This document is an excerpt from the EUR-Lex website
Document 62007CA0283
Case C-283/07: Judgment of the Court (Eighth Chamber) of 22 December 2008 — Commission of the European Communities v Italian Republic (Failure of a Member State to fulfil obligations — Directive 75/442/EEC — Article 1 — Concept of waste — Scrap intended for use in iron and steel activities — High-quality refuse-derived fuel — Incorrect transposition)
Kawża C-283/07: Sentenza tal-Qorti tal-Ġustizzja (It-Tmien Awla) tat- 22 ta' Diċembru 2008 — Il-Kummissjoni tal-Komunitajiet Ewropej vs Ir-Repubblika Taljana (Nuqqas ta' Stat li jwettaq obbligu — Direttiva 75/442/KEE — Artikolu 1 — Kunċett ta' skart — Skart intiż sabiex jintuża fl-attività tal-azzar — Kombustibbli li ġej minn skart ta' kwalità għolja — Traspożizzjoni żbaljata)
Kawża C-283/07: Sentenza tal-Qorti tal-Ġustizzja (It-Tmien Awla) tat- 22 ta' Diċembru 2008 — Il-Kummissjoni tal-Komunitajiet Ewropej vs Ir-Repubblika Taljana (Nuqqas ta' Stat li jwettaq obbligu — Direttiva 75/442/KEE — Artikolu 1 — Kunċett ta' skart — Skart intiż sabiex jintuża fl-attività tal-azzar — Kombustibbli li ġej minn skart ta' kwalità għolja — Traspożizzjoni żbaljata)
ĠU C 44, 21.2.2009, p. 12–13
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
|
21.2.2009 |
MT |
Il-Ġurnal Uffiċjali tal-Unjoni Ewropea |
C 44/12 |
Sentenza tal-Qorti tal-Ġustizzja (It-Tmien Awla) tat-22 ta' Diċembru 2008 — Il-Kummissjoni tal-Komunitajiet Ewropej vs Ir-Repubblika Taljana
(Kawża C-283/07) (1)
(Nuqqas ta' Stat li jwettaq obbligu - Direttiva 75/442/KEE - Artikolu 1 - Kunċett ta' “skart’ - Skart intiż sabiex jintuża fl-attività tal-azzar - Kombustibbli li ġej minn skart ta' kwalità għolja - Traspożizzjoni żbaljata)
(2009/C 44/20)
Lingwa tal-kawża: It-Taljan
Partijiet
Rikorrenti: Il-Kummissjoni tal-Komunitajiet Ewropej [rappreżentanti: C. Zadra u J.-B. Laignelot, aġenti]
Konvenuta: Ir-Repubblika Taljana [rappreżentanti: I. Braguglia, agent u G. Fiengo, avvocato dello Stato]
Suġġett
Nuqqas ta' Stat li jwettaq obbligu — Ksur tal-Artikolu 1(a) tad-Direttiva tal-Kunsill 75/442/KEE, tal-15 ta' Lulju 1975, dwar l-iskart (ĠU L 194, p. 39) kif emendata mid-Direttiva tal-Kunsill 91/156/KEE, tat-18 ta' Marzu 1991 (ĠU L 78, p. 32) — Kombustibbli ġej mill-iskart (RDF) u metall intiż sabiex jintuża fl-attività tal-azzar u dik metallurġika — Esklużjoni mill-kamp ta' applikazzjoni tal-liġi nazzjonali tat-traspożizzjoni.
Dispożittiv
|
1) |
Billi adottat u żammet fis-seħħ dispożizzjonijiet bħalma huma:
li permezz tagħhom, rispettivament, ċertu skart intiż sabiex jintuża fl-industrija tal-azzar u dik metallurġika kif ukoll il-kombustibbli li ġej minn skart ta' kwalità għolja (RDF) jitneħħew a priori mill-kamp ta' applikazzjoni tal-liġi Taljana fuq l-iskart li tittrasponi d-Direttiva tal-Kunsill 75/442/KEE tal-15 ta' Lulju 1975 dwar l-iskart kif emendata bid-Direttiva 91/156/KEE tal-Kunsill, tat-18 ta' Marzu 1991, ir-Repubblika Taljana naqset milli twettaq l-obbligi tagħha taħt l-Artikolu (1)(a) ta' din id-Direttiva. |
|
2) |
Ir-repubblika Taljana hija kkundannata għall-ispejjeż. |