This document is an excerpt from the EUR-Lex website
Document 32021R1704
Commission Delegated Regulation (EU) 2021/1704 of 14 July 2021 supplementing Regulation (EU) 2019/2152 of the European Parliament and of the Council by further specifying the details for the statistical information to be provided by tax and customs authorities and amending its Annexes V and VI (Text with EEA relevance)
Rialachán Tarmligthe (AE) 2021/1704 ón gCoimisiún an 14 Iúil 2021 lena bhforlíontar Rialachán (AE) 2019/2152 ó Pharlaimint na hEorpa agus ón gComhairle trí shonrú breise a dhéanamh ar mhionsonraí na faisnéise staitistiúla atá le cur ar fáil ag údaráis chánach agus chustaim agus lena leasaítear Iarscríbhinní V agus VI (Téacs atá ábhartha maidir leis an LEE)
Rialachán Tarmligthe (AE) 2021/1704 ón gCoimisiún an 14 Iúil 2021 lena bhforlíontar Rialachán (AE) 2019/2152 ó Pharlaimint na hEorpa agus ón gComhairle trí shonrú breise a dhéanamh ar mhionsonraí na faisnéise staitistiúla atá le cur ar fáil ag údaráis chánach agus chustaim agus lena leasaítear Iarscríbhinní V agus VI (Téacs atá ábhartha maidir leis an LEE)
C/2021/5160
IO L 339, 24.9.2021, pp. 33–39
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force: This act has been changed. Current consolidated version:
10/05/2026
|
24.9.2021 |
GA |
Iris Oifigiúil an Aontais Eorpaigh |
L 339/33 |
RIALACHÁN TARMLIGTHE (AE) 2021/1704 ÓN gCOIMISIÚN
an 14 Iúil 2021
lena bhforlíontar Rialachán (AE) 2019/2152 ó Pharlaimint na hEorpa agus ón gComhairle trí shonrú breise a dhéanamh ar mhionsonraí na faisnéise staitistiúla atá le cur ar fáil ag údaráis chánach agus chustaim agus lena leasaítear Iarscríbhinní V agus VI
(Téacs atá ábhartha maidir leis an LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) 2019/2152 ó Pharlaimint na hEorpa agus ón gComhairle an 27 Samhain 2019 maidir le staidreamh gnó Eorpach, lena n-aisghairtear 10 ngníomh dlí i réimse an staidrimh gnó (1), agus go háirithe Airteagal 5(2) agus (3) de,
De bharr an mhéid seo a leanas:
|
(1) |
In Iarscríbhinní V agus VI a ghabhann le Rialachán (AE) 2019/2152, chun críoch staidrimh, sonraítear an fhaisnéis a bhaineann le honnmhairí agus allmhaireoirí earraí a chuirfidh na húdaráis chánach agus na húdaráis chustaim ar fáil i ngach Ballstát do na húdaráis inniúla staidrimh náisiúnta (NSAnna). |
|
(2) |
Ba cheart sonrú breise a dhéanamh ar mhionsonraí na faisnéise staidrimh a bhaineann le honnmhairí agus allmhairí earraí, atá le cur ar fáil ag na húdaráis chustaim i ngach Ballstát do na NSAanna inniúla, agus a áirítear in Iarscríbhínní V agus VI a ghabhann le Rialachán (AE) 2019/2152. |
|
(3) |
Is gá Iarscríbhinn V a ghabhann le Rialachán (AE) 2019/2152 a leasú.chun a áirithiú go bhfuil faisnéis maidir le ciandíol earraí laistigh den Chomhphobal san fhaisnéis a chuireann údaráis chánach ar fáil do NSAanna chun críoch staidrimh. |
|
(4) |
Is gá Iarscríbhinn VI a ghabhann le Rialachán (AE) 2019/2152 a leasú chun a áirithiú go mbeidh feidhm freisin ag an oibleagáid atá ar údaráis chustaim sonraí dearbhuithe custaim a chur ar fáil do NSAanna sa Bhallstát ina bhfuil na hearraí le fáil faoin imréiteach láraithe, de bhun Airteagal 179 de Rialachán (AE) Uimh. 952/2013 ó Pharlaimint na hEorpa agus ón gComhairle (2), i gcás ina bhfuil níos mó ná Ballstát amháin i gceist. |
|
(5) |
Is gá freisin Iarscríbhinn VI a ghabhann le Rialachán (AE) 2019/2152 a leasú chun a áirithiú gur féidir le NSAnna faisnéis a fháil óna n-údaráis chustaim féin maidir le simplithe custaim a chuirtear i bhfeidhm agus maidir leis na hoibreoirí trádála atá rannpháirteach. |
|
(6) |
Dá bhrí sin, ba cheart Iarscríbhinní V agus VI a ghabhann le Rialachán (AE) 2019/2152 a leasú dá réir, |
TAR ÉIS AN RIALACHÁN SEO A GHLACADH:
Airteagal 1
Ábhar
Déantar sonrú breise sa Rialachán Tarmligthe seo ar mhionsonraí na faisnéise staidrimh a bhaineann le honnmhairí agus allmhairí earraí atá le cur ar fáil ag na húdaráis chánach agus chustaim do na NSAanna inniúla i ngach Ballstát.
