32009L0007

EUR-Lex

Access to European Union law

This document is an excerpt from the EUR-Lex website

EUROPA
EUR-Lex home
Direttiva - 2009/7 - EN - EUR-Lex

Help

Search tips

Need more search options? Use the Advanced search

Document 32009L0007

Direttiva tal-Kummissjoni 2009/7/KE tal- 10 ta' Frar 2009 li temenda l-Annessi I, II, IV u V tad-Direttiva tal-Kunsill 2000/29/KE dwar il-miżuri protettivi kontra l-introduzzjoni ġewwa l-Komunità ta’ organiżmi li jagħmlu l-ħsara lill-pjanti jew lill-prodotti tal-pjanti u kontra t-tixrid tagħhom ġewwa l-Komunità

ĠU L 40, 11.2.2009, p. 12–18 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

(HR)
⏵Dan id-dokument ġie ppubblikat f’edizzjoni(jiet) speċjali (HR)
Edizzjoni speċjali bil-Kroat: Kapitolu 03 Volum 068 P. 112 - 118

Legal status of the document No longer in force, Date of end of validity: 13/12/2019

ELI: http://data.europa.eu/eli/dir/2009/7/oj

Date of document:: 10/02/2009
Date of effect:: 03/03/2009; Dħul fis-seħħ Data tal-pubblikazzjoni + 20 Ara Art. 3
Date of transposition:: 31/03/2009; L-aktar tard Ara Art. 2.1
Date of end of validity:: 13/12/2019; Marbuta ma’ 32000L0029

Author:: Il-Kummissjoni Ewropea
Form:: Direttiva
Addressee:: Is-sebgħa u għoxrin Stat Membru: il-Belġju, il-Bulgarija, ir-Repubblika Ċeka, id-Danimarka, il-Ġermanja, l-Estonja, l-Irlanda, il-Greċja, Spanja, Franza, l-Italja, Ċipru, il-Latvja, il-Litwanja, il-Lussemburgu, l-Ungerija, Malta, il-Pajjiżi l-Baxxi, l-Awstrija, il-Polonja, il-Portugall, ir-Rumanija, is-Slovenja, is-Slovakkja, il-Finlandja, l-Isvezja, ir-Renju Unit
Additional information:: Id-Direttiva li temenda

Treaty:

Trattat li jistabbilixxi l-Komunità Ewropea

Legal basis:

32000L0029 - A14L2PTC) 32000L0029 - A14L2PTD)

Link

Select all documents mentioning this document

Modifies:

Relation	Act	Comment	Subdivision concerned	From
Modifies	32000L0029	Emenda	anness 4	03/03/2009
Modifies	32000L0029	Emenda	anness 5	03/03/2009
Modifies	32000L0029	Emenda	anness 1	03/03/2009
Modifies	32000L0029	Emenda	anness 2	03/03/2009

Link

EUROVOC descriptor:

Subject matter:

Directory code:

03.50.20.00 Agrikoltura / Approssimazzjoni tal-liġijiet u l-miżuri tas-saħħa / Saħħa tal-pjanti

HTML

PDF

Official Journal

11.2.2009

Il-Ġurnal Uffiċjali tal-Unjoni Ewropea

L 40/12

DIRETTIVA TAL-KUMMISSJONI 2009/7/KE

tal-10 ta' Frar 2009

li temenda l-Annessi I, II, IV u V tad-Direttiva tal-Kunsill 2000/29/KE dwar il-miżuri protettivi kontra l-introduzzjoni ġewwa l-Komunità ta’ organiżmi li jagħmlu l-ħsara lill-pjanti jew lill-prodotti tal-pjanti u kontra t-tixrid tagħhom ġewwa l-Komunità

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat id-Direttiva tal-Kunsill 2000/29/KE tat-8 ta’ Mejju 2000 dwar il-miżuri protettivi kontra l-introduzzjoni fil-Komunità ta’ organiżmi li jagħmlu l-ħsara lill-pjanti jew lill-prodotti tal-pjanti u kontra t-tixrid tagħhom fil-Komunità (1), u b’mod partikolari l-punti (c) u (d) tat-tieni paragrafu tal-Artikolu 14 tagħha,

Wara konsultazzjoni mal-Istati Membri kkonċernati,

Billi:

(1)	Id-Direttiva 2000/29/KE telenka organiżmi li jagħmlu l-ħsara lill-pjanti jew lill-prodotti tal-pjanti u tistipula ċerti miżuri kontra l-introduzzjoni tagħhom fl-Istati Membri minn Stati Membri oħra jew minn pajjiżi terzi.

