EUR-Lex Access to European Union law
This document is an excerpt from the EUR-Lex website
Document 42000A0922(10)
The Schengen acquis - Agreement on the Accession of the Kingdom of Sweden to the Convention implementing the Schengen Agreement of 14 June 1985 on the gradual abolition of checks at the common borders signed at Schengen on 19 June 1990
Ftehim dwar l-adeżjoni tar-Renju ta' l-Isvezja għall-Konvenzjoni li timplimenta l-Ftehim ta' Schengen ta' l-14 ta' Ġunju, 1985 dwar it-abolizzjoni gradwali ta' kontrolli fuq il-fruntieri komuni ffirmat f'Schengen fid-19 ta' Ġunju 1990
Ftehim dwar l-adeżjoni tar-Renju ta' l-Isvezja għall-Konvenzjoni li timplimenta l-Ftehim ta' Schengen ta' l-14 ta' Ġunju, 1985 dwar it-abolizzjoni gradwali ta' kontrolli fuq il-fruntieri komuni ffirmat f'Schengen fid-19 ta' Ġunju 1990
ĠU L 239, 22.9.2000, p. 115–123
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO, HR)
In force
ELI: http://data.europa.eu/eli/agree_internation/2000/922(9)/oj
Official Journal L 239 , 22/09/2000 P. 0115 - 0123
Ftehim dwar l-adeżjoni tar-Renju ta' l-Isvezja għall-Konvenzjoni li timplimenta l-Ftehim ta' Schengen ta' l-14 ta' Ġunju, 1985 dwar it-abolizzjoni gradwali ta' kontrolli fuq il-fruntieri komuni ffirmat f'Schengen fid-19 ta' Ġunju 1990 IR-RENJU TAL-BELĠJU, R-REPUBBLIKA FEDERALI TAL-ĠERMANJA, R-REPUBBLIKA FRANĊIŻA, L-GRAN DUKAT TAL-LUSSEMBURGU U R-RENJU TA' L-OLANDA, Partijiet tal-Konvenzjoni li timplimenta l-Ftehim ta' Schengen ta' l-14 ta' Ġunju, 1985 bejn il-Gvernijiet ta' l-Istati ta' l-Unjoni Ekonomika ta' Benelux, tar-Repubblika Federali tal-Ġermanja u tar-Repubblika Franċiża dwar il-abolizzjoni gradwali ta' kontrolli fuq il-fruntieri komuni tagħhom iffirmat fi Schengen fid-19 ta' Ġunju, 1990, hawnhekk iżjed 'il quddiem magħrufa bħala "l-Konvenzjoni ta' l-1990", kif ukoll ir-Repubblika Taljana, r-Renju ta' Spanja u r-Repubblika Portugiża, r-Repubblika Griega, u r-Repubblika ta' l-Awstrija, li qablu mal-Konvenzjoni ta' l-1990 bil-Ftehim iffirmati nhar is-27 ta' Novembru, 1990, il-25 ta' Ġunju, 1991, is-6 ta' Novembru, 1992 u t-28 ta' April, 1995 rispettivament, min-naħa l-waħda, u r-RENJU TA' L-ISVEZJA, min-naħa l-oħra, Wara li kkunsidraw il-firma mogħtija fil-Lussemburgu fid-dsatax-il jum ta' Diċembru tas-sena elf disa' mija u sitta u disgħin tal-Protokoll dwar l-Adeżjoni tal-Gvern tar-Renju ta' l-Isvezja għall-Ftehim ta' Schengen ta' l-14 ta' Ġunju 1985, bejn il-Gvernijiet ta' l-Istati ta' l-Unjoni Ekonomika ta' Benelux, tar-Repubblika Federali tal-Ġermanja u tar-Repubblika Franċiża fuq il-abolizzjoni gradwali ta' kontrolli fuq il-fruntieri komuni tagħhom, kif emendat bil-Protokolli dwar l-Adeżjoni tal-Gvernijiet tar-Repubblika Taljana, tar-Renju ta' Spanja u tar-Repubblika Portugiża, tar-Repubblika Griega, u tar-Repubblika ta' l-Awstrija, iffirmati fis-27 ta' Novembru, 1990, fil-25 ta' Ġunju, 1991, fis-6 ta' Novembru, 1992 u fit-28 ta' April, 1995 rispettivament, Fuq il-bażi ta' l-Artikolu 140 tal-Konvenzjoni ta' l-1990, FTEHMU KIF ĠEJ: Artikolu 1 Ir-Renju ta' l-Isvezja hawnhekk jaqbel mal-Konvenzjoni ta' l-1990. Artikolu 2 1. Fid-data meta ġie ffirmat dan il-Ftehim, l-uffiċjali msemmija fl-Artikolu 40(4) tal-Konvenzjoni ta' l-1990 rigward ir-Renju ta' l-Isvezja għandhom ikunu: (a) Polismän som är anställda av svenska polismyndigheter (uffiċjali tal-pulizija ta' l-awtoritajiet tal-pulizija ta' l-Isvezja); (b) Tulltjänstemän, som är anställda av svensk tullmyndighet i de fall de har polisiara befogenheter, dvs framst i samband med smugglingsbrott och andra brott i samband med inresa och utresa till och fran riket (uffiċjali tad-dwana ta' l-awtoritajiet tad-Dwana Svediża, waqt li jaqdu d-dmirijiet ta' pulizija, prinċipalment li jittrattaw ma' offiżi relatati mal-kontrabandu u offiżi oħra marbuta mad-dħul fil-pajjiż u mal-ħruġ mill-pajjiż); (ċ) Tjänstemän anställda vid den svenska Kustbevakningen i samband med övervakning till sjöss (uffiċjali tal-Gwardja tal-Kosta Svediża risponsabbli mis-sorveljanza marittima). 2. Fid-data meta ġie ffirmat dan il-Ftehim, l-awtorità msemmija fl-Artikolu 40(5) tal-Konvenzjoni ta' l-1990 rigward ir-Renju ta' l-Isvezja għandha tkun ir-Rikspolisstyrelsen (il-Bord tal-Pulizija Nazzjonali Svediża). Artikolu 3 Fl-istess data meta ġie ffirmat dan il-Ftehim, l-uffiċjali msemmija fl-Artikolu 41(7) tal-Konvenzjoni ta' l-1990, rigward ir-Renju ta' l-Isvezja għandhom ikunu: (1) Polismän som är anställda av svenska polismyndigheter (uffiċjali tal-pulizija ta' l-awtoritajiet tal-pulizija Svediża); (2) Tulltjänstemän, som är anställda av svensk tullmyndighet i de fall de har polisiara befogenheter, dvs framst i samband med smugglingsbrott och andra brott i samband med inresa och utresa till och fran riket (uffiċjali tad-dwana ta' l-awtoritajiet tad-dwana Svediża, waqt li jkunu qed jaqdu d-dmirijiet ta' pulizija, prinċipalment biex jittrattaw offiżi relatati mal-kuntrabandu u offiżi oħra marbuta mad-dħul fil-pajjiż u mal-ħruġ mill-pajjiż). Artikolu 4 Fid-data li fiha ġie ffirmat dan il-Ftehim, il-Ministeru kompetenti msemmi fl-Artikolu 65(2) tal-Konvenzjoni ta' l-1990 rigward ir-Renju ta' l-Isvezja għandu jkun l-Utrikesdepartementet (il-Ministeru ta' l-Affarijiet Barranin). Artikolu 5 Id-dispożizzjonijiet ta' dan il-Ftehim m'għandhomx jippreġudikaw il-koperazzjoni fil-qafas ta' l-Unjoni tal-Passaporti Nordika, sakemm tali koperazzjoni ma tmurx kontra, jew tfixkel, l-applikazzjoni ta' dan il-Ftehim. Artikolu 6 1. Dan il-Ftehim għandu jkun bla ħsara għar-ratifikazzjoni, aċċettazzjoni jew approvazzjoni. L-istrumenti ta' ratifikazzjoni, aċċettazzjoni jew approvazzjoni għandhom ikunu depożitati mal-Gvern tal-Gran Dukat tal-Lussemburgu, li għandu jgħarraf bih lill-Partijiet Kontraenti kollha. 2. Dan il-Ftehim għandu jidħol fis-seħħ fl-ewwel jum tat-tieni xahar wara d-depożitu ta' l-istrumenti ta' ratifikazzjoni, aċċettazzjoni jew approvazzjoni mill-Istati li għalihom il-Konvenzjoni ta' l-1990 tkun daħlet fis-seħħ u mir-Renju ta' l-Isvezja. Rigward l-Istati l-oħra, dan il-Ftehim għandu jidħol fis-seħħ fl-ewwel jum tat-tieni xahar wara d-depożitu ta' l-istrumenti tagħhom ta' ratifikazzjoni, aċċettazzjoni jew approvazzjoni, kemm-il darba dan il-Ftehim ikun daħal fis-seħħ skond id-dispożizzjonijiet tas-subparagrafu preċedenti. 3. Il-Gvern tal-Gran Dukat tal-Lussemburgu għandu jgħarraf lil kull wieħed mill-Partijiet Kontraenti bid-data tad-dħul fis-seħħ. Artikolu 7 1. Il-Gvern tal-Gran Dukat tal-Lussemburgu għandu jibgħat lill-Gvern tar-Renju ta' l-Isvezja kopja ċċertifikata tal-Konvenzjoni ta' l-1990 fl-ilsna Olandiż, Franċiż, Ġermaniż, Grieg, Taljan, Portugiż u Spanjol. 2. It-test tal-Kovenzjoni ta' l-1990 magħmul fl-ilsien Svediż huwa mehmuż ma' dan il-Ftehim u għandu jkun awtentiku skond l-istess kondizzjonijiet bħat-testi tal-Konvenzjoni ta' l-1990 magħmula fl-Olandiż, Franċiż, Ġermaniż, Grieg, Taljan, Portugiż u Spanjol. B'xhieda ta' dan, ‘l hawn taħt iffirmati, debitament awtorizzati għal dan l-effett, iffirmaw dan it-Trattat. Magħmul fil-Lussemburgu d-dsatax-il jum ta' Diċembru tas-sena elf disa' mija u sitta u disgħin f'oriġinal wieħed fl-ilsna Olandiż, Franċiż, Ġermaniż, Grieg, Taljan, Portugiż, Spanjol u Svediż, it-tmien testi kollha bl-istess awtentiċita, tali oriġinal jibqa' depożitat fl-arkivji tal-Gvern tal-Gran Dukat tal-Lussemburgu, li għandu jibgħat kopja ċċertifikata lil kull wieħed mill-Partijiet Kontraenti. Għall-Gvern tar-Renju tal-Belġju +++++ TIFF +++++ Għall-Gvern tar-Repubblika Federali tal-Ġermanja +++++ TIFF +++++ Għall-Gvern tar-Repubblika Griega +++++ TIFF +++++ Għall-Gvern tar-Renju ta' Spanja +++++ TIFF +++++ Għall-Gvern tar-Repubblika Franċiża +++++ TIFF +++++ Għall-Gvern tar-Repubblika Taljana +++++ TIFF +++++ Għall-Gvern tal-Gran Dukat tal-Lussemburgu +++++ TIFF +++++ Għall-Gvern tar-Renju ta' l-Olanda +++++ TIFF +++++ Għall-Gvern tar-Repubblika ta' l-Awstrija +++++ TIFF +++++ Għall-Gvern tar-Repubblika Portugiża +++++ TIFF +++++ Għall-Gvern tar-Renju ta' l-Isvezja +++++ TIFF +++++ -------------------------------------------------- ATT FINALI I. Fiż-żmien meta ġie ffirmat il-Ftehim dwar l-Adeżjoni tar-Renju ta' l-Isvezja għall-Konvenzjoni li timplimenta l-Ftehim ta' Schengen ta' l-14 ta' Ġunju, 1985 bejn il-Gvernijiet ta' l-Istati ta' l-Unjoni Ekonomika ta' Benelux, tar-Repubblika Federali tal-Ġermanja u tar-Repubblika Franċiża dwar il-abolizzjoni gradwali ta' kontrolli fuq il-fruntieri komuni tagħhom iffirmat fi Schengen fid-19 ta' Ġunju, 1990, li miegħu r-Repubblika Taljana, r-Renju ta' Spanja u r-Repubblika Portugiża, r-Repubblika Griega, u r-Repubblika ta' l-Awstrija qablu permezz tal-Ftehim iffirmati fis-27 ta' Novembru, 1990, fil-25 ta' Ġunju, 1991, fis-6 ta' Novembru, 1992 u fit-28 ta' April, 1995 rispettivament, il-Gvern tar-Renju ta' l-Isvezja ffirma l-Att Finali, l-Minuti u d-Dikjarazzjoni Konġunta mill-Ministri u s-Segretarji ta' l-Istat li kienu ffirmati fil-ħin meta ġiet iffirmata l-Konvenzjoni ta' l-1990. Il-Gvern tar-Renju ta' l-Isvezja ffirma d-Dikjarazzjonijiet Konġunti u osserva d-Dikjarazzjonijiet unilaterali li hemm fihom. Il-Gvern tal-Gran Dukat tal-Lussemburgu għandu jibgħat lill-Gvern tar-Renju ta' l-Isvezja kopja ċċertifikata ta' l-Att Finali, l-Minuti u d-Dikjarazzjoni Konġunta mill-Ministri u s-Segretarji ta' l-Istat li kienu ffirmati fiż-żmien meta ġiet iffirmata l-Konvenzjoni ta' l-1990, fil-ilsna Olandiż, Franċiż, Ġermaniża, Grieg, Taljan, Portugiż, Spanjol u Svediż. II. Fiż-żmien meta ġie ffirmat il-Ftehim ta' l-Adeżjoni tar-Renju ta' l-Isvezja għall-Konvenzjoni li timplimenta l-Ftehim ta' Schengen ta' l-14 ta' Ġunju, 1985 bejn il-Gvernijiet ta' l-Istati ta' l-Unjoni Ekonomika ta' Benelux, tar-Repubblika Federali tal-Ġermanja u tar-Repubblika Franċiża fuq il-abolizzjoni gradwali ta' kontrolli fuq il-fruntieri komuni tagħhom iffirmat f'Schengen fid-19 ta' Ġunju, 1990, li qablu miegħu r-Repubblika Taljana, r-Renju ta' Spanja u r-Repubblika Portugiża, r-Repubblika Griega, u r-Repubblika ta' l-Awstrija bil-Ftehim iffirmati fis-27 ta' Novembru, 1990, fil-25 ta' Ġunju, 1991, fis-6 ta' Novembru, 1992 u fit-28 ta' April, 1995 rispettivament, il-Partijiet Kontraenti adottaw id-Dikjarazzjonijiet li ġejjin: 1. Id-Dikjarazzjoni Konġunta dwar l-Artikolu 6 tal-Ftehim ta' Adeżjoni Il-Parijiet Kontraenti għandhom, qabel id-dħul fis-seħħ tal-Ftehim ta' Adeżjoni, jinfurmaw wieħed lill-ieħor dwar iċ-ċirkustanzi kollha li jista' jkollhom influwenza sinifikanti fuq l-oqsma koperti mill-Konvenzjoni ta' l-1990 u fuq id-dħul fis-seħħ tal-Ftehim ta'Adeżjoni. Dan il-Ftehim ta' Adeżjoni għandu jidħol fis-seħħ bejn l-Istati li għalihom il-Konvenzjoni ta' l-1990 iddaħlet fis-seħħ u r-Renju ta' l-Isvezja meta l-prekondizzjonijiet għall-implimentazzjoni tal-Konvenzjoni ta' l-1990 ikunu twettqu f'dawk l-Istati kollha u l-kontrolli fuq fil-fruntieri esterni jkunu hemm effettivi. Rigward kull wieħed mill-Istati l-oħra, dan il-Ftehim ta' l-Adeżjoni għandu jiddaħħal fis-seħħ meta l-prekondizzjonijiet għall-implimentazzjoni tal-Konvenzjoni ta' l-1990 jitwettqu f'dak l-Istat u meta l-kontrolli fil-fruntieri esterni jkun hemm effettivi. 2. Id-Dikjarazzjoni Konġunta dwar l-Artikolu 9(2) tal-Konvenzjoni ta' l-1990 Il-Partijiet Kontraenti jispeċifikaw li fiż-żmien meta ġie ffirmat il-Ftehim dwar l-Adeżjoni tar-Renju ta' l-Isvezja għall-Konvenzjoni ta' l-1990, l-arranġamenti għal visa komuni msemmija fl-Artikolu 9(2) tal-Konvenzjoni ta' l-1990 għandhom jittieħdu li jfissru l-arranġamenti komuni applikati mill-Partijiet Firmatarji għall-Konvenzjoni msemmija mid-19 ta' Ġunju, 1990. 3. Id-Dikjarazzjoni Konġunta dwar il-Konvenzjoni magħmula fuq il-bażi ta' l-Artikolu K.3 tat-Trattat dwar l-Unjoni Ewropea relatata ma' l-estradizzjoni Il-grupp ta' l-Istati għall-Konvenzjoni ta' l-1990 hawnhekk jikkonfermaw li l-Artikolu 5(4) tal-Konvenzjoni magħmul fuq il-bażi ta' l-Artikolu K.3 tat-Trattat ta' l-Unjoni Ewropea dwar l-estradizzjoni bejn l-Istati Membri ta' l-Unjoni Ewropea, iffirmat f'Dublin fis-27 ta' Settembru, 1996, u d-Dikjarazzjonijiet rispettivi tagħhom mehmuża mal-Konvenzjoni msemmija, għandhom japplikaw fil-qafas tal-Konvenzjoni ta' l-1990. III. Il-Partijiet Kontraenti wara li ħadu nota tad-Dikjarazzjonijiet mir-Renju ta' l-Isvezja dwar il-Ftehim ta' l-Adeżjoni tar-Repubblika Taljana, tar-Renju ta' Spanja, tar-Repubblika Portugiża, tar-Repubblika Griega, u tar-Repubblika ta' l-Awstrija. Il-Gvern tar-Renju ta' l-Isvezja jieħu nota tal-kontenut tal-Ftehim dwar l-Adeżjoni tar-Repubblika Taljana, tar-Renju ta' Spanja u tar-Repubblika Portugiża, tar-Repubblika Griega, u tar-Repubblika ta' l-Awstrija għall-Konvenzjoni ta' l-1990, iffirmati fis-27 ta' Novembru, 1990, fil-25 ta' Ġunju, 1991, fis-6 ta' Novembru, 1992 u fit-28 ta' April, 1995 rispettivament, u tal-kontenut ta' l-Atti Finali u d-Dikjarazzjonijiet mehmuża mal-Ftehim imsemmija. Il-Gvern tal-Gran Dukat tal-Lussemburgu għandu jibgħat kopja ċċertifikata ta' l-istrumenti hawn fuq imsemmija lill-Gvern tar-Renju ta' l-Isvezja. Dikjarazzjoni mir-Renju ta' l-Isvezja dwar il-Ftehim ta' l-Adeżjoni tar-Renju tad-Danimarka u tar-Repubblika tal-Finlandja għall-Konvenzjoni ta' l-1990. Fiż-żmien meta ġ;ie ffirmat dan il-Ftehim, ir-Repubblika ta' l-Isvezja tieħu nota tal-kontenut tal-Ftehim dwar l-Adeżjoni tar-Renju tad-Danimarka u tar-Reppublika tal-Finlandja għall-Konvenzjoni ta' l-1990 u tal-kontenut ta' l-Atti Finali u tad-Dikjarazzjonijiet relatati. Magħmul fil-Lussemburgu d-dsatax-il jum ta' Diċembru tas-sena elf disa' mija u sitta u disgħin f'oriġinal wieħed fl-ilsna Olandiż, Franċiż, Ġermaniż, Grieg, Taljan, Portugiż, Spanjol u Svediż, it-tmien testi bl-istess awtentiċità, t-tali oriġinali jibqa' iddepożitat fl-arkivji tal-Gvern tal-Gran Dukat tal-Lussemburgu, li għandu jibgħat kopja ċċertifikata lil kull wieħed mill-Partijiet Kontraenti. Għall-Gvern tar-Renju tal-Belġju +++++ TIFF +++++ Għall-Gvern tar-Repubblika Federali tal-Ġermanja +++++ TIFF +++++ Għall-Gvern tar-Repubblika Griega +++++ TIFF +++++ Għall-Gvern tar-Renju ta' Spanja +++++ TIFF +++++ Għall-Gvern tar-Repubblika Franċiża +++++ TIFF +++++ Għall-Gvern tar-Repubblika Taljana +++++ TIFF +++++ Għall-Gvern tal-Gran Dukat tal-Lussemburgu +++++ TIFF +++++ Għall-Gvern tar-Renju ta' l-Olanda +++++ TIFF +++++ Għall-Gvern tar-Repubblika ta' l-Awstrija +++++ TIFF +++++ Għall-Gvern tar-Repubblika Portugiża +++++ TIFF +++++ Għall-Gvern tar-Renju ta' l-Isvezja +++++ TIFF +++++ -------------------------------------------------- DIKJARAZZJONI MILL-MINISTRI U SEGRETARJI TA' L-ISTAT Fid-dsatax-il jum ta' Diċembru tas-sena elf disa' mija u sitta u disgħin, ir-rappreżentanti tal-Gvernijiet tar-Renju tal-Belġju, tar-Repubblika Federali tal-Ġermanja, tar-Repubblika Griega, tar-Renju ta' Spanja, tar-Renju ta' l-Isvezja, tar-Repubblika Franċiża, tar-Repubblika Taljana, tal-Gran Dukat tal-Lussemburgu, tar-Renju ta' l-Olanda, tar-Repubblika ta' l-Awstrija u tar-Repubblika Portugiża ffirmaw fil-Lussemburgu l-Ftehim ta' l-Adeżjoni tar-Renju ta' l-Isvezja għall-Konvenzjoni li timplimenta l-Ftehim ta' Schengen ta' l-14 ta' Ġunju, 1985 bejn il-Gvernijiet ta' l-Istati ta' l-Unjoni Ekonomika ta' Benelux, ir-Repubblika Federali tal-Ġermanja u r-Repubblika Franċiża dwar il-abolizzjoni gradwali ta' kontrolli fuq il-fruntieri komuni tagħhom, iffirmata fi Schengen fid-19 ta' Ġunju, 1990, li għaliha r-Renju ta' Spanja u r-Repubblika Portugiża, r-Repubblika Griega u r-Repubblika ta' l-Awstrija qablu bil-Ftehim iffirmati fis-27 ta' Novembru, 1990, fil-25 ta' Ġunju, 1991, fis-6 ta' Novembru, 1992 u fit-28 ta' April, 1995 rispettivament. Huma osservaw li r-rappreżentant tal-Gvern tar-Repubblika ta' l-Isvezja ddikjara appoġġ għad-Dikjarazzjoni magħmula f'Schengen fid-19 ta'Ġunju, 1990 mill-Ministri u s-Segretarji ta' l-Istat li jirrappreżentaw il-Gvernijiet tar-Renju tal-Belġju, tar-Repubblika Federali tal-Ġermanja, tar-Repubblika Franċiża, tal-Gran Dukat tal-Lussemburgu u tar-Renju ta' l-Olanda u għad-deċiżjoni kkonfermata fl-istess data bil-firma tal-Konvenzjoni li timplimenta l-ftehim ta' Schengen, liema Dikjarazzjoni u deċiżjoni ġiet appoġġata wkoll mill-Gvernijiet tar-Repubblika Taljana, tar-Renju ta' Spanja, tar-Repubblika Portugiża, tar-Repubblika Griega u tar-Repubblika ta' l-Awstrija. --------------------------------------------------