This document is an excerpt from the EUR-Lex website
Document 32007R0335
Commission Regulation (EC) No 335/2007 of 28 March 2007 amending Regulation (EC) No 1702/2003 as regards the implementing rules related to environmental certification of aircraft and related products, parts and appliances (Text with EEA relevance )
Regolament tal-Kummissjoni (KE) Nru 335/2007 tat- 28 ta' Marzu 2007 li jemenda r-Regolament tal-Kummissjoni (KE) Nru 1702/2003 li jistabbilixxi regoli ta' implimentazzjoni biex inġenji ta' l-ajru, prodotti, partijiet u tagħmir relatat jiġu ċertifikati li ma jagħmlux ħsara ambjentali Test b'rilevanza għaż-ŻEE.
Regolament tal-Kummissjoni (KE) Nru 335/2007 tat- 28 ta' Marzu 2007 li jemenda r-Regolament tal-Kummissjoni (KE) Nru 1702/2003 li jistabbilixxi regoli ta' implimentazzjoni biex inġenji ta' l-ajru, prodotti, partijiet u tagħmir relatat jiġu ċertifikati li ma jagħmlux ħsara ambjentali Test b'rilevanza għaż-ŻEE.
ĠU L 88, 29.3.2007, p. 40–42
(BG, ES, CS, DA, DE, ET, EL, EN, FR, IT, LV, LT, HU, NL, PL, PT, RO, SK, SL, FI, SV)
ĠU L 56M, 29.2.2008, p. 215–217
(MT)
No longer in force, Date of end of validity: 09/09/2012; Imħassar b' 32012R0748
|
29.2.2008 |
MT |
Il-Ġurnal Uffiċjali ta’ l-Unjoni Ewropea |
215 |
REGOLAMENT TAL-KUMMISSJONI (KE) Nru 335/2007
tat-28 ta' Marzu 2007
li jemenda r-Regolament tal-Kummissjoni (KE) Nru 1702/2003 li jistabbilixxi regoli ta' implimentazzjoni biex inġenji ta' l-ajru, prodotti, partijiet u tagħmir relatat jiġu ċertifikati li ma jagħmlux ħsara ambjentali
(Test b'rilevanza għaż-ŻEE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament (KE) Nru 1592/2002 tal-Parlament Ewropew u tal-Kunsill tal-15 ta' Lulju 2002 dwar regoli komuni fil-kamp ta' l-avjazzjoni ċivili u li jistabbilixxi Aġenzija Ewropea tas-Sigurtà ta' l-Avjazzjoni Ewropea (1), u b'mod partikolari l-Artikoli 5 u 6 tiegħu,
Billi:
|
(1) |
Wieħed mill-għanijiet tar-Regolament (KE) Nru 1592/2002 huwa li l-Istati Membri jiġu assistiti biex jilħqu l-obbligi tagħhom skond il-Konvenzjoni ta’ Chicago billi jipprovdu implimentazzjoni komuni u uniformi tad-dispożizzjonijiet tagħha. |
|
(2) |
Ir-Regolament tal-Kummissjoni (KE) Nru 1592/2002 ġie implimentat bir-Regolament tal-Kummissjoni 1702/2003 ta’ l-24 ta’ Settembru 2003 li jistabbilixxi regoli ta' implimentazzjoni biex inġenji ta' l-ajru, prodotti, partijiet u tagħmir relatat jiġu ċertifikati bħala tajbin għall-ajru u li ma jagħmlux ħsara ambjentali, kif ukoll għaċ-ċertifikazzjoni ta' organizzazzjonijiet relatati mad-disinn u l-produzzjoni tagħhom (2) |
|
(3) |
L-Artikolu 2(1) tar-Regolament tal-Kummissjoni (KE) Nru 1702/2003 jistabbilixxi li għandhom joħorġu ċertifikati għall-prodotti, il-partijiet u t-tagħmir relatati ma’ l-inġenji ta’ l-ajru kif speċifikat fl-Anness tiegħu (Parti 21). |
|
(4) |
Appendiċi VI ta’ l-Anness (Parti 21) għar-Regolament tal-Kummissjoni (KE) Nru 1702/2003 tispeċifika l-Formola 45 ta’ l-AESA li trid tintuża biex toħroġ iċ-Ċertifikat għall-Ħoss. |
|
(5) |
Volum I ta’ l-Anness 16 għall-Konvenzjoni ta’ Chicago ġie emendat fit-23 ta’ Frar 2005 fir-rigward ta’ l-istandards u l-linji ta’ gwida għall-amministrazzjoni tad-Dokumentazzjoni taċ-Ċertifikazzjoni tal-Ħoss. |
|
(6) |
Jeħtieġ xi tibdil għad-dispożizzjonijiet tar-Regolament tal-Kummissjoni (KE) Nru 1702/2003 biex dan l-anness ikun konformi mal-Volum I ta’ l-Anness 16 kif emendat. |
|
(7) |
Ir-Regolament tal-Kummissjoni (KE) Nru 1702/2003 għandu għalhekk jiġi emendat skond dan. |
|
(8) |
Il-miżuri previsti f'dan ir-Regolament huma bbażati fuq l-opinjoni li tat l-Aġenzija skond l-Artikoli 12(2)(b) u 14(1) tar-Regolament (KE) Nru 1592/2002. |
|
(9) |
Il-miżuri previsti f'dan ir-Regolament jaqblu mal-fehma tal-Kumitat stabbilit mill-Artikolu 54(3) tar-Regolament (KE) Nru 1592/2002, |
ADOTTAT DAN IR-REGOLAMENT:
Artikolu 1
Il-Parti 21 ta' l-Anness għar-Regolament tal-Kummissjoni (KE) Nru 1702/2003 huwa emendat kif ġej:
|
1. |
Fil-Parti 21A.204 (b) (1) (ii), titħassar is-sentenza “Din l-informazzjoni għandha tkun inkluża fil-manwal tat-titjira, meta dan ikun meħtieġ bil-kodiċi applikabbli ta' l-adegwità ta' l-avjazzjoni għall-ajruplan partikulari” |
|
2. |
Fil-Parti 21A.204 (b) (2) (i), titħassar is-sentenza “Din l-informazzjoni għandha tkun inkluża fil-manwal tat-titjira, meta dan ikun meħtieġ bil-kodiċi applikabbli ta' l-adegwità ta' l-avjazzjoni għal dak l-ajruplan partikulari” |
|
3. |
L-Anness VI jiġi mibdul bl-Anness għal dan ir-Regolament. |
Artikolu 2
Dan ir-Regolament għandu jidħol fis-seħħ fil-jum tal-pubblikazzjoni tiegħu fil-Ġurnal Uffiċjali ta’ l-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, 28 ta' Marzu 2007.
Għall-Kummissjoni
Jacques BARROT
Viċi President
(1) ĠU L 240, 7.9.2002, p. 1. Ir-Regolament kif emendat l-aħħar bir-Regolament (KE) Nru 1701/2003 (ĠU L 243, 27.9.2003, p. 5).
(2) ĠU L 243, 27.9.2003, p. 6. Ir-Regolament kif emendat l-aħħar bir-Regolament (KE) Nru 706/2006 (ĠU L 122, 9.5.2006, p. 16).
ANNESS
Appendiċi VI — Formola 45 ta’ l-AESA, Ċertifikat tal-Ħoss ta’ l-Anness (Parti 21) hija sostitwita b’dan li ġej:
