7.6.2006   

MT

Il-Ġurnal Uffiċjali ta’ l-Unjoni Ewropea

340

(1)

Politika komuni dwar l-asil, inkluż Sistema Ewropea Komuni dwar l-Asil, hija parti kostitwenti ta’ l-għan ta’ l-Unjoni Ewropea li tiġi stabbilita progressivament żona ta’ libertà, sigurtà, u ġustizzja miftuħa għal dawk li, imġiegħla minħabba ċ-ċirkostanzi, ifittxu leġittimament protezzjoni fl-Unjoni Ewropea.

(2)

L-implimentazzjoni ta’ din il-politika għandha tkun ibbażata fuq solidarjetà bejn l-Istati Membri u teħtieġ l-eżistenza ta’ mekkaniżmi li jippromovu bilanċ ta’ sforz bejn l-Istati Membri meta jilqgħu r-refuġjati u l-persuni maqlugħa minn pajjiżhom u jerfgħu l-konsegwenzi ta’ dan. Għal dak l-iskop, ġie stabbilit Fond Ewropew għar-Refuġjati għall-perijodu 2000 – 2004 bid-Deċiżjoni 2000/596/KE (4).

(3)

Huwa meħtieġ li jiġi stabbilit Fond Ewropew għar-Refuġjati (hawn iżjed il' quddiem “il-Fond”) għall-perijodu 2005 – 2010 biex tiġi żgurata solidarjetà kontinwata bejn l-Istati Membri fid-dawl tal-leġislazzjoni Komunitarja adottata reċentement fil-qasam ta’ l-asil, b’kont meħud ta’ l-esperjenza miksuba fl-implimentazzjoni ta’ l-ewwel fażi tal-Fond għall-perijodu 2000-2004.

(4)

Huwa meħtieġ li jiġu sostnuti l-isforzi magħmula mill-Istati Membri biex jagħtu kondizzjonijiet ta’ lqugħ xierqa lil refuġjati u persuni maqlugħa minn pajjiżhom u biex japplikaw proċeduri ta’ asil ġusti u effettivi sabiex jiġu mħarsa d-drittijiet ta’ persuni li jeħtieġu l-protezzjoni internazzjonali.

(5)

L-integrazzjoni ta’ refuġjati fis-soċjetà tal-pajjiż li fih huma stabbiliti hija waħda mill-għanijiet tal-Konvenzjoni ta’ Ġinevra tat-28 ta’ Lulju 1951 dwar l-Istatus tar-Refuġjati, kif supplimentata mill-Protokoll ta’ New York tal-31 ta’ Jannar 1967. Tali persuni għandhom ikunu jistgħu jaqsmu l-valuri stabbiliti fil-Karta tad-Drittijiet Fundamentali ta’ l-Unjoni Ewropea. Għal dan l-iskop, għandu jkun hemm appoġġ għal azzjoni mill-Istati Membri biex jippromovu l-integrazzjoni soċjali, ekonomika u kulturali tagħhom sa fejn din tikkontribwixxi għal koeżjoni ekonomika u soċjali, iż-żamma u t-tisħiħ ta’ liema hija waħda mill-għanijiet fondamentali tal-Komunità previsti fl-Artikoli 2 u 3(1)(k) tat-Trattat.

(6)

Huwa fl-interessi kemm ta’ l-Istati Membri kif ukoll tal-persuni kkonċernati li r-refuġjati u persuni maqlugħa minn pajjiżhom li għandhom il-permess joqgħodu fit-territorju ta’ l-Istati Membri għandhom jingħataw l-opportunità biex jipprovdu għal rashom billi jaħdmu skond id-disposizzjonijiet ta’ l-istrumenti Komunitarji relatati.

(7)

Minħabba li miżuri appoġġjati mill-Fondi Strutturali u miżuri oħra Komunitarji fil-qasam ta’ l-edukazzjoni u t-taħriġ professjonali m' humiex fihom infushom biżżejjed biex jippromovu tali integrazzjoni, għandu jingħata appoġġ għal miżuri speċjali sabiex refuġjati u persuni maqlugħa minn pajjiżhom ikunu jistgħu jgawdu bis-sħiħ mill-programmi li huma organizzati.