Airteagal 2
Faisnéis ó thuairisceáin CBL
Na tuairisceáin CBL maidir le daoine inchánach nó daoine dlíthiúla neamh-inchánach dá dtagraítear i bpointe (a) d’Iarscríbhinn V a ghabhann le Rialachán (AE) 2019/2152, beidh an méid seo a leanas iontu ar a laghad:
|
(a) |
ainm iomlán an duine inchánach nó an duine dhlítheanaigh neamh-inchánach; |
|
(b) |
an seoladh iomlán, cód poist san áireamh; |
|
(c) |
an uimhir aitheantais a leithdháileadh ar an duine i gcomhréir le hAirteagal 214 de Threoir 2006/112/CE ón gComhairle (3); |
|
(d) |
le haghaidh gach duine inchánach nó duine dlítheanach neamh-inchánach:
|
Airteagal 3
Faisnéis ó ráitis achomair
1. An fhaisnéis faoi sholáthairtí laistigh den Aontas a bhailítear ó na ráitis achomair CBL, dá dtagraítear i bpointe (b) d’Iarscríbhinn V a ghabhann le Rialachán (AE) 2019/2152, beidh an méid seo a leanas ar a laghad san fhaisnéis sin:
|
(a) |
an tréimhse chánach; |
|
(b) |
uimhir aitheantais CBL gach soláthróra náisiúnta; |
|
(c) |
uimhir aitheantais CBL fhaighteoir an Bhallstáit chomhpháirtíochta; |
|
(d) |
an méid inchánach idir gach soláthróir náisiúnta agus gach faighteoir Ballstáit chomhpháirtíochta; |
|
(e) |
sainaithint soláthairtí a bheidh ann ina dhiaidh sin. |
2. Beidh an méid seo a leanas ar a laghad san fhaisnéis faoi fhálacha laistigh den Aontas a chuireann gach Ballstát eile i dteachtaireacht, dá dtagraítear i bpointe (c) d’Iarscríbhinn V a ghabhann le Rialachán (AE) 2019/2152:
|
(a) |
an tréimhse chánach; |
|
(b) |
uimhir aitheantais CBL gach faighteora náisiúnta; |
|
(c) |
an méid iomlán inchánach de réir an fhaighteora náisiúnta arna chomhiomlánú ag an mBallstát comhpháirtíochta. |
Airteagal 4
Faisnéis a bhaineann le dearbhuithe custaim
Áireofar san fhaisnéis dá dtagraítear i bpointe (c) d’Iarscríbhinn VI a ghabhann le Rialachán (AE) 2019/2152 aon fhaisnéis a iarrfaidh an NSA chun staidreamh Eorpach i ndáil le trádáil idirnáisiúnta in earraí a tháirgeadh, agus áireofar inti ar a laghad an fhaisnéis a leagtar amach in Iarscríbhinn I a ghabhann leis an Rialachán seo.
Airteagal 5
Leasú ar Rialachán (AE) 2019/2152
Cuirtear an téacs atá in Iarscríbhinn II a ghabhann leis an Rialachán seo in ionad Iarscríbhinní V agus VI a ghabhann le Rialachán (AE) 2019/2152.
Airteagal 6
Teacht i bhfeidhm
Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Beidh feidhm aige ón 1 Eanáir 2022.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, 14 Iúil 2021.
Thar ceann an Choimisiúin
An tUachtarán
Ursula VON DER LEYEN
(1) IO L 327, 17.12.2019, lch. 1.
(2) Rialachán (AE) Uimh. 952/2013 ó Pharlaimint na hEorpa agus ón gComhairle an 9 Deireadh Fómhair 2013 lena leagtar síos Cód Custaim an Aontais (IO L 269, 10.10.2013, lch. 1).
(3) Treoir 2006/112/CE ón gComhairle an 28 Samhain 2006 maidir leis an gcóras comhchoiteann cánach breisluacha (IO L 347, 11.12.2006, lch. 1).
