This document is an excerpt from the EUR-Lex website
Document 32006R1786
Commission Regulation (EC) No 1786/2006 of 4 December 2006 amending Annexes III B, IV, and VI to Council Regulation (EC) No 517/94 as regards textile quotas for 2007
Regolament tal-Kummissjoni (KE) Nru 1786/2006 ta' l- 4 ta' Diċembru 2006 li jemenda l-Annessi III B, IV, u VI tar-Regolament tal-Kunsill (KE) Nru 517/94 fir-rigward tal-kwoti tessili għall-2007
Regolament tal-Kummissjoni (KE) Nru 1786/2006 ta' l- 4 ta' Diċembru 2006 li jemenda l-Annessi III B, IV, u VI tar-Regolament tal-Kunsill (KE) Nru 517/94 fir-rigward tal-kwoti tessili għall-2007
ĠU L 337, 5.12.2006, p. 12–16
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV) Dan id-dokument ġie ppubblikat f’edizzjoni(jiet) speċjali
(BG, RO)
ĠU L 314M, 1.12.2007, p. 384–388
(MT)
No longer in force, Date of end of validity: 14/07/2015; Imħassar b' 32015R0936
Relation | Act | Comment | Subdivision concerned | From | To |
---|---|---|---|---|---|
Modifies | 31994R0517 | Sostituzzjoni | anness 6 | 01/01/2007 | |
Modifies | 31994R0517 | Sostituzzjoni | anness 3B. | 01/01/2007 | |
Modifies | 31994R0517 | Sostituzzjoni | anness 4 | 01/01/2007 |
Relation | Act | Comment | Subdivision concerned | From | To |
---|---|---|---|---|---|
Repealed by | 32015R0936 | 15/07/2015 |
1.12.2007 |
MT |
Il-Ġurnal Uffiċjali ta’ l-Unjoni Ewropea |
384 |
REGOLAMENT TAL-KUMMISSJONI (KE) Nru 1786/2006
ta' l-4 ta' Diċembru 2006
li jemenda l-Annessi III B, IV, u VI tar-Regolament tal-Kunsill (KE) Nru 517/94 fir-rigward tal-kwoti tessili għall-2007
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament tal-Kunsill (KE) Nru 517/94 tas-7 ta' Marzu 1994 dwar regoli komuni għall-importazzjoni ta' prodotti tessili minn għadd ta' pajjiżi terzi mhux koperti minn ftehim bilaterali, Protokoll jew arranġamenti oħra, jew minn regoli ta' l-importazzjoni speċifiċi tal-Komunità (1) u b'mod partikolari l-Artikolu 5(2) tiegħu,
Billi:
(1) |
Ir-Regolament (KE) Nru 517/94 tas-7 ta' Marzu 1994 jistabbilixxi l-limiti kwantitattivi annwali għal ċerti prodotti tessili li joriġinaw mill-Montenegro, il-Kosovo (2) u l-Korea ta' Fuq. |
(2) |
Mill-1 ta' Jannar 2007, l-Unjoni Ewropea se tinkludi żewġ Stati Membri ġodda, ir-Rumanija u l-Bulgarija. L-Artikolu 6(7) ta' l-Att ta' l-Adeżjoni jistipula li r-restrizzjonijiet kwantitattivi applikati mill-Komunità fuq l-importazzjonijiet ta' prodotti tessili u tal-ħwejjeġ għandhom jiġu aġġustati biex iqisu l-adeżjoni ta' l-Istati Membri l-ġodda tal-Komunità. Ir-restrizzjonijiet kwantitattivi applikabbli għall-importazzjonijiet ta' ċerti prodotti tessili minn pajjiżi terzi fil-Komunità wara t-tkabbir għandhom għaldaqstant jiġu aġġustati sabiex ikopru l-importazzjonijiet fiż-żewġ Stati Membri ġodda. Dan jeħtieġ li ċerti Annessi tar-Regolament (KE) Nru 517/94 jiġu emendati. |
(3) |