(8)

Huwa meħtieġ appoġġ prattiku sabiex jinħolqu jew jittejbu l-kondizzjonijet li jippermettu lil refuġjati u persuni maqlugħa minn pajjiżhom biex jieħdu deċiżjoni informata biex jitilqu t-territorju ta’ l-Istati Membri u jirritornaw lejn darhom jekk hekk jixtiequ.

(9)

Azzjoni li tinvolvi korpi minn żewġ Stati Membri jew iżjed u azzjoni ta’ interess Komunitarju f’dan il-qasam għandhom ikunu eliġibbli għal appoġġ mill-Fond, u għandhom jiġu mħeġġa skambji bejn Stati Membri bil-ħsieb li jiġu identifikati u promossi l-prattiċi l-iżjed effettivi.

(10)

Għandha tiġi stabbilita riżerva finanzjarja għall-implimentazzjoni ta’ miżuri ta’ emerġenza sabiex tkun provduta protezzjoni temporanja fil-każ ta' influss ta’ refuġjati bil-massa skond id-Direttiva tal-Kunsill 2001/55/KE ta' l-20 ta' Lulju 2001 dwar l-istandards minimi sabiex tingħata protezzjoni temporanja fl-eventwalità ta' influss bil-massa ta' persuni spostati u dwar il-miżuri li jippromwovu bilanċ fl-isforzi bejn l-Istati Membri meta jirċievu dawn il-persuni u li jġorru l-konsegwenzi ta' dawn (5).

(11)

Bil-ħsieb li tiġi stabbilita solidarjetà finanzjarja b’mod effettiv u proporzjonat u b’kont meħud ta’ l-esperjenza miksuba fl-implimentazzjoni tal-Fond bejn l-2000 u l-2004, għandhom jiġu speċifikati r-responsabbiltajiet tal-Kummissjoni u dawk ta’ l-Istati Membri għall–implimentazzjoni u l-amministrazzjoni tal-Fond. L-Istati Membri għandhom jinnominaw awtoritajiet nazzjonali xierqa għal dak il-għan, u għandhom jiġu stabbiliti l-kompiti tagħhom.

(12)

L-appoġġ provdut mill-Fond ikun iżjed effiċjenti u mmirat aħjar jekk il-kofinanzjament ta’ azzjonijiet eligibbli ikun ibbażat fuq żewġ programmi multiannwali u fuq programm ta’ ħidma annwali mfassal minn kull Stat Membru b’kont meħud tas-sitwazzjoni u l-ħtiġijiet tiegħu.

(13)

Huwa ġust li r-riżorsi jiġu allokati fi proporzjon mal-piż fuq kull Stat Membru minħabba l-isforzi tiegħu fl-ilqugħ ta’ refuġjati u persuni maqlugħa minn pajjiżhom, inkluż refuġjati li jgawdu minn protezzjoni internazzjonali fil-qafas ta’ programmi nazzjonali.

(14)

Il-miżuri meħtieġa għall-implimentazzjoni ta’ din id-Deċiżjoni għandhom jiġu adottati skond id-Deciżjoni tal-Kunsill 1999/468/KE tat-28 ta’ Ġunju 1999 li tipprovdi l-proċeduri għall-eżerċizzju tas-setgħat ta’ l-implimentazzjoni konferiti fuq il-Kummissjoni (6).

(15)

Il-monitoraġġ effiċjenti huwa mod wieħed kif jiġi żgurat li l-azzjonijiet appoġġjati mill-Fond ikunu effettivi. Għandhom jiġu determinati l-kondizzjonijiet li jirregolaw il-monitoraġġ.

(16)

Mingħajr preġudizzju għar-responsabbiltajiet tal-Kummissjoni għal kontroll finanzjarju, għandha tiġi stabbilita koperazzjoni bejn l-Istati Membri u l-Kummissjoni f’dak ir-rigward.

(17)

L-Istati Membri għandhom jipprovdu garanziji suffiċjenti fir-rigward ta’ arranġamenti għall-implimentazzjoni u l-kwalità ta’ eżekuzzjoni. Għandha tiġi speċifikata ir-responsabbiltà ta’ l-Istati Membri fit-tfittxija u l-korrezzjoni ta’ irregolaritajiet u ksur, u r-responsabbiltà tal-Kummissjoni fejn l-Istati Membri ma jikkonformawx ma’ l-obbligi tagħhom.

