Edizzjoni speċjali bil-Kroat: Kapitolu 13 Volum 038 P. 241 - 243
English
Select your language
Official EU languages:
Access to European Union law
EUR-Lex
Access to European Union law
This document is an excerpt from the EUR-Lex website
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Need more search options? Use the
Advanced search
Document 32010R0115
Commission Regulation (EU) No 115/2010 of 9 February 2010 laying down the conditions for use of activated alumina for the removal of fluoride from natural mineral waters and spring waters (Text with EEA relevance)
Regolament tal-Kummissjoni (UE) Nru 115/2010 tad- 9 ta’ Frar 2010 li jistabbilixxi l-kundizzjonijiet għall-użu tal-alumina għat-tneħħija tal-fluworidu mill-ilmijiet minerali naturali u mill-ilmijiet tan-nixxigħat (Test b’relevanza għaż-ŻEE)
Regolament tal-Kummissjoni (UE) Nru 115/2010 tad- 9 ta’ Frar 2010 li jistabbilixxi l-kundizzjonijiet għall-użu tal-alumina għat-tneħħija tal-fluworidu mill-ilmijiet minerali naturali u mill-ilmijiet tan-nixxigħat (Test b’relevanza għaż-ŻEE)
ĠU L 37, 10.2.2010, p. 13–15
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
- Date of document:
- 09/02/2010
- Date of effect:
- 02/03/2010; Dħul fis-seħħ Data tal-pubblikazzjoni + 20 Ara Art. 5
- Date of end of validity:
- No end date
- Author:
- Il-Kummissjoni Ewropea
- Responsible body:
- Directorate-General for Health and Food Safety
- Form:
- Regolament
- Additional information:
- Rilevanza għaż-ŻEE
- Treaty:
- Trattat dwar il-Funzjonament tal-Unjoni Ewropea
- Legal basis:
-
- 32009L0054 - A04P1PTC) 32009L0054 - A12PTD)
- Link
- Link
- Link
- Select all documents mentioning this document No data available in the table
- Modified by:
-
Relation Act Comment Subdivision concerned From To Corrected by 32010R0115R(01) (CS) - Instruments cited:
- Link
- EUROVOC descriptor:
- Subject matter:
- Directory code:
Language
HTML
PDF
Official Journal
|
10.2.2010 |
MT |
Il-Ġurnal Uffiċjali tal-Unjoni Ewropea |
L 37/13 |
REGOLAMENT TAL-KUMMISSJONI (UE) Nru 115/2010
tad-9 ta’ Frar 2010
li jistabbilixxi l-kundizzjonijiet għall-użu tal-alumina għat-tneħħija tal-fluworidu mill-ilmijiet minerali naturali u mill-ilmijiet tan-nixxigħat
(Test b’relevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva 2009/54/KE tal-Parlament Ewropew u tal-Kunsill (1) tat-18 ta’ Ġunju 2009 dwar l-isfruttament u t-tqegħid fis-suq ta’ ilmijiet minerali naturali, u b'mod partikulari l-Artikolu 4(1)(c) u l-Artikolu 12(d) tiegħu,
Wara li kkunsidrat l-opinjoni tal-Awtorità Ewropea dwar is-Sigurtà fl-Ikel,
Billi:
|
(1) |
Id-Direttiva tal-Kummissjoni Nru 2003/40/KE tas-16 ta’ Mejju 2003 (2) li tistabbilixxi l-lista, il-limiti ta’ konċentrazzjoni u l-ħtiġijiet ta’ tikkettjar għall-kostitwenti tal-ilmijiet minerali naturali u l-kondizzjonijiet għall-użu ta’ arja arrikkita bl-ożonu għat-trattament ta’ ilmijiet minerali naturali u ilmijiet min-nixxigħat tiffissa l-limitu massimu tal-fluworidu fl-ilmijiet minerali naturali. F'dak li għandu x'jaqsam mal-ilma tan-nixxigħat, dan il-limitu hu ffissat bid-Direttiva tal-Kunsill 98/83/KE tat-3 ta' Novembru 1998 (3) dwar il-kwalità tal-ilma maħsub għall-konsum mill-bniedem. |