IARSCRÍBHINN I
|
||
|
||
|
||
|
||
|
||
|
||
|
||
|
||
|
||
|
||
|
||
|
||
|
||
|
||
|
||
|
||
|
||
|
||
|
||
|
||
|
||
|
||
|
||
|
||
|
||
|
||
|
||
|
||
|
||
|
||
|
||
|
||
|
||
|
||
|
(1) Ní thagann seo i gceist ach amháin i gcás na gceanglas custaim atá faoi Rialachán Tarmligthe (AE) 2016/341 ón gCoimisiún an 17 Nollaig 2015 lena bhforlíontar Rialachán (AE) Uimh. 952/2013 ó Pharlaimint na hEorpa agus ón gComhairle a mhéid a bhaineann le rialacha idirthréimhseacha maidir le forálacha áirithe de Chód Custaim an Aontais i gcás nach bhfuil na córais leictreonacha lena mbaineann ag feidhmiú go fóill agus lena leasaítear Rialachán Tarmligthe (AE) 2015/2446 (IO L 69, 15.3.2016, lch. 1).
IARSCRÍBHINN II
“IARSCRÍBHINN V
Faisnéis atá le cur ar fáil ag na húdaráis chánach atá freagrach i ngach Ballstát faoin Údarás Staidrimh Náisiúnta dá dtagraítear in Airteagal 5(2):
|
(a) |
faisnéis ó thuairisceáin CBL maidir le daoine inchánach nó daoine dlíthiúla neamh-inchánach a d’fhógair soláthairtí i leith na tréimhse atá i gceist, soláthairtí earraí laistigh den Aontas i gcomhréir le pointe (a) d’Airteagal 251 de Threoir 2006/112/CE nó faisnéis maidir le hearraí a fháil laistigh den Aontas i gcomhréir le pointe (c) d’Airteagal 251 den Treoir sin; |
|
(b) |
faisnéis ó ráitis achomair maidir le soláthairtí laistigh den Aontas a bhailítear ó na ráitis achomair CBL i gcomhréir le hAirteagail 264 agus 265 de Threoir 2006/112/CE; |
|
(c) |
faisnéis maidir le hearraí a fhaightear laistigh den Aontas a chuireann gach Ballstát eile i dteachtaireacht i gcomhréir le hAirteagal 21(2) de Rialachán (AE) Uimh. 904/2010 ón gComhairle (1); |
|
(d) |
faisnéis ó thuairisceáin CBL maidir le daoine inchánach nach bhfuil bunaithe sa Bhallstát tomhaltais a úsáideann an scéim speisialta, dá bhforáiltear i Roinn 3 de Chaibidil 6 de Theideal XII de Threoir 2006/112/CE, a d’fhógair soláthairtí i leith na tréimhse atá i gceist, soláthairtí earraí faoin scéim sin i gcomhréir le hAirteagal 369g den Treoir sin; |
|
(e) |
faisnéis faoi sholáthairtí earraí a bhaineann leis an scéim speisialta, dá bhforáiltear i Roinn 3 de Chaibidil 6 de Theideal XII de Threoir 2006/112/CE ón gComhairle, a chuireann gach Ballstát eile i dteachtaireacht i gcomhréir le hAirteagal 21(1) de Rialachán (AE) Uimh. 904/2010. |
IARSCRÍBHINN VI
Faisnéis atá le cur ar fáil ag na húdaráis chustaim atá freagrach faoin Údarás Staidrimh Náisiúnta, i ngach aon Bhallstát, dá dtagraítear in Airteagal 5(3):
|
(a) |
faisnéis lena sainaithnítear an duine a dhéanann earraí a onnmhairiú agus a allmhairiú laistigh den Aontas, earraí a chumhdaítear le nós imeachta custaim próiseála isteach; |
|
(b) |
sonraí clárúcháin agus sainaitheanta na n-oibreoirí eacnamaíocha dá bhforáiltear faoi fhorálacha custaim an Aontais atá ar fáil sa chóras leictreonach a bhaineann le huimhir EORI dá dtagraítear in Airteagal 7 de Rialachán Cur Chun Feidhme (AE) 2015/2447 ón gCoimisiún (2); |
|
(c) |
na taifid ar allmhairithe agus onnmhairithe ó dhearbhuithe custaim a glacadh nó a bhí faoi réir cinntí ó údaráis náisiúnta custaim agus:
|
|
(d) |
faisnéis maidir le nósanna imeachta feidhmithe, simplithe nó údaruithe a dheonaítear d’oibreoirí trádála, agus faisnéis lena sainaithnítear na hoibreoirí trádála sin. |
(1) Rialachán (AE) Uimh. 904/2010 ón gComhairle an 7 Deireadh Fómhair 2010 maidir le comhar riaracháin agus maidir leis an gcomhrac in aghaidh na calaoise i réimse na cánach breisluacha (IO L 268, 12.10.2010, lch. 1).
(2) Rialachán Cur Chun Feidhme (AE) 2015/2447 ón gCoimisiún an 24 Samhain 2015 lena leagtar síos rialacha mionsonraithe maidir le forálacha áirithe Rialachán (AE) Uimh. 952/2013 ó Pharlaimint na hEorpa agus ón gComhairle lena leagtar síos Cód Custaim an Aontais (IO L 343, 29.12.2015, lch. 558).