(18)

L-effettività u l-impatt ta’ azzjonijiet appoġġjati mill-Fond jiddependu wkoll fuq il-valutazzjoni tagħhom. Għandhom jiġu definiti b’mod ċar ir-responsabbiltajiet ta’ l-Istati Membri u tal-Kummissjoni f’dan ir-rigward, u arranġamenti biex tiġi żgurata l-affidabbiltà ta’ valutazzjoni.

(19)

L-azzjonijiet għandhom jiġu valutati bil-ħsieb ta’ reviżjoni ta’ perijodu medju u stima ta’ l-impatt tagħhom, u l-proċess ta’ valutazzjoni għandu jiġi nkorporat f’arranġamenti ta’ monitoraġġ ta’ proġetti.

(20)

Gialadarba l-għanijiet ta’ din id-Deċiżjoni, jiġifieri l-promozzjoni tal-bilanċ ta’ l-isforz bejn l-Istati Membri meta jilqgħu r-refuġjati u l-persuni maqlugħa minn pajjiżhom, ma jistgħux jintlaħqu b’mod suffiċjenti mill-Istati Membri u għalhekk jistgħu jintlaħqu aħjar fil-livell Komunitarju. Il-Komunita' tista' tadotta miżuri skond il-prinċipju ta’ sussidjarjetà kif stabbilit fl-Artikolu 5 tat-Trattat. Skond il-prinċipju ta’ proporzjonalitá kif stabbilit f' dak l-Artikolu, din id-Deċiżjoni ma teċċedix dak li hu meħtieġ biex jintlaħaq dak il-għan.

(21)

Skond l-Artikolu 3 tal-Protokoll dwar il-pożizzjoni tar-Renju Unit u ta’ l-Irlanda, anness mat-Trattat dwar l-Unjoni Ewropea u t-Trattat li jistabbilixxi l-Komunitá Ewropea, ir-Renju Unit innotifika x-xewqa tiegħu biex jieħu sehem fl-adozzjoni u l-applikazzjoni ta’ din id-Deċiżjoni.

(22)

Skond l-Artikolu 3 tal-Protokoll dwar il-pożizzjoni tar-Renju Unit u ta’ l-Irlanda, anness mat-Trattat dwar l-Unjoni Ewropea u t-Trattat li jistabbilixxi l-Komunitá Ewropea, l-Irlanda innotifikat ix-xewqa tagħha biex tieħu sehem fl-adozzjoni u l-applikazzjoni ta’ din id-Deċiżjoni.

(23)

Skond l-Artikoli 1 u 2 tal-Protokoll dwar il-pożizzjoni tad-Danimarka, anness mat-Trattat dwar l-Unjoni Ewropea u t-Trattat li jistabbilixxi l-Komunitá Ewropea, id-Danimarka mhix tieħu sehem fl-adozzjoni ta’ din id-Deċiżjoni, u mhix marbuta biha u lanqas suġġetta għall-applikazzjoni tagħha,

(1)

kwalunkwe ċittadini ta’ stat terz jew persuni apolidi li jgawdu mill-istatus definit mill-Konvenzjoni ta’ Ġinevra tat-28 ta’ Lulju 1951 dwar l-Istatus tar-Refuġjati u l-protokoll ta’ l-1967 tagħha u li għandhom il-permess li jirrisjedu bħala refuġjati f’wieħed mill-Istati Membri;

(2)

kwalunkwe ċittadini ta’ stat terz jew persuni apolidi li jgawdu minn xorta ta’ protezzjoni sussidjarja fis-sens tad-Direttiva tal-Kunsill 2004/83/KE tad-29 ta' April 2004 dwar standards minimi għall-kwalifika u l-istatus ta’ ċittadini ta’ stati terzi jew persuni apolidi bħala refuġjati jew bħala persuni li għal raġunijiet oħra għandhom bżonn il-protezzjoni internazzjonali u l-kontenut tal-protezzjoni mogħtija (7);

(3)

kwalunkwe ċittadini ta’ stat terz jew persuni apolidi li applikaw għal waħda mix-xorta ta’ protezzjoni deskritti fil-punti 1 u 2;

(4)

kwalunkwe ċittadini ta’ stat terz jew persuni apolidi li jgawdu minn protezzjoni temporanja fis-sens tad-Direttiva 2001/55/KE.

