31.12.2008   

MT

Il-Ġurnal Uffiċjali ta’ l-Unjoni Ewropea

183

(1)

Il-Patt ta' Stabbiltà u Tkabbir inizjalment kien jikkonsisti mir-Regolament tal-Kunsill (KE) Nru 1466/97 tas-7 ta' Lulju 1997 dwar it-tisħiħ tas-sorveljanza ta' pożizzjonijiet ta' budget u s-sorveljanza u l-koordinazzjoni ta' politika ekonomika (3), ir-Regolament tal-Kunsill (KE) Nru 1467/97 tas-7 ta' Lulju 1997 dwar li titħaffef u li tiġi ċċarata l-implimentazzjoni tal-proċedura ta' żbilanċ eċċessiv (4) u r-Riżoluzzjoni tal-Kunsill Ewropew tas-17 ta' Ġunju 1997 dwar il-Patt ta' Stabbiltà u Tkabbir (5). Il-Patt ta' Stabbiltà u Tkabbir wera l-utilità tiegħu li jankra d-dixxiplina fiskali, biex b'hekk huwa jikkontribwixxi għal livell għoli ta' stabbilità makroekonomika b'rati ta' inflazzjoni u ta' mgħax baxxi, li huwa meħtieġ biex jistimula tkabbir sostenibbli u l-ħolqien ta' impjiegi.

(2)

Fl-20 ta' Marzu 2005 l-Kunsill adotta rapport intitolat “Titjib fl-implimentazzjoni tal-Patt ta’ Stabbiltà u Tkabbir” li għandu l-għan li jtejjeb il-governanza u l-pussess nazzjonali tal-qafas fiskali billi jsaħħaħ l-irfid ekonomiku u l-effettività tal-Patt, kemm fil-qasam preventiv kif ukoll f’dak korrettiv tiegħu, biex jissalvagwardja s-sostenibbiltà fit-tul tal-finanzi pubbliċi, biex jippromwovi t-tkabbir u biex jevita li jiġu imposti piżijiet eċċessivi fuq ġenerazzjonijiet futuri. Ir-rapport ġie kontrofirmat mill-Kunsill Ewropew fil-konklużjonijiet tiegħu tat-23 ta' Marzu 2005 (6), li ddikjaraw li r-rapport jaġġorna u jikkomplementa l-Patt ta' Stabbiltà u Tkabbir, li tiegħu issa huwa parti integrali.

(3)

Skond ir-rapport Ecofin ta' l-20 ta' Marzu 2005 kontrofirmat mill-Kunsill Ewropew tar-Rebbiegħa 2005, l-Istati Membri, il-Kunsill u l-Kummissjoni għandhom jaffermaw mill-ġdid l-impenn tagħhom li jimplimentaw it-Trattat u l-Patt ta’ Stabbiltà u Tkabbir b’mod effettiv u f’waqtu, permezz tas-sostenn bejn il-pari u l-pressjoni mill-pari, u li jaġixxu f’kooperazzjoni mill-qrib u kostruttiva fil-proċess ta’ sorveljanza ekonomika u fiskali, sabiex jiggarantixxu ċ-ċertezza u l-effettività fir-regoli tal-Patt.

(4)

Ir-Regolament (KE) Nru 1466/97 jeħtieġ li jiġi emendat sabiex jippermetti l-applikazzjoni sħiħa tat-titjib maqbul fl-implimentazzjoni tal-Patt ta’ Stabbiltà u Tkabbir.

(5)

Il-Patt ta' Stabbiltà u Tkabbir jistabbilixxi l-obbligu ta' l-Istati Membri sabiex jaderixxu għall-objettiv fuq il-perijodu medju għall-pożizzjonijiet baġitarji tagħhom ta' “qrib il-bilanċ jew fl-eċċess” (CTBOIS). Fid-dawl ta' l-eteroġeneità ekonomika u baġitarja fl-Unjoni, l-objettiv fuq il-perijodu medju għandu jiġi divrenzjat għall-Istati Membri individwali, sabiex tittieħed konsiderazzjoni tad-diversità ta' pożizzjonijiet u żviluppi ekonomiċi u baġitarji kif ukoll tar-riskju fiskali għas-sostenibbiltà tal-finanzi pubbliċi, ukoll fid-dawl tal-bidliet demografiċi prospettivi. L-objettiv fuq il-perijodu medju jista' jitbiegħed mis-CTBOIS għall-Istati Membri individwali. Għaż-żona ta' l-euro u l-Istati Membri ERM2, ikun hemm għalhekk firxa definita għall-objettivi baġitarji fuq il-perijodu medju li huma speċifiċi għall-pajjiż, f'termini aġġustati ċiklikament, mingħajr miżuri ta' darba u miżuri temporanji oħrajn.