(2)

Abbażi tat-tagħrif fornut mill-Istati Membri u eżami mill-esperti tal-Annessi I, II, IV u V tad-Direttiva 2000/29/KE, huwa xieraq li jiġu emendati l-listi tal-organiżmi li jagħmlu l-ħsara fl-Annessi I u II biex jitjieb il-ħarsien mill-introduzzjoni ta’ dawn l-organiżmi fil-Komunità. Il-bidliet kollha huma bbażati fuq evidenza teknika u xjentifika.

(3)

Meta titqies iż-żieda fil-kummerċ internazzjonali fil-pjanti u l-prodotti tal-pjanti, hemm bżonn ta’ ħarsien fitosanitarju tal-Komunità kontra l-introduzzjoni tal-organiżmi li jagħmlu l-ħsara li ġejjin li s’issa mhumiex magħrufin bħala preżenti fil-Komunità: Dendrolimus sibiricus Tschetverikov; Rhynchophorus palmarum (L.); Agrilus planipennis Fairmaire fuq pjanti tal-Fraxinus L., Juglans mandshurica Maxim., Ulmus davidiana Planch., Ulmus parvifolia Jacq., u Pterocarya rhoifolia Siebold & Zucc., u li magħruf li jinsab biss fil-Kanada, fiċ-Ċina, fil-Ġappun, fil-Mongolja, fir-Repubblika tal-Korea, fir-Russja, fit-Tajwan, u fl-Istati Uniti; il-virus Chrysanthemum stem necrosis fuq pjanti ta’ Dendranthema (DC.) Des Moul. u Lycopersicon lycopersicum (L.) Karsten ex Farw.; Scrobipalpopsis solanivora (Povolny) fuq tuberi ta’ Solanum tuberosum L. u Stegophora ulmea (Schweinitz: Fries) Sydow & Sydow fuq pjanti ta’ Ulmus L. u Zelkova L., maħsuba għat-tħawwil, minbarra taż-żrieragħ. Barra minn hekk, it-tixrid ulterjuri ta’ Paysandisia archon (Burmeister), li tinsab f'xi żoni tal-Komunità fuq 11-il ġeneru ta’ Palmae u taħt kontroll uffiċjali, hemm bżonn li jkun limitat għall-istess raġunijiet.

(4)

L-ismijiet ta’ Saissetia nigra (Nietm.) u Diabrotica virgifera Le Conte għandhom ikunu emandati b’konformità mad-denominazzjonijiet xjentifiċi riveduti ta’ dawk l-organiżmi. Saissetia nigra (Nietm.) saret Parasaissetia nigra (Nietner). Diabrotica virgifera Le Conte inqasmet f’żewġ sottospeċi, jiġifieri Diabrotica virgifera virgifera Le Conte, preżenti reġjonalment fil-Komunità, u Diabrotica virgifera zeae Krysan & Smith, mhux preżenti fil-Komunità.

(5)	Għalhekk hemm bżonn li l-elenkar ta’ dawk l-organiżmi fl-Annessi I u II tad-Direttiva 2000/29/KE jiġi emendat.

(6)	Għaldaqstant, ir-rekwiżiti rilevanti fl-Annessi IV u V tad-Direttiva 2000/29/KE għall-importazzjoni jew il-moviment ta’ pjanti li jospitaw organiżmi li jagħmlu l-ħsara msemmija fl-Annessi I u II hemm bżonn li jiġu emendati biex iqisu l-elenkar emendat fl-Annessi I u II.

(7)	Il-kodiċi NM għall-injam ta’ Acer saccharum Marsh, għandu bżonn jiġi aġġornat fl-Anness V, Parti B biex b’hekk il-lista ta’ kodiċi NM għall-injam soġġett għall-kontroll fuq l-importazzjoni tkun kompluta.

(8)	L-Annessi I, II, IV u V tad-Direttiva 2000/29/KE għandhom għalhekk jiġu emendati skont dan.

(9)	Il-miżuri previsti f’din id-Direttiva huma konformi mal-opinjoni tal-Kumitat Permanenti dwar is-Saħħa tal-Pjanti,

ADOTTAT DIN ID-DIRETTIVA:

L-Artikolu 1

L-Annessi I, II, IV u V tad-Direttiva 2000/29/KE huma emendati skont it-test fl-Anness ta' din id-Direttiva.

L-Artikolu 2

1. L-Istati Membri għandhom jadottaw u jippubblikaw, sa mhux iktar tard mill-31 ta’ Marzu 2009, il-liġijiet, ir-regolamenti u d-dispożizzjonijiet amministrattivi meħtieġa biex jikkonformaw ma’ din id-Direttiva. Għandhom jikkomunikaw minnufih lill-Kummissjoni t-test ta’ dawn id-dispożizzjonijiet u t-tabella ta’ korrelazzjoni bejn dawn id-dispożizzjonijiet u din id-Direttiva.

Huma għandhom japplikaw dawk id-dispożizzjonijiet mill-1 ta’ April 2009.

Meta l-Istati Membri jadottaw dawk id-dispożizzjonijiet, għandhom ikun fihom referenza għal din id-Direttiva jew ikunu akkumpanjati b’din ir-referenza meta jiġu ppubblikati uffiċjalment. L-Istati Membri għandhom jiddeterminaw kif għandha ssir din ir-referenza.

2. L-Istati Membri għandhom jikkomunikaw lill-Kummissjoni t-test tad-dispożizzjonijiet ewlenin tal-liġi nazzjonali li jadottaw fil-qasam kopert minn din id-Direttiva.

L-Artikolu 3

Din id-Direttiva għandha tidħol fis-seħħ fl-20 jum wara dak tal-pubblikazzjoni tagħha f’Il-Ġurnal Uffiċjali tal-Unjoni Ewropea.

L-Artikolu 4

Din id-Direttiva hija indirizzata lill-Istati Membri.

Magħmula fi Brussell, 10 ta’ Frar 2009.

Għall-Kummissjoni

Androulla VASSILIOU

Membru tal-Kummissjoni

(1) ĠU L 169, 10.7.2000, p. 1.

ANNESS

L-Annessi I, II, IV u V tad-Direttiva 2000/29/KE huma emendati kif ġej:

(1)

Fl-Anness I, il-Parti A hija emendata kif ġej:

(a)

fl-intestatura (a) tas-Sezzjoni I:

(i)

il-punt 10.0. li ġej jiddaħħal wara l-punt 10:

“10.0.

Dendrolimus sibiricus Tschetverikov”;

(ii)

il-punt 10.4 jinbidel b’dan li ġej:

“10.4.

Diabrotica virgifera zeae Krysan & Smith”;

(iii)

il-punt 19.1 li ġej jiddaħħal wara l-punt 19:

“19.1.

Rhynchophorus palmarum (L.)”

(b)

fl-intestatura (a) tas-Sezzjoni II, il-punt 0.1. li ġej jiddaħħal qabel il-punt 1:

“0.1.

Diabrotica virgifera virgifera Le Conte”.

(2)

Fl-Anness II, il-Parti A hija emendata kif ġej:

(a)

fl-intestatura (a) tas-Sezzjoni I:

(i)

il-punt 1.1. li ġej jiddaħħal wara l-punt 1:

“1.1.

Agrilus planipennis Fairmaire

Pjanti maħsuba għat-tħawwil, minbarra pjanti f’kultura tan-nisġa u żrieragħ, injam u qoxra ta’ Fraxinus L., Juglans mandshurica Maxim., Ulmus davidiana Planch., Ulmus parvifolia Jacq. u Pterocarya rhoifolia Siebold & Zucc., li joriġinaw mill-Kanada, miċ-Ċina, mill-Ġappun, mill-Mongolja, mir-Repubblika tal-Korea, mir-Russja, mit-Tajwan u mill-Istati Uniti”

(ii)	il-punt 24 jitħassar;

(iii)

il-punt 28.1. li ġej jiddaħħal wara l-punt 28:

“28.1.

Scrobipalpopsis solanivora Povolny

Tuberi ta’ Solanum tuberosum L.”

