EUR-Lex Access to European Union law
This document is an excerpt from the EUR-Lex website
Document 62019TN0319
Case T-319/19: Action brought on 24 May 2019 — Gollnisch v Parliament
Kawża T-319/19: Rikors ippreżentat fl-24 ta’ Mejju 2019 — Gollnisch vs Il-Parlament
Kawża T-319/19: Rikors ippreżentat fl-24 ta’ Mejju 2019 — Gollnisch vs Il-Parlament
ĠU C 255, 29.7.2019, p. 45–45
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
29.7.2019 |
MT |
Il-Ġurnal Uffiċjali tal-Unjoni Ewropea |
C 255/45 |
Rikors ippreżentat fl-24 ta’ Mejju 2019 — Gollnisch vs Il-Parlament
(Kawża T-319/19)
(2019/C 255/58)
Lingwa tal-kawża: il-Franċiż
Partijiet
Rikorrent: Bruno Gollnisch (Villiers-le-Mahieu, Franza) (rappreżentant: B. Bonnefoy-Claudet, avukat)
Konvenut: Il-Parlament Ewropew
Talbiet
Ir-rikorrent jitlob li l-Qorti Ġenerali jogħġobha:
— |
tannulla d-deċiżjoni tal-Bureau tal-Parlament Ewropew tal-10 ta’ Diċembru 2018, flimkien mad-deċiżjoni tas-26 ta’ Marzu 2019 tal-President tal-Parlament Ewropew li tiċħad l-appell intern ippreżentat quddiemu kontra din id-deċiżjoni; |
— |
tiddikjara invalidi l-atti, l-emendi, in-notifiki, id-deċiżjonijiet u l-imposti kollha adottati b’konsegwenza ta’ din id-deċiżjoni; |
— |
tagħti lir-rikorrent is-somma ta’ EUR 6 500 fir-rigward tal-ispejjeż sostnuti għall-preparazzjoni ta’ dan ir-rikors; |
— |
tikkundanna lill-Parlament Ewropew għall-ispejjeż kollha. |
Motivi u argumenti prinċipali
Insostenn tar-rikors tiegħu, ir-rikorrent jinvoka sitt motivi.
1. |
L-ewwel motiv ibbażat fuq ksur tal-Artikolu 27 tal-Istatut tal-Membri. Din id-dispożizzjoni timpedixxi lill-Bureau jippreġudika d-drittijiet miksuba jew fil-proċess li jinkisbu mill-parlamentari. |
2. |
It-tieni motiv ibbażat fuq ksur tal-Artikolu 76(3) tal-Miżuri ta’ Implimentazzjoni tal-Istatut tal-Membri. Skont ir-rikorrent, l-Artikolu 27 iċċitat iktar ’il fuq tal-Istatut tal-Membri għandu l-effett li jiggarantixxi d-dispożizzjonijiet kollha tal-Miżuri ta’ Implimentazzjoni tal-Istatut tal-Membri relatati mal-fond ta’ pensjoni, filwaqt li jimpedixxi kull bidla fir-rigward tal-formulazzjoni tagħhom. |
3. |
It-tielet motiv ibbażat fuq ksur tal-Artikolu 223(2) TUE u fuq in-nuqqas ta’ kompetenza tal-Bureau, inkwantu l-Bureau stabbilixxa taxxa fuq il-ħlas tal-pensjonijiet tal-ex membri li huwa ma kellux id-dritt jistabbilixxi, peress li kull deċiżjoni fil-qasam tat-tassazzjoni tal-parlamentari taqa’ taħt il-kompetenza tal-Kunsill. |
4. |
Ir-raba’ motiv ibbażat fuq ksur tal-prinċipji ta’ ċertezza legali u ta’ aspettattivi leġittimi. L-att ikkontestat ittieħed bi ksur ta’ impenji u ta’ testi li jikkostitwixxu assigurazzjonijiet u garanziji affidabbli li mhux ser isiru iktar bidliet għall-iskema tal-fond ta’ pensjoni volontarja. |
5. |
Il-ħames motiv ibbażat fuq ksur tal-prinċipju ta’ proporzjonalità. Il-Parlament, l-uniku responsabbli għas-sitwazzjoni finanzjarja maħluqa, adotta miżuri insuffiċjenti u inġusti taħt l-iskuża li jsolviha. |
6. |
Is-sitt motiv ibbażat fuq ksur tal-prinċipju ta’ ugwaljanza. Id-deċiżjoni kkontestata toħloq inugwaljanza fit-trattament bejn il-membri li jħallsu kontribuzzjonijiet u l-membri li ma jħallsux kontribuzzjonijiet, kif ukoll bejn il-membri diġà rtirati u dawk li ma humiex. |