This document is an excerpt from the EUR-Lex website
Document 62021TN0647
Case T-647/21: Action brought on 1 October 2021 — Sberbank Europe v ECB
Kawża T-647/21: Rikors ippreżentat fl-1 ta’ Ottubru 2021 – Sberbank Europe vs BĊE
Kawża T-647/21: Rikors ippreżentat fl-1 ta’ Ottubru 2021 – Sberbank Europe vs BĊE
ĠU C 481, 29.11.2021, p. 40–41
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
|
29.11.2021 |
MT |
Il-Ġurnal Uffiċjali tal-Unjoni Ewropea |
C 481/40 |
Rikors ippreżentat fl-1 ta’ Ottubru 2021 – Sberbank Europe vs BĊE
(Kawża T-647/21)
(2021/C 481/55)
Lingwa tal-kawża: l-Ingliż
Partijiet
Rikorrent: Sberbank Europe AG (Vjenna, l-Awstrija) (rappreżentant: M. Fellner, avukat)
Konvenut: Il-Bank Ċentrali Ewropew
Talbiet
Ir-rikorrenti titlob li l-Qorti Ġenerali jogħġobha:
|
— |
tannulla d-deċiżjoni tal-konvenut tat-2 ta’ Awwissu 2021 (1) u |
|
— |
tikkundanna lill-konvenut għall-ispejjeż. |
Motivi u argumenti prinċipali
Insostenn tar-rikors tagħha, ir-rikorrenti tinvoka tnax-il motiv.
|
1. |
L-ewwel motiv ibbażat fuq li l-konvenut kiser il-projbizzjoni tal-piena doppja stabbilita fl-Artikolu 50 tal-Karta tad-Drittijiet Fundamentali tal-Unjoni Ewropea (iktar ’il quddiem il-“Karta”) u fl-Artikolu 4 tal-Konvenzjoni Ewropea tad-Drittijiet tal-Bniedem (iktar ’il quddiem il-“KEDB”). |
|
2. |
It-tieni motiv ibbażat fuq li l-konvenut kiser l-Artikolu 49 tal-Karta u l-Artikolu 7 tal-KEDB billi impona piena li teċċedi l-limiti tal-ammonti stabbiliti fl-Artikolu 18(1) tar-Regolament (UE) Nru 1024/2013 (2). |
|
3. |
It-tielet motiv ibbażat fuq li l-konvenut kiser l-Artikolu 17 tal-Karta u l-Artikolu 1 tal-Ewwel Protokoll Addizzjonali tal-KEDB. |
|
4. |
Ir-raba’ motiv ibbażat fuq li l-konvenut kiser il-prinċipju ta’ bona fide, peress li mar kontra l-metodu għall-istabbiliment ta’ sanzjonijiet amministrattivi pekunjarji skont l-Artikoli 18(1) u (7) tar-Regolament (UE) Nru 1024/2013. |
|
5. |
Il-ħames motiv ibbażat fuq li l-konvenut kiser l-Artikolu 6 tal-KEDB. |
|
6. |
Is-sitt motiv ibbażat fuq li l-konvenut kiser l-ammont ta’ limiti għas-sanzjonijiet skont l-Artikolu 18(1) tar-Regolament (UE) Nru 1024/2013. |
|
7. |
Is-seba’ motiv ibbażat fuq li l-Artikolu 97 tal-Liġi Bankarja Awstrijaka (iktar ’il quddiem il-“BWG”) ma huwiex applikabbli jekk ma jinkiseb ebda vantaġġ jew ma jiġix evitat telf billi jinqabeż il-limitu ta’ riskju kbir. |
|
8. |
It-tmien motiv ibbażat fuq li l-abbiltà tal-konvenut li jimponi interessi ta’ rkupru fuq ir-rikorrenti hija preskritta skont l-Artikolu 97 tal-BWG b’konnessjoni mal-Artikolu 395 tar-Regolament (UE) Nru 575/2013. |
|
9. |
Id-disa’ motiv ibbażat fuq li l-konvenut applika b’mod żbaljat l-Artikolu 97(1) tal-BWG u l-Artikolu 395(1) tar-Regolament (UE) Nru 575/2013. |
|
10. |
L-għaxar motiv ibbażat fuq li r-rikorrent ma kellu ebda intenzjoni li jaqbeż il-limitu ta’ riskju kbir skont l-Artikolu 395 tar-Regolament (UE) Nru 575/2013 (3). |
|
11. |
Il-ħdax-il motiv ibbażat fuq li r-rikorrent ma kiseb ebda vantaġġ jew ma evita ebda telf li kellu jiġi assorbit billi jinqabżu l-limiti ta’ espożizzjoni wiesgħa fil-perijodu kkontestat. |
|
12. |
It-tnax-il motiv ibbażat fuq li l-konvenut uża b’mod indovut id-diskrezzjoni tiegħu billi ma kkonċediex lir-rikorrenti l-eċċezzjoni taħt l-Artikolu 396(1) tar-Regolament (UE) Nru 575/2013. |
(1) Nru ECB-SSM-2021-ATSBE-7 – ESA-2020-00000051
(2) Regolament tal-Kunsill (UE) Nru 1024/2013 tal-15 ta’ Ottubru 2013 li jikkonferixxi kompiti speċifiċi lill-Bank Ċentrali Ewropew fir-rigward ta’ politiki relatati mas-superviżjoni prudenzjali ta’ istituzzjonijiet ta’ kreditu (ĠU 2013 L 287, p. 63).
(3) Regolament (UE) 575/2013 tal-Parlament Ewropew u tal-Kunsill tas-26 ta’ Ġunju 2013 dwar ir-rekwiżiti prudenzjali għall-istituzzjonijiet ta’ kreditu u d-ditti tal-investiment u li jemenda r-Regolament (UE) Nru 648/2012 (ĠU 2013 L 176, p. 1).