|
(2) |
Biex l-operaturi jkunu jistgħu jikkonformaw ma' dawk id-Direttivi, it-trattament biex jitneħħa l-fluworidu mill-ilmijiet minerali naturali u mill-ilmijiet tan-nixxigħat bl-użu ta' alumina attivata (minn hawn 'il quddiem “it-trattament tat-tneħħija tal-fluworidu”) għandu jkun awtorizzat. |
|
(3) |
It-trattament tat-tneħħija tal-fluworidu m'għandux iżid fdalijiet mal-ilma trattat f'konċentrazzjonijiet li jistgħu jippreżentaw riskju għas-saħħa pubblika. |
|
(4) |
It-trattament tat-tneħħija tal-fluworidu għandu jkun notifikat lill-awtoritajiet kompetenti biex l-awtoritajiet ikunu jistgħu jeżerċitaw il-kontrolli neċessarji biex jiżguraw l-applikazzjoni korretta tat-trattament. |
|
(5) |
L-użu tat-trattament tat-tneħħija tal-fluworidu għandu jkun indikat fuq it-tikketta tal-ilma ttrattat. |
|
(6) |
Il-miżuri stipulati f'dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali u lanqas il-Parlament Ewropew u lanqas il-Kunsill ma opponihom, |
ADOTTAT DAN IR-REGOLAMENT:
Artikolu 1
1. It-trattament tal-ilmijiet minerali naturali u l-ilmijiet tan-nixxigħat bl-alumina attivat biex jitneħħa l-fluworidu, minn hawn 'il quddiem “it-trattament tat-tneħħija tal-fluworidu”, għandu jkun permess.
L-ilmijiet minerali naturali u l-ilmijiet tan-nixxiegħa flimkien nirreferu għalihom minn hawn 'il quddiem bħala “ilma”.
2. It-trattament tat-tneħħija tal-fluworidu għandu jitwettaq skont il-ħtiġijiet tekniċi kif iffissat fl-Anness.
Artikolu 2
L-introduzzjoni tal-fdalijiet fl-ilma bħala riżultat tat-trattament tat-tneħħija tal-fluworidu għandha tkun baxxa kemm huwa teknikament vijabbli skont l-aħjar prattiċi u m'għandhiex tippreżenta riskju lis-saħħa pubblika. Biex ikun żgurat dan, l-operatur għandu jimplimenta u jissorvelja l-istadji kritiċi tal-proċess stabbiliti fl-Anness.
Artikolu 3
1. L-applikazzjoni ta' trattament tat-tneħħija tal-fluworidu għandha tkun notifikata lill-awtoritajiet kompetenti tliet xhur qabel l-użu.
2. Bin-notifika, l-operatur għandu jikkomunika lill-awtoritajiet kompetenti relevanti l-informazzjoni, id-dokumentazzjoni u r-riżultati analitiċi dwar it-trattament li juru li jikkonforma mal-Anness.
Artikolu 4
It-tikketta fuq l-ilma li kien suġġett għal trattament tat-tneħħija tal-fluworidu għandha tinkludi, qrib l-istqarrija tal-kompożizzjoni analitika, l-indikazzjoni “ilma li ġie suġġett għal teknika tal-assorbiment awtorizzat”.
Artikolu 5
Dan ir-Regolament għandu jidħol fis-seħħ fl-20 jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.
Il-prodotti li kienu introdotti fis-suq sal-10 ta’ Awissu 2010 u li ma jikkonformawx mal-Artikolu 4, jistgħu jitħallew fis-suq sal-10 ta’ Awissu 2011.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, id-9 ta’ Frar 2010.
Għall-Kummissjoni
Il-President
José Manuel BARROSO
(1) ĠU L 164, 26.6.2009, p. 45.
(2) ĠU L 126, 22.5.2003, p. 34.
(3) ĠU L 330, 5.12.1998, p. 32.
ANNESS
Ħtiġijiet tekniċi għall-użu tal-alumina attivata għat-tneħħija tal-fluworidu mill-ilmijiet minerali naturali u mill-ilmijiet tan-nixxigħat
L-istadji kritiċi tal-proċess li ġejjin għandhom ikunu implimentati u ssorveljati kif inhu xieraq:
|
1. |
Qabel ma tintuża l-alumina attivata għat-trattament tal-ilma, għandha tkun soġġetta għal proċedura ta' inizjazzjoni li tinkludi l-użu ta' kimiċi aċidużi jew alkalini biex jitneħħew kwalunkwe fdalijiet u tlaħliħa biex jitneħħa frak żgħir ħafna. |
|
2. |
Għandha tkun applikata proċedura ta' riġenerazzjoni f'intervalli ta' minn ġimgħa għal erba' ġimgħat skont il-kwalità tal-ilma u l-ammont ipproċessat. Din għandha tinkludi l-użu ta' kimiċi xierqa li jneħħu l-joni assorbiti sabiex tkun restawrata l-kapaċità ta' assorbiment tal-alumina attivata, u biex jitneħħew kwalunkwe biofilms possibbli li jkunu ffurmaw. Din il-proċedura għandha titwettaq fit-tliet stadji li ġejjin:
|
|
3. |
Il-kimiċi u r-reaġenti użati għall-proċeduri ta' inizjalizzazzjoni u r-riġenerazzjoni għandhom jikkonformaw mal-istandards Ewropej relevanti (1) jew l-istandards nazzjonali applikabbli għall-purità tar-reaġenti kimiċi użati fit-trattament tal-ilma intiż għall-konsum mill-bniedem. |
|
4. |
L-alumina attivata għandha tikkonforma mal-istandard Ewropew għat-testijiet tat-tlissija (EN 12902) (2) biex ikun żgurat li l-ebda fdal mhu introdott fl-ilma li jirriżulta f'konċentrazzjonijiet li jaqbżu il-limiti stabbiliti bid-Direttiva 2003/40/KE jew fl-assenza ta' limiti f'dik id-Direttiva, il-limiti stabbiliti bid-Direttiva 98/83/KE jew fil-leġiżlazzjoni nazzjonali applikabbli. L-ammont totali tal-joni tal-aluminju fl-ilma ttrattat bħala riżultat wara ir-rilaxx tal-aluminju, il-komponent ewlieni tal-alumina attivata, m'għandux jaqbeż il-200 microg/L, kif stabbilit fid-Direttiva tal-Kunsill 98/83/KE. L-ammont għandu jkun iċċekkjat regolarment skont id-Direttiva tal-Kunsill. |
|
5. |
L-istadji tal-proċess għandhom ikunu suġġetti għal prattiċi tajba ta' manifattura u l-prinċipji tal-HACCP stabbiliti bir-Regolament (KE) Nru 852/2004 tal-Parlament Ewropew u tal-Kunsill dwar l-iġjene tal-oġġetti tal-ikel (3). |
|
6. |
L-operatur għandu jistabbilixxi programm ta' sorveljanza sabiex ikun żgurat il-funzjonar proprju tal-istadji tal-proċess b'mod partikulari fir-rigward taż-żamma tal-karatteristiċi essenzjali tal-ilma u l-kontenut tal-fluworidu tiegħu. |
(1) Standards Ewropej żviluppati mill-Kumitat Ewropew għall-Istandardizzazzjoni (CEN).
(2) Standard Ewropew EN 12902 (2004) Prodotti użati għat-trattament tal-ilma intiż għall-konsum tal-bniedem. Materjal ta' appoġġ u inorganiku ta' filtraġġ.
All