(b)

fl-intestatura (c) tas-Sezzjoni I, il-punt 14.1. li ġej jiddaħħal wara l-punt 14:

“14.1.

Stegophora ulmea (Schweinitz: Fries) Sydow & Sydow

Pjanti ta’ Ulmus L. u Zelkova L., maħsuba għat-tħawwil, minbarra taż-żrieragħ”

(ċ)

fl-intestatura (d) tas-Sezzjoni I, il-punt 5.1 li ġej jiddaħħal wara l-punt 5:

“5.1.

Chrysanthemum stem necrosis virus

Pjanti ta’ Dendranthema (DC.) Des Moul. u Lycopersicon lycopersicum (L.) Karsten ex Farw., maħsuba għat-tħawwil, minbarra taż-żrieragħ”

(d)

fl-intestatura (a) tas-Sezzjoni II:

(i)

il-punt 6.3. li ġej jiddaħħal wara l-punt 6.2:

“6.3.

Parasaissetia nigra (Nietner)

Pjanti ta’ Citrus L., Fortunella Swingle, Poncirus Raf., u l-ibridi tagħhom, minbarra l-frott u żrieragħ”

(ii)

il-punt 10 li ġej jiddaħħal wara l-punt 9:

“10.	Paysandisia archon (Burmeister)

Pjanti ta' Palmae, maħsuba għat-tħawwil, li għandhom dijametru taz-zokk fil-bażi ta’ iktar minn 5 ċm u li jappartjenu għall-ġeneri li ġejjin: Brahea Mart., Butia Becc., Chamaerops L., Jubaea Kunth, Livistona R. Br., Phoenix L., Sabal Adans., Syagrus Mart., Trachycarpus H. Wendl., Trithrinax Mart., Washingtonia Raf.”

(3)

Fl-Anness IV, Parti A, is-Sezzjoni I hija emendata kif ġej:

(a)

il-punti 2.3, 2.4 u 2.5 li ġejjin jiddaħħlu wara l-punt 2.2:

“2.3.

Sew jekk elenkati fost il-kodiċi NM fl-Anness V, Parti B u sew jekk le, injam ta’ Fraxinus L., Juglans mandshurica Maxim., Ulmus davidiana Planch., Ulmus parvifolia Jacq. u Pterocarya rhoifolia Siebold & Zucc., minbarra fil-forma ta’

—	laqxiet, miksuba kompletament jew parzjalment minn dawn is-siġar,

—	materjal tal-ippakkjar tal-injam, fil-forma ta’ kontenituri tal-ippakkjar, kaxex, ċestuni, tankijiet u ppakkjar simili, palits, kaxex tal-palits u twavel tat-tagħbija oħrajn, għenuq tal-palits, li huma effettivament użati għat-trasport ta’ oġġetti ta’ kull xorta,

—	injam użat bħala feles jew appoġġ għat-tagħbija mhux tal-injam,

imma li jinkludi njam li ma żammx il-wiċċ tond naturali tiegħu,

li joriġina mill-Kanada, miċ-Ċina, mill-Ġappun, mill-Mongolja, mir-Repubblika tal-Korea, mir-Russja, mit-Tajwan u mill-Istati Uniti

Stqarrija uffiċjali li l-injam:

(a)	joriġina f’żona stabbilita mill-għaqda nazzjonali tal-ħarsien tal-pjanti fil-pajjiż esportatur bħala libera mill-Agrilus planipennis Fairmaire b’konformità mal-Istandards Internazzjonali għal Miżuri Fitosanitarji rilevanti; jew

(b)	huwa kwadrat biex ikun jista’ jitneħħa kompletament il-wiċċ tond.

2.4.

Sew jekk elenkat fost il-kodiċi NM fl-Anness V, Parti B u sew jekk le, injam f’forma ta’ laqxiet miksub kompletament jew parzjalment minn Fraxinus L., Juglans mandshurica Maxim., Ulmus davidiana Planch., Ulmus parvifolia Jacq. u Pterocarya rhoifolia Siebold & Zucc. li joriġina mill-Kanada, miċ-Ċina, mill-Ġappun, mill-Mongolja, mir-Repubblika tal-Korea, mir-Russja, mit-Tajwan u mill-Istati Uniti

Stqarrija uffiċjali li l-injam:

(a)	joriġina f’żona stabbilita mill-għaqda nazzjonali tal-ħarsien tal-pjanti fil-pajjiż esportatur bħala libera mill-Agrilus planipennis Fairmaire b’konformità mal-Istandards Internazzjonali għal Miżuri Fitosanitarji rilevanti; jew

(b)	li ġie pproċessat f’biċċiet ta’ mhux aktar minn 2,5 ċm ħxuna u wisa’.

