Is sliocht ón suíomh gréasáin EUR-Lex atá sa doiciméad seo
Gnéithe turgnamhacha
Cuireann EUR-Lex ar do chumas duit triail a bhaint as gnéithe nua agus aiseolas a thabhairt sula ndéanfar gnéithe caighdeánacha díobh d’úsáideoirí uile EUR-Lex.
Chun ceann de na gnéithe seo a ghníomhachtú:
- cuir tic sa bhosca bán in aice leis an gcnaipe ‘gnéithe turgnamhacha’ ag barr an leathanaigh
- cliceáil ar an gcnaipe ‘gnéithe turgnamhacha’
- roghnaigh na gnéithe is mian leat a chumasú
- cliceáil ar ‘Gníomhachtaigh na gnéithe roghnaithe’.
Léiríonn deilbhín ar leith go bhfuil gné thurgnamhach gníomhach ar do leathanach. Má chuireann tú an cúrsóir os cionn an deilbhín sin, is féidir leat cur síos gairid a léamh faoin ngné.
Faigh tuilleadh eolais thíos faoi na gnéithe turgnamhacha atá ar fáil faoi láthair.
Is éard is nascadh domhain ann gné trínar féidir naisc a thaispeáint chuig gníomhartha dlí eile dá dtagraítear i ndoiciméid EUR-Lex.
Le linn na chéad chéime, ní féidir naisc a chumasú ach i gcáipéisí nach mó ná 900 KB iad.
Is le haghaidh gníomhartha dlí amháin atá an ghné sin le fáil faoi láthair.
Is féidir leat na caidrimh ar fad a fheiceáil idir an gníomh agus na doiciméid a bhaineann leis ar an toirt.
Ar an leathanach Faisnéis faoin doiciméad, cliceáil ar Léirigh an graf caidrimh. Léirítear an gníomh tríd an nód lárnach, agus léirítear na doiciméid a bhaineann leis tríd na nóid atá thart timpeall air. Doiciméid den sórt céanna (leasuithe, gníomhartha tarmligthe, leaganacha comhdhlúite…), léirítear iad trí nóid atá ar aon dath.
Nóid a bhfuil an t-íocón ‘+’ leo, léiríonn siad sin go bhfuil breis fochatagóirí doiciméad ar fáil.
Nóid a bhfuil an t-íocón ‘comhad’ leo, léiríonn siad sin na doiciméid. Cliceáil orthu chun dul chuig leathanaigh na ndoiciméad lena mbaineann. Nuair a chuireann tú an cúrsóir os cionn na nód sin, tagann uimhreacha CELEX na ndoiciméad aníos. Más nós imeachta a léirítear tríd an nód, taispeántar íocón sonrach.
Is féidir catagóirí éagsúla doiciméad a thaispeáint tríd an tábla scagtha.
Is le haghaidh na nasc chuig conarthaí agus cásdlí amháin atá an ghné sin le fáil faoi láthair, agus is i mBéarla atá sé le fáil ar an gcéad dul síos.
De ghnáth is uimhreacha inchliceáilte CELEX atá sna naisc chuig doiciméid. Chun go mbeidh níos mó céille leis na naisc sin, táimid ag cur gnáth-théacs ina n-ionad de réir a chéile.
Mar shampla: Léireofar nasc chuig an gConradh ar Fheidhmiú an Aontais Eorpaigh mar CFAE (2016) seachas mar 12016E043.