(a)

kondizzjonijiet ta’ riċeviment u proċeduri ta’ asil;

(b)

integrazzjoni ta’ persuni msemmija fl-Artikolu 3 li l-permanenza tagħhom fl-Istat Membru hjia waħda ta’ natura duratura u stabbli;

(ċ)

ritorn volontarju ta’ persuni msemmija fl-Artikolu 3, sakemm ma jkunux kisbu nazzjonalità ġdida u ma ħallewx it-territorju ta’ l-Istat Membru.

(a)

infrastrutturi jew servizzi ta’ akkomodazzjoni;

(b)

għoti ta’ għajnuna materjali u kura medika u psikoloġika;

(ċ)

għajnuna soċjali, informazzjoni jew għajnuna b’formalitajiet amministrattivi;

(d)

għajnuna legali u għajnuna lingwistika;

(e)

edukazzjoni, taħriġ fil-lingwi u inizjattivi oħra li huma konsistenti ma’ l-istatus tal-persuna;

(f)

l-għoti ta’ servizzi ta’ appoġġ bħal traduzzjoni u taħriġ bħala għajnuna għat-titjib tal-kondizzjonijiet ta’ riċeviment u ta’ l-effiċjenza u l-kwalità tal-proċeduri ta’ asil;

(g)

informazzjoni għal komunitajiet lokali li jkun ser ikollhom interazzjoni ma’ dawk li qed jiġu milqugħa fil-pajjiż ospitanti.

(a)

parir u għajnuna f’oqsma bħal akkomodazzjoni, mezzi ta’ sussistenza, integrazzjoni fis-suq tax-xogħol, kura medika, psikoloġika u soċjali;

(b)

azzjonijiet li jippermettu lill-benefiċjarji jadattaw għas-soċjetà ta’ l-Istat Membru f’termini soċjo-kulturali, u biex jaqsmu l-valuri miġbura fil-Karta ta’ Drittijiet Fondamentali ta’ l-Unjoni Ewropea;

(ċ)

azzjonijiet biex jippromovu l-parteċipazzjoni dewwiema u sostenibbli fil-ħajja ċivili u kulturali;

(d)

miżuri li jiffokaw fuq l-edukazzjoni, it-taħriġ professjonali, ir-rikonoxximent ta’ kwalifiki u ta’ diplomi;

(e)

azzjonijiet imfassla biex jippromovu l-kisba awtonoma ta’ kapaċitajiet u biex jippermettu lil dawn il-persuni jipprovdu għal rashom;

(f)

azzjonijiet li jippromovu l-kuntatt sinifikattiv u d-djalogu kostruttiv bejn dawn il-persuni u s-soċjetà li qiegħda tilqa’, inklużi azzjonijiet li jippromovu l-involviment ta’ sħab prinċipali bħall-pubbliku ġenerali, l-awtoritajiet lokali, l-assoċjazzjonijiet tar-refuġjati, il-gruppi volontarji, is-sħab soċjali u s-soċjetà ċivili aktar wiesgħa;

(g)

miżuri li jappoġġjaw il-kisba ta' kapaċitajiet minn dawn il-persuni, inkluż it-taħriġ fil-lingwi;

(h)

azzjonijiet li jippromovu kemm l-ugwaljanza ta’ aċċess kif ukoll l-ugwaljanza ta’ riżultati fir-rigward tar-relazzjonijiet ta’ dawk il-persuni ma’ istituzzjonijiet pubbliċi.

