolata fuq il-bażi tal-emissjonijiet tas-CO2, ma huwiex rilevanti paragun mal-karozzi użati (simili) irreġistrati qabel l-1 ta’ Jannar 2010?

(3)

Jekk jitqies li ma hemmx taxxa ġdida fis-sens tat-tieni domanda: il-fatt li l-karozzi komparabbli għall-karozza (inkwistjoni), użati għall-ewwel darba qabel l-1 ta’ Frar 2008 u importati u rreġistrati bħala karozzi użati matul il-perijodu bejn l-1 ta’ Frar 2008 u l-31 ta’ Diċembru 2009, ma kinux suġġetti għat-taxxa kkalkolata fuq il-bażi tal-emissjonijiet tas-CO2 (skont l-Artikolu 9ba tal-Liġi BPM fis-seħħ matul dan il-perijodu), filwaqt li din it-taxxa kkalkolata fuq il-bażi tal-emissjonijiet tas-CO2 kienet effettivament inġabret meta saret ir-reġistrazzjoni matul il-perijodu msemmi ta’ karozzi użati għall-ewwel darba wara l-1 ta’ Frar 2008, iżda li mill-bqija huma komparabbli mal-karozza (inkwistjoni), jipprekludi, skont l-Artikolu 110 TFUE, il-ġbir tal-BPM mar-reġistrazzjoni tal-karozza fl-2010 sa fejn din it-taxxa hija kkalkolata fuq il-bażi tal-emissjonijiet tas-CO2 (skont it-tabelli tal-Artikolu 9(1) tal-Liġi BPM)?

(1)  Belasting personenauto’s en motorrijwielen (Taxxa fuq il-karozzi u l-muturi).

Top