2.5.	Qoxra iżolata ta’ Fraxinus L., Juglans mandshurica Maxim., Ulmus davidianaPlanch., Ulmus parvifolia Jacq. u Pterocarya rhoifolia Siebold & Zucc. li toriġina mill-Kanada, miċ-Ċina, mill-Ġappun, mill-Mongolja, mir-Repubblika tal-Korea, mir-Russja, mit-Tajwan u mill-Istati Uniti

Stqarrija uffiċjali li l-qoxra iżolata:

(a)	toriġina f’żona stabbilita mill-għaqda nazzjonali tal-ħarsien tal-pjanti fil-pajjiż esportatur bħala libera mill-Agrilus planipennis Fairmaire b’konformità mal-Istandards Internazzjonali għal Miżuri Fitosanitarji rilevanti; jew

(b)	li ġiet ipproċessata f’biċċiet ta’ mhux aktar minn 2,5 ċm ħxuna u wisa’”

(b)

il-punt 11.4. li ġej jiddaħħal wara l-punt 11.3.:

“11.4.

Il-pjanti ta’ Fraxinus L., Juglans mandshurica Maxim., Ulmus davidianaPlanch., Ulmus parvifoliaJacq. u Pterocarya rhoifolia Siebold & Zucc., maħsuba għat-tħawwil, minbarra taż-żrieragħ u pjanti f’kultura tan-nisġa li joriġinaw mill-Kanada, miċ-Ċina, mill-Ġappun, mill-Mongolja, mir-Repubblika tal-Korea, mir-Russja, mit-Tajwan u mill-Istati Uniti

Stqarrija Uffiċjali li l-pjanti:

(a)	tkabbru tul ħajjithom f’żona libera minn Agrilus planipennis Fairmaire, stabbilita minn organizzazzjoni nazzjonali tal-ħarsien tal-pjanti b’konformità mal-Istandards Internazzjonali għal Miżuri Fitosanitarji rilevanti; jew

(b)	tkabbru, tul perjodu ta’ mill-inqas sentejn qabel l-esportazzjoni, f'post ta' produzzjoni fejn ma ġew osservati l-ebda sinjali ta’ Agrilus planipennis Fairmaire waqt żewġ spezzjonijiet uffiċjali fis-sena mwettqa fi żminijiet xierqa, inkluż eżatt qabel l-esportazzjoni.”

(ċ)

it-test fil-kolonna tan-naħa tal-lemin tal-punt 14 huwa emendat kif ġej: “Mingħajr preġudizzju għad-dispożizzjonijiet applikabbli għall-pjanti fl-Anness IV(A)(I)(11.4), dikjarazzjoni uffiċċjali li l-ebda sintomi tal-Elm phlöem necrosis mycoplasm ma ġew osservati fil-post ta’ produzzjoni jew fil-viċinanza immedjata tiegħu mill-bidu tal-aħħar ċiklu sħiħ ta’ veġetazzjoni.”

(d)

il-punti 25.4.1 u 25.4.2 li ġejjin jiddaħħlu wara l-punt 25.4:

“25.4.1.

Tuberi tas-Solanum tuberosum L., minbarra dawk maħsuba għat-tħawwil

Bla ħsara għad-dispożizzjonijiet applikabbli għat-tuberi elenkati fl-Anness III(A)(12) u l-Anness IV(A)(I)(25.1), (25.2) u (25.3), stqarrija uffiċjali li t-tuberi joriġinaw f'żoni fejn Pseudomonas solanacearum (Smith) Smith mhux magħruf li jseħħ.

25.4.2.

Tuberi tas-Solanum tuberosum L.