(a)

servizzi ta’ informazzjoni u ta’ parir dwar inizjattivi jew programmi ta’ ritorn volontarju;

(b)

informazzjoni dwar is-sitwazzjoni fil-pajjiż jew fir-reġjun ta’ oriġini jew ta’ residenza normali ta’ qabel;

(ċ)

taħriġ ġenerali jew professjonali u għajnuna fl-integrazzjoni mill-ġdid;

(d)

azzjoni ta’ komunitajiet ta’ oriġini residenti fl-Unjoni Ewropea biex jiffaċilitaw ir-ritorn volontarju tal-persuni msemmija f’din id-Deċiżjoni;

(e)

azzjonijiet li jiffaċilitaw l-organizzazzjoni u l-implimentazzjoni ta’ programmi nazzjonali ta’ ritorn volontarju.

(a)

it-tmexxija l-quddiem tal-koperazzjoni Komunitarja fl-implimentazzjoni tal-liġi tal-Komunità u prattiċi tajbin;

(b)

l-appoġġ għall-istabbiliment ta’ rettikolati ta’ koperazzjoni transnazzjonali u proġetti pilota bażati fuq sħubija transnazzjonali bejn korpi li jinsabu f’żewġ Stati Membri jew iżjed imfassla biex jistimolaw l-innovazzjoni, jiffaċilitaw l-iskambji ta’ esperjenza u prattiċi tajbin u jtejbu l-kwalità tal-politika ta’ asil;

(ċ)

l-appoġġ għal kampanji transnazzjonali ta’ familjarizzazzjoni dwar il-politika Ewropea ta’ l-asil u s-sitwazzjoni u ċ-ċirkostanzi tal-persuni msemmija fl-Artikolu 3;

(d)

l-appoġġ għad-disseminazzjoni u l-iskambju ta’ informazzjoni, inkluż l-użu ta’ l-IT u t-teknoloġija tal-komunikazzjoni, dwar l-aħjar prattiċi u l-aspetti l-oħra kollha tal-Fond.

(a)

riċeviment u akkomodazzjoni;

(b)

għoti ta’ mezzi ta’ sussistenza, inklużi ikel u ħwejjeġ;

(ċ)

għajnuna medika, psikoloġika jew għajnuna oħra;

(d)

spejjeż ta’ persunal u amministrazzjoni marbuta mar-riċeviment ta’ persuni ikkonċernati u l-implimentazzjoni ta’ miżuri;

(e)

spejjeż ta’ loġistika u ta’ trasport.

(a)

tadotta linji gwida, skond il-proċedura prevista fl-Artikolu 11(2), għall-prijoritajiet tal-programmi multiannwali imsemmija fl-Artikolu 15 u għandha tinnotifika lill-Istati Membri dwar l-allokazzjonijiet indikattivi finanzjarji għall-Fond.

(b)

tiżgura, bħala parti mir-responsabbilta tagħha għall-esekuzzjoni tal-budget ġenerali ta' l-Unjoni Ewropea, li jiġu stabbiliti sistemi xierqa ta’ amministrazzjoni u ta’ kontroll fl-Istati Membri u li joperaw sew, sabiex ikun garantit li l-fondi tal-Komunità jintużaw kif suppost u b’mod effettiv. Dawn il-miżuri għandhom jinkludu verifiki preliminari dokumentarji u fuq il-post ta’ proċeduri ta’ implimentazzjoni, sistemi ta’ kontroll, proċeduri ta’ żamma tal-kotba u l-proċeduri ta’ l-appalt u l-allokazzjoni ta’ għotjiet segwiti mill-awtoritajiet responsabbli. Il-Kummissjoni għandha tirrevedi l-proċeduri jew is-sistemi kull darba li jsiru bidliet sostanzjali;

(ċ)

timplimenta l-azzjonijiet tal-Komunità kif previst fl-Artikolu 8.

(a)

ikunu responsabbli għall-implimentazzjoni ta’ azzjonijiet nazzjonali appoġġjati mill-Fond;

(b)

jieħdu l-miżuri meħtieġa għall-operazzjoni effettiva tal-Fond fuq il-livell nazzjonali, u jinvolvu dawk kollha konċernati dwar il-proċedura ta’asil skond il-prattika nazzjonali;

(ċ)

jaħtru awtorità responsabbli biex tamministra proġetti nazzjonali appoġġjati mill-Fond skond il-leġislazzjoni applikabbli tal-Komunità u l-prinċipju ta’ amministrazzjoni finanzjarja tajba;

