Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 62015TN0555

Kawża T-555/15: Rikors ippreżentat fil-25 ta’ Settembru 2015 – L-Ungerija vs Il-Kummissjoni

ĠU C 398, 30.11.2015, p. 63–64 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

30.11.2015   

MT

Il-Ġurnal Uffiċjali tal-Unjoni Ewropea

C 398/63

Rikors ippreżentat fil-25 ta’ Settembru 2015 – L-Ungerija vs Il-Kummissjoni

(Kawża T-555/15)

(2015/C 398/77)

Lingwa tal-kawża: l-Ungeriż

Partijiet

Rikorrenti: L-Ungerija (rappreżentanti: M.Z. Fehér u G. Koós)

Konvenuta: Il-Kummissjoni Ewropea

Talbiet

—

tannulla parzjalment id-Deċiżjoni tal-Kummissjoni C(2015) 4808 tal-15 ta’ Lulju 2015 dwar il-modifika fl-2014 tat-taxxa ta’ spezzjoni tal-katina alimentari, sa fejn l-imsemmija deċiżjoni teżiġi s-sospensjoni tal-applikazzjoni tar-rati progressivi tat-taxxa ta’ spezzjoni tal-katina alimentari fl-Ungerija;

—

tikkundanna lill-Kummissjoni għall-ispejjeż.

Motivi u argumenti prinċipali

Insostenn tar-rikors tagħha, ir-rikorrenti tinvoka l-motivi segwenti.

1.

L-ewwel motiv ibbażat fuq abbuż tas-setgħa diskrezzjonali, żball manifest ta’ evalwazzjoni u ksur tal-prinċipju ta’ proporzjonalità.

—

Fl-ewwel lok, ir-rikorrenti ssostni li, meta ordnat is-sospensjoni, il-Kummissjoni wettqet żball manifest ta’ evalwazzjoni, u li b’hekk, marret lil hinn mil-limiti tas-setgħa diskrezzjonali tagħha u kisret fl-istess waqt il-prinċipju ta’ proporzjonalità.

2.

It-tieni motiv ibbażat fuq in-nuqqas ta’ osservanza tal-projbizzjoni ta’ kull diskriminazzjoni u l-ksur tal-prinċipju ta’ ugwaljanza fit-trattament

—

Ir-rikorrenti ssostni fit-tieni lok li l-prassi tal-Kummissjoni fil-qasam ta’ sospensjoni għandha tiġi kkunsidrata bħala inkoerenti u li minnha jirriżulta nuqqas ta’ osservanza tal-projbizzjoni ta’ kull diskriminazzjoni u ksur tal-prinċipju ta’ ugwaljanza fit-trattament.

3.

It-tielet motiv ibbażat fuq il-ksur tal-obbligu ta’ motivazzjoni u tal-prinċipju ta’ amministrazzjoni tajba kif ukoll tad-drittijiet tad-difiża

—

Ir-rikorrenti ssostni b’mod partikolari fit-tielet lok il-pożizzjoni tagħha li l-Kummissjoni, billi ordnat is-sospensjoni, ma osservatx l-obbligu tagħha ta’ motivazzjoni.

4.

Ir-raba’ motiv ibbażat fuq l-obbligu ta’ kooperazzjoni leali u tad-dritt għal rimedju effettiv

—

Ir-rikorrenti ssostni f’dan ir-rigward li l-ordni ta’ sospensjoni tal-Kummissjoni tikser il-garanziji legali fundamentali bħall-obbligu ta’ kooperazzjoni leali u d-dritt għal rimedju effettiv.
Top