Sabiex it-tkabbir tal-Komunità ma jitħalliex ikollu effetti ristrettivi fuq il-kummerċ, huwa xieraq li, meta jiġu emendati l-kwantitajiet tintuża metodoloġija li tqis, għall-finijiet ta' aġġustament tal-livelli ta' kwota l-ġodda, l-importazzjonijiet tradizzjonali fl-Istati Membri l-ġodda. Formula magħmula mill-medja ta' l-importazzjonijiet ta' l-aħħar tliet snin fiż-żewġ Stati Membri l-ġodda li joriġinaw minn pajjiżi terzi tipprovdi kejl adegwat ta' dawn il-flussi storiċi. Minħabba l-fatt li l-Montenegro sar indipendenti fit-3 ta' Ġunju 2006, il-Kummissjoni m'għandha l-ebda ċifri separati tal-fluss kummerċjali bejn il-Montenegro u l-Kosovo minn naħa u l-Istati Membri l-ġodda min-naħa l-oħra. Għalhekk, il-livelli tal-kwoti l-ġodda ġew stabbiliti bl-użu ta' l-iżjed kriterji xierqa biex dan isir, jiġifieri l-proporzjon tal-popolazzjoni taż-żewġ Stati Membri l-ġodda. Ġiet miżjuda rata ta' tkabbir fiż-żewġ każijiet. |
(4) |
L-Annessi III B, IV u VI tar-Regolament (KE) Nru 517/94 għandhom għalhekk jiġu emendati sabiex jelenkaw il-livelli tal-kwoti applikabbli għas-sena 2007. Ir-regoli dettaljati li jiggvernaw l-allokazzjoni tal-kwoti ta' l-2007 huma dawk li jinsabu fir-Regolament tal-Kummissjoni (KE) Nru 1785/2006 (3) dwar il-ġestjoni tal-kwoti tessili stabbiliti skond ir-Regolament tal-Kunsill (KE) Nru 517/94 għas-sena 2007. |
(5) |
Id-dispożizzjonijiet kollha tar-Regolament (KE) Nru 517/94 għandhom japplikaw għall-importazzjonijiet fl-Istati Membri l-ġodda. Ir-Regolament (KE) Nru 517/94 għandu għalhekk jiġi emendat kif xieraq. |
(6) |
Il-miżuri previsti f'dan ir-Regolament huma konformi ma' l-opinjoni tal-Kumitat Tessili stabbilit mill-Artikolu 25 tar-Regolament (KE) Nru 517/94, |
ADOTTAT DAN IR-REGOLAMENT:
Artikolu 1
L-Annessi III B, IV u VI tar-Regolament (KE) Nru 517/94 qegħdin jinbidlu kif muri fl-Anness ta' dan ir-Regolament.
Artikolu 2
Dan ir-Regolament għandu jidħol fis-seħħ fl-1 ta' Jannar 2007.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, 4 ta' Diċembru 2006.
Għall-Kummissjoni
Peter MANDELSON
Membru tal-Kummissjoni
(1) ĠU L 67, 10.3.1994, p. 1. Ir-Regolament kif emendat l-aħħar mir-Regolament tal-Kummissjoni (KE) Nru 931/2005 (ĠU L 162, 23.6.2005, p. 37).
(2) Kif definit bir-Riżoluzzjoni 1244 tal-Kunsill tas-Sigurtà tan-Nazzjonijiet Uniti 1244 ta' l-10 ta' Ġunju 1999.
(3) Ara l-paġna 5 ta' dan il-Ġurnal Uffiċjali.
ANNESS
L-Annessi III B, IV u VI tar-Regolament (KE) Nru 517/94 qegħdin jiġu emendati kif ġej:
1. |
L-Anness III B qiegħed jinbidel b'li ġej: “ANNESS III B Il-limiti kwantitattivi Komunitarji annwali msemmija fir-raba' inċiż ta' l-Artikolu 2(1) Ir-Repubblika tal-Montenegro, il-Kosovo (1)
|
2. |
L-Anness IV qiegħed jinbidel b'li ġej: “ANNESS IV Limiti kwantitattivi Komunitarji annwali msemmija fl-Artikolu 3(1) Il-Korea ta' Fuq
|
3. |
L-Anness VI qiegħed jinbidel b'li ġej: “ANNESS VI TRAFFIKU TA' PPROĊESSAR 'IL BARRA Limiti Komunitarji annwali msemmija fl-Artikolu 4(2) Ir-Repubblika tal-Montenegro, il-Kosovo (2)
|
(1) Kif definit mir-Riżoluzzjoni 1244 tal-Kunsill tas-Sigurtà tan-Nazzjonijiet Uniti ta' l-10 ta' Ġunju 1999.”
(2) Kif definit mir-Riżoluzzjoni 1244 tal-Kunsill tas-Sigurtà tan-Nazzjonijiet Uniti ta' l-10 ta' Ġunju 1999.”