(d)

ikunu prinċipalment responsabbli għall-kontroll finanzjarju ta’ azzjonijiet u jiżguraw li sistemi ta’ amministrazzjoni u ta’ verifika jkunu implimentati b’tali mod li jiggarantixxu li l-fondi tal-Komunità jiġu wżati kif suppost u b’mod effettiv. Għandhom jipprovdu lill-Kummissjoni b’deskrizzjoni ta’ dawn is-sistemi;

(e)

jiċċertifikaw li d-dikjarazzjonijiet ta’ nfiq preżentati lill-Kummissjoni jkunu preċiżi u għandhom jiżguraw li jirriżultaw minn sistemi ta’ żamma tal-kotba bażati fuq dokumenti ta’ sostenn li jistgħu jiġu verifikati;

(f)

jikkoperaw mal-Kummissjoni għall-ġbir ta’ l-istatistika meħtieġa għall-implimentazzjoni ta’ l-Artikolu 17.

(a)

tassumi responsabbiltà għad-diseminazzjoni tar-riżultati ta’ l-azzjonijiet magħmula fil-fażi 2000-2004 tal-Fond u ta’ dawk li ser jiġu implimentati fil-fażi 2005-2010;

(b)

tiżgura li informazzjoni, pubbliċità u segwitu xierqa jiġu provduti għall-azzjonijiet appoġġjati mill-Fond;

(ċ)

tiżgura li l-azzjonijiet huma koeżivi ma’, u kumplementari għal, politiki, strumenti u inizjattivi rilevanti oħra tal-Komunità.

(a)

għandu jkollu personalità ġuridika, ħlief fejn ikun korp funzjonali ta’ l-Istat Membru;

(b)

għandu jkollu kapaċità finanzjarja u amministrattiva li taqbel mal-volum ta’ fondi Komunitarji li jkun msejjaħ jamministra u li tippermettilu jiżvolġi l-kompiti tiegħu kif suppost, skond ir-regoli li jirregolaw l-amministrazzjoni ta’ fondi tal-Komunità.

(a)

jikkonsultaw ma’ sħab xierqa biex jistabbilixxu l-programm multiannwali;

(b)

jorganizzaw u jippubbliċizzaw sejħiet għal offerti għal xogħol bl-appalt u għal proposti;

(ċ)

jorganizzaw proċeduri ta’ selezzjoni u aġġudikazzjoni għal kofinanzjament mill-Fond skond il-prinċipji ta’ trasparenza u trattament ugwali, u bit-teħid tal miżuri kollha meħtieġa biex jiġu evitati kwalunkwe konflitt ta’ interessi possibbli;

(d)

jiżguraw konsistenza u komplimentarità bejn kofinanzjament taħt il-Fond u minn strumenti finanzjarji rilevanti oħra nazzjonali u tal-Komunità;

(e)

manniġġar amministrattiv, kuntrattwali u finanzjarju ta’ azzjonijiet;

(f)

attivitajiet ta’ informazzjoni u konsultattivi; disseminazzjoni ta’ riżultati;

(g)

monitoraġġ u evalwazzjoni;

(h)

koperazzjoni u kollaborazzjoni mal-Kummissjoni u l-awtoritajiet responsabbli fl-Istati Membri l-oħra.

(a)

is-sitwazzjoni u l-ħtiġijiet fl-Istat Membru;

(b)

l-effiċjenza a paragun tan-nefqa fir-rigward tan-numru ta’ persuni konċernati mill-proġett;

(ċ)

l-esperjenza, il-kompetenza, l-affidabilità u l-kontribut finanzjarju ta’ l-organizzazzjoni li tkun qed tapplika għall-fondi u ta’ kwalunkwe organizzazzjoni msieħba;

(d)

il-punt sa liema l-proġetti jikkumplimentaw azzjonijiet oħra ffinanzjati mill-budget ġenerali ta' l-Unjoni Ewropea jew bħala parti minn programmi nazzjonali.

