7.11.2007   

MT

Il-Ġurnal Uffiċjali ta’ l-Unjoni Ewropea

L 289/59

(1)

Ir-regoli għar-ristrutturar u l-konverżjoni tal-vinji huma stipulati bir-Regolament (KE) Nru 1493/1999 u bir-Regolament tal-Kummissjoni (KE) Nru 1227/2000 tal-31 ta’ Mejju 2000 li jistabbilixxi regoli dettaljati għall-applikazzjoni tar-Regolament tal-Kunsill (KE) Nru 1493/1999 dwar l-organizzazzjoni komuni tas-suq fl-inbid f’dak li jirrigwarda l-potenzjal tal-produzzjoni (2).

(2)

Ir-regoli dettaljati dwar l-ippjanar finanzjarju u l-parteċipazzjoni fl-iffinanzjar ta’ l-iskema tar-ristrutturar u l-konverżjoni, stipulati bir-Regolament (KE) Nru 1227/2000, jipprovdu li r-referenzi għal sena finanzjarja partikolari għandhom jikkorrispondu għall-ħlasijiet li effettivament isiru mill-Istati Membru bejn is-16 ta’ Ottubru u l-15 ta’ Ottubru tas-sena sussegwenti.

(3)

Skond l-Artikolu 14(3) tar-Regolament (KE) Nru 1493/1999, l-allokazzjonijiet finanzjarji bejn l-Istati Membri jsiru billi jitqies, skond kriterji stipulati, il-proporzjon tad-dwieli Komunitarji eżistenti fl-Istat Membru kkonċernat.

(4)

Skond l-Artikolu 14(4) tar-Regolament (KE) Nru 1493/1999, jeħtieġ li l-allokazzjonijiet finanzjarji jsiru għal ċertu numru ta’ ettari.

(5)

Skond l-ewwel Artikolu tar-Regolament tal-Kummissjoni (KE) Nru 968/2007 tas-17 ta’ Awwissu 2007 dwar il-kontribuzzjoni tal-Komunità għall-ispejjeż tar-ristrutturar u l-konverżjoni pprovduti bir-Regolament tal-Kunsill (KE) Nru 1493/1999 għas-sena ta’ l-inbid 2007/2008 (3), l-Artikolu 13(3) tar-Regolament (KE) Nru 1493/1999 għandu japplika għas-sena ta’ l-inbid 2007/2008 u, b’ċerti eċċezzjonijiet, għar-reġjuni eliġibbli għall-finanzjament skond l-oġġettiv ta’ konverġenza, skond ir-Regolament tal-Kunsill (KE) Nru 1083/2006 tal-11 ta’ Lulju 2006 li jistabbilixxi d-dispożizzjonijiet ġenerali dwar il-Fond Ewropew għall-Iżvilupp Reġjonali, il-Fond Soċjali Ewropew u l-Fond ta’ Koeżjoni u li jħassar ir-Regolament (KE) Nru 1260/1999 (4). Għaldaqstant, il-parteċipazzjoni tal-Komunità fil-finanzjament ta’ l-ispejjeż ta’ ristrutturar u konverżjoni tista’ tkun ogħla fir-reġjuni ta’ konverġenza.

(6)

Jeħtieġ li jitqies il-kumpens għat-telf mid-dħul, soffert minn dawk li jkabbru d-dwieli, fil-perjodu li matulu d-dwieli ma jkunux għadhom qed jagħtu l-frott.

(7)

Skond l-Artikolu 17(5) tar-Regolament (KE) Nru 1227/2000, meta l-ispejjeż effettivi maħruġa minn Stat Membru, f’sena finanzjarja partikolari, ikunu anqas minn 75 % ta’ l-ammonti ta’ l-allokazzjoni inizjali, l-ispejjeż li għandhom jiġu aċċettati għas-sena sussegwenti, kif ukoll il-medda totali korrispondenti, jitnaqqsu b’terz tad-differenza bejn il-massimu ta’ l-ispejjeż reali sofferti waqt is-sena kkonċernata. Din id-dispożizzjoni tapplika għas-sena finanzjarja 2007/2008 għall-Ġermanja u għall-Greċja, li l-ispejjeż tagħhom għas-sena finanzjarja 2007 jirrapreżentaw 74 % ta’ l-allokazzjoni inizjali tagħhom, għal-Lussemburgu, li l-ispejjeż tiegħu għas-sena finanzjarja 2007 jirrapreżentaw 71 % ta’ l-allokazzjoni inizjali tiegħu, għal Malta li l-ispejjeż tagħha għas-sena finanzjarja 2007 jirrapreżentaw 40 % ta’ l-allokazzjoni inizjali tagħha u għas-Slovakkja li l-ispejjeż tagħha għas-sena finanzjarja 2007 jirrapreżentaw 27 % ta’ l-allokazzjoni inizjali tagħha. Skond l-Artikolu 1(3) tar-Regolament tal-Kummissjoni (KE) Nru 922/2007 ta’ l-1 t’Awwissu 2007 li jidderoga mir-Regolament (KE) Nru 1227/2000 fir-rigward ta’ arranġament transitorju dwar l-allokazzjonijiet finanzjarji għall-Bulgarija u r-Rumanija għar-ristrutturar u l-konverżjoni (5), dan it-tnaqqis ma japplikax għall-Bulgarija u għar-Rumanija għas-sena finanzjarja 2007/2008.

(8)

Skond l-Artikolu 14(2) tar-Regolament (KE) Nru 1493/1999, l-ewwel ammont se jiġi allokat skond l-ispejjeż attwali u l-istimi riveduti ta’ l-ispejjeż innotifikati mill-Istati membri, fid-dawl ta’ l-għan tas-sistema u fil-limiti tal-krediti disponibbli,