Uimhreacha CELEX

Earnáil

Baineann gach doiciméad in EUR-Lex le ceann amháin de 12 earnáil.

1. Conarthaí

2. Comhaontuithe idirnáisiúnta

3. Gníomhartha dlí

4. Reachtaíocht fhorlíontach

5. Doiciméid ullmhúcháin

6. Cásdlí an Aontais

7. Trasuí náisiúnta

8. Tagairtí do chásdlí náisiúnta a bhaineann le dlí an Aontais

9. Ceisteanna parlaiminteacha

0. Téacsanna comhdhlúite

C. Doiciméid eile a foilsíodh i sraith C den Iris Oifigiúil

E. Doiciméid CSTE

Bliain

Is iondúil go léiríonn an bhliain an uair a glacadh an doiciméad.

Cineál an doiciméid

Tá tuairisceoir ann do gach cineál doiciméid. Bíonn 1 nó 2 litir sa tuairisceoir sin.

Seo a leanas roinnt tuairisceoirí coitianta:

Earnáil 3 – Gníomhartha dlí

L do Threoracha

R do Rialacháin

D do Chinntí

Earnáil 5 – Doiciméid ullmhúcháin

PC do Thograí reachtacha ón gCoimisiún (doiciméid COM), etc.

DC do dhoiciméid COM eile (páipéir bhána agus uaine, teachtaireachtaí, tuarascálacha, etc.)

SC do dhoiciméid SWD (doiciméid inmheánacha oibre, measúnuithe tionchair, etc.)

JC do dhoiciméid JOIN (doiciméid a ghlac an Coimisiún agus an tArdionadaí go comhpháirteach)

Earnáil 6 – Cásdlí an Aontais

CJ do Bhreithiúnais ón gCúirt Bhreithiúnais

CC do Thuairimí ón Abhcóide Ginearálta

CO d'Orduithe ón gCúirt Bhreithiúnais

Uimhir an doiciméid

4 dhigit is críoch d'fhormhór na n-uimhreacha CELEX. Cuireann na digití sin cineálacha éagsúla faisnéise in iúl, mar shampla:

• Uimhir oifigiúil - e.g. 32017R2394: uimhir sheicheamhach a thugtar don doiciméad tráth a fhoilsithe san Iris Oifigiúil. Is í Oifig na bhFoilseachán a shannann í.
• Uimhir inmheánach - e.g. 52018PC0033: is é údar an doiciméid a shannann an uimhir seo, an Coimisiún (PC) sa chás áirithe seo.
• Dáta an fhoilsithe - e.g. 32012A0424(01): mí agus lá an fhoilsithe san Iris Oifigiúil. Bíonn uimhir sheicheamhach idir lúibíní ar a lorg, ar an ábhar go bhféadfadh sé gur foilsíodh uimhreacha CELEX cosúil léi an lá céanna.

Samplaí de réir earnála

• Conarthaí (earnáil 1)

  Bíonn 3 dhigit nó cód litreacha ar lorg an tuairisceora. Is uimhir airteagail sa Chonradh a chuireann siad in iúl.

  Mar shampla: Is é 11957E086 an uimhir d'Airteagal 86 de Chonradh CEE (1957).

  Maidir le leaganacha comhdhlúite de na Conarthaí, is de réir bhliain a gcomhdhlúthaithe a léirítear iad.

  Mar shampla: An Conradh ar Fheidhmiú an Aontais Eorpaigh:

  12016E – an clár ábhar, leagan comhdhlúite 2016

  12016E/TXT – leagan comhdhlúite 2016

  12016E003 – Airteagal 3, leagan comhdhlúite 2016.

• Comhaontuithe idirnáisiúnta (earnáil 2)

  Is le dáta an fhoilsithe a aithnítear comhaontuithe idirnáisiúnta.

  Mar shampla: Is ar an 30 Nollaig 2006 a foilsíodh comhaontú idirnáisiúnta 22006A1230(03) san Iris Oifigiúil.

  Má fhoilsítear roinnt comhaontuithe an lá céanna, ní athraítear ach an uimhir idir lúibíní: e.g. 22006A1230 (01).

• Cásdlí (earnáil 6)

  An bhliain a luaitear, sin an bhliain a iontráladh an cás i gclár na Cúirte.

  Is ar an gcás-uimhir arna heisiúint ag an gCúirt Bhreithiúnais a bhunaítear uimhir an doiciméid.

  Mar shampla: Baineann 6 2004 TJ0 201 leis an mbreithiúnas sa 201ú cás a iontráladh sa chlár in 2004. Is é T-201/04 an chás-uimhir.

• Bearta náisiúnta trasuite (earnáil 7)

  Is ionann na chéad 10 gcarachtar agus na cinn atá in uimhir CELEX an ghnímh thrasuite, seachas an chéad charachtar, a léiríonn an earnáil CELEX: 3 (‘Gníomhartha dlí’) agus cuirtear 7 (‘Trasuí náisiúnta’) ina ionad. Na 9 gcarachtar ina dhiaidh sin, léiríonn siad bliain, cineál agus uimhir uathúil an ghnímh thrasuite.

  Tar éis na chéad 10 gcarachtar, léiríonn an cód tíre 3 litir an Ballstát arb é údar an bhirt náisiúnta trasuite é.

  Ag deireadh na huimhreach CELEX, is é atá san uimhir a leanann an fhostríoc an t-aitheantóir uathúil ó bhunachar sonraí Ardrúnaíocht an Choimisiúin. Tá 2 chineál den aitheantóir sin ann, agus baineann réimír bliana leis an gcineál is úire.

  Samplaí:

  72018L2002POL_285543

  72013L0032AUT_202103576

  Aitheantóirí a bhfuil réiltín leo, ní úsáidtear iad ach amháin chun críocha taispeána, nuair a chuirtear níos mó ná gníomh dlíthiúil amháin chun feidhme leis an aon bheart trasuite uathúil amháin. Ní fíoruimhreacha CELEX iad. Cuirtear an réiltín in ionad na coda den aitheantóra a fuarthas ó na gníomhartha trasuite.

  Mar shampla: Taispeántar 7*EST_202103476 le haghaidh beart lenar trasuíodh 2 threoir.

  Tá 2 uimhir CELEX éagsúla luaite leis an mbeart sin: 72013L0034EST_202103476 agus 72014L0095EST_202103476

• Ceartúcháin

  Is ionann uimhir na gceartúchán agus uimhir an doiciméid atá á cheartú leo, ach amháin go gcuirtear R(xx) le deireadh na huimhreach (is d’uimhir an cheartúcháin a sheasann xx).

  Mar shampla: Is é 32009L0164R(01) an chéad cheartúchán ar Threoir 32009L0164.

  D’fhéadfadh leagan teanga amháin nó níos mó den doiciméad, nó na leaganacha teanga ar fad de, a bheith i gceist le ceartúchán.

• Téacsanna comhdhlúite (earnáil 0)

  Is ionann uimhir na dtéacsanna comhdhlúite agus uimhir an bhunghnímh, ach amháin gurb é ‘0’ uimhir na hearnála.

  Ar a lorg cuirtear dáta chur chun feidhme an leasaithe is déanaí a rinneadh ar an ngníomh.

  Mar shampla: 02009L0156-20161018

  Tuilleadh eolais faoi théacsanna comhdhlúite

Tuilleadh cabhrach uait?

Conas a chuirtear uimhreacha CELEX le chéile (ar fáil i mBéarla amháin)