(a)

deskrizzjoni tas-sitwazzjoni attwali fl-Istat Membru għal dak li għandu x’jaqsam ma’ arranġamenti għal riċeviment, proċeduri ta’ asil, integrazzjoni u r-ritorn volontarju tal-persuni koperti mill-Artikolu 3;

(b)

analiżi ta’ ħtiġijiet fl-Istati Membri in kwestjoni f’termini ta’ riċeviment, proċeduri ta’ asil, integrazzjoni u ritorn volontarju u indikazzjoni ta’ għanijiet operazzjonali mfassla biex jissodisfaw dawn il-ħtiġijiet matul il-perijodu kopert mill-programm;

(ċ)

preżentazzjoni ta’ strateġija xierqa biex jintlaħqu dawn l-għanijiet u l-prijorità konnessa mal-kisba tagħhom b’kont meħud tal-konsultazzjoni tas-sħab imsemmija fl-Artikolu 13(3)(a), u deskrizzjoni qasira ta’ l-azzjonijiet intiżi għall-implimentazzjoni tal-prijoritajiet;

(d)

indikazzjoni dwar jekk din l-istrateġija hix kompatibbli ma’ strumenti oħra reġjonali, nazzjonali u Komunitarji;

(e)

pjan ta’ finanzjament indikattiv li jistabbilixxi, għal kull prijorità u għal kull sena, il-kontribut finanzjarju propost tal-Fond u l-ammont ġenerali ta’ kofinanzjament pubbliku jew privat.

(a)

ir-regoli ġenerali għas-selezzjoni ta’ proġetti li għandhom jiġu ffinanzjati taħt il-programm annwali jekk dawn ikunu differenti mill-modalitajiet imniżżla fil-programm multiannwali;

(b)

deskrizzjoni tal-kompiti li għandhom jitwettqu mill-awtorità responsabbli meta tkun qed timplimenta l-programm annwali;

(ċ)

id-distribuzzjoni finanzjarja proposta tal-kontribuzzjoni tal-Fond bejn l-azzjonijiet varji tal-programm u indikazzjoni ta’ l-ammont mitlub biex tiġi koperta l-għajnuna teknika u amministrattiva taħt l-Artikolu 18 għall-iskop ta’ l-implimentazzjoni tal-programm annwali.

(a)

30 % fi proporzjon man-numru ta’ persuni ammessi f’waħda mill-kategoriji msemmija f' punti 1 u 2 ta' l-Artikolu 3 matul it-tliet snin preċedenti;

(b)

70 % fi proporzjon man-numru ta’ persuni msemmija f' punti 3 u 4 ta' l-Artikolu 3 reġistrati matul it-tliet snin preċedenti.

(a)

fir-rigward ta’ azzjonijiet implimentati fl-Istati Membri taħt l-Artikoli 5, 6 u 7, il-50 % ta’ l-ispiża totali ta’ azzjoni speċifika. Din tista’ tiżdied sa 60 % għal azzjonijiet partikolarment innovattivi, bħal azzjonijiet imwettqa minn sħubija transnazzjonali jew azzjonijiet li jinvolvu l-parteċipazzjoni attiva ta’ persuni msemmija fl-Artikolu 3 jew ta’ organizzazzjonijiet stabbiliti minn dawn il-gruppi mmirati, u għandha tiżdied sa 75 % fl-Istati Membri koperti mill-Fond ta’ Koeżjoni;

(b)

fir-rigward ta’ sejħiet għal proposti fil-qafas ta’ azzjonijiet tal-Komunità taħt l-Artikolu 8, it-80 % ta’ l-ispiża totali ta’ azzjoni speċifika.

(a)

l-organizzazzjoni, abbażi ta’ kampjun xieraq, ta’ kontrolli fuq azzjonijiet li jkopru ta’ l-inqas 10 % tan-nefqa totali eliġibbli għal kull programm ta’ implimentazzjoni annwali u fuq kampjun rappreżentattiv ta’ azzjonijiet approvati. L-Istati Membri għandhom jiżguraw separazzjoni xierqa bejn il-kontrolli u l-proċeduri ta’ implimentazzjoni jew ta’ ħlas li jikkonċernaw azzjonijiet;

(b)

il-prevenzjoni, l-iskoperta u l-korrezzjoni ta’ irregolaritajiet, jinnotifikaw lill-Kummissjoni bihom skond ir-regoli u jżommu lill-Kummissjoni informata dwar il-progress ta’ proċedimenti aministrattivi u ġudiżżjarji;

(ċ)

jikkoperaw mal-Kummissjoni biex jiżguraw li l-fondi tal-Komunità huma wżati skond il-prinċipju ta' amministrazzjoni finanzjarja tajba.

