EUR-Lex Access to European Union law
This document is an excerpt from the EUR-Lex website
Document 32010R0119
Commission Regulation (EU) No 119/2010 of 9 February 2010 amending Regulation (EU) No 1233/2009 laying down a specific market support measure in the dairy sector
Regolament tal-Kummissjoni (UE) Nru 119/2010 tad- 9 ta’ Frar 2010 li jemenda r-Regolament (UE) Nru 1233/2009 li jistabbilixxi miżura speċifika ta’ appoġġ għas-suq fis-settur tal-ħalib
Regolament tal-Kummissjoni (UE) Nru 119/2010 tad- 9 ta’ Frar 2010 li jemenda r-Regolament (UE) Nru 1233/2009 li jistabbilixxi miżura speċifika ta’ appoġġ għas-suq fis-settur tal-ħalib
ĠU L 37, 10.2.2010, p. 26–26
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
In force
10.2.2010 |
MT |
Il-Ġurnal Uffiċjali tal-Unjoni Ewropea |
L 37/26 |
REGOLAMENT TAL-KUMMISSJONI (UE) Nru 119/2010
tad-9 ta’ Frar 2010
li jemenda r-Regolament (UE) Nru 1233/2009 li jistabbilixxi miżura speċifika ta’ appoġġ għas-suq fis-settur tal-ħalib
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 2799/98 tal-15 ta’ Diċembru 1998 li jistabbilixxi arranġamenti agromonetarji għall-euro (1), u b’mod partikolari l-Artikolu 9 tiegħu,
Wara li kkunsidrat ir-Regolament tal-Kunsill (KE) Nru 1234/2007 tat-22 ta’ Ottubru 2007 li jistabbilixxi organizzazzjoni komuni ta’ swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament Waħdieni dwar l-OKS) (2), u b’mod partikulari l-Artikoli 186 u 188(2), flimkien mal-Artikolu 4 tiegħu,
Billi:
(1) |
L-Anness għar-Regolament tal-Kummissjoni (UE) Nru 1233/2009 (3) jistipula l-ammonti għall-appoġġ lill-bdiewa produtturi tal-ħalib li ntlaqtu ħażin ħafna mill-kriżi tal-ħalib. Billi dawn l-ammonti huma stipulati f’euro, jeħtieġ li tiġi ffissata data komuni għall-konverżjoni ta’ dawn l-ammonti fil-munita nazzjonali għall-Istati Membri li għadhom ma addottawx il-munita unika, biex tiġi żgurata applikazzjoni uniformi u simultanja madwar l-Unjoni. Huwa għalhekk xieraq li jiġi determinat l-avveniment operattiv għar-rata tal-iskambju skont l-Artikolu 3 tar-Regolament (KE) Nru 2799/98. |
(2) |
Minħabba l-prinċipju msemmi fl-Artikolu 3(1), it-tieni inċiż, u l-kriterji msemmija fl-Artikolu 3(2) tar-Regolament (KE) Nru 2799/98, l-avveniment operattiv għandu jkun id-data tad-dħul fis-seħħ tar-Regolament (UE) Nru 1233/2009. |
(3) |
Ir-Regolament (UE) Nru 1233/2009 għandu għalhekk jiġi emendat skont dan. |
(4) |
Sabiex tiġi żgurata, kemm jista’ jkun malajr, applikazzjoni uniformi u simultanja madwar l-Unjoni, dan ir-Regolament għandu jidħol fis-seħħ mingħajr dewmien u għandu japplika mid-data tad-dħul fis-seħħ tar-Regolament (UE) Nru 1233/2009. |
(5) |
Il-miżuri pprovduti f’dan ir-Regolament huma skont l-opinjoni tal-Kumitat ta’ Ġestjoni għall-Organizzazzjoni Komuni tas-Swieq Agrikoli, |
ADOTTAT DAN IR-REGOLAMENT:
Artikolu 1
L-Artikolu 3a li ġej għandu jiddaħħal fir-Regolament (UE) Nru 1233/2009 wara l-Artikolu 3:
“Artikolu 3a
Id-data tal-avveniment operattiv għar-rata tal-iskambju fir-rigward l-ammonti stipulati fl-Anness għandha tkun is-17 ta’ Diċembru 2009.”
Artikolu 2
Dan ir-Regolament għandu jidħol fis-seħħ l-għada tal-pubblikazzjoni tiegħu f’Il-Ġurnal Uffiċjali tal-Unjoni Ewropea. Għandu jibda japplika mis-17 ta’ Diċembru 2009.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, id-9 ta’ Frar 2010.
Għall-Kummissjoni
Il-President
José Manuel BARROSO
(1) ĠU L 349, 24.12.1998, p. 1.
(2) ĠU L 299, 16.11.2007, p. 1.
(3) ĠU L 330, 16.12.2009, p. 70.