(6)

Għandu jinkiseb approċċ aktar simmetriku għall-politika fiskali matul iċ-ċiklu permezz ta’ dixxiplina baġitarja mtejba fi żminijiet ekonomiċi tajbin, bl-objettiv li jiġu evitati linji politiċi pro-ċikliċi u li gradwalment jintlaħaq l-objettiv baġitarju fuq il-perijodu medju. L-aderenza għall-objettiv baġitarju fuq il-perijodu medju għandu jippermetti lill-Istati Membri jittrattaw il-varjazzjonijiet ċikliċi normali waqt li l-iżbilanċ tal-gvern jinżamm taħt it-3 % tal-valur ta' referenza tal-PGD u jiġi żgurat progress rapidu lejn is-sostenibbiltà fiskali. Jekk dan jitqies għandu jkun hemm spazju għall-manuvrar baġitarju, b'mod partikolari għall-investiment pubbliku.

(7)

L-Istati Membri li għadhom ma laħqux l-objettiv baġitarju tagħhom fuq il-perijodu medju għandhom jieħdu passi biex jiksbuh matul iċ-ċiklu. Sabiex jilħqu l-objettiv baġitarju tagħhom fuq il-perijodu medju, l-Istati Membri taż-żona ta' l-euro jew ta' l-ERM2 għandhom isegwu aġġustament annwali minimu f'termini aġġustati ċiklikament, mingħajr miżuri ta' darba u miżuri temporanji oħrajn.

(8)

Sabiex tittejjeb in-natura tal-Patt orjentata fuq it-tkabbir, ir-riformi strutturali maġġuri li jkollhom effetti diretti ta' tnaqqis fl-ispejjeż għall-perijodu fit-tul, inkluż biż-żieda tat-tkabbir potenzjali, u għalhekk ikollhom impatt verifikabbli fuq is-sostenibbiltà għall-perijodu fit-tul tal-finanzi pubbliċi, għandhom jiġu meqjusa meta tkun qed tiġi definita t-triq ta' aġġustament għall-objettiv baġitarju fuq il-perijodu medju għal pajjiżi li jkunu għadhom ma laħqux dan l-objettiv u meta tkun qed titħalla devjazzjoni temporanja minn dan l-objettiv għal pajjiżi li jkunu diġà laħquh. Sabiex ma jfixklux riformi strutturali li bla dubju jtejbu s-sostenibbiltà fuq il-perijodu fit-tul tal-finanzi pubbliċi, għandha tingħata attenzjoni speċjali għar-riformi tal-pensjonijiet li jintroduċu sistema b’diversi pilastri li tinkludi pilastru obbligatorju, kompletament iffinanzjat, peress li dawn ir-riformi jinvolvu deterjorament fuq il-perijodu qasir tal-finanzi pubbliċi matul il-perijodu ta' implimentazzjoni.

(9)

Skadenzi stabbiliti għall-eżami ta' programmi ta' stabbiltà u konverġenza mill-Kunsill għandhom jiġu estiżi sabiex jippermettu għal valutazzjoni bir-reqqa tal-programmi ta' stabbiltà u konverġenza,

(1)

Għandhom jiddaħħlu l-intestatura u l-Artikolu li ġejjin:

“TAQSIMA 1A

OBJETTIVI TAL-BUDGET FUQ TERMINU MEDJU TA' ŻMIEN”

“Artikolu 2a

Kull Stat Membru għandu jkollu objettiv divrenzjat fuq terminu medju ta' żmien għall-pożizzjoni tal-budget tiegħu. Dawn l-objettivi tal-budget fuq terminu medju ta' żmien li huma speċifiċi għall-pajjiż jistgħu jitbiegħdu mill-ħtieġa ta' pożizzjoni qrib il-bilanċ jew f'bilanċ favorevoli. Huma għandhom jipprovdu marġini ta' sigurezza fir-rigward tal-proporzjon ta' 3 % tal-PGD għall-iżbilanċ tal-gvern; huma għandhom jiżguraw progress rapidu lejn is-sostenibbiltà u, meta jitqies dan kollu, huma għandhom jippermettu l-ispazju għall-manuvrar fil-budget, b'konsiderazzjoni partikolarment tal-ħtiġijiet għall-investiment pubbliku.

Meta jitqiesu dawn il-fatturi, għall-Istati Membri li adottaw l-euro u għall-Istati Membri ERM2, l-objettivi tal-budget fuq terminu medju ta' żmien li huma speċifiċi għall-pajjiż għandhom ikunu speċifikati f'firxa definita bejn – 1 % tal-PGD u bilanċ jew bilanċ favorevoli, f'termini aġġustati ċiklikament, mingħajr miżuri ta' darba u miżuri temporanji oħrajn.

L-objettiv tal-budget fuq terminu medju ta' żmien ta' Stat Membru jista' jiġi rivedut meta tiġi implimentata riforma strutturali maġġura u fi kwalunkwe każ kull erba' snin.”

(2)

L-Artikolu 3(2) huwa b'dan emendat kif ġej:

(3)

L-Artikolu 5 huwa b' dan emendat kif ġej:

(4)

L-Artikolu 7(2) huwa b'dan emendat kif ġej:

(5)

L-Artikolu 9 huwa b' dan emendat kif ġej:

(6)

Ir-referenzi għall-Artikoli 103 u 109c tat-Trattat jinbidlu għal referenzi għall-Artikoli 99 u 114 rispettivament fir-Regolament kollu.