(a)

Stat Membru mhux qed jimplimenta l-azzjonijiet kif miftiehem fid-deċiżjoni ta’ kofinanzjament; jew

(b)

azzjoni sħiħa jew parti minnha ma tiġġustifikax la parti u lanqas it-totalità tal-kofinanzjament mill-Fond; jew

(ċ)

hemm nuqqasijiet serji fis-sistemi ta’ amministrazzjoni u ta’ kontroll li jistgħu jagħtu lok għal irregolaritajiet sistematiċi.

(a)

tnaqqas il-ħlasijiet ta’ pre-finanzjament jew ħlasijiet finali; jew

(b)

tagħmel il-korrezzjonijiet finanzjarji meħtieġa billi tħassar il-kontribuzzjoni kollha tal-Fond jew parti minnha għall-azzjonijiet in kwestjoni.

(a)

mhux iżjed tard mill-31 ta’ Diċembru 2006, rapport ta’ evalwazzjoni dwar l-implimentazzjoni ta’ azzjonijiet kofinanzjati mill-Fond;

(b)

mhux iżjed tard mit-30 ta’ Ġunju 2009 u mit-30 ta’ Ġunju 2012 rispettivament, rapport ta’ evalwazzjoni dwar ir-riżultati u l-impatt ta’ l-azzjonijiet kofinanzjati mill-Fond.

(a)

mhux iżjed tard mit-30 ta’ April 2007, rapport intermedju dwar ir-riżultati miksuba u dwar l-aspetti kwalitattivi u kwantitattivi ta’ l-implimentazzjoni tal-Fond, flimkien ma’ kwalunkwe emendi proposti;

(b)

mhux iżjed tard mill-31 ta’ Diċembru 2009, rapport ta’ evalwazzjoni intermedju u proposta dwar l-iżvilupp tal-Fond fil-futur;

(ċ)

mhux iżjed tard mill-31 ta’ Diċembru 2012, rapport ta’ evalwazzjoni ex-post.

(a)

mhux iżjed tard mill-31 ta’ Jannar 2005, il-Kummissjoni għandha tinnotifika lill-Istati Membri bil-linji gwida ta’ ippjanar u għandha tipprovdi indikazzjoni ta’ l-ammonti finanzjarji allokati lilhom;

(b)

mhux iżjed tard mill-1 ta’ Mejju 2005, l-Istati Membri għandhom jaħtru l-awtorità responsabbli nazzjonali msemmija fl-Artikolu 13 u għandhom jippreżentaw il-proposta għal programm multiannwali għall-perijodu 2005-2007 imsemmi fl-Artikolu 15;

(ċ)

Waqt li taġixxi skond il-proċedura prevista fl-Artikolu 11(3) il-Kummissjoni għandha tapprova l-programmi multiannwali mhux iżjed tard minn xahrejn wara li tkun irċeviet il-proposta għal programm multiannwali.

(a)

sal-31 ta’ Jannar 2005, il-Kummissjoni għandha tipprovdi lill-Istati Membri bi stima ta’ l-ammonti allokati lilhom;

(b)

l-Istati Membri għandhom jippreżentaw il-proposta għal programm annwali msemmi fl-Artikolu 16 lill-Kummissjoni sa mhux iżjed tard mill-1 ta’ Ġunju 2005; il-proposta għandha tkun akkumpanjata b’dettalji tas-sistemi amministrattivi u l-kontrolli li ser jiġu implimentati bil-għan li jkun żgurat li l-fondi Komunitarji jkunu wżati kif suppost u b’mod effettiv;

(ċ)

il-Kummissjoni għandha tadotta deċiżjonijiet ta’ kofinanzjament mhux aktar tard minn xahrejn wara li jkun ġie preżentat l-abbozz ta’ programm annwali, waraverifika ta’ l-aspetti indikati fl-Artikolu 12(1)(b).