This document is an excerpt from the EUR-Lex website
Document 32019R1601
Council Regulation (EU) 2019/1601 of 26 September 2019 amending Regulations (EU) 2018/2025 and (EU) 2019/124 as regards certain fishing opportunities
Regolament tal-Kunsill (UE) 2019/1601 tas-26 ta' Settembru 2019 li jemenda r-Regolamenti (UE) 2018/2025 u (UE) 2019/124 fir-rigward ta' ċerti opportunitajiet tas-sajd
Regolament tal-Kunsill (UE) 2019/1601 tas-26 ta' Settembru 2019 li jemenda r-Regolamenti (UE) 2018/2025 u (UE) 2019/124 fir-rigward ta' ċerti opportunitajiet tas-sajd
ST/12078/2019/INIT
ĠU L 250, 30.9.2019, p. 1–5
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
30.9.2019 |
MT |
Il-Ġurnal Uffiċjali tal-Unjoni Ewropea |
L 250/1 |
REGOLAMENT TAL-KUNSILL (UE) 2019/1601
tas-26 ta' Settembru 2019
li jemenda r-Regolamenti (UE) 2018/2025 u (UE) 2019/124 fir-rigward ta' ċerti opportunitajiet tas-sajd
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-Artikolu 43(3) tiegħu,
Wara li kkunsidra l-proposta mill-Kummissjoni Ewropea,
Billi:
|
(1) |
Ir-Regolament tal-Kunsill (UE) 2019/124 (1) jistabbilixxi l-opportunitajiet tas-sajd għall-2019 għal ċerti stokkijiet ta' ħut u għal ċerti gruppi ta' stokkijiet ta' ħut, applikabbli fl-ilmijiet tal-Unjoni u, għal bastimenti tas-sajd tal-Unjoni, f'ċerti ilmijiet mhux tal-Unjoni. |
|
(2) |
Fir-Regolament (UE) 2019/124, il-qabdiet totali permissibbli (TAC) għall-inċova (Engraulis encrasicolus) fis-subżoni 9 u 10 tal-ICES u fl-ilmijiet tal-Unjoni tad-diviżjoni 34.1.1 tas-CECAF ġew stabbiliti għal żero. Fir-Regolament tal-Kunsill (UE) 2019/1097 (2), ġiet stabbilita TAC proviżorja biex tippermetti li jitkompla s-sajd. L-inċova hija speċi b'ħajja qasira, li dwarha jitlesta stħarriġ f'Mejju. Il-parir xjentifiku rilevanti tal-Kunsill Internazzjonali għall-Esplorazzjoni tal-Baħar (ICES) inħareġ fit-28 ta' Ġunju 2019. Jenħtieġ li l-limiti tal-qbid għall-inċova fis-subżoni 9 u 10 tal-ICES u fl-ilmijiet tal-Unjoni tad-diviżjoni 34.1.1 tas-CECAF issa jiġu emendati f'konformità ma' dak il-parir. |
|
(3) |
Jeħtieġ li l-flessibbiltà bejn iż-żoni (kondizzjoni speċjali) għall-bakkaljaw (Gadus morhua) mill-Baħar tat-Tramuntana lejn il-Kanal tal-Lvant tapplika biss fir-rigward tal-Istati Membri li jkollhom kwoti fiż-żewġ żoni. Għalhekk jenħtieġ li t-tabella tal-opportunitajiet tas-sajd rilevanti tiġi emendata skont dan. |
|
(4) |
Fis-17 ta' Diċembru 2018 l-ICES ippubblika parir xjentifiku dwar il-flessibbiltà bejn iż-żoni għas-sawrell (Trachurus spp.) bejn id-diviżjonijiet 8c u 9a tal-ICES. L-ICES irrakkomanda li l-flessibbiltà bejn iż-żoni għal żewġ stokkijiet ma għandhiex teċċedi d-differenza bejn il-qabda li tikkorrispondi għal mortalità mis-sajd ta' Fp.05 u t-TAC stabbilita. Jenħtieġ ukoll li ma jkun hemm l-ebda trasferiment ta' TAC għal stokk b'bijomassa ta' stokk riproduttiv taħt il-valur limitu ta' referenza (Blim). Skont il-kondizzjonijiet ta' dak il-parir xjentifiku, jenħtieġ li l-flessibbiltà bejn iż-żoni (kondizzjoni speċjali) għas-sawrell bejn is-subżona 9 tal-ICES u d-diviżjoni 8c tal-ICES għall-2019 tiżdied minn 5 % għal 10 %. |
|
(5) |
Rigward il-ħalibatt ta' Greenland (Reinhardtius hippoglossoides) fl-ilmijiet internazzjonali taż-żoni 1 u 2, jenħtieġ li l-Istati Membri li qed iwettqu studju xjentifiku dwar qabdiet aċċessorji fis-sajd tal-gambli jkunu jistgħu jallokaw total globali ta' 130 tunnellata għall-bastimenti li qed jipparteċipaw fl-istudju b'osservaturi abbord. Għalhekk jenħtieġ li dawk l-opportunitajiet tas-sajd jiġu emendati skont dan. |
|
(6) |
Ir-Regolament tal-Kunsill (UE) 2018/2025 (3) jiffissa, għall-2019 u l-2020, l-opportunitajiet tas-sajd għall-bastimenti tas-sajd tal-Unjoni għal ċerti stokkijiet ta' ħut tal-baħar fond. F'dak ir-Regolament, it-TAC għall-paġella ħamra (Pagellus bogaraveo) fis-subżona 10 tal-ICES għal dawk is-sentejn ġiet stabbilita abbażi tal-parir xjentifiku għall-2019, sakemm jinħareġ il-parir xjentifiku għall-2020. Fil-11 ta' Ġunju 2019, l-ICES ippubblika l-parir xjentifiku għall-2020. Jenħtieġ li t-TAC tiġi stabbilita f'konformità mal-aħħar parir xjentifiku. |
|
(7) |
It-TACs rilevanti għall-inċova previsti fir-Regolament (UE) 2019/124 japplikaw mill-1 ta' Lulju 2019. It-TACs rilevanti għall-paġella ħamra previsti fir-Regolament (UE) 2018/2025 japplikaw mill-1 ta' Jannar 2019 iżda l-emenda introdotta permezz ta' dan ir-Regolament tikkonċerna biss il-limiti tal-qbid għall-2020. Għalhekk jenħtieġ li d-dispożizzjonijiet li jikkonċernaw dawk l-istokkijiet introdotti permezz ta' dan ir-Regolament japplikaw ukoll b'effett mill-1 ta' Lulju 2019. |
|
(8) |
It-TACs rilevanti għall-ħalibatt ta' Greenland u l-kondizzjonijiet speċjali għall-bakkaljaw u s-sawrell japplikaw mill-1 ta' Jannar 2019. Għalhekk jenħtieġ d-dispożizzjonijiet li jikkonċernaw dawk l-istokkijiet introdotti permezz ta' dan ir-Regolament japplikaw b'effett minn dik id-data. |
|
(9) |
Tali applikazzjoni retroattiva hija mingħajr preġudizzju għall-prinċipji taċ-ċertezza legali u tal-protezzjoni tal-aspettattivi leġittimi, peress li l-opportunitajiet tas-sajd ikkonċernati ma jitnaqqsux u għadhom ma ġewx eżawriti. |
|
(10) |
Ir-Regolamenti (UE) 2018/2025 u (UE) 2019/124 jenħtieġ li jiġu emendati skont dan, |
ADOTTA DAN IR-REGOLAMENT:
Artikolu 1
L-Anness għar-Regolament (UE) 2018/2025 huwa emendat skont l-Anness I għal dan ir-Regolament.
L-Annessi IA u IB għar-Regolament (UE) 2019/124 huma emendati skont l-Anness II għal dan ir-Regolament.
Artikolu 2
Dan ir-Regolament għandu jidħol fis-seħħ fil-jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Għandu japplika b'effett mill-1 ta' Lulju 2019. Madankollu, il-punti 2, 3 u 4 tal-paragrafu 1 tal-Anness II u l-paragrafu 2 ta' dak l-Anness għandhom japplikaw b'effett mill-1 ta' Jannar 2019.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-26 ta' Settembru 2019.
Għall-Kunsill
Il-President
T. HARAKKA
(1) Ir-Regolament tal-Kunsill (UE) 2019/124 tat-30 ta' Jannar 2019 li jistabbilixxi għall-2019 l-opportunitajiet tas-sajd għal ċerti stokkijiet tal-ħut u ċerti gruppi ta' stokkijiet tal-ħut, applikabbli fl-ilmijiet tal-Unjoni u, għal bastimenti tas-sajd tal-Unjoni, f'ċerti ilmijiet mhux tal-Unjoni (ĠU L 29, 31.1.2019, p. 1).
(2) Ir-Regolament tal-Kunsill (UE) 2019/1097 tas-26 ta' Ġunju 2019 li jemenda r-Regolament tal-Kunsill (UE) 2019/124 f'dak li għandu x'jaqsam ma' ċerti opportunitajiet tas-sajd. (ĠU L 175, 28.6.2019, p.3).
