This document is an excerpt from the EUR-Lex website
Document 62010TN0580
Case T-580/10: Action brought on 22 December 2010 — Wohlfahrt v OHIM — Ferrero (Kindertraum)
Kawża T-580/10: Rikors ippreżentat fit- 22 ta’ Diċembru 2010 — Wohlfahrt vs UASI — Ferrero (Kindertraum)
Kawża T-580/10: Rikors ippreżentat fit- 22 ta’ Diċembru 2010 — Wohlfahrt vs UASI — Ferrero (Kindertraum)
ĠU C 63, 26.2.2011, p. 29–29
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
26.2.2011 |
MT |
Il-Ġurnal Uffiċjali tal-Unjoni Ewropea |
C 63/29 |
Rikors ippreżentat fit-22 ta’ Diċembru 2010 — Wohlfahrt vs UASI — Ferrero (Kindertraum)
(Kawża T-580/10)
2011/C 63/55
Lingwa tar-rikors: il-Ġermaniż
Partijiet
Rikorrent: Harald Wohlfahrt (Rothenburg o.d. Tauber, il-Ġermanja) (rappreżentant: N. Scholz-Recht, avukat)
Konvenut: L-Uffiċċju għall-Armonizzazzjoni fis-Suq Intern (Trade marks u Disinni)
Parti oħra quddiem il-Bord tal-Appell: Ferrero SpA (Alba, l-Italja)
Talbiet tar-rikorrent
— |
tannulla d-deċiżjoni tad-Diviżjoni tal-Oppożizzjoni tas-27 ta’ Mejju 2009 (Oppożizzjoni Nru B 668 600) u d-deċiżjoni tal-Bord tal-Appell tal-20 ta’ Ottubru 2010 fil-Każ R 815/2009-4; |
— |
tippermetti r-reġistrazzjoni tat-trade mark Komunitarja “Kindertraum”, Applikazzjoni Nru 002773059, għall-prodotti kollha fil-klassijiet 16 u 28 inklużi fl-applikazzjoni għal reġistrazzjoni; |
— |
tikkundanna lill-UASI għall-ispejjeż. |
Motivi u argumenti prinċipali
Applikant għat-trade mark Komunitarja: ir-rikorrent
Trade mark Komunitarja kkonċernata: it-trade mark verbali “Kindertraum” għal prodotti fil-klassijiet 15, 16, 20, 21 u 28
Proprjetarju tat-trade mark jew tas-sinjal invokat insostenn tal-oppożizzjoni: Ferrero SpA
Trade mark jew sinjal invokat insostenn tal-oppożizzjoni: total ta’ 32 trade mark preċedenti li fihom il-kelma “kinder” xi uħud minnhom figurattivi, oħrajn bħala element verbali ta’ trade mark u oħrajn b’mod iżolat, b’mod partikolari t-trade mark verbali Taljana “kinder” għal prodotti u servizzi fil-klassijiet 9, 16, 28, 30 u 42
Deċiżjoni tad-Diviżjoni tal-Oppożizzjoni: oppożizzjoni milqugħa u applikazzjoni għal reġistrazzjoni miċħuda
Deċiżjoni tal-Bord tal-Appell: appell miċħud
Motivi invokati: ksur tal-Artikolu 42(2) tar-Regolament (KE) Nru 207/2009 (1) minħabba nuqqas ta’ prova ta’ użu wara l-isakdenza tal-perijodu ta’ grazzja matul il-proċedimenti ta’ oppożizzjoni. Nuqqas ta’ ġustifikazzjoni formali tad-deċiżjoni kkontestata, peress li fid-deċiżjoni tiegħu l-Bord tal-Appell ma kienx ikkunsidra l-motivi mressqa wara dan l-appell u l-oġġezzjoni għat-trade mark. Barra minn hekk, hemm reġistrazzjoni ta’ trade mark abbużiva, peress li l-uniku għan tal-proprjetarju tat-trade mark preċedenti kien li jara kif jagħmel sabiex jimmonopolizza t-terminu “kinder”. Fl-aħħar nett, hemm ksur tal-Artikolu 8(1)(b) tar-Regolament (KE) Nru 207/2009, peress li ma hemm ebda probabbiltà ta’ konfużjoni bejn it-trade marks kunfliġġenti.
(1) Regolament tal-Kunsill (KE) Nru 207/2009, tas-26 ta’ Frar 2009, dwar it-trade mark Komunitarja (ĠU L 78, p. 1).