Bla ħsara għad-dispożizzjonijiet applikabbli għat-tuberi elenkati fl-Anness III(A)(10), (11) u (12) u l-Anness IV(A)(I)(25.1), (25.2), (25.3), (25.4) u (25.4.1), stqarrija uffiċjali li:

(a)	it-tuberi joriġinaw f’pajjiż fejn Scrobipalpopsis solanivora Povolny mhux magħruf li jseħħ; jew

(b)	it-tuberi joriġinaw f’żona libera minn Scrobipalpopsis solanivora Povolny, stabbilita mill-għaqda nazzjonali tal-ħarsien tal-pjanti b’konformità mal-Istandards Internazzjonali għall-Fitosanità rilevanti.”

(e)	il-punt 25.8 jitħassar;

(f)

il-punt 28.1. li ġej jiddaħħal wara l-punt 28:

“28.1.

Pjanti ta’ Dendranthema (DC.) Des Moul. u Lycopersicon lycopersicum (L.) Karsten ex Farw., maħsuba għat-tħawwil, minbarra taż-żrieragħ

Bla ħsara għar-rekwiżiti applikabbli għall-pjanti elenkati fl-Anness III(A)(13), l-Anness IV(A)(I) (25.5), (25.6), (25.7), (27.1), (27.2) u (28), stqarrija uffiċjali li:

(a)	il-pjanti tkabbru tul ħajjithom f’pajjiż ħieles minn Chrysanthemum stem necrosis virus, jew

(b)	il-pjanti tkabbru tul ħajjithom f’żona stabbilita mill-għaqda nazzjonali tal-ħarsien tal-pjanti fil-pajjiż esportatur bħala libera mill-Chrysanthemum stem necrosis virus b’konformità mal-Istandards Internazzjonali għal Miżuri Fitosanitarji rilevanti, jew

(ċ)	il-pjanti tkabbru tul ħajjithom f’pajjiż ta’ produzzjoni, stabbilit bħala ħieles mill-Chrysanthemum stem necrosis virus u vverifikat permezz ta’ spezzjonijiet uffiċjali u, fejn xieraq, permezz ta' testijiet.”

(g)

il-punt 37.1. li ġej jiddaħħal wara l-punt 37:

“37.1.

Bla ħsara għall-projbizzjonijiet applikabbli għall-pjanti elenkati fl-Annex III(A)(17) u r-rekwiżiti elenkati fl-Anness IV(A)(I)(37) stqarrija uffiċjali li l-pjanti:

(a)	tkabbru tul ħajjithom f’pajjiż fejn Paysandisia archon (Burmeister) mhux magħruf li jseħħ; jew

(b)	tkabbru tul ħajjithom f’żona libera minn Paysandisia archon (Burmeister), stabbilita minn għaqda nazzjonali tal-ħarsien tal-pjanti b’konformità mal-Istandards Internazzjonali għal Miżuri Fitosanitarji rilevanti; jew

(ċ)

tkabbru, tul perjodu ta’ mill-inqas sentejn qabel l-esportazzjoni, f’post ta' produzzjoni:

—	li jkun irreġistrat u sorveljat mill-għaqda nazzjonali tal-ħarsien tal-pjanti fil-pajjiż tal-oriġini, u

—	fejn il-pjanti jkunu tpoġġew f’sit b’ħarsien fiżiku sħiħ mill-introduzzjoni ta’ Paysandisia archon (Burmeister) jew bl-applikazzjoni ta’ trattamenti preventivi xierqa, u

—	meta, waqt tliet spezzjonijiet uffiċjali fis-sena mwettqa fi żminijiet xierqa, inkluż eżatt qabel l-esportazzjoni, ma ġew osservati l-ebda sinjali ta’ Paysandisia archon (Burmeister).”

(4)

Fl-Anness IV, Parti A, Sezzjoni II, il-punt 19.1 li ġej jiddaħħal wara l-punt 19:

“(19)(1)

Stqarrija Uffiċjali li l-pjanti:

(a)	tkabbru tul ħajjithom f’żona libera minn Paysandisia archon (Burmeister), stabbilita minn għaqda nazzjonali tal-ħarsien tal-pjanti b’konformità mal-Istandards Internazzjonali għal Miżuri Fitosanitarji rilevanti; jew

(b)

tkabbru, tul perjodu ta’ mill-inqas sentejn qabel il-moviment, f’post ta’ produzzjoni:

—	li jkun irreġistrat u sorveljat mill-entità uffiċjali responsabbli fl-Istat Membru tal-oriġini, u

—	fejn il-pjanti jkunu tpoġġew f’sit b’ħarsien fiżiku sħiħ mill-introduzzjoni ta’ Paysandisia archon (Burmeister) jew bl-applikazzjoni ta’ trattamenti preventivi xierqa, u

—	fejn, waqt tliet spezzjonijiet uffiċjali fis-sena mwettqa fi żminijiet xierqa, ma ġew osservati l-ebda sinjali ta’ Paysandisia archon (Burmeister).”

(5)

L-Anness V jiġi emendat kif ġej:

(a)

Fis-Sezzjoni I tal-Parti A jiddaħħal il-punt 2.3.1. li ġej wara l-punt 2.3:

“2.3.1.

Pjanti ta’ Palmae, maħsuba għat-tħawwil, li għandhom dijametru taz-zokk fil-bażi ta’ iktar minn 5 ċm u li jappartjenu għall-ġeneri li ġejjin: Brahea Mart., Butia Becc., Chamaerops L., Jubaea Kunth, Livistona R. Br., Phoenix L., Sabal Adans., Syagrus Mart., Trachycarpus H. Wendl., Trithrinax Mart., Washingtonia Raf.”

(b)

Is-Sezzjoni I tal-Parti B hija emendata kif ġej:

(i)

it-tielet inċiż li ġej jiżdied mal-punt 5:

“—	Fraxinus L., Juglans mandshurica Maxim., Ulmus davidiana Planch., Ulmus parvifolia Jacq. u Pterocarya rhoifolia Siebold & Zucc. li joriġinaw mill-Kanada, miċ-Ċina, mill-Ġappun, mill-Mongolja, mir-Repubblika tal-Korea, mir-Russja, mit-Tajwan u mill-Istati Uniti.”

(ii)

is-sitt inċiż li ġej jiżdied mal-punt 6(a):

“—

Fraxinus L., Juglans mandshurica Maxim.,Ulmus davidiana Planch., Ulmus parvifolia Jacq. u Pterocarya rhoifolia Siebold & Zucc., inkluż injam li ma żammx il-wiċċ tond naturali tiegħu, li joriġinaw mill-Kanada, miċ-Ċina, mill-Ġappun, mill-Mongolja, mir-Repubblika tal-Korea, mir-Russja, mit-Tajwan u mill-Istati Uniti.”

(iii)

fil-punt 6(b), is-sezzjoni

“ex 4407 99

Injam mhux tal-koniferi (minbarra injam tropikali speċifikat fin-nota tas-sottointestatura 1 tal-Kapitolu 44 jew injam tropikali ieħor, ballut (Quercus spp.) jew fagu (Fagus spp.), issegat jew imlaqqax mit-tul, imfellel jew imqaxxar, inċanat jew le, xkatlat jew imwaħħal mit-tarf, ta’ ħxuna li taqbeż is-6 mm”

qiegħda titħassar u tinbidel bi:

“ex 4407 93	Injam ta’ Acer saccharum Marsh, isserrat jew imlaqqax mit-tul, imfellel jew imqaxxar, inċanat jew le, xkatlat jew imwaħħal mit-tarf, ta’ ħxuna li taqbeż is-6 mm
4407 95	Injam tal-fraxxnu (Fraxinus spp.) isserrat jew imlaqqax mit-tul, imfellel jew imqaxxar, inċanat jew le, xkatlat jew imwaħħal mit-tarf, ta’ ħxuna li taqbeż is-6 mm
ex 4407 99	Injam mhux tal-koniferi (minbarra injam tropikali speċifikat fin-nota tas-sottointestatura 1 tal-Kapitolu 44 jew injam tropikali ieħor, ballut (Quercus spp.), fagu (Fagus spp.), aġġru (Acer spp.), ċirasa (Prunus spp.) jew fraxxnu (Fraxinus spp.)) issegat jew imlaqqax mit-tul, imfellel jew imqaxxar, inċanat jew le, xkatlat jew imwaħħal mit-tarf, ta’ ħxuna li taqbeż is-6 mm”

Top

All

Choose the experimental features you want to try