(1)

Ir-Regolament tal-Kummissjoni (KE) Nru 1401/2002 (3) li jistabbilixxi regoli dettaljati għall-ftuħ u l-amministrazzjoni tal-kwoti tat-tariffa għar-ross, li joriġina fil-pajjiżi l-inqas żviluppati, għas-snin tas-suq 2002/2003 sa 2008/2009. Mid-dħul tiegħu fis-seħħ, ċerti Regolamenti orizzontali u settorjali, partikolarment ir-Regolament tal-Kummissjoni (KE) Nru 1291/2000 tad-9 ta’ Ġunju 2000 li jistabbilixxi regoli dettaljati komuni għall-applikazzjoni tas-sistema tal-liċenzji ta’ l-importazzjoni u ta’ l-esportazzjoni u ta’ ċertifikati ta’ ffissar bil-quddiem għal prodotti agrikoli (4), ir-Regolament tal-Kummissjoni (KE) Nru 1342/2003 tat-28 ta’ Lulju 2003 li jistabbilixxi regoli speċjali u dettaljati għall-applikazzjoni tas-sistema ta’ liċenzi ta’ l-importazzjoni u l-esportazzjoni ta’ ċereali u ross (5), u r-Regolament tal-Kummissjoni (KE) Nru 1301/2006 tal-31 ta’ Awwissu 2006 li jistabbilixxi regoli komuni għall-amministrazzjoni tal-kwoti tariffarji għall-importazzjoni tal-prodotti agrikoli amministrati minn sistema ta’ liċenzji għall-importazzjoni (6), ġew adottati u emendati u għandhom jitqiesu għall-finijiet ta’ din il-kwota.

(2)

Ir-Regolament (KE) Nru 1301/2006 jistipula b’mod partikolari regoli dettaljati dwar l-applikazzjonijiet għal-liċenzji ta’ l-importazzjoni, l-istatus ta’ l-applikant u l-ħruġ tal-liċenzji għall-importazzjoni. Dan ir-Regolament japplika mingħajr preġudizzju għall-kundizzjonijiet supplimentari jew derogi stabbiliti bir-regolamenti settorjali. Jeħtieġ għalhekk, għall-finijiet ta’ ċarezza, li jiġi adattat il-mod ta’ kif jiġu amministrati l-kwoti tariffarji Komunitarji dwar l-importazzjoni tar-ross li joriġina mill-pajjiżi l-anqas żviluppati, billi jiġi adottat regolament ġdid u jitħassar ir-Regolament (KE) Nru 1401/2002.

(3)

L-Artikolu 12(5) tar-Regolament (KE) Nru 980/2005 jistipula li, sakemm id-dazji tat-Tariffa Doganali Komuni jiġu sospiżi totalment fl-1 ta’ Settembru 2009, għandha tinfetaħ kwota tariffarja globali mingħajr dazju, għal kull sena tas-suq, għall-prodotti tal-kodiċi tan-NM 1006 , li joriġinaw minn pajjiż li, skond l-Anness I ta’ dak ir-Regolament, jibbenefikaw minn arranġamenti speċjali għal pajjiżi l-anqas żviluppati. Din il-kwota tariffarja hija kkalkolata abbażi ta’ kwantità ta’ 2 895 tunnellata għas-sena tas-suq 2002/2003, espressa f’ekwivalenti għal ross bla qoxra, għall-prodotti tal-kodiċi NM 1006 , b’żieda ta’ 15 % għal kull sena tas-suq ulterjuri. Jeħtieġ li l-kwantitajiet għas-snin li ġejjin jiġu kkalkolati fuq din il-bażi.

(4)

Biex it-tariffi jkunu amministrati tajjeb, jeħtieġ li l-operaturi jkunu awtorizzati jippeżentaw l-applikazzjonijiet matul l-ewwel sebat ijiem tas-sena tas-suq li jibdew jiddekorru mill-1 ta’ Settembru, u f’każ ta’ kwantitajiet residwi għandha tiġi prevista l-possibbiltà li jitressqu applikazzjonijiet ġodda matul l-ewwel sebat ijiem tax-xahar ta’ Frar. Għall-istess raġuni, jeħtieġ li dan ir-Regolament jiddefinixxi ir-regoli speċifiċi applikabbli għad-determinazzjoni ta’ l-applikazzjonijiet, il-ħruġ u l-validità tagħhom, il-komunikazzjoni ta’ l-informazzjoni lill-Kummissjoni, kif ukoll il-miżuri amministrattivi meħtieġa biex ikun garantit li l-volum stipulat tal-kwota tariffarja, ma jinqabiżx. Fi kwalunkwe każ, ir-Regolament (KE) Nru 1301/2006 jillimita l-perjodu ta’ validità tal-liċenzji għall-aħħar jum tal-perjodu tal-kwota tariffarja. Bl-istess mod u għall-finijiet ta’ kontroll ta’ din il-kwota, jeħtieġ li jiġi stipulat l-ammont tal-garanzija biex ikopri r-riskji involuti.

(5)

Id-dispożizzjonijiet li jikkonċernaw il-prova ta’ l-oriġini misjuba fl-Artikolu 67 sa 97 tar-Regolament tal-Kummissjoni (KEE) Nru 2454/93 tat-2 ta’ Lulju 1993, li jiffissa d-dispożizzjonijiet għall-implimentazzjoni tar-Regolament tal-Kunsill (KEE) Nru 2913/92 li jistabbilixxi il-Kodiċi Doganali Komunitarju (7), jiddefenixxu l-kunċett tal-prodotti li joriġinaw, applikabbli għall-preferenzi tariffarji ġeneralizzati. L-applikazzjoni tagħhom għandha tiġi stabbilita.

(6)

Jeħtieġ li dawn il-miżuri jiġu applikati mill-bidu tas-sena tas-suq segwenti, preċiżament mill-1 ta’ Settembru 2007.

(7)

Il-miżuri pprovduti f’dan ir-Regolament jikkonformaw ma’ l-opinjoni tal-Kumitat għall-Ġestjoni taċ-Ċereali,

(a)

sa mhux aktar tard mit-tieni jum ta’ xogħol wara l-aħħar jum għat-tressiq ta’ l-applikazzjonijiet għal-liċenzji, sas-18.00, ħin ta’ Brussell, l-informazzjoni dwar l-applikazzjonijiet għal-liċenzji ta’ l-importazzjoni, imsemmija fl-Artikolu 11(1)(a) tar-Regolament (KE) Nru 1301/2006, b’turija tal-kodiċi tan-NM bi tmien ċifri u tal-pajjiż ta’ l-oriġini għall-kwantitajiet totali (skond il-piż tal-prodott) li jkunu jikkonċernaw dawn l-applikazzjonijiet.

(b)

sa mhux aktar tard mit-tieni jum ta’ xogħol wara l-aħħar jum għat-tressiq ta’ l-applikazzjonijiet għal-liċenzji, sas-18.00, ħin ta’ Brussell, l-informazzjoni dwar l-applikazzjonijiet għal-liċenzji ta’ l-importazzjoni, imsemmija fl-Artikolu 11(1)(a) tar-Regolament (KE) Nru 1301/2006, b’turija tal-kodiċi tan-NM bi tmien ċifri u tal-pajjiż ta’ l-oriġini għall-kwantitajiet totali (skond il-piż tal-prodott) li għalihom ikunu nħarġu l-liċenzji għall-importazzjoni, kif ukoll il-kwantitajiet li fir-rigward tagħhom ikunu ġew irtirati l-applikazzjonijiet għall-liċenzji, skond l-Artikolu 2(5), it-tieni subparagrafu.

(ċ)

sa mhux aktar tard mill-aħħar jum ta’ kull xahar, il-kwantitajiet totali (skond il-piż tal-prodott) li effettivament tpoġġew f’ċirkolazzjoni libera b’applikazzjoni ta’ din il-kwota matul it-tieni xahar preċedenti, b’turija tal-kodiċi tan-NM bi tmien ċifri. Jekk ma tkun ġiet rilaxxata l-ebda kwantità għaċ-ċirkolazzjoni libera matul dawn ix-xhur, għandha tintbagħat notifika f’dan is-sens, bil-kelma “xejn”. Madankollu, din in-notifika ma tibqax meħtieġa fit-tielet xahar wara d-data ta’ l-iskadenza tal-liċenzji.