(3) Ir-Regolament tal-Kunsill (UE) 2018/2025 tas-17 ta' Diċembru 2018 li jiffissa l-opportunitajiet tas-sajd għall-bastimenti tas-sajd tal-Unjoni għal ċerti stokkijiet ta' ħut tal-baħar fond għall-2019 u għall-2020 (ĠU L 325, 20.12.2018, p. 7).
ANNESS I
Fl-Anness IA għar-Regolament (UE) 2018/2025 it-tabella tal-opportunitajiet tas-sajd għall-paġella ħamra fl-ilmijiet tal-Unjoni u dawk internazzjonali tas-subżona 10 tal-ICES hija sostitwita b'dan li ġej:
|
“Speċi: |
Paġella ħamra Pagellus bogaraveo |
Żona: |
L-ilmijiet tal-Unjoni u dawk internazzjonali tas-subżona 10: (SBR/10-) |
||
|
Sena |
2019 |
2020 |
|
|
|
|
Spanja |
5 |
5 |
|
|
|
|
Il-Portugall |
566 |
543 |
|
|
|
|
Ir-Renju Unit |
5 |
5 |
|
|
|
|
L-Unjoni |
576 |
553 |
|
|
|
|
TAC |
576 |
553 |
|
TAC prekawzjonarja”.
|
|
ANNESS II
1.
L-Anness IA għar-Regolament (UE) 2019/124 huwa emendat kif ġej:|
(1) |
it-tabella tal-opportunitajiet tas-sajd għall-inċova fis-subżoni 9 u 10 tal-ICES u fl-ilmijiet tal-Unjoni tad-diviżjoni 34.1.1 tas-CECAF hija sostitwita b'dan li ġej:
|
|||||||||||||||||||||||||
|
(2) |
it-tabella tal-opportunitajiet tas-sajd għall-bakkaljaw fis-subżona 4 tal-ICES, fl-ilmijiet tal-Unjoni tad-diviżjoni 2a, u f'dik il-parti tad-diviżjoni 3a tal-ICES li mhijiex koperta minn Skagerrak u Kattegat hija sostitwita b'dan li ġej:
|
||||||||||||||||||||||||||||||||||||||||||||||||||||||||||||||||
|
(3) |
it-tabella tal-opportunitajiet tas-sajd għas-sawrell fid-diviżjoni 8c tal-ICES hija sostitwita b'dan li ġej:
|
||||||||||||||||||||||||||||||
|
(4) |
it-tabella tal-opportunitajiet tas-sajd għas-sawrell fis-subżona 9 tal-ICES hija sostitwita b'dan li ġej:
|
|||||||||||||||||||||||||
2.
Fl-Anness IB għar-Regolament (UE) 2019/124 it-tabella tal-opportunitajiet tas-sajd għall-ħalibatt ta' Greenland fl-ilmijiet internazzjonali taż-żoni 1 u 2 hija sostitwita bit-tabella li ġejja:|
“Speċi: |
Ħalibatt ta' Greenland Reinhardtius hippoglossoides |
Żona: |
L-ilmijiet internazzjonali taż-żoni 1 u 2 (GHL/1/2INT) |
|
|
L-Unjoni |
|
|
||
|
TAC |
Mhix rilevanti |
|
TAC prekawzjonarja
|
|
(1) Din il-kwota tista' tinqabad biss mill-1 ta' Lulju 2019 sat-30 ta' Ġunju 2020.”;
(2) Kondizzjoni speċjali: li tista' tinqabad sa 5 % minnha: 7d (COD/*07D.).
(3) Tista' tinqabad fl-ilmijiet tal-Unjoni. Il-qabdiet li jinqabdu fil-kuntest ta' din il-kwota għandhom jitnaqqsu mis-sehem tat-TAC tan-Norveġja.
(4) Kondizzjoni speċjali: sa 10 % ta' din il-kwota tista' tinqabad fiż-żona 9 (JAX/*09.).”;
(5) Kondizzjoni speċjali: sa 10 % ta' din il-kwota tista' tinqabad fiż-żona 8c (JAX/*08C2).”;
(6) Għall-qabdiet aċċessorji biss. Mhu permess l-ebda sajd dirett fil-kuntest ta' din il-kwota.
(7) Minbarra dan it-TAK, l-Istati Membri li qed iwettqu studju xjentifiku dwar qabdiet aċċessorji fis-sajd tal-gambli jkunu jistgħu jallokaw total globali ta' 130 tunnellata għall-bastimenti li qed jipparteċipaw fl-istudju b'osservaturi abbord (GHL/*12INT). L-Istati Membri kkonċernati għandhom jikkomunikaw l-isem jew ismijiet tal-bastimenti lill-Kummissjoni qabel ma jippermettu